| رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds ) | ( رد هام #14560 ) - صفحة رقم 200 - نادي الهلال السعودي - شبكة الزعيم

zezoo00oo · #2986 31/08/2008, 07:36 AM

بسم الله

|| مـقـال ||

به اطمح ان اصل لحل ! بموضووع يطرحه الكثير من الصغار !
وعذرا ان كان كلامي جُرح منه قليلا ًمن الكبار فمن تطرق اليه مقتنعا ً فهو يقف في الجهه الاخرى تماما ً !
لكل من احبهم و احترمهم

اسـفـي !

|| كريستيانو رونالدو ||

لاعب السنه الماضيه الاول .. والوصيف في السنه التي تسبقها !
غاب عن فريقنا مع بداية انطلاق اللقاءات وتعثر الفريق
وحسب نظريتهم السخيفه كريس غاب فغاب البطل معه !
فخرجوا يصرخون مدعين الحزن المان لايساوي شيء دون كريس !

عجبا !

لن يكون ردي لهم بردود بارده
كا المان لايقف على لاعب واحد او المان كبير قبل كريس
او المان به 11 لاعب او فيرقسون هو من اخرجه وسيخرج غيره !

لا !

فمن التفاهه عندما يغيب عن لقاء ما اكثر من 5 لاعبين
بعضهم حضر بجسده فقط !
وبعضهم لم يحضر بسبب الاصابه !

ان اخرج وانا أدعي اني مشجع لمانشستر او متابع للكره حتى !
و اقول المان بدون كريس = 0
معادله خاطئه من حمقاء !
فالكبير كبير ياساده وان خذله بعض ابناءه
روني و ايفرا و ناني وفليتشر
حظروا لكن بمستوى سيئ ودعوه عامه لتقيأ
و
كاريك و قيقز و رونالدو و هاري
غابوا !

عَددتُ كريس بينهم !
وهذا يعني اني معترف بأهميته .. ولن يستطيع احد انكار ذلكـ
فهو معجزة لشبونه !

وهو في حال غيابه لوحده تكون هناك مشاكل !
فكيف اذا كان غيابه مصحوب بـ غياب اخرين ؟!

عذرا ً احبائي !
المعنى واضح .. غياب كل هؤلاء كان مؤثرا ً
على الفريق و يعيقه عن الحركه و التصرف باي شكل من الاشكال !
نحن لانملك رأس حربه .. فكانت خطورتنا بالتبادل بالادوار بين الاجنحه والهجوم !
كل من يتابع الكره يعرف ذلكـ
خطورتنا غائبه لغياب العناصر المؤديه !
قيقز و رونالدو غائبين !
وروني و ناني وفليتشر غابوا بروحهم وادائهم
وكما قلت سابقا ً
كانت دعوه عامه للتقيأ

\\

منذ ُ قدوم فيرقي

مدربا ً لنا
كانت خطته وطريقة لعبه تعتمد كليا ًعلى الأجنحه
وهي تعتبر مفاتيح لعب المان يونايتد !
غابوا اجنحتنا عن اللقاء فغابت خطورتنا وغابت قوتنا !
وغاب ايضا ً كاريك وهاري
وكلاهما مكملان لسكولز و اندرسون
فتاه خط الوسط دونهم !

كل ما أعنيه واردت قوله عن لقائتنا الاخيره !
الفريق بلا روح !
الفريق بلا اجنحه !
الفريق بلا رأس حربه !

وتريدون نتائج !

ختاما ً اريد ان اوضح نقطه !
قوة كريس بالمنتخب كانت غائبه بشكل كبير
الجميع يتسائل عن السبب !
هو سبب وحيد !
غياب العناصر المكلمله لمجهوده
وايضا ً فقدانه للتبادل بالمراكز الحاصل في الثلاثي الهجومي في مانشستر

\\

قد قلت ماقلت
ان اصبت من الله وان اخطأت فمن نفسي والشيطان

عبدالعزيز بن عبدالله
ورده

B e C k S · #2987 31/08/2008, 07:38 AM

زيزو يآ زيزو ..

دايم مواضيـعك تجي عالجرح ..

الكل عارف من تقصد في هالطرح ..

أكيـد أنا بعد الخسارة من زينيت في كأس السـوبر..

أكيــد كلنا تنرفزنا .. وكلنا طلع منه كلام بالغصب ..

لكن أنا مازلت متمسك برأيي مانشستر يونايتد يعتمد على كريستيانو ..

هذا رأيي .. مو شرط على اي أحد انه يتقبله ..

أنت قلت كاريك وجيجز وهاري وكريس غابوا عن اللقاء ..

.. تتوقع أي واحد من هالأربـعه رآح يحسم لك المباراة ...؟ أكيــد كريس ..

انا ماراح اتكم بشيء من رآسي .. رآح أتكلم بالأرقام ..

لاحظ نتائج المباريات اللي بدون كريستيانو .. هذا الموسم ..

أولاً أمام بورتسموث في نهائي الدرع .. ماسجلنا ولا هدف وفزنا بالحظ ( ركلات الترجيح ) .. تتوقع لو كريستيانو كان حاضر هل كانت بمتد لأشواط اضافيـه ..؟

ثآنياً : مباراتنا في الدوري أمام نيوكاستل .. 1/1 على أرضك وبين جمهورك ..؟ مااتوقع ترضي أحد ...

تتوقع لو كرستيانو كان حاضر كانت بتنتهي 1/1 ..؟

ثالثا: مباراة مع بورتسموث : 1/0 وهدف من مدافعهم ..

.. والبومبي ضاغطين .. تتوقع لو كريس موجود ماراح تزيد الأهداف ..؟

رابعاً : زينيت في نهائي السوبر .. مهزوميـن .. نتيجه ومستوى .. تتوقع لو كريستيانو موجود رآح يكون نفس هالمستوى ..!؟

.....

اوكي .. خلنا نثبت أكثر .. الموسم الماضي ..

كريستيانو طرد في لقاء بورتسموث .. وتوقف 3 مباريات ..نشوف هالـ 3 مباريات وش سوى الفريق ..

1 - خسارة من الغريم مانشستر سيتي 1/0 ..

2 - فوز بهدف يتيم على ارضك وبين جمهورك على توتنهام ..

3 - فوز بهدف وحيد على ارضك وبين جماهيرك على سندرلاند الصعد حديثا..؟

..............

كرستيانو لاعب متكامل رآح يأثر غيابه بالفريق ... مايعوضه ولالاعب .. لاجيجز ولافليتشر ولابارك ولاحتى ناني ..

كريس رآح يفيدك بضربات الرأس .. بالتمركز .. بالتهديف ( وهذا اهم شي ) .. وبصناعه الاهداف .. والموهبه .. ونستفيد من الفاولات .. يآخي اي فاول يشوته كريس تتوقع 80 او 85 % انه هدف ..

..........

زيزو .. كل فريق في العالم أو أغلب فرق العالم تعتمد على لاعب في فريقه ..

ميسي - لامبارد - جيرارد - كاكا - ابراهيموفيتش ..

....

اوكي ماراح اقول كل فريق .. مانشستر يونايتد كل فتره يعتمد على لاعب ..

تشارلتون - بيست - كانتونا - بيكهام - الرود ..

والحين جاء الدور على كريس ..

..........

أنا ما أنكر جهود باقي الفريق .. لكن كريستيانو هو عمود الفريق حالياً .. اذا غاب الفريق مستوى الفريق يكون مهزوز ..

..........

قبل لا اختم .. بسألك سؤال واحد ..

كريستيانو رونالدو

.. لو كريستيانو رونالدو ماشارك الموسم الماضي بأكمله .. تتوقع بنحقق الشامبينز والبريمير ..؟

..........

زيزو ..

ورده .. أحبك يآ أقوى واحد بالعالم ..

وترى اول مره أكتب هالكثر ..

شكرا عزوز ..

............

Manchester united I love you for ever

Я€Đ Đêν!£ş · #2988 31/08/2008, 07:53 AM

إقتباس


	الفريق بلا روح ! الفريق بلا اجنحه ! الفريق بلا رأس حربه !

درر يآشيخ درر..

بصرآحه انك حليت الاشكال آللي يقول ان المآن بدون رونآلدو ولآ شي>>!!

وآللي يقول ان المآن مآيوقف

على لآعبـ..

آهنيكـ.. يآباشا..

bRb

MjNoOoNeTaH · #2989 31/08/2008, 07:55 AM

::

زيزوو ورده

أولا ويلكم باك

أتفق معك بكل ما قلته

وهذا الكلام كنت أتناقش به مع وحده من البنات

غياب رونالدو ليس سبب خسارة المان ! بل غياب عدة لاعبين بعضهم للإصابة
و البعض الآخر حاضرين و كأنهم غير حاضرين لم نرى الروح المطلوبة من
اللاعبين .. لم نرى الحماس والقتالية اللي متعودينها منهم..! في الموسم الماضي
غاب رونالدو عن عدة مباريات و لم يتغير شي و لعل مباراتنا مع الآرسنال في
الكأس خير برهان

هانت

كاريكو بقى له شوي و يرجع هو و هاري

و إن شاء الله نشوف أداء
المان الحقيقي

و مع قدووم بيربا يا حلاااااوه

مشكور زيزوو ... مهما قلت من كلام فإنه لن يصف جمال قلمك .. ورده
< أحس شكلي غلط و أنا أتكلم فصحى

s20 · #2990 31/08/2008, 09:25 AM

السلام على الحلوين بس <<< يعني كللللكم

عزوز دائماَ انت 10 على 10 كلامك مقنع المان لايعتمد على لاعب
وعبود كذلك دائماً ردودك وتعليقك ونقاشاتك على المواضيع 10 على 10
<<< حيرتوني

عبود

انت اكدت ان كريستيانو هو الوحيد من بين كاريك وجيجز وهاري الي بيحسم اللقاء
وانا اقولك لو كريستيانو لعب لحاله ما بيتغير شي وما بيقدر يوصل الفريق للمستوى الي نبيه

في هذي الغيابات الي الفريق فيها حالياً وضيف عليها غياب روني وتيفيز ولعب كريس وكامبل بدالهم ايش بيكون وضع الفريق؟

عزوز

قال نقطة مهمة وحلوة جداً وهي ان كريستيانو ما قدم شي مع المنتخب في اليورو

في النهاية الي ابي اوصل له حل وسط بينكم
وهو ان كريستيانو مهم ومأثر غيابه على الفريق لكن ماتشوف ولا شفنا قوة ومتعة اداءه الموسم الي راح الا بوجود كاريك واندريسون وهاري وتيفيز وروني وقيقز
يعني الكل يكمل بعض

B e C k S · #2991 31/08/2008, 09:33 AM

^^^

هلا سعد ..

أنا بأسألك غياب كاريك او هاري او جيجز .. مثل غياب كريس ..؟

جمله وحده وراح اكررها كثير ..

اليونايتد بدون كريستيانو ماراح يحققون اللي حققوه الموسم الماضي ..

s20 · #2992 31/08/2008, 09:41 AM

انا معاك 100% غياب كريستيانو يفرق بكثير عن غياب كاريك او هاري او جيجز

اخلصك ؟؟

كريستيانو الاقوى في المان

بس معنى كلامك ان كاريك او هاري او جيجز ماعندهم سالفة ...!؟

B e C k S · #2993 31/08/2008, 09:42 AM

^^^^

لالالالا .. انا ماقلت ماعندهم سالفه ..

أنا قصدي هذولا يتعوضون ..

كريس مايتعوض .. واذا لعب مستوى المان غير ..

zezoo00oo · #2994 31/08/2008, 09:45 AM

يالبى المان و مجنونته

شكرا ع الكلام الحلو :$
ولمجنونته بس

ورده حلو الواحد مراات يكون جاد

!

\\

عبوودي

اول شي انت كنت من الكبار اللي اعنيهم

وصحيح اني تعرفت بكـ عن طريق الرابطه لكن علاقتنا الحين تعدت حدود مانشستر ورده

وبكل شرف طبعا ً
عبدالله كل كلامكـ اللي قلته واضح وصريح لكن ناقص نقاط كثيره اغفلتها !

\\

[ أمام بورتسموث في نهائي الدرع ]

هي في علم الغيب اولا ً
وثانيا ً غاب معه روني !
وروني الموسم الماضي كان في الفريق يتعثر غالبا وكان الفريق في جميع اللقاءات التي تعثر فيها بالهزيمه كان يفتقد روني !
ليه مانقول ان روني هو مانشستر !
اضف لغياب روني غياب العديد من اللاعبين
من بارك الى هاري مرورا ً برونالدو !
اتوقع وصلت النقطه !

\\

[ مباراتنا في الدوري أمام نيوكاسل ]

في ذي المباراة متأكد في حال وجود تيفيز ما انتهت كذا !
فما بالك برونالدو
انا الحين يالغالي ما انكر ان رونالدو يساوي الكثير
لكن انا ضد مبدأ رونالدو يساوي مانشستر !
يعني لو غاب الريو

مثلا ً
تتوقع النتيجه بتنتهي مثل ماهي ! خصوصا مع تميزه باللقاء !
لكل لاعب جهود ولكن في لاعبين جهودهم تكون اكثر وضووح !

\\

[ ثالثا: مباراة مع بورتسموث : 1/0 وهدف من مدافعهم ..

.. والبومبي ضاغطين .. تتوقع لو كريس موجود ماراح تزيد الأهداف ..؟ ]

أنت فزت

.. هذا الاهم !
في مباراة بورتسموث وتشلسي مثلا ً لو كان موجود دروغبا
تتوقع ماتزيد الغله لتشلسي !
المقصود
اي مهاجم او حتى لاعب متميز بتسجيل الاهداف
في حال حضوره طبيعي راح يكون له بصمه !
بالذات اذا كان من الممكن فعل شي !
يعني اعذرني هذا السؤال يجبرني اقول نعم راح تزيد !
لانه رونالدو اللي احرز 42 هدف !

\\

[ رابعاً : زينيت في نهائي السوبر .. مهزوميـن .. نتيجه ومستوى .. تتوقع لو كريستيانو موجود رآح يكون نفس هالمستوى ..!؟ ]

يالبى قلبك

يعني انا مخصص كل مقالي عن ذي النقطه وترجع لها !
غياب روني و ناني عن مستواهم و كاريك و قيقز وهاري عن اللقاء !
طبيعي لا !
لان وجود كريس راح يفتح مساحه اكبر للاعبين الاخرين واولهم روني !
تبي رأي صريح ؟!
وجود اي لاعب هداف لو كان بربا مثلا معنا كان ماانتهت المباراة على ماهي عليه !
لكن .. نقول الحمد لله على كل حال

\\

[ .. الموسم الماضي ..

كريستيانو طرد في لقاء بورتسموث .. وتوقف 3 مباريات ..نشوف هالـ 3 مباريات وش سوى الفريق .. ]

كريس وحده اللي كان غايب !
و روني اصيب في اول لقاء ! قدام ريدنيغ !
نسيته ؟ وساها نجم الهجوم الوحيد وينه ؟
تعادلت مع البومباي بارضهم بعد طرده !
وفزت على توتنهام ! وانهزمت من المان سيتي !
بغياب اهم عناصر الفريق روني رونالدو !

[ 1 - خسارة من الغريم مانشستر سيتي 1/0 .. ]

بوجود كريس انهزمنا بارضنا وبين جمهورنا !
رايكـ ؟
اي فريق طبيعي بينهزم !
بوجود نجمه او عدمه !
روني ماكان يلعب على حسب ما اذكر
وحتى لو كان يلعب طبيعي اي فريق يخسر !
وهذا مايعني ان وجود رونالدو = ضمان الفوز
فمثل ماقلت لك كان موجود بلقاء الدور الثاني وانهزمنا
في ذكرى الخمسين

[ 2 - فوز بهدف يتيم على ارضك وبين جمهورك على توتنهام .. ]

روني كان يلعب ؟

كانت مباراة ناني !
وفيها فزنا 1 على فريق قوي واجبر الفريق على احترامه !

3 - فوز بهدف وحيد على ارضك وبين جماهيرك على سندرلاند الصاعد حديثا..؟

مدري وش المشكله هنا !
مع رونالدو كنا نفوز وننهزم ومن فرق صغيره
نسينا نتايجنا بارضنا وخارجها قدام وست هام
مشكله والله اذا كنت يالغالي تبي تفوز خمسه بكل لقاء !

|| رونالدو يزيد من قوة الفريق لكن لايعني انه هو كل الفريق ||

هذا انت تثبته بكلامك

لكـ

B e C k S · #2995 31/08/2008, 10:03 AM

بآك ..

إقتباس


	اول شي انت كنت من الكبار اللي اعنيهم

إقتباس


	وصحيح اني تعرفت بكـ عن طريق الرابطه لكن علاقتنا الحين تعدت حدود مانشستر ورده وبكل شرف طبعا ً عبدالله كل كلامكـ اللي قلته واضح وصريح لكن ناقص نقاط كثيره اغفلتها !

والله أنا تشرفت أكثر زيزو ..

إقتباس


	هي في علم الغيب اولا ً

إقتباس


	وثانيا ً غاب معه روني ! وروني الموسم الماضي كان في الفريق يتعثر غالبا وكان الفريق في جميع اللقاءات التي تعثر فيها بالهزيمه كان يفتقد روني ! ليه مانقول ان روني هو مانشستر ! اضف لغياب روني غياب العديد من اللاعبين من بارك الى هاري مرورا ً برونالدو ! اتوقع وصلت النقطه !

مباراة بورتسموث غاب ( روني + رونالدو + بارك + هاري ) هذولا اللي ذكرتهم ..

طيب .. بآرك وهاري .. هذولا أصلا غيابهم غير مأثر لأنهم بالأصل احتياطيين ..

روني .. روني في مستواه في الفتره الأخيـره .. أفضل كامبيل عليه صراحةً .. وتكلمت عن سلبياته .. أهمها عدم وجود الثقه ..

بقى كريس .. كل مباراة يلعبها كريس لازم يكون مبدع فيها .. يعني عنصر أساسي مؤثر ..

يعني الفريق بهذي المباراة تأثر بغياب مين ..؟

إقتباس


	في ذي المباراة متأكد في حال وجود تيفيز ما انتهت كذا !

إقتباس


	فما بالك برونالدو انا الحين يالغالي ما انكر ان رونالدو يساوي الكثير لكن انا ضد مبدأ رونالدو يساوي مانشستر ! يعني لو غاب الريو مثلا ً تتوقع النتيجه بتنتهي مثل ماهي ! خصوصا مع تميزه باللقاء ! لكل لاعب جهود ولكن في لاعبين جهودهم تكون اكثر وضووح !

صرآحةً زيزو أنا ماشفت هذي المباراة .. لكن كريستيانو معروف يقدر يسجل هدف بأي طريقه .. يمكن لو انه موجود اخترق الدفاع وسجل .. والا سجل بالراس .. ويمكن وهذي اهمها يسجل من فاول اللي حالياً مع غياب رونالدو صرنا مانستفيد ابداً منها ..

إقتباس


	أنت فزت .. هذا الاهم !

إقتباس


	في مباراة بورتسموث وتشلسي مثلا ً لو كان موجود دروغبا تتوقع ماتزيد الغله لتشلسي ! المقصود اي مهاجم او حتى لاعب متميز بتسجيل الاهداف في حال حضوره طبيعي راح يكون له بصمه ! بالذات اذا كان من الممكن فعل شي ! يعني اعذرني هذا السؤال يجبرني اقول نعم راح تزيد ! لانه رونالدو اللي احرز 42 هدف

أوكي انت تبي تفوز بمستوى والا تفوز بدون مستوى ..؟

وبعدين هذي اللي نحتاجه واللي يملكه كريس .. الحس التهديفي .. فهمت ..

إقتباس


	لان وجود كريس راح يفتح مساحه اكبر للاعبين الاخرين واولهم روني !

إقتباس


	تبي رأي صريح ؟! وجود اي لاعب هداف لو كان بربا مثلا معنا كان ماانتهت المباراة على ماهي عليه ! لكن .. نقول الحمد لله على كل حال

أوكي هذا انت قلتها .. كريستيانو بيغير مجرى المباراة .. يعني هو اللي يحدد مستوى مانشستر ..

لو ..؟ هذي لو ماتمشي عندنا ..

أكيد لو برباتوف موجود رآح نعتمد عليه بالتهديف .. وهذا اللي مخلينا نعتمد على كريس ..

إقتباس


	كريس وحده اللي كان غايب !

إقتباس


	و روني اصيب في اول لقاء ! قدام ريدنيغ ! نسيته ؟ وساها نجم الهجوم الوحيد وينه ؟ تعادلت مع البومباي بارضهم بعد طرده ! وفزت على توتنهام ! وانهزمت من المان سيتي ! D بغياب اهم عناصر الفريق روني رونالدو !

أوكي .. يعني هزائم اليونايتد ومستوياته السيئه مرتبطه بغياب كريس ..

+ هزيمه أمام بولتون بغياب كرJس + روني ..

إقتباس


	بوجود كريس انهزمنا بارضنا وبين جمهورنا !

إقتباس


	رايكـ ؟ اي فريق طبيعي بينهزم ! بوجود نجمه او عدمه ! روني ماكان يلعب على حسب ما اذكر وحتى لو كان يلعب طبيعي اي فريق يخسر ! وهذا مايعني ان وجود رونالدو = ضمان الفوز فمثل ماقلت لك كان موجود بلقاء الدور الثاني وانهزمنا في ذكرى الخمسين

أوكي .. أنا مااقول اذا رونالدو موجود رآح نفوز .. أنا أقول مستويات المان معتمده على كريس ..

إقتباس


	روني كان يلعب ؟

إقتباس


	كانت مباراة ناني ! وفيها فزنا 1 على فريق قوي واجبر الفريق على احترامه !

طيب لو كريستيانو يلعب تتوقع ماراح نتعدى الهدف الواحد ..؟

إقتباس


	مدري وش المشكله هنا !

إقتباس


	مع رونالدو كنا نفوز وننهزم ومن فرق صغيره نسينا نتايجنا بارضنا وخارجها قدام وست هام مشكله والله اذا كنت يالغالي تبي تفوز خمسه بكل لقاء !

لالا ماقلت بكل لقاء ابي افوز خمسه .. لكن سندرلاند وعلى ارضك ..؟ وحامل اللقب وتفوز بهدف واحد بشق الانفس ..؟

...............

هل يعني النتائج السيئه لليونايتد وغياب كريستيانو كانت تأتي بوقت واحد بالصدفه مثلا ..!؟؟

إقتباس


	\|\| رونالدو يزيد من قوة الفريق لكن لايعني انه هو كل الفريق \|\|

إقتباس

الفريق لن يحقق ماحقق الموسم الماضي بدون كريستيانو ..

.....

زيزو

zezoo00oo · #2996 31/08/2008, 10:10 AM

\\

عبدالله خل النقاش هناك بالموضوع احسن

شكرا سعد :$

برايفت محمد هاري

: انت اللي في S4E ورده

ورده

H A R R Y · #2997 31/08/2008, 10:23 AM

إقتباس

الرسالة الأصلية كتبت بواسطة الهلالي 11


	^ ^ بسوي نفسي ماني شايف ردي وبقول للي فوقي هاري لا يكثر الخبر من موقع المان الرسمي وكذا عنوانه ... Reds to face Boro انا عارف هالشي بس كثير من مصادر الاخبار يكتبون عن مانشستر الريدز يمكن احنا بالسعوديه فاهمين الدعوه غلط الشي الثاني انا قلت لك ان الصورة كويسه وما لاحظت شي لاني نفس حالتك عندي الفراغات ذي حسستني اني فيني شي مو كويس

أجل مفهوم كلامك ! خلنا نقول " يحيى الأزوري أوزبكستان "

إقتباس


	رونالدو : سأعود في لقاء بولتون ..!

بس بيمر علينا أسبوع صعب ! " الليفر + الغواصه + تشلسي " !
إن شاء الله يتحسن بأقرب وقت !

إقتباس


	المان يدخل اسم كامبل في الصفقة والجميع هناك يؤكد الليلة ببرتايوف مانشستراوي ..

أتمنى يروح [ إعاره ] لهال ستي ولا يروح لـ السبيرز !

إقتباس


	برايفت محمد هاري : انت اللي في S4E ورده

يآكثرك أنت !

اي أنا اللي هنآكـ !

رابطة عشاق الميلان · #2998 31/08/2008, 10:30 AM

السلام عليكم ورحمة الله وبركاته

نبارك لجميع الاعضاء والمشرفين والزوار بحلول شهر رمضان المبارك اعاده الله علينا وعليكم وعلى الامه الاسلاميه بالخير والبركات ولكم مننا خالص التحية

رابطة عشاق الميلان