الله يبعد هاللون النحس عنا

يا ناس وش هالسماجة في مباراة اليوم .. و الله ما لوم عبدالله الحربي يوم قال مباراة ممللة .. قهر يكون الفريق بـ هالتشكيلة القوية ما يقدم اداء

سيطرة على منتصف الملعب اوكيه .. لكن وين الهجمات .. هجماتهم اخطر من هجماتنا .. ما فيه الا هجمة انيلكا اللي تصافقت رجلينه كنه مهوب مصدق انه قدام الباب



سكولاري بعد تغييره بخروج كالو و دخول انيلكا جاء في بالي و هو المتوقع ان كالو مهوب جاهز للمباراة او انه مصاب .. طيب ليه يلعب أساسي و هو غير جاهز ؟ .. يا مدرب ريحه للشوط الثاني و كالو معروف لما يدخل كـ بديل

التغيير الثاني دخول بيليتي بدال دروجبا .. هذا اللي ما يمشي أبد .. دروجبا مصاب خلاص تغييره اجباري .. اما يدخل بيليتي ليه ! .. كان من المفترض دخول دي سانتو و بقائه كـ رأس حربة و يلعب انيلكا على الجهة اليمنى و يسانده بوسينجوا .. بوسينجوا في كثير من الكرات ما احد يفتح معه فـ يضطر يرجعها .. فـ كان محتاج انيلكا اكثر من بيليتي و انيلكا بعد يسوي زيادة عددية في منطقة الجزاء عكس بيليتي

يعني تغييرين من وجهة نظري انهم خاطئين .. التغيير الثالث سليم بخروج مالودا السيء و دخول دي سانتو الامل

يعني المدرب أخطاء .. و أيضاً اللاعبين خذلوه .. مستوى باهت جداً .. حتى في الهجمات اللي في نهاية المباراة بغى يجيب العيد فينا اليكس على غير العادة .. تشيك

عموماً هاردلك التعادل .. كنا نستحق افضل لو حصل تركيز هجومي أكبر .. الفريق اللي قدامنا و الله يا جماعة سيء .. كنا قادرين على دكه على أرضه .. لكن للآسف ما ادري وش جاء اللاعبين

زي ما قال فهد اضعف فريق في المجموعة في المركز الثاني بنفس نقاط المتصدر ! .. قدام روما بصراحة ما شفته .. لكن في هـ المباراة فريق اقل من العادي بكثير .. و ان شاءالله يجون في الستامفورد و نوريهم الويل




اللحين متى بنفتك من هالاصابات

دروجبا بصراحة احسه صار زي [ القزازة ] طيحاته كاثرة زي ما قال خولييت .. و اصاباته من كرات عادية .. احياناً يصاب لحاله