بالنسبة لنقاشكم الشيق

اول شئ تيري ..

تيري مافيه كلام ان مستواه نازل من عقب الطرد الظالم امام السيتيزن
والظاهر ان آثار نهائي موسكو لازالت تؤرق اللاعب وانا ما الومه ابد في هذي

تيري طول عمره مبدع مع البلوز لكن هذي فترة تمر على كل لاعب وما اعتقد فيه لاعب ما ينزل مستواه
بالنسبة لحل المشكلة

ايوب يقول نسحب الكبتنية واللي يقول ندكه احتياط و ... و... الخ

لكن انا اشوف ان الحل عند المدرب وهذي يبيلها مدربين كبار
وماننسى كابيلو وشلون تعامل مع تيري بعد نهائي موسكو

واعتقد ان تيري محتاج لمدرب يفهمه ويرجعه لمستواه لأنه يمر بفترة صعبه وطبيعيه

اما مسئلة ان الكبتنية او الاحتياط حلول !! فهذي اتوقع انها بتزيد الطين بله

انت ما تتعامل مع لاعب بوزط من راسه تتعامل مع لاعب مر بظروف صعبه ولازم تحلها

لو كان مالودا او كالو او ديكو ممكن تحطه احتياط تأدبه اما تيري اعتقد ان تخطى ذا المرحلة

نجي للفيل ..

دروجبا مر بظروف صعبه مع بداية الموسم من خروج من الفريق ومن تعلقه بمورينهو .. الخ

ثم جته اصابات الين اذن وكل ما رجع اصيب

ثم رجع وسوى حركة عبيد وتوقف ثم رجع وهو جاهز بدنياص ويجيك الكلب سكولاري يحطه احتياط

يعني ما لعب الا مباراتين اساسي ذا الموسم بس

حتى وهو يلعب تحس فيه لاعب يسوي شئ في الملعب موب زي انيلكا من يوم تجيه الكوره يرجع ويناول اقرب واحد
على الاقل دروجبا يمسك كوره يدور حلول يكسب فاول تحس فيه لاعب له قيمة

وهي مسئلة وقت ويرجع ومعروف تخصصه في المباريات الكبيرة
ومتفائل ان مباراة المان هي عودة الفريق وعودة الفيل ديديه

اما الداهية سكولاري << امحق

صحيح مستوى الفريق ككل نازل لكن احمل المدرب مسئولية بنسبة كبيرة

وين تعامل المدربين مع ظروف الفريق وين تعامل المدربين مع اللاعبين البزوطين

يعني ديكو جيبته مالها سنع من الاساس ومع ذلك اول واحد يطب في الملعب

وهو فوق على ان مستواه سئ فهو ماخذ مكان بالاك ويحرمنا من تالق بالاك لعيون ديكو .!!

ويلعب بديكو ولامبارد وبالاك مع بعض .!!

يوم كانوا لامبارد وبالاك على وقت مورينهو يلعبون مع بعض كانوا مختفين لأنهم قريبين من بعض في الادوار

تجي وتزيد عليهم ديكو .!!

وبعدين تطلع ماكاليلي وبيتزارو وشيفا ورايت فيليبس ولاتجيب الا ديكو .!!

هذا بالنسبة للتشكيل

اما بالنسبة للتعامل مع المباريات ...

مافيه ولا مباراة لتشلسي ذا الموسم قلب تأخره الى فوز .!! شئ موب معقول

مافيه ولا تغيير لسكولاري تحس انه قلب مستوى الفريق

تكتيك الفريق واحد مهما كانت النتيجة سواء فايزين بـ 5 او بهدف او مهزومين او متعادلين

نفس طريقة اللعب ومافيه اي تغيير .!!

والطامه الكبرى ان الفريق يصير فايز بـ 4 او 5 اهداف ولا يطبب ولا واحد من البزران

ثم يجيك في الديربي ويطبب ستوتش والفريق مهزوم واللاعب توه عمره 19 سنه
ولا لعب ولا مباراة في الدوري .!!

يعني بالله تبي تقلب المباراة .!!

كانت عندك فرصه انك تلعبهم يوم كنت فايز بنتيجة موب الحين .!!

ثالث شئ وانا بديت اتاكد انه موجود

ان فيه مشكل في غرفة الملابس وهذا واضح من اداء اللاعبين في الملعب

واخيراً

بالله قد سمعتوا بمدرب يجونه اللاعبين يقولون له زد التدريبات على اللاعبين

او مدرب يقولون له اللاعبين مانبيك تلعب مالودا !!

وين شخصية المدرب ..!!

طبعأ موب كل شئ في المدرب لكنه يتحمل نسبة كبيرة

اللاعبين محتاجين ثقة

ومافيه مثل مباراة المان وان فزنا حققنا نتائج رائعه ذا الموسم وممكن نسوي شئ

ان شاء الله

إقتباس الرسالة الأصلية كتبت بواسطة دنـيـدل بالنسبـة للبيـج فيـل أنـا ما أدافـع عنـه وإنتقـده أكثـر مـن مـره لكـن مانحملـه لحالـه تعثـرات الفريـق الأخيـرة 1-ليـش إذا فـاز الفريـق قلنـا اللاعبيـن وإذا تعثـر تعثـر غيـر منطقـي قلنـا سكـولاري ؟!! 2-تعثـرات الفريـق فـي ستامفـورد يتحملهـا اللاعبيـن بنسبـة كبيـرة للأداء المتواضـع اللـي يقدمونـه داخـل الملعـب وهـم بيـن جماهيـرهم لأن الجماهيـر دافـع للاعـب وليـس للمـدرب وشفنـا كيـف الأخطـاء البدائيـة اللـي يفعلونهـا اللاعبيـن ومـع ذلـك نجـي ونقـول سكـولاري يتحمـل الخسـارة !! 3-سكـولاري الظـروف حتـى الآن لـم تساعـده فـي الفريـق من إصابـات وغيرهـا ولكـن أيضـاً يتحمـل جـزء بسيـط مـن ذلـك بسبـب إستغنـائه عـن أسمـاء عديـدة فـي الصيـف وماتعاقـد إلا مـع لاعـب وحيـد 4-يعنـي يجيـك لاعـب مثـل بوسينجـوا يخطـئ أمـام المـان بخطـأ ودك تمـلأ فمـه تـراب منـه ويجينـي بمبـاراة الليفـر ويخطـئ خطـأ يستحـي الواحـد يسويـه ونـروح نحمـل سكـولاري !!

نواف
مساك الله بالخير
انا بعلق على كلامك بالارقام
1-لاعبين العام هم حقين هالسنه من جاء سكولاري المباريات اللي بان فيها حسه التكتيكي المباراة الاولى اللي في الدوري ومباراة المان سيتي وهال سيتي
اما الباقي يوضح ان فيه شغل اجتهادي من اللاعبين مع بعض التكتيك

2- يا بعدهم يا نواف
ان مشكله الفريق على ارضه ان اللاعبين يتحملونها مع سكولاري لان هو اللي ما هيئهم نفسياً للمباراه والاخطاء اللي كانت هي بسبب ان اللاعبين انعدمت الثقه فيهم واللي مخول باعاده الثقه هو المدير الفني من خلال كلامه للفريق او من خلال تصريحاته غالبيه تصريحاته ان يقول ان الفريق ما كان محظوظ او...او..اعذار واهيه توهم اللاعبين انهم ما اخطوا؟؟

3- الا هو اللي يتحملها 100% اجل كان الفريق قبل لا يستلمه الاحتياطي حقه اقوى من الاساسي وراح يوزعهم كانه في جمعيه خيريه
وبان هذا الشي من خلال اصابه دروقبا اصبحنا نعتمد على انيلكا اللي يمشي بالبركه وقدام الفرق الكبيره مايسوي شي واكبر مثال كورته اللي قدام المان الدور الاول الباب فاضي لكن تعامل معها بروعنه

4-نواف جعلك في الجنه قل امين
هنا ليش ما اعاتب المدرب على هالشي مو هو اللي بيده الحل والربط في الفريق
مفروض يلطعه احتياط ويدخل باولو عشان يتادب

نواف

إقتباس الرسالة الأصلية كتبت بواسطة فيلسوف 1-حرام عليك يا فهد هالثلاثة اهداف شف على مين ... على كلوج العريق وبروميتش الفريق الاسطوري وبيرنلي الفريق الذي قوي في الدفاع 2-الله يلعنك يالعبد ... انا اكره مالي العبيد هم ومزاجيتهم ... يجيك يوم مروق ويستلج وخذ لك مطارد بهالملعب كنه سلق , ويوم يجي نفسه في منب قايل تقل شاربن تنكة زيت زيتون ويالله يتحرك تقل مغصوب يلعب ! 3-انا اتكلم عن مستواه هالموسم ما اتكلم عن تيري كـ تاريخ ! فهمت

ايوب قلوب من 桜台ー東京الى الرياض
بعلق على كلامك بالارقام
1- هذي المباريات اللي اخذ فرصته فيها وسجل
اما انيلكا كل الموسم اساسي ولا يسوي شي الاقدام الضعوف بس

2- انا معك انه مزاجي بس قبل ما كنا نقول كذا لان كان يقدم لنا
بس له حق يتقلب مزاجه يا خي حط نفسك محله العام انت الهداف للفريق وانت اللي تجيب الحلول اللي تنقذ الفريق وهالسنه حاطينك احتياط والاساسي واحد مستواه ما يتقارن بمستواك ..!!

3- اما المستوى مو تيري لحاله فيه كثير
جو كول--كالو-- ديكو-- بالاك
يعني ان الفريق فيه مشكله واللي قادر على حلها سكولاري

إقتباس الرسالة الأصلية كتبت بواسطة أسيــ الزعيم ــر بالنسبة لـ سكولاري أنا أشوفه أحد العوامل اللي أثرت على عدم عودة الحاسة التهديفية لـ دروجبا .. هي عنده لكن تبيه يسجل خله يلعب مباريات أكثر و أساسي .. أجل جاهز له شهر يخليه احتياط و يلعب أنيلكا أساسي عشان الاربعطش هدف طيب سكولاري قلنا انه يحوقها أحياناً .. لكن معليش حتى اللاعبين رايحين فيها .. الا قليل منهم .. او خلني اقولها الا تشيك و أوبي و لامبارد .. البقية مستوياتهم متذبذبة .. ديكو مرة توب و مرة داون .. بالاك مرة توب و مرة داون .. و معليش صح لامبارد صفيته مع اللاعبين الثابتة مستوياتهم .. لكنه بعد مهوب لامبارد بداية الموسم اللي أطربنا كثيييير الفريق كله رايح فيها .. و صدقني مباراة مانشستر يونايتد بإذن الله تعالى بتكون نقطة تحول للفريق و إن شاءالله تكون للأفضل .. طبعاً ما فيه أسوأ من اللي يصير اللحين .. لكن ان عديناها و خذينا الثلاث نقاط .. ما راح يردنا الا الصدارة بإذن الله تعالى و نهائي الابطال إن شاءالله .. هالمباراة بتكون نقطة تحول بإذن الله زي ما كانت مباراة فالنسيا الموسم اللي راح نقطة تحول للفريق مختصر الكلام .. كيف تبي مدرب ينجح و اللاعبين ممتازين و أدائهم سيء .. هنا على ما يقولون دور المدرب خارج الملعب .. و لذلك ما اقدر اتكلم عن هالشيء .. لكن اللي اشوفه داخل الملعب ان المسؤولية مشتركة بين سكولاري و اللاعبين

انا معك في كلامك كله ابو عابد


شباب
والله ان النقاش معكم مره ممتع

يبقى كلام مجرد راي ممكن يكون صح والا خطا

لكم

}{الارسنــال قد يخسر ثيو والكوت بسبب 400.000 جنيه استرليني }{

يجب على سكولاري وكينون وبـ تمويل من ابرا أن يستغلوا الوضع ولو إحتاج الفريق الى أن يبيع عقد (ديكو- اليكس) لـ جلب والكوت في هذا الوقت خصوصاً لان الفريق يحتاج الى تجديد في نجومه . والان المفترض أن يخطط سكولاري لـ حاضرومستقبل الفريق بالتعاقد مع النجوم الشبان (والكوت - مروان افيلايني - جواو موتينهو )ولو استلزم الوضع الى بيع عقود بعض اللاعبين الاقل اهمية (ديكو - مالودا - انيلكا - بالاك - اليكس ) , لـ ذلك انا اعتقد ان الفريق يحتاج الى ادارة ذكية في التعاقدات مع اللاعبين ويجب ان يتم دراسة مسألة التعاقد مع اللعب بـ عناية لان مشكلة الفريق في هالموسم انه تخلى عن لاعبين جيدين وكانوا من نجوم الموسم الفائت (ماكليلي) وتعاقد مع لاعبين سيئين (منيرو - بايم << هذا لاعب شاب وعقده سنة واحدة وكل مبارياته مع الرديف احتياط اتوقع انه مدين سكولاري وقال سكولاري ابا اتعاقد معك عشان النادي يعطيك راتب الين ينتهي الدين ) ومع لاعبين لايحتاجهم الفريق لـ وجود نجوم في مركزهم ( ديكو) .
لو كان عند سكولاري شوية احترافية وتفكير وذكى وتفطن للمستقبل كان حاول ان يجدد لـ (ماكليلي) لو سنة ويتعاقد مع لاعب شاب يلعب في المحور(مروان افيلايني) لـ يخلف (ماكليلي) بعد ماينتهي عقده ويكون رديف لـ (ميكيل - ايسيان) وكذلك تعاقده مع ديكو الصراحة من يوم ما اعلنوا ان تشلسي تعاقد مع ديكو وأنــا قلت وش يخبص هالصعيدي عنده (بالاك - لامبارد) ويأخذ (ديكو) ؟؟ والمعروف ان تشلسي نقطة ضعفه هي عدم وجود جناح خالص وممتاز في النواحي الهجومية والدفاعية والتكتيكية بإستثناء (جوي) وكان من المفترض ان لايفكر بـ ديكو حتى يحل مشكلة الجناح ويحط كل ثقله المالي للتعاقد مع لاعب يسد هالخانة بإمتياز .

والان فرصة للمدرب بالتعاقد مع جناح ممتاز جداً والتخلي عن بعض اللاعبين الي مايفيدون الفريق لافي الحاضر والمستقبل والتعاقد مع لاعبين شبان خصوصا في وسط الملعب .

تخيلوا الفريق يصيرحراسه { تشيك - كودي - هيلاريو}
دفاعه متكون من { تيري - كارافا - ايفا - مانسين - آشلي - بوسينغوا - فريرا- بيليتي} الوسط { ميكيل - ايسيان - ماكليلي - (جواو موتينهو او افيلايني أو اينستا أو الفريدي) - لامــبارد }
الهجوم { جوي - كالوا - (والكوت أو روبينهو أو لينون) - ستوتش - دروقبا - انيلكا - دي سانتوا - سينكلير }
أعتقد ان سكولاري اذا توصل الى هالتوليفة او مقارب لها راح يرجع تشلسي المواسم الخمس الي راحت لان الفريق يوجد به مزيج بين اللاعبين الخبرة والشبان وكلهم موهوبين وطبعا بالروح العالية والحماس .

آسف على الاطالة لكن كان عندي كلام وقلته << بالله

السلام عليكم ..

كيف الحال ياشباب ..

انا زي منتو شايفين عضو جديد وحاب ادخل معكم في الرابطه ..

السلام عليكم

ندخل معكم في النقاش الشيق

بالنسبة لتيري في اعتقادي لو تيري بأزفت المستويات من الصعوبة يركنه في الاحتياط اول يشيل منه الكبتنية ..!

كلنا عارفين أن تيري هابط مستواهـ بشكل كبير لكن بعتقادي ان الفريق سبب لهبوط مستواهـ

قد يقول قال لماذا ؟

انا اقولك ليه يعني لاعبي الفريق كلهم مستوياتهم طايحة ماعدى ميكيل وتشيك يعني الفريق له سبب لكن طبعا مو كل السبب فيه اسباب ثانية مثل المدافع الاخر الي جنبه دايم يتغير تارة كارفا وتارة أليكس وتارة ايفا يعني الدفاع ماهو مستقر بعتقادي ايضا هذا السبب

تيري فيه نقطة سلبية عليه هذي السنه الي هي تهورهـ الكثير اتوقع بعد التوقيف هاذ ان شاء الله يتأدب

وأيضا تيري ماهو تيري الي نعرفه يعني اول يسوي كل شي يلعب من قلب واكبر دليل ديابي على ماعتقد يشوته هذا الموسم تحس فيه تخاذل مدري ليه لكن بعد التوقيف هاذا ان شاء الله يرجع لنا تيري الي نعرفه .

ماعتقد ان نهائي موسكو الى الان مأثر فيه ومن المستحيل بعتقادي لانه لاعب كبييير
بالنسبة لمدربنا القدير

اتفق معاكم عنده نقطة سلبية جدا ماتشوف التغيرات الي تغير المباراة ماعدى مباراة المان التعادل وكلوج تقريبا لكن معذور في اغلب المباريات لأن الفريق كله مستواهـ طاح من بعد مباراة المان

الفريق يعاني من أزمة ثقة وشك في القدرات بس يبيلهم فوز على فريق قوي له شعبيته وجماهيرهـ اعتقد بيرجع لنا البلوز الي نعرفه


بالنسبة لبوسينجوا انا مادافع عنه بس اقول بوسينجوا من افضل لاعبي البلوز بعد ميكيل وبيتر بعتقادي صح اول ماجاء كان فيه مشاكل في المنطقة الخلفية من جهته لكن اشوف شي متوقع ان الاعب ماخذى على الدوريات الكبيرة ولاتاقلم مع الفريق ولا المدينة , في هذا الوقت بوسينجوا قوي دفاعيا وهجوميا ماشاء الله عليه


بالنسبة لدروغبا لو لاعب غير دروغبا ماعتقد بيجيب ولا هدف يعني بالله مبارياتين او ثلاث اساسي والباقي احتياطي لا ومتقطعه يعني مرهـ احتياطي الي بعدها ماييلعب وهكذا

عن مزاجيته دروغبا غير مزاجي لانه توهـ مابعد استقر يبيله وقت على اقل شي 3 او 4 مباريات لكي يعود لنا دروغبا

المشكلة دروغبا بعض الحيان جاهز ولايلعبه لا ومين الاساسي انيلكا ياشيخ لو اني منه كان طلعت من النادري مو غرور لكن واضح ان دروغبا افضل بمراحل حتى لو سألنا انيلكا بيقول دروغبا افضل مني

مباراة المان القادمة اعتقد انها مفصلية اذا خسر الفريق بعتقادي بنستمر على هذا المستوى الهزيل لابطولات ولا شي

بالنسبة للانتقالات من جدكم تبوعون بالاك انيلكا اليكس ديكو

وين وش بقيتوا في الفريق

بتكلم اول شي عن بالاك لو سمح البلوز بانتقاله لشاهدت اغلب الفرق الكبرى تبي تتعاقد معه وباعلى الاسعار فمستحيل خروجه
انيلكا صح ان مستواهـ نازل لكن بعتقادي هو يبيله مهاجم اخر بجانبه مو تحطلي اياهـ على الطرف وبعدين مافيه بديل لدروغبا غير انيلكا حتى لوشارينا لاعبين نحتاجله

اليكس من افضل 10 مدافعين في العالم لاتقولي تبالغ نعم اتكلم من جد ايفا ايه لكن اليكس مايتعوض وربي

ديكو اول اربع مباريات بعدين هبوط حاد في مستواهـ ليه برايكم انا اعتقادي ان ديكو ضايع في الوسط نفسادوار لامبارد وبالاك عشان كذا بعتقادي يعني لازم يخليه احتياط ويدخله للحاجه لهاذا نحتاجله

مالودا كل العالم عارفين مالودا بيطلع ان شاء الله

اما عن الأنتدابات مروان افيلاني نعم يقدم مستويات رائعة في البريـمر ليغ لكن مع صعوبة تاقلمه في الفريق بسرعة لهذا لاعتقد انا نحتاجله ها الموسم

موتينهو لاعب رائع جدا شفته في اليورو يقدم مستويات رائعة مع المنتخب البرتغالي بصراحة اتمنى يجي لانه صغير ونستفيد في المحور

والكوت مستحيل يتخلى عنه فينجر


يالبى النقاش معكم

إقتباس بس حق مالودا دورته ومدري وين راح !!

اصلا مستحيل يصرحون يقولون للمدرب انا مانبي مالودا


شكلك غلطان او مضيع

لك

عوافش شباب على النقاشات الي زي كذا

..(جوس Poyet يعتقد بان البلوز سيهزم المان )..



تشلسي سيسافر الى ملعب المان اولد ترافورد ، يتخلف البلوز عن المتصدر ثلاث نقاط بعدما تعادل مع توتنهام وفز ليفربول .

يبتعد البلوز عن المان اربع نقاط ، ولكن مع وجود حامل اللقب في مباراتين مؤجلتين لهاذا من الممكن تخطي البلوز ، ويقول ه Poyet يجب على تشلسي جعل رحلة الى مانشستر بتفكير إيجابي.

ويقول اذا نجح البلوز على الميدان ، من شأنه أن يقطع شوطا طويلا لإسكات المنتقدين عنه. وخاصتا ايوب وعزوز

وقال "اعتقد انها مرحلة مهمة للغاية خاصة بالنسبة للمباراة تشيلسي ، وأود أن أقول ،"

"بالطبع ، المان يلعبون في ملعبهم وأنهم بحاجة للفوز كذلك ولكن ربما (لتشلسي) لوقف جميع الشائعات عن عدم تمكنه من هزيمة أحد الفريق الي في المراكز الثلاثة الاولى."

لعب البلوز في الستامفورد مع ليفربول وارسنال على ملعب ستامفورد بريدج حتى الان هذا الموسم -وفشلوا في الفوز

وقد تقابل المان والبلوز في الستامفورد لكنهك تعادلوا 1-1 في أيلول / سبتمبر ،

ويعتقد Poyetخسارةآخرى للبلوز من غريمه التقليدي ، سيكون من الصعب تخيلها.

"اعتقد ان تشلسي سيختبر اختبارا جيدا ضدمانشستر يونايتد".


"عادتا البلوز جيد على ملعب اولد ترافورد ، والبلوز سيذهب الى هناكلمحاولة ارضاء الجماهير والفوز والتقدم الى الصدارة ".

المصدر

على فكرة شباب هاذا محلل لا وناجح عشان التصريح هاذا

إقتباس الرسالة الأصلية كتبت بواسطة سوبر فرانكي السلام عليكم .. كيف الحال ياشباب .. انا زي منتو شايفين عضو جديد وحاب ادخل معكم في الرابطه ..

حياك الله معنا اخوي


وبإذن الله تفيد قبل لا تستفيد وتنضم لكوكبة المتألقين في هذه الرابطة بين اخوانك البلوزاويه ...


رح شيك على توقيع السيد جزرة اللي هو أسيــ الزعيم ــر بتحصل فيه وشسمه ايه ذيك كيف تترجم تراها سهلة


يا وشسمك ... ايه

إقتباس ويقول اذا نجح البلوز على الميدان ، من شأنه أن يقطع شوطا طويلا لإسكات المنتقدين عنه. وخاصتا ايوب وعزوز

آحـ آحـم


الوعد النيكست ويك