وش قصة مالك وربي حيرني ههههههههههههههه - نادي الهلال السعودي - شبكة الزعيم

هـلالــي مـوٍوٍت · #1 25/06/2008, 01:21 PM

إقتباس

الرسالة الأصلية كتبت بواسطة الاهلي عشقي


	صبحكم الله بالخير جميع وكل عام واهلينا في تطور وموسم جديد بوادره الاولى تبشر بالخير بتحرك الاداره الشابه في شي محيرني بمالك معاذ يمكن الموضوع احد كره قبلي بس والله من جد شي حيرني في مالك معاذ اشوفه ما شاء الله يوم الفريق اللي قدامه يلبس ازرق تشوفه مبدع ويلعب من قلب كعادة مالك اكيد تسحيب وكباري وتسديح وانفاق وكل شي بس الفرق اللي تلبس الازرق يبدع فيها مدري وش قصته الرجال شفناه قدام اليابان قدام الهلال قدام الكويت واخرها قدام اوزبكستان هههههههههههههه احسه يشوت من قلب خاصه بالهدف الاخير يوم شاتها حسيته كابتن ماجد والحارس رعد وانفلتت الكوره منه هههههههههههههههههه ادري الموضوع يمكن احد تطرقله قبلي بس بعد مباراة اوزبكستان زادت حيرتي فمان الله ياراقيين

.
منقول من منتدى الراقي انتظر تعليقآتكمٌ.. وبكل صرآحهٌ..

@"هلالي من ميلادي"@ · #2 25/06/2008, 01:48 PM

ههههههههههههههه والله أنك صادق لاحظت هالشي والله يوفق الزعيم وين ماراح

فهد الجزيرة · #3 25/06/2008, 02:34 PM

طيب وش اسويلك يااخ ياسخفك
هذا تحسب على الاعب
الاعب مفروض يبدع مع كل الفرق والالوان
زي ياسر الله يحفظه

هلاليه الرس,, · #4 25/06/2008, 02:54 PM

هههههههههههه
يبذل كل جهده ع الازرق
مسويله رعب
وعاد تراه مستواه قدام اوزباكستان موب لذاك الزود
و
بالتوفيق لـــــــــــــــكل ماهو أزرق

خالد ، الدعجااًَني · #5 25/06/2008, 03:07 PM

هههههههههههه
يبذل كل جهده ع الازرق
مسويله رعب

عطـ15ـيف · #6 25/06/2008, 05:06 PM

موضوع سخيف جدا

لاتعليق عليك يا سخيف!!!!!!!!!!

راقي فعال · #7 25/06/2008, 05:32 PM

إقتباس

الرسالة الأصلية كتبت بواسطة هـلالــي مـوٍوٍت


	. منقول من منتدى الراقي انتظر تعليقآتكمٌ.. وبكل صرآحهٌ..

موضوعك في قمة السخافة

مالك مبددددع مع جميع الفرق

وتذكر هدفين الي في ريال مدريد

وهدفة في قطر خليجي 17

واهدافة في الاتحاد والنصر
عيب عليك انت هدفك من الموضوع
انك تثير الاعضاء على مالك
مالك لاعب كبييرررر ونجم ومحبوب من كافة الاجماهير العب غيرها يا شاطر
لاتلعب ب نار تحرق صبيعك عشان مالك يقدر يشتريك ويبيعك

مجنون الزعيم(9) · #8 25/06/2008, 05:36 PM

هي غريبه فعلا

ممكن تكون من باب الصدفه

بس بالنهايه مايخسر اللي عنده مالك

يبقى مالك لاعب كبير امام جميع الفرق وبـ فنه واخلاقه تجبرك على احترامه

بـــ(الهلال)ـــدر · #9 25/06/2008, 09:50 PM

موضوع غبي جداً
ومالك مبدع امام جميع الفرق
ولكن للاسف بعض الاشخاص يحب يدقق على الهلال
ويشوف من سجل على الهلال لان الهلال تعبهم والله
يعينهم على انفسهم لان الهلال راح يبقى هو الاول
في تاريخ الكره السعوديه

هـلالــي مـوٍوٍت · #10 25/06/2008, 10:54 PM

ياشباب صدقوني مو قصدي اثير الاعضاء على مالك

انا بكل صراحه افضل مآلك على ياسر ..

مآآلك لاعب مبدع مع جميع الفرق بس بالذات اللون الازرق ..

افهمو مقصدي بالاول ..

عادل-جده · #11 25/06/2008, 10:54 PM

موضوع ظريف جدا وخفيف على المعده امااللي يقولون سخيف ويسبون ويشتمون فأقول الله يهديكم يا اخوان لا تجلسون على الانترنت كثير لأن بهذه الطريقه تكسبون ذنوب كثيره

تحياتي

يا(20)سر · #12 25/06/2008, 11:05 PM

ههههههههههههههههههههههههههههههههههه

خوش سالفه

هلالي من فضل ربي · #13 26/06/2008, 01:55 AM

ايووووووووووووه هم سالين مالك يقلون ليه تبدع اي مبارة في الفريق الاي لبس ازرق

بعدين ضحك شكله يبي الهلال يقدمله عرض

راقي فعال · #14 26/06/2008, 02:43 AM

إقتباس

الرسالة الأصلية كتبت بواسطة هلالي من فضل ربي


	ايووووووووووووه هم سالين مالك يقلون ليه تبدع اي مبارة في الفريق الاي لبس ازرق بعدين ضحك شكله يبي الهلال يقدمله عرض

لاعلامك الهلال عرض على مالك 9 مليون ريال بس اعارة 6 اشهر للاسيوية ومالك رفض

قائد قوات العشق · #15 26/06/2008, 04:37 AM

^
^
^

أجل مالك رفض

لا تقولي كل هذا عشق للأهلي

ياخي اللي رفض خالد بن عبدالله

والإعارة كانت لمدة سنة .. والمبلغ

ما تعدّى الـ 5 ملايين عشان يكون

في علمك .. لا تصدق أي كلام

تسمعه ..

بالنسبة للموضوع فهو سخيف واللي

كتبه واضح إنه فاضي ..

والإخوان الأهلاوية في الشبكة المفروض

يحترمون المكان .. لا يجي يقولي مالك

يشتريك ويبيعك .. يخسى ويعقب .. الله

يرحم الملك فيصل بس ..

والإخوان الهلالية .. المثالية الزائفة

ما تنفع ترى .. أقسم بالله أكثر من

يكره الهلال هم جمهور الأهلي الحقود ..

هذا الكلام اللي يجمد على الشارب

أما غيره مع إحترامي خداع للنفس ..