المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات الرياضية > منتدى الرياضة العربية و العالمية
   

منتدى الرياضة العربية و العالمية خاص بمتابعة أحداث الرياضة العربية و العالمية

إضافة رد
   
 
LinkBack أدوات الموضوع طريقة عرض الموضوع
  #1  
قديم 14/07/2008, 02:24 AM
الصورة الرمزية الخاصة بـ قـنـ مـدريـ10ـدي ـاص
زعيــم مميــز
تاريخ التسجيل: 04/12/2006
المكان: الزلفي ويالبى غبرتها (l)
مشاركات: 1,514
إقتباس
منور يا باشا

لما يطلع تصريح من رئيس الفيفا إلي هو أكبر إتحاد رياضي في العالم و يتهم فريق بإنه يستعبد
الاعب نظراً لـ إلتزام النادي بـ العقود !! إن كان هذا رئيس إتحاد كرة يصرح كذا أجل وشو له
نأخذ موقف من كلام أراغونيس العنصري و غيره الكثير من الشخصيات الرياضيه الكبيره ..

الشئ الثاني .. ليش ما نقول أن (( عضويه مدريد الفخريه )) أثرت في التصريح .. و أنا هنا
ما أٌدخل الريال في الموضوع .. إنما قد تكون هواجيس مشجع كاره لـ الإنجليز .. \


النور نورك ياحبيّبي أنت

الشيء من مأتاهـ لايستغرب . رئيس الفيفا دلخ .. وهـ الشي معروف ..
لمّا صرّح بعدم إستحقاق تأهل إيطاليا بعد مباراهـ أستراليا ..
هل هـ الشي منع إيطاليا من الفوز بـ كأس العالم !؟ .. سواءً الرجل كارهـ أو محّب لـ البريميير ..
عاشق لـ مدريد أو ناقم عليه .. كل هـ الاشياء ماتفرق ..
مابيده شي يسوّيه هو .. الدعوهـ عقد بين المان وكريس .. تصاريحه [ يبلّها ويشرب ميّتها ]
أراغونيس أو غيره .. نشره على عقليّته .. لكن بلاتر وش تشره عليه ! .. عقليّته .. اقتراحاته .. منصبه !؟
منصبه أخذهـ بالوراثة من هافيلانج !! وش بقى ينشرهـ على بلاتر فيه !؟
خخخخخخخ .. اجل نظام 6+5 !؟ ..
يكره إيطاليا . مايتوجّها باللقب ويخلي رئيس الاتحاد الاوروبي يسلمّهم الكأس !؟ ..
بس هـ الاشياء كلّها مامنعت الطليان من البطولة . تصاريحه أو كرهه .. فرقت شي بفوز الطليان !؟
ويجي يقول عبوديّة مانشستر .. وتشرهون عليه !? .. شكلي أنا بشرهـ عليكم

عضويّة الريال .. مقدمّة من الريال له .. يقدر يرفض !؟
وغير كذ1 .. عشان الريال دايم يعطي تبرّعات لـ المؤسسات الخيريّة ..
يدعم مشاريع الفيفا بالدول الفقيرهـ .. العضو الفخري .. لا قرار .. ولا أمر ..
ولايتدخّل بشأن من شؤون الريال .. بس مجرّد إسم [ عضو فخري ] ..
ولاتنسى سالفة إنّ الريال والفيفا راعيهم الرسمي [ Adidas ] .


لو إن بلاتر ماله إلا هـ السقطة بس .. كان أوافقك وبقوّهـ .. إن العضويّة هي الدافع لـ مثل هـ التصريح ..
لكن بلاتر من يومه مايعرف يسولف ولايقترح ولايفكّر ..

إنبسطت بنقاشك ياصديقي

خلنّا نشوفك دايم تكفى ورده


على فكرهـ بس [ عشان اللي عايشين دور قافطين الرشاوي ودهن السير ]
بلاتر لو إن تصريحه من ضمن خطة الريال لـ جلب كريس .. كان ماطلع كنكن [ مدريدي ] وعارض كلامه ..
السالفة إنّ الرجّال مايعرف يسولف .. قالوا له صرّح .. وصرّح .. وياليته ساكت ..
خخخخ سكت دهراً ونطق كفراً

اخر تعديل كان بواسطة » قـنـ مـدريـ10ـدي ـاص في يوم » 14/07/2008 عند الساعة » 02:50 AM
اضافة رد مع اقتباس
  #2  
قديم 14/07/2008, 02:39 AM
الصورة الرمزية الخاصة بـ اليوفي و بس
يوفاوي مخضرم
تاريخ التسجيل: 14/12/2002
المكان: الرياض
مشاركات: 4,622
حركات يا بو حمييد

نبدأ بالموضوع الي وصلته متأخر بس معليه يمديني اقول الكلمتين الي عندي


1- بلاتر تصريحه غبي لا مناص من ذلك .

2- رونالدو يريد الخروج لا بد من وجود شرط جزائي يدفعه و يتوكل على الله او ينطق و يلتزم بما وقع عليه و هو

انسان عاقل بالغ و بكامل قواه العقليه << في حال استطاع اثبات بطلان احد هذه الصفات يمديه يلغي العقد

يعني احتمال ما يكون بالغ مثلا

3- بلاتيني وش دخله ؟

انجلترا ما يحبها شو المشكله !

هل صرح يوما ما بغباء كما فعل السويسري مصلح الساعات

بالعكس اشوفه صريح لأبعد حد و ان شالله الموسم الجاي مو مقصر مع اليوفي في دوري الابطال



الي عنده مشكله في بلاتيني او يراه متحيزا في قراراته و ليس في امنياته او آرائه يا ليت يوضح أكثر




فأمان الله
اضافة رد مع اقتباس
  #3  
قديم 14/07/2008, 01:29 PM
الصورة الرمزية الخاصة بـ hilalemooot
مشرف منتدى الرياضة العربية والعالمية
تاريخ التسجيل: 07/09/2003
المكان: جــــ الجــوفـ ــــوفـ
مشاركات: 20,208
.
.

ابو حميد

طقتك الحميّة انت وبلاتيني حقك ؟

بلاتيني ابد مهوب بعيد عن خوية بلاتر .. طلع بتصريح غبي يشابه تصريح بلاتر .. وفيه غمز و لمز حسب وجهة نظري !


إقتباس
وأشار بلاتيني في حديثه للصحفيين أن ما يقوم به ريال مدريد للتعاقد مع رونالدو يعد أمراً طبيعياً مقارنة مع المستوى المتميز الذي يقدّمه رونالدو، حيث قال: "كل نادٍ في العالم يود الحصول على رونالدو بكل تأكيد وانتقال اللاعبين من نادٍ إلى آخر بات جزءاً من النظام اللعبة في يومنا هذا".

إقتباس

وتابع بلاتيني حديثه قائلاً: "ريال مدريد يرغب بضم رونالدو لأن الأندية الكبرى دائماً ترغب في الحصول على الأفضل، فقد كانوا يملكون أساطير كروية في السابق أمثال بوشكاش ودي ستيفانو لذلك أرى أنه أمرٌ طبيعي للغاية رغبتهم في التعاقد مع رونالدو، لأنه أحد أفضل اللاعبين في العالم في الوقت الحالي إن لم يكن الأفضل على الإطلاق".




الاسطر الأخيرة من التصريح اشوف ان فيها تقليل من مانشستر بطريقة غير مباشرة ! .. بلاتيني بالذات ما استغربها منه .. حسبي الله عليكم انتم وليفربول بس !

بعدين شلون مو مشكلة يكرهها ؟؟ .. ياخي اوكي بقلبك اكرهه بكيفك بس انت رئيس الاتحاد التابع لهالدولة المفروض تكون حريص شوي وتكون لبق و مؤدب مع العالم سواءً حبيتهم أو كرهتهم !

المدريدي المرهف اوكي يا رونالدو تبي تطلع تجي زي الرجال وتجلس مع ادارة النادي او المدرب وتصرح برغبتك .. لكن حركة رونالدو وصخة .. انت مرتبط بعقد تبي تطلع مافيها شي تجي تتكلم مع النادي وتوصل لصيغة تفاهم .. اما اطلع بالصحافة واقول ابي اطلع .. ثم اسوي انا البرئ وانا مرتبط بعقد هذي وصاخة ! .. ياخي اقلها احفظ جميل المدرب اللي وصلك للمواصيل اللي وصلتها .. فيرغسون اول ما جاء رونالدو لـ إنجلترا من خوفة عليه سكنه بـ بيت جنبه وكان يمره وياخذه للتمرين ! .. النقطة الأهم انت رجال تستلم اغنى الرواتب في البريمر .. الموسم اللي راح رفضت تمدد العقد الا بزيادة بالراتب وافق فيرغسون وزادوا راتبك و وقعت عقد جديد .. الاشياء هذي اللاعب لازم يحترمها .. انا ماني ضد رونالدو بالخروج .. ضده بالطريقة اللي مشى عليها فقط .. واللي نسفت كل شي !

قناص مدريدي .. حبي .. الغباء ماهو مبرر يخليه يصرح بالتصريح هذا .. مستحيل تلقى عذر لشخص مسؤول عن اعلى سلطة رياضية في العالم .. التبرير الوحيد اللي ممكن امشية بالحاله هذي انه كان فاقد يوم يصرح هالتصريح .. بالنسبة للعقد وموقف المان .. ياخي انا مثلاً كـ رئيس او مسؤول في مانشستر .. لما اشوف المسؤولين اللي المفروض لو ابي اشتكى لهم يحلون هالقضية يصرحون مثل هالتصريح .. ردة فعلي كيف بتكون ؟! .. كيف بأطبق اللي يطالب فيه الشخصين هذولي من قوانين وانظمة وانا ما عندي ثقة فيهم .. ولا حتى وقفوا معي بقضية انا الرابح فيها 100% !

منورين شباب .. راجع ان شاء الله

.
.


اضافة رد مع اقتباس
   


إضافة رد


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2025, Jelsoft Enterprises Ltd

Google Plus   Facebook  twitter  youtube