قبل الخوض والحديث عن خفايا الرجل الذي يقف خلف هذا اليوزر
أ ُقدم
.. )( .. بطاقة عضو مانشستراوي .. )( ..
][ اسطورته ][

|| اريك كانتونا ||
\\
][ أفضل لقاء في الموسم الماضي ][
إقتباس

1\ عبدالله تكلم لنا عن اليكس 11.. شوي ؟!
اليكس11 .. مافيه مسافه بين الـ ( 11 ) واليكس ..
اليكس11 .. هو وآحد(ن) اسمه عبدالله الحضيف ..
عمره 18 سنه .. ويدرس بـ ثالث ثآنوي .. ..
طبعاً أعزب .. ..
؛
2\ طيب تكلم لنا عن طفولته .؟!
يآ{يت تلغي هالسؤال لأني مالقيت له جواب ..
عبود اسف بنزله هنا
؛
3\ اللي اعرفه انكـ بـ 3 ثانوي الله يوفقكـ ان شاء الله .. عرفنا على أهم خططكـ المستقبليه .؟!
اول شي الله يوفقنا جميعاً ويعدي هالسنه على خير ..
خططي المستقبليه .. ان شاء الله نآوي اكمل دراستي بعد الثآنوي بالخآرج ..
وان شاء الله بعد كم سنه تنادوني ( المهندس / اليكس ) .. ..
ادعوا لي بس .. ورده
؛
4\ عبدالله غير انك تحبني .. وغير انكـ تحب تحووس .؟!
وش الشي اللي تسويه وانت مبسوط ؟ او بدون هذره زايده عرفنا على هوايتكـ .؟!
هين أحبك ذي خالصين منه .. ..
بالنسبه للهوآيه مافيه غيرها .. .. الكوورة . ..
من يومي بزر وانا العب كوره واتابعها .. ..
ومثل ماانت عآرف الانترنت .. ..
يعني اللي يدورني يآاني العب كوره والا انابع مباراة والا بالنت .. ..
؛
5\ يالبى قلبه .. بذي الكلمه بدأ صاحبي المشهور حديثه ! بعد ماسألته عنكـ
قلت: عرفني على شخصية عبدالله !
رد وقالي \\ بالبداية انت تعرف ان اللي اقولك اياه توقعات يعني يمكن يكون كله خطأ !
قال ][ عبدالله شخصيته محبوبه اجتماعي بيننا ! وأتوقع انه بالحياة مكتفي بعلاقاته !
اذا أشتهى شي وصل له واذا أشتهى يتعلم شي يتعلمه
ذكي و حنون يتحمس و يعصب بسرعه وبنفس الوقت يبرد بسرعه و يهدأ بسرعه ! وعبدالله شخص صريح وقليل مايجامل وهو شخص خدوم وماينتظر مقابل لخدمته ! ][
اممم وبس وطبعا ً صحة الكلام مو شرط .؟!عبودي وش رايكـ بكلامه .؟!
تكفى بصير صديق خويك .. ..
والله كلامه اشوف فيها من صفآتي .. وبعضها
اتمنى تكون فيني .. ..
بس تراي اجامل واجد .. .. الا اللي امون عليهم افشلهم ..
؛
6\ عبوط .. اختم لنا ذي الفقره اللي تتكلم عنكـ
بموقفين واحد محرج و الثاني مضحكـ .؟!
(وبسطرك لو طلع موقفك بايخ > للاهميه وجب التنبه )
شف عزوز خلنا نكتفي بـ موقف واحد ..
.. الموقف ..
لا تذكرني تكفى .. .. لأنه موقف لايمكن نسيآنه ..
مره من المرآآت .. رحت مع ولد عمي لاسترآحتهم .. .. المهم يوم دخلت ع العيآل بالغرفه كآن فيه بعض عيال عمي وكم وآحد من اخوياهم مااعرفهم .. .. المهم يوم دخلت ويوم جيت بسلم عليهم مدري شلون ( تعثرت ) وسفطت على وجهي .. .. والله يآآهو موقف ابو الاحرآآج .. .. تخيل شكلي اول مره اشوف رجال وطآيح على وجهي قدآمهم .. .. المهم قعدوا يضحكون لهم شوي .. وانا طول الوقت وجهي برتقالي من الفشيله ..

؛
7\ عبدالله قصتكـ مع الانترنت متى بدأت .؟! ووقتكـ على الانترنت وين كنت تقضيه .؟!
طبعاً الانترنت لي تقريباً 3 سنوات وانا دخلت فيه بقوة ..
مثل أغلب الاعضاء .. كنت دآيم أدخل لمنتدى الجمهور الهلالي .. وأقرأ أخبآر الهلال أول بأول .. ..
بس مآكنت اعرف للمسن .. .. كنت احسب انه شي مآفيه امل اعرف له .. .. عجزت لا افهم له .. .. بس بيوم من الايام جزمت اني أتعلم عليه .. وفعلا شوي شوي وفهمنا له .. .. لاه وصرت اسوي ايميلات بعد
؛
8\ أليكس 11 سجلت في ذا اليوزر بتاريخ 11/05/2007
وبأقل من سنتين اثبت نفسكـ وزدت رصيدك من المشاركات الى أكثر من 2000 مشاركه والاحسن من هذا انكـ اخذت منصبين
نائب رئيس الرابطه و عضو في لجنة الفيديو أقدم لكـ ورده على جهودك وياليت تحكي لنا حكايتكـ مع الزعيم .؟ ونصايحكـ للشباب المستجدين .؟!
على فكره .. يوزر ( اليكس11 ) بالصدفه لقيته ..
كنت مسجل بأحد المنتديات بنفس اليوزر ( اليكس11) ومآكنت ادري اني مسجل بالزعيم بعد .. ..
وذاك اليوم جيت وكتبت ( اليكس11) وحطيت البآس .. مادريت الا وتطلعلي صفحه مكتوب ( اهلا بك اليكس11 ) .. .. ..
........
صرآحةً مدري وشلون وصلت للرآبطه .. .. لكن اهم شي وصلت لها .. .. وترا كنت اول مآجيت انقل اخبآر و الهرج مااعرف اهرج .. .. لين مآجتني رسآله من ( كاريك 16 ) .. وقالي ممنوع النقل يآليت تحاول تترجم بنفسك .. عاد انا رديت عليه بأسلوب حلو .. .. قلت ابشر وان شاء الله ماتتكرر .. .. الولد خق مع اسلوبي .. .. المهم اننا اضفنا بعض بالايميل .. .. وبدآ يعلمني الترجمه .. ودخلني في مواضيع للرابطه .. لين الحمد لله صرت فآهم كل شيء .. ..
بآختصآآر كل اللي وصلتله حالياً بفضل الله ثم بفشل أخوي ( كآريك 16 ) محمد .. ..
..
بالنسبه للمستجدين .. ..
أبيهم يعرفون مافيه فرق بين رئيس الرابطه وبين عضو صآحب مشاركتين .. .. كلنا هنا اخوان وأكثر بعد .. ..
حآول تخدم الرآبطه باللي تقدر عليها .. لكن بالالتزام بالقوآنين .. ورده
؛
9\ عبدالله اعرفكـ صريح ابي رايكـ وبصراحتكـ المعهوده عن سلبيات شبكة الزعيم بما ان الايجابيات متعارفه بيننا .؟!
صرآآحه مآفيه سلبيات وآجد .. ..
لكن السلبيه الكبرى هي اذا علقت الشبكه .. ..
والا مآشآء الله شبكه محسوده ..
؛
10 \ عبدالله بأجل السواليف عن الرابطه لاخر المقابله
بس هنا بسألكـ عن اول صداقاتكـ بالشبكه بشكل عام .؟!والاقوى بينها .. واخر الاشخاص اللي تعرفت عليهم .؟!
أول صدآقآتي هو ( كآريك 16 ) .. .. ثمن ( مشعل ) .. ثمن ( انت )
وصرآآحه قويه مع الكل .. لكن صرآآحه أقواها مع ( كآريكو ) ..

11\ تلعب كوره .؟ ولاتكتفي بالمتابعه .؟!
افا عليك .. .. العب واتابع كلهن .. .. واسأل الدحمي ..
؛
12\ متى شجعت المانيو .؟! وتذكر اول مباراة شفتها له .؟!
شجعته تشجيع يمكن من 2004 .. ..
وأول مبآرآة تابعتها ..كآنت ضد ارسنال عام 2003 .. .. اول مآجاء كريس .. .. والظاهر فآز مانشستر 1/0 بهدف سكولز ..
؛
13 \ عبدالله وش ينقص الفريق للحاق بالصداره .؟!
صرآحةً ماينقصه شي .. هي الصدراه مسألة وقت .. ..
؛
14\ عطني افضل واسوء لقاء للفريق هذا الموسم .؟! وافضل هدف .؟!
أفضل لقاء قدآم تشيلسي ..وأسوء كآن قدآم زينيت في لقاء السوبر .. .. أفضل هدف .. هدف سكولز ضد زينيت .. .. امزح
هدف برباتوف قدآآم البورغ ..
؛
15\ عبدالله ذا الموسم طلع اكثر من لاعب شاب
* دا سيلفا و وجيبسون و بيسبون و ايفانز والحارس اموس
من تتوقع يستمر مع الفريق .؟! ومين اللي تتوقع يعار في يناير .؟! وعطني رايكـ في الشبان .؟!
كلهم رآح تجيهم الفرصه .. تقريباً سيمبسون هو اللي بيعتمد السير عليه هالموسم من هالشبآب هو وسيلفا وايفآنز ..
سيمبسون عنده ثقه بنفسه .. عنده تسديدات حلوة .. لكم هالموسم مااظن له مكآن بالفريق الأول ..
أموس هالحآرس له مستقبل كبييييييـر .. عنده من ثقه فآن دير سآر .. يآليت كوزتشاك يتعلم منه .. .. لكن اتوقع ماله مكآن هالمواسم الـ 3 القادمه ..
اتوقع مآرآح يعير اي لاعب .. او يبيع اي لاعب .. رآح يخليهم كآحتياط احتياط ..
؛
16\ ابي اعرف .. شعورك اول مايدخل الفريق الملعب .؟!
شعور مثل شعور اي موآطن .. ..
اول مااشوفه يآخي تحس انك تشجع فريق له هيبه قدآم فرق العالم .. ..
تحس انك تفتخر بتشجيع المآن .. ..
17 \ نبعد شوي عن مانشستر .. تميل لفرق ثانيه في الدوري الايطالي او الاسباني .؟!
كنت ..
مآ اميل .. لكن أتعاطف مع الفرق ..
مثل ايام البيكس وزيزو ورونالدو .. كنت أتعاطف مع مدريد .. ..
الموسم المآضي كنت متعآطف مع البرشا .. ..
لكن هالسنه ولا احد .. ..
اما الايطالي تقدر تقول ميلان ..
؛
18 \ يقولي واحد انكـ نصراوي .. افا عبودي مندس .؟!
بجد وش تحس فيه وانت تشجع النصر .؟!
من اللي قال لك .. ..
لا والله مااشجع النصر ولا شي .. .. انا مشجع سآبق للهلال .. ..
الحين مااتابع الدوريات العربيه ابداً ابداً .. ..
خلنا على اوروبا .. ..
؛
19\ وش ينقص الهلال للفوز بالتشامب الاسيوي .؟!
مثل مآقلت لك .. .. مآتآبعت ولا مباراة للهلال والدوري السعودي كآمل .. ..
لكن من خبرتي السآبقه .. ..
اتوقع ينقص الهلال مدآفعين بنفس ثقه تفاريس ..
لا المرشدي ولا هوسآوي عندهم هيبه وثقه تفآريس .. ..
؛
20 \ منتخبنا السعودي .. عطني تعليقك عن كل مايخصه .؟!
للأسف ماتآبعته .. .. اسألني عن انجلترا يمكن اجاوب ..
؛
21 \بصدق من هو اسطورة الكره في السعوديه .؟!
ماراح اقول لا مآجد ولا سآمي ..
يوسف الثنيان ..

22\ عبدالله بعطيكـ عصا يحل اي مشكله تأشر عليها !
تفضل هذا الـ ( | ) وأشر على 3 مشاكل .؟!
1- التعليق في الشبكه ..
2- يضبط رسيفري بدون مااوديه ..
3- الزحمه بالرياض ..
؛
23\ عبدالله تعرف واحد يقاله السياسه .؟! جد جد تتابع اخبار سياسيه .؟! ولو احيانا ً .؟!
تخيل .. .. طبعاً لا ..
؛
24\ عبدالله بطلب منكـ 3 طلبات وانت كريم وأنا استاهل :$ ولا .؟!
لو تطلب عيوني ماقلت لك لا ..
1\ صوره اثرت فيكـ ؟!
صورة شفتها من فتره طويله .. لطفل توه مولود مشوه تشويه كآمل .. يعني استغفر الله كآن شكله غريب جداً ..
هالشيء يخليك تحمد ربك وتشكره مليون مره على حسن الخلق والصحه .. نعمتين ماراح يحس فيهم احد الا اللي فآقدهم ..
الحمد لله والشكر يآرب ..
2\ بيت شعر تترده .؟!
الصدز اني ما اردد الشعر لأني مااحبه .. صرآحةً يعني ..
3\ عرابكـ في حياتكـ ( بعد الرسول عليه افضل الصلاة والتسليم ) .؟!
أكيد أبوي الله يطول بعمره ..
؛
25 \ سم لي 3 اشخاص متوفين تتمنى لو انكـ لحقت عليهم .؟!
و شخصين على قيد الحياة تتمنى تقابلهم .؟!
أكيد الرسول صلى الله عليه وسلم .. وجدي الله يرحمه ..
اما اللي ابي اقابلهم .. ..
الصدز ودي اقابل مدربكم السير فيرجسون ..
و وآحد(ن) يقربلي مهاجر قبل لا أطلع ع الدنيا .. .. ولا له خبر ولا شي .. .. ودي اعرف وش يحس فيه ..

؛
26\ بسألك الحين كم سؤال ايجابتها نعم او لا .؟!
فلا يكثر لو سمحت .؟!
نعم .. << متحمس ..
1\ توقعاتكـ فيرقي يُصر على كلامه ويترك التدريب في سن الـ 70 .؟! اي بعد 3 سنوات !
نعم ..
2\ المان يحرز الدوري .؟!
نعم ..
3\ طيب التشامب .؟!
نعم ..
4\ طيب كأس العالم للانديه .؟!
برضوا نعم ..
5\ تتوقع ينتقل رونالدو الموسم القادم .؟!
لا ..
6\ توقعاتكـ يستمر تيفيز ..؟!
نعم ..
؛
27 \ وش اللي يعجبكـ بمورينهو .؟!
نعم .. .. << مسك خط ..
يآخي تعجبني شخصيه المغروره .. .. يعجبني كل شي فيه .. .. شف تصريحه في توقيعي ..هذا يعجبني بعد ..
؛
28 \ لاعب تتمنى تشوفه في مانشستر .؟!
سيرجو رآموس .. ورده
؛
29 \ هُنا جا وقت الحديث عن الرابطه .؟!
اكثر شي يزعلك فيها .؟!
واكثر شي تنبسط منه بالرابطه .؟!
اللي يزعلني صرآحه اللي ينقل أخبآر .. والا يزيد مشاركاته ..
واكثر انبسط عليه .. هي الترآآبط بين الاعضاء ..
30 \ وجه 4 رسائل لـ 4 اعضاء بيننا هنا .؟!
هذا قلم | تفضل !
لا شكراً معي قلم .. ..
1- هلالي موت .... : الأب الروحي أو الرئيس الفخري للرابطه .. .. أتمنى امتع نآظري بردوده أكثر .. ..
2- كاريك 16 .. .. : والله يآمحمد لولا الله ثم انت مآوصلت للي وصلت له انا الحين .. .. تستآهل كل خير .. وشكراً أحسها ماتكفيك .. ..
عزوز انت ... .. : ماشاءالله عليك .. نآدر الاعضاء اللي مثلك .. ثقآفه وفكر وكل شي ماشاءالله عليك .. .. انت عضو نفتخر فيك بالرابطه .. لكن اتمنى اشوف ردودك أكثر ..
كآرليتوس 32 : عمر .. ماشاءالله عليك .. مجهوداتك وآضحه .. تطورت كثير ماشاءالله عليك .. .. وآآصل وتستاهل كل خير ..
..
34 \ تصدق مقابلتنا خلصت وتصدق لو اقولك ان الحديث معكـ ممتع لدرجة ان ترتيب الاسئله ضاع في وسط زحامها في راسي لكن لاني ما ابي اضغط عليك وابي اعطي فرصه لغيري
ابكتفي بهذا القدر لكن .. قبل بطلب منكـ طلب كلمه اخيره .؟!
اخيراً .. .. لا صحيح والله انا اللي استمتعت بآستضآفتك لي ..
بس أحب أعتذر عن التأخير اللي صآر .. لأسبآب خآرج عن ارادتنا و الخطأ من المصدر .. ..
ان شاء الله هالفقره تكون سبب فر ارجاع النشآط للرابطه ..
35 \ عبود .. رشح لنا عضو نستضيفه .؟!
لا انا اقول خلاص .. مايحتاج .. .. الغوها احسن .. ..
و بعد سنه ان شاء الله نكمل .. .. << برا صح
ارشح .. << اعلمك بالمسن لأنك ماراح تحطه ..
أتمنى مقآبله ( تم طمس الاسم التوقيع عزوز ) ..
تشرفنا بكـ عبدالله
وانا اكثر حبيبي .. .. شكرن عزوز من القلب .. ورده