اولا اشكرك على الموضوع الرائع واللي يصب في مصلحة المنتخب
ثانيا بالنسبة للفرق انا اشوف انها مجموعة اقل صعوبة من المجموعة الثانية !
كوريا .ج : مثل ماتفضلت فريق يمتاز باللياقة العالية و السرعه ومن اكثر المنتخبات الاسيوية تأهلا لكأس العالم ، واتمنى نلعب معه في الدمام لثلاث اسباب:
السبب الاول: لأن ملعب الدمام صغير وسيجد الكوريين صعوبة فيه لانهم دايم يحبون فتح اللعب والمساحات بتفيدهم والملعب ماراح يساعدهم على كذا .
السبب الثاني: الاجواء الرطبة والكوريين مو متعودين عليها و ( المثل يقول من له حيله فل يحتال ) .
السبب الثالث : الحضور الجماهيري والتفاعل اكبر من باقي المدن.
وصدقوني بنفوز عليهم وخير دليل على هذا مباراتنا اللي في 2006 وكيف هزئناهم وبنعيدها ان شاء الله.
كوريا .ش : منتخب غامض ( هذا اللي يخوف ) واتوقع بيكون نفس لعب كوريا الجنوبية وافضل تكون المباراة في الرياض والله يكتب الخير لمنتخبنا .
ايران : منتخب قوي جسديا ويتميز بطول لاعبيه وتسديداتهم وطريقة اللعب معه زي ماتفضلت السرعه في الاداء والكرات الطوليه لياسر ومالك ( الثنائي الرائع ) بس اللي انا خايف منه هو اللعب على ارضهم لانه منتخب جامد على ارضه واستاذ ازادي سعته 120 الف وان شاء الله بنفوز عليهم في الرياض وفي طهران ( ليش لا ) .
الامارات : هلا والله بالمنتخب الشقيق الاماراتي( عاد الامارات مايحتاج خابزينه بيدينا
) منتخب دفاعه شوارع وشوربه اقل مايقال عنه وخاصة متوسطي الدفاع ( راشد عبدالرحمن والثاني نسيته اسمه
) ولنا في مباراة سوريا اكبر دليل ولاكن لا نتهاون بنقاط قوتهم والي هي من وجهت نظري ( دادا والشحي والحمادي ) فهم خطرين ومهاريين ويوصلون الكور لكل من ( اسماعيل مطر وفيصل خليل ) ولاننسى المحاور القوية ( هلال سعيد وسبيت خاطر وعبدالرحمن جمعه ) اكيد انه راح يلعب بثلاث محاور ثنين ثابتين ( هلال و عبدالرحمن ) وقدامهم موزع لعب ولاعب قدمه قويه جدا ( سبيت ) لازم ننتبه من تسديداته ولكن نقاط ضعفهم في اظهرتهم صح انهم اقوياء جسديا وطوال ولاكنهم بطيئين لأبعد درجة وخاصة ( حيدر الو علي )>>>>> اسمه فله
و(بشير سعيد ) فيجب ان نستغل هذي النقطه ونلعب بثنين على الاجنحه مثل ( الفريدي او الموسى او اي لاعب يقدر يلعب على الاطراف كويس ) اولا لنثبت اطرافهم عشان مايتقدمون ، وثانيا لاستغلال البطئ الواضح عندهم.
ويجب ان لاتعطى المساحات لأسماعيل مطر( تبطي ياسمعه تسجل بعد اليوم
) لانه سريع وقدمه قويه وتبون امثلة الامثلة كثيرة وخاصة قدامنا يالسعوديين سواء اندية او منتخب ( هدفه في الهلال في الاسيوية وهدفه على خوجه في الخليجيه والامثلة كثيرة الخ.... ) ولازم يكونون الاظهره عندنا سريعين مثل (شهيل و الزوري ) وهم الانسب بوجهة نظري انا قلت وجهة نظري اللي كان ودي اقولها .
اما الباقي للمدرب وللاعبين
فتكفوووووووووووووووووووووون لاتخذلونا
اخي صاحب الموضوع شكرا لك تقبل مروري وموضوع في وقته ورائع وهادف