#1  
قديم 13/09/2000, 03:51 AM
زعيــم جديــد
تاريخ التسجيل: 12/09/2000
مشاركات: 11
Post

في البداية اشكر الاخ 1+1=2 وغيره مايصلح الي دلني على هالمنتدى الرائع .. واشكر القائمين عليه الي كلمه مبدعين قليله بحقهم ... وارجو ان تقبلوني عضو بينكم وهذا اول موضوع لي في هذا المنتدى
_________________________________________
يخوض باذن الله يوم السبت القادم الذيب اول مباراة رسميه مع فريقه الجديد ..حقيقه محظوظ جدا هذا الفريق بسامي لوكانت هذي هي المباراة الاولي لهذا الفريق في الدوري لاراهنت وبكل ثقة بان وضع الفريق سيتغير جذريا وقد يتاهل .. بيقول واحد الله اكبر يلي متابع دوريهم وعارف مستوى الدوري والفرق عندهم ،طبعا ما اعرف المستوى بس اثق في شي واحد بان هذا الاعب متى ماكان في مستواه ومتى ما اراد هو فانه من شانه ان يغير من وضع اي فريق يلعب معه والكلام طبعا ليس من فراغ بل بشواهد ودلائل ببساطه كم عدد بطولات الهلال قبل سامي وكم عددها معه .. وكذلك ماهي انجازات المنتخب قبل سامي وماهي بعده .. وكم عدد البطولات الي تغير مسارها بفضل الله ثم بفضله من فريق الي الفريق الي يلعب له سامي ، باختصار سامي مكسب لاي فريق فهو يسجل ويصنع ويبدع ويمتع كل من يتابعه .
_ قد يستطيع الهلال جلب لاعب هداف في فتره قصيره .. لكن كم يحتاج الهلال من الوقت لجلب لاعب يسجل اهداف لها نكهه اهداف سامي .. طبعا هالنكهه والميزه لايعرفها الا اثنين جمهور الهلال والجماهير المندسه بس كل واحد يتذوقها بطريقته يقول خويي النصراوي ينهزم النصر ب 3/0من الهلال اهون علينا من ان ينهزم بهدف واحد مسجله سامي .

_ يختلفون في كل شي لكن يتفوقون في شي واحد انه (قاهرهم) امس زارني صديقي الطبيب النصراوي حبيت اكرمه واحلي الجلسه شغلت شريط اهداف سامي قال ياخي الاعلام له دور في صنع اللاعب قصرت على الصوت قلت مانبي اي شي حتى التعليق مانبي نسمعه نبي نشوف اهداف وبس وابيك توريني دور الاعلام في هالاهداف الخرافيه وهي تدخل في الباب قال ولي يرحم والديك طفه .. خفت على صحة خويي قلت اطفيه لايجيه شي .. على فكره كانت اللقطه على هدفه في الشباب

_ كنت استغرب كثرة المواضيع الي تكتب عن سامي صح انه يستاهل اكثر بس قلت ليش اكثر من 70% من المواضيع اذا ماكنت عن سامي على الاقل لازم تجيب طاري سامي .. وبعد ماكتبت اول سطرين عرفت السر .. حتى وانت تكتب عنه تستمتع وتنطرب .. وعرفت ليش صاحب موضوع ال12 هدف كل شوي يكرره .. اثر الرجال ينطرب ماتنلام ماتنلام

_ اتمنى التوفيق للذيب في مشوراه الجديد .. وقبل كيذا اتمنى ان الازرق يقدر يجهز بديل لسامي يعوض لو جزء بسيط من الفراغ الي بيتركه سامي في قلوبنا وفي شباك خصومنا

تحياتي للجميع



   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:44 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube