|| رئيس الـ FIFA .. متناقض ! || ‏ - نادي الهلال السعودي - شبكة الزعيم

hilalemooot · #1 11/07/2008, 09:23 PM

.
.

طوال الصيف والعالم كله مالهم شغلة إلا موضوع إنتقال رونالدو واغراءات الريال .. طبعاً بالبداية نبي نشوف عقد رونالدو اللي جدده الموسم الماضي ونشوف موقف المان فيه .. ثم ندخل على محور الموضوع الاساسي .. وهو تناقض رئيس الاتحاد الدولي حول موقف إدارة المان من إنتقاله رونالدو و وصفه لهالموضوه بأنه عبوديّة

! .

رونالدو جدد عقده لمده خمس سنوات .. بعد طلب وكيل اعماله البرتغالي جورج منديز زيادة في الراتب .. إدارة المان هنا رضخت لمطالب اللاعب .. و أعلنت موافقتها على التجديد لمدة خمس سنوات مضى منها سنة تقريباً .. مانشستر راح يدفع لـ رونالدو 50 مليون خلال الخمس سنوات هذي .. رونالدو موافق على العقد .. وقع العقد ... حلوين كذا ؟

خلال الصيف .. سمعنا عن عروض مختلفة للاعب من صحافة الريال .. بنفس الوقت كالديرون ينفي .. مياتوفيتش يقول رونالدو أمنية .. شوستر يقول ابي رونالدو اذا تبون دوري الابطال .. كالديرون يرجع ينفي .. الصحافة تقول 7 يوليو إعلان الصفقة

.. بينما إدارة مانشستر إكتفت بـ بيان قالت فيه ان اللاعب مو للبيع .. تطلع اخبار ان رونالدو يقدر يدفع رواتبه الباقيّة ويطلع حسب قانون الفترة المحميّة الخاصة باللاعب .. طيب خلونا نشوف الفترة المحميّة هذي وش تقول :

إقتباس


	الفترة المحمية: (هي فترة الثلاثة مواسم الكاملة أو الثلاث سنوات (أيهما يأتي أولا ) التي تأتي بعد بداية تنفيذ العقد في حال أن العقد أبرم قبل سن ال (28) سنة للاعب المحترف. أو هي فترة الموسمين الكاملين أو السنتين (أيهما يأتي أولاً) بعد بداية تنفيذ العقد في حال أن العقد أبرم بعد سن ال (28) سنة للاعب المحترف).

بوضع رونالدو اللي يبلغ من العمر 24 سنة ما يقدر ينتقل الا بعد ثلاث مواسم او ثلاث سنوات اللي يجي اول شي منهم .. نستنتج من الكلام هذا ان موقف المان بعدم بيع اللاعب سليم 100% .. للمعلومية اللاعب يعتبر من اغلى اللاعبين أجوراً في البريمر ليغ .. و إدارة المان وافقت على طلب اللاعب بزيادة أجره قبل موسم بس !

قبل يومين .. طلع رئيس اعلى سلطة كروية في العالم .. واللي دائماً يحث اللاعبين على وجوب إحترام العقود الموقعة بينهم وبين الاندية ..

وصرح هالتصريح :

إقتباس


	توجد هناك عبودية في كرة القدم ، انا دائما في صف الاعبين ، واذا اراد رونالدو الرحيل فيجب ان يتركه مانشستر يفعل ذلك .

ركزوا على الكلام اللي تحته خط .. بنحتاجة بعدين

الصيف الماضي .. رافائيل فان در فارت جته عروض من أندية مختلفة ابرز اللي كانوا مهتمين فيه فالنسيا الاسباني .. طبعا في الفترة هذي كان متبقي على عقد رافائييل سنتين فقط .. ركزولي على سنتين بالله

.. فان در فارت وقتها اصر على الخروج وألحّ على إدارة ناديه تسمح له بالانتقال وانتشرت له صورة مركبة بقميص فالنسيا .. طيب .. تعالوا نشوف وش قال بلاتر نفسه :

إقتباس


	وجه جوزيف بلاتر رئيس الاتحاد الدولي لكرة القدم (الفيفا) انتقادات حادة للهولندي فان دير فارت نجم خط وسط نادي هامبورج الالماني بسبب إعلان رغبته الانتقال إلى نادي بلنسية الاسباني على الرغم من ارتباطه بعقد ممتد لسنتين. وذكر بلاتر في حديث لمجلة "سبورت بيلد" الالمانية الصادرة اليوم الاربعاء أن اللاعب لم يدرك المسئولية الاجتماعية الواجب عليه تحملها ووصف ارتداء اللاعب لزي النادي الذي يرغب الانضمام إليه بأنه دليل على فقدان الشخصية والالتزام ويهدف إلى الكسب المادي

يا سبحان الله .. رافائيل فان در فارت يهدف الى الكسب المادي .. ولازم يحترم عقده مع فريقه .. طيب رونالدو عادي جداً يطلع ينتقل وعقده ساري مع فريقه .. ومانشستر يطبق العبوديّة

طيب ما نبي نبعد .. قضية شبيهة وكانت قبل ست شهور تقريباً .. اللاعب يلعب في هارتس الأسكتلندي .. لعب ثلاث مواسم وبعدين قال ابي اطلع لـ ويغان الانجليزي .. بما ان اللاعب تخطى الـ 28 فهو خارج فترة الحماية .. قررت المحكمة يدفع رواتب الموسم المتبقي وينتقل وهذا اللي صار .. اللي يهمنا من هذا كله تصريح بلاتر .. تعالوا نشوف وش قال :

إقتباس


	Blatter said: "The decision which CAS took on 30 January is very damaging for football and a Pyrrhic victory for those players and their agents, who toy with the idea of rescinding contracts before they have been fulfilled.

يقول بلاتر : القرار اللي أُتخذ في 30 يناير قرار يضر بـ كرة القدم .. ويحقق نصر مؤسف لمثل هاللاعبين وموكليهم اللي يفكرون يلغون عقودهم قبل ما تنتهي المده .

قبل ست شهور .. القرار نصر مؤسف لهؤلاء .. بوضع رونالدو مانشستر صار نادي عبودي ولازم يخلي رونالدو يتحرك لانه حرام ما يقدر يلعب وهو يستلم اغلى راتب في البريمر ليغ .. يمكن مانشستر ممطرة ومدريد مشمسة خايف على بشرته السيد بلاتر

<----

طيب خلونا نشوف هالخبر المنشور بموقع الفيفا الرسمي بتاريخ 21 نوفمبر 2006

:

FIFA President named honorary member of Real Madrid

إقتباس


	FIFA President Joseph S. Blatter today received the title of honorary member of Real Madrid and a gold and diamond club badge from Real Madrid president Ramón Calderón at a ceremony held at the Santiago Bernabéu stadium in Madrid.

يقولك الخبر ان رئيس الاتحاد الدولي جوزيف سيب بلاتر استلم عضوية فخرية ماسيّة من رئيس نادي ريال مدريد في مراسم اجريت في ملعب السنتياغو برنابيو في مدريد .. واللي يبي تكملة الخبر موجود هنا

* - قبل فترة بلاتيني يطلع و يصرح خلوه يطلع .. ثم يجي رئيس الفيفا ويطلع بتصريح مخزي مثل اللي شفناه .. ومع هالتناقضات اللي شفناها .. يدور ببالي سؤال ؟ .. هل فعلا الشخصين اللي فوق حاقدين على تفوق البريمر ليغ في السنوات الاخيره ؟؟ .. كلام نسمعة كثير والأدله اللي اقراها و أشوفها تأكد لي هالشي بصراحة .. إبتداءاً من حرمان هنري افضلية 2003 .. مروراً بتصريح بلاتيني حول غياب انجلترا عن يورو 2008 اللي وصفه بالعادي و الغير مؤثر .. إنتهاءاً بردة فعلهم حول موضوع رونالدو ؟!

* - الشعارات اللي يرفعها الفيفا وبلاتر بالتحديد حول وجوب إحترام العقود الموقعة من اللاعبين مع أنديتهم .. ممكن تتغيّر حسب الاشخاص و الاندية ؟!

* - جوائز الفيفا وحرمان لاعبي البريمر ليغ الدائم منها .. بعد هاللي قريته ممكن يجي ببالك ان استبعاد لاعبي البريمر عنها متعمد ؟

*- لو كنت رئيس الفيفا مثلاً .. ومرّ عليك موقف زي هيك

.. تصريح بلاتر حتى لو كنت تكره مانشستر .. بتطلع تقوله ؟؟

*- العضوية الفخرية اللي استلمها بلاتر بتاريخ 2006 من نادي ريال مدريد .. لها دور بالتصريحات هذي

؟

ختاماً الموضوع هدفي منه هو معرفة سبب التناقض اللي يصير من هالشخصين .. ماله علاقة بأي شي ثاني .. الموضوع للنقاش .. واعذروني على الركاكة ترا مسكت معي اكتب موضوع عن هالتناقض ونزلت كل اللي براسي هنا

فـ مان الله ,.,.,

.
.