يـتنظر مسوؤلي نادي رودا الهولندي الموافقه من نادي الهـلال على احتراف افضل لاعب آسيوي نواف التـمياط إليهم وذلك بشراء عقـده مدى الحـياة بمبلغ ترواد انه حول 8 مليون دولار !!

بعض الهــلاليـن قللوا من المبالغ وطالبوا بأكـثر من ذلك ، و آتسـال عن النجوم العالمين كم هي قيم انتقالهم من نادي عالمي لآخر ؟!
رونالدو انتقل الى انتر ميلان بمبلغ 19 مليون دولار .. نواف ينتقل ب 8 مليون دولار ... اعتـقد المبلغ كبير خصوصا ان نواف لم يلعب ولا بنادي اوربي و8 مليون دولار يعني 30 مليون ريال تقريبا !! اعتـقد كثيره وقد يقول قال انها سوف يلعب بكأس العالم وبيقدم مستوى ووو ..
واقول هل تضمن اولا انه يلعب اســاسي في كأس العالم ؟! فإذا لعب بمهاجمين وخلفهم سامي يعني نواف احتياطي !
وغير ذلك هل تضمن الا يصاب نواف قبل كأس العالم او بعد اول مباراة ؟
وهل تضمن انه يقدم مـسـتوى ممتاز في كأس العالم ؟
وهل تضمن يأتي نـادي ويتقدم بطلبه ؟!

اعــتـقد مســألة من يحــدد احترافه من لا ... هو اللاعب (نواف التمياط) ، فإذا كان ينظر الى الاحتراف نظره ماديه فاعتقد ان ادارة الهـلال قادره على توفير مبلغ مناسب لنواف مع اعطاءه فرصه لنواف الاحتراف لموسم او موسمين أي مده بدون بيع عقـده ...
ولكن اذا كان اللاعب يريد الاحتراف من اجل تطوير نفسه واللعب لانديه عالميه وهو يرغب في ذلك ، اتمنى من ادارة الـهلال عدم تعطيله .. ولو اني احتفظ على بيـع عقده ... دعوه يحترف موسم موسمين ثلاثه اربعه لكن بيع عقده خصوصا ان عمره 25 وقادر ان يعطي لمدة تزيد عن 7 سنوات ..

# فـاز النصر على الاهلي واتمنى ان يفـوز على الاتحاد ولو انها قويه لكن اتمنى ان نلعب مع النصر على النــهـائي لك نـكرر الافــلام الهـنديه والافـغانـيه معهم ..
خصوصا ان الـثمامه هـالايـام مكان مناسب لعيش هذه الاجـواء الاحتفاليه خصوصا اذا كانت الافراح على ارض صكــها مـبـيـوع من 50 سنه ..

# في مباراة النصر والاتحاد هل يستطيع ابو ثمامه ان يطــول لسانه على الــبلوي او على نادي الاتحاد !! ... ما أعتقد .. فإذا عرف السبب بطل العجب !! هذا يـدفع والثـاني يكبس !!

# يحاولون الزج بأسم الزعيم في كل صغيره وكبيره حتى الشعبيه بين الجماهير ... ما أدري هل اقتنعوا بشعبية فريقهم بعد مباراتهم امام الاهلي والتي حضرها فقط 4700 مشجع !! نصفهم من جمهور الاهلي !!

# المـحنط جميع الرياضين طالبوا بتكريمه حتى ان لاعب القرن في الخليح (صالح النعيمه) طالب في كل الرياضه بتكريمه .. بس البوادر تقول ان تـكريم وحفل اعتزال خالد الســلامه (الحفيد) قبل تكريم المحنط !!
ترا عندنا استعداد نقـط ونسويله حفل اعتزال مع فريق ام درمان السوداني واعتقد هالشيء بيرحب فيه المحنط كونه يملك شعبيه كبيره في السودان ويستاهل هالشعبـيه فإذا مااستاهلها ولــدهم من يستاهلها !!


الاهـلي كان ضيحة لسان ابوثمامه وفلوس البلوي !!
بس على الهـــلال بدري عليهم !!

المشرف العزيز كايدهم .. مقال رائع بروعتك ..

أعتقد أن مبلغ الثمانية ملايين مبالغ فيه إعلاميا ويبدو أن المبلغ لن يتجاوز الثلاثة أو الأربعة .. وسترى إن شاء الله .،

وأتفق معك أن الفريق الأهلاوي كان ضحية هذين الناديين .. وتقبل تحياتي;) ;) ;)

الله يوفق التمياط وين ماراح انشاء الله

أخوي كايدهم الله يعطيكم العافية على المجهود الرائع بالشبكة الغالية.

هلا والله بكايدهم بيك ...;)

تسلم على المقال الراااائع ...

وبالنسبة لنواف ... فعلاً هي فرصة .. ولكن هناك أبعاد كثيرة للموضوع ...

منها بيع أو إستعارة الاعب .. ومدة العقد .. والمبالغ المالية ومصلحة نادي الهلال فيها ....

اللي يهمنا عدم التفريط في نواف بسهوله .. وعدم المبالغة كذلك في مدة العقد ...

فالحقيقة لن نصبر عن نواف لمدة أربعة سنوات .. وهذا أيضاً يصب في مصلحة النادي عند تجديد عقدة كما تعلمون ....

وبإذن الله سيبرز لاعب آسيا الأول في مونديال العالم القادم ... وسيظهر بالمستوى المطلوب ..

وبالتوفيق لأبو بندر ..

وتسلم أيدين من سطر هالموضوع يااااارب ..


تحياتي لك يالغالي
َ القلب الأزرق

@ يعطيك العافيه اخوي كايدهم على هالموضوع الخفيف والحليو!!!

@ ياليت ياليت نواف ما يستعجل الاحتراف الاوربي خاصة والجميع يتوقع بروزوه في كاس العالم وهناك عيون السماسرة حتكون عليه اكبر .

@ الله يستر التخطيط العلمي المدروس ناوينها بطولة للنص .

@ العقيلي مهد للفوز على الاهلى واللجنة تعدل وتبدل في الحكام حسب مايريد من ابوزنده الى النفيسه .

@ لكن هناك شئ انا ودي اعرفه الثوب الصوف والكوت المرنقط وش سالفتهم .واللي يقهر اكثر انه لم يخسروا اى مباراة يعلق عليها العدوان.

مرحبا كايدهم

نواف صعب تعويضه حرام ينباع عقده واتمنى يظل لاعب هلالي

والاتهاااد ولا النثر بيلقنهم الزعيم شر هزيمه ان شاء الله

تسلم اخوي كايدهم
والله نواف يستاهل كل الخير ولو اننا بنفقده كثير كثير
وعلى فكرة بيع العقد أنفع كثير لنواف لانهم راح يعتنون فيه كثير (مثل الكاتو عندنا .... عطيناه اكثر من فرصه)

اما ابو ثمامة الله يكون في عونه مدري وش راح يقول لحميـ (آسف) لجماهير النصر بعد ما يخسرون من الاتهاد(ما يقدر يتهم احد)

الف شكر لك
تحياتي

هلا والله بالغالي كــــايدهم

بالفعل انا ممن يؤيدون احتراف نواف وعلى وجه السرعه... لان العرض مهما كان فهو مغري للهلال ولنواف !!!

قرأت اليوم في جريدة الاقتصادية التي يقود ملحقها الرياضي بكل جدارة الرائع خلف ملفي قرأت ان نادي الهلال اشترط نسبة 10% من مبلغ انتقال نواف من الفريق الهولندي الى اي ناد آخر !! يعني مثل ماسوو مع بصير !!
وهذه بلا شك مفيده لنادي الهلال ...

اتمنى من الاعماق التوفيق لنجمنا نواف وحماه الله من شر الاصــــابات ...


تحيــــاتي...

هلا كايدهم ..
أولا الشكر لك .. على الموضوع المهم ..

إقتباس رونالدو انتقل الى انتر ميلان بمبلغ 19 مليون دولار .. نواف ينتقل ب 8 مليون دولار ... اعتـقد المبلغ كبير خصوصا ان نواف لم يلعب ولا بنادي اوربي و8 مليون دولار يعني 30 مليون ريال تقريبا !! اعتـقد كثيره وقد يقول قال انها سوف يلعب بكأس العالم وبيقدم مستوى ووو ..

لا اعتقد أن المبلغ سيتعدى 5 ملايين دولار في أحسن حال ..

إقتباس واقول هل تضمن اولا انه يلعب اســاسي في كأس العالم ؟! فإذا لعب بمهاجمين وخلفهم سامي يعني نواف احتياطي !

ااسئلتك مهمة ودقيقة .. فأنتقال نواف الآن سيضمن له راحة نفسية فالمونديال .. فأن أبدع فسينتقل من الفريق الهولندي وهذا مكسب له .. وأن لم يبدع لأي ظرف كان .. فالأنتقال أصبح مضمونا ..
وهنا يضرب نواف عصفورين بحجر ..

إقتباس ولو اني احتفظ على بيـع عقده ... دعوه يحترف موسم موسمين ثلاثه اربعه لكن بيع عقده خصوصا ان عمره 25 وقادر ان يعطي لمدة تزيد عن 7 سنوات ..

قد لانريد عزيزي فقدان نواف .. ولكن الفريق الهولندي لايريد سوى العقد .. لأنه سيضمن له لاعبا مميزا .. بالاضافة لأمكانية بيع عقده بمكسب مادي .. ولن يتعبوا أنفسهم .. فهولندا مليئة باللاعبين الجيدين ولكنهم يريدون لاعبا رخيصا ومتميزا مثل نواف .. يستطيعون ان يكسبوا من خلفه ماديا وفنيا ..

إقتباس # يحاولون الزج بأسم الزعيم في كل صغيره وكبيره حتى الشعبيه بين الجماهير ... ما أدري هل اقتنعوا بشعبية فريقهم بعد مباراتهم امام الاهلي والتي حضرها فقط 4700 مشجع !! نصفهم من جمهور الاهلي !!

أثرها مباراة .. كنت أحسب أنهم يحرجون على سيارة

تحياتي أخي العزيز ..

مااعتقد ان المبلغ اللي اعلن صحيح اكيد مبالغ فيه و الا كانوا وافقو من زمان

هـلا وسهلا اخوي ابوشيخة .. الصحافه كل يوم معطينا مبلغ خرافي .. والله يكتب اللي فيه خيره لنواف ..
هلا وسهلا اخوي الوليد .. آمين ، وشكرا على مشاركاتك ،،

هلا اخوي القلب الازرق .. الود ودنا يحترف كذا موسم ويرجع للهــلال .. بس اذا رغبته ببيع عقده الله يسهل عليه .. ولا ننساه
هلا اخوي بطل القرن .. اتفق معك في جميع ماذكرت ..

هلا اخوي Raed .. الـخساره من الاتهاد اعتقد وارده وبنسبة 90% الا اذا جاء حكم مثل العـقيلي !!
هلا اخوي مهب الريح .. الله يوفقه بس الاستعجال وعدم حفظ حقوق الهـلال قد يعطل الصفقه ويهضم حقوق الهلال .. لذلك لا بد ان يتم دراسة العقد من جميع الجوانب لك يكون العقد من صالح الهلال و نواف ..

هلا اخوي الهلالي محمد .. العفو ونورتنا ، ومشكله اذا الفرق الهولندي لا يريد نواف الا بعقده فهذا يعني طالع من الهـلال طالع ..
واتمنى من نواف يتممها على خير اذا بيحترف خارجيا بافراح الجمهور ببطولة الـدوري ..

ومباراة الامس مدري انت متأكد حراج لاني شكيت في الوضع بس من المحــرج توقع واكيد المحرج يكون لابس شيء يميزه عن غـيره !!

هلا اخوي الزعيم الأبن ... نواف يستاهل كل خير وسواء كان صحيح او لا اهم شيء حفظ حقوق الهلال الماديه ..

الــرائع ( دومـــا ) كايدهــــم ..


اذا كان الرقم الذي قلته هو الصحيح ... اي 8 ملايين دولار أو قل 30 مليون ريال ..

لو كان للهلال منها عشرين مليون ... تقريبا ... !!


أقول ... التالي ...


رقميــا ... الصفقة مطمعــة ... !!


واقعــيا .... الصــفقــة مخســرة للهــلال ... أما لماذا ؟ فـلأنك سوف تبيــع لاعب (( المستقبل )) الهلالي الأول وصـانع انجازاته ... وخاصة بعد قروب انتهاء الثنيان وسامي ... فهو لاعب ســوبر ستـار بكــل ما تعنيــه هذه الكلمــة ... وبما أن الهلال والأنديــة السعودية قطبــاء تعيش في بوتقة أمــزجــة الأفــراد الإدارية ... فإن هذا الرقم الذي يسيل له اللعاب سيذهب أدراج الرياح وخلال سنتين وبدون أي فــائدة !! ففيها الأجــانب النكبــة وعقودهم الباهضة وفيها تغيير الطواقم التدريبية من حين لآخــر وفيها تجديد عقود أنصــاف لاعبين وغيرها الكثــير الكثــــــــــير !!


فـنــواف وكما وضح في التصفيات الأولية للبطولة العربية امام الجيش والشعب وكما وضح في البطولة الاسوية التي نالها الهلال .. نجــم يحــمل فوق أعتاقه عــبْء فريق كـامل ... !!

فــلا للتفـــريط فيــــه تحـت أي حــال ... !! الا تفريطا مؤقــتا .. !! أما للأبد فــــلا ...!!

أخوي كايدهم الله يعطيك العافية على الموضوع الرائع ..

أما التمياط الله يوفقه وين ماراح وندعوا له بالتوفيق والله يسعده مثل ما أسعدنا في كثير من المحافل ..

تقبل تحياتي يالغالي ..

أخوك: الصوت الهلالي

مالنا الا الدعاء لنواف اذا تم احترافه

وابوخالد لا تشرهون عليه .

هـلا بالغالي فاهم جدا ... كلامك منطقي و صحيح ، لاعب مثل نواف صعب يتعوض وهو مع الفريق الاول من عام 1416 اي له 6 سنوات ومنذ 6 سنوات لم نشاهد لاعب قد يكون محل نواف التمياط ( الصالح وغيره لم يلعبوا الا اربع مباريات وليس هذا معيار للحكم عليهم) ، فالشاهد على الهــلالين في تصوري اغراء نواف مـاديا وتقديم له مـبلغ حـلو لك يبقى في الهــلال وايضا حتى بالامكان يستفيد الهــلال منه بعد كأس العــالم باعارته لفتره يحددها الزعــيم ..

نــتــمنى بقاء نواف ، والله يوفقه مع الهـــلال وغير الهـلال ،،

تحياتي وشرفت الموضوع ..

هلا اخوي العزيز الصوت الهـلالي .. شيء طبيعي ندعي له بالتوفيق بل بنكون متابعين لنواف عبر القنوات الفضائيه ولك ندلل على ان اللاعب الهــلالي قادر على النجاح و التميز في قلب اوربا ...

ابو حسن ... نعم وهذا واجبنا تجاه اي لاعب هــلالي ،،