صـــــرت إجــــــــــآزة - نادي الهلال السعودي - شبكة الزعيم

متآبعه بصمت · #1 22/06/2008, 01:53 PM

مدخل}:~

قوم ودرجّني وإمش جِدامي

لا تخاف إمن اهلي ولا عمامي

سلام مني للآنسة لي

وسلام منها الآنسه لي إليكم

وأهم شي الأخلاق ولا يهون ماك والبيبسي والجالكسي لا تخلونه

تكفون

نبدأ اليوم الدرس بنقاط مهمة جدا منها النقطة الأهم في النقاط وأكبرها حجما

ومهمة جدا في ذكر النقاط التي تليها بدرجة واحدة

متسعة دائرتها في التربيع

ذات الجبهات المتعددة

أول جبهة :
مساء الورد

<عارفه موب لايق علي الورد بس إمسحوها بوجهي هالمرة

ثاني جبهة :
أطللت عليكم الليلة كالبدر
<كررو ا المسح بوجه هالشينه

ثالث جبهة :
والله إن للمنتدى وحشة

يا إني مشتاااااااقه للإستهبال والتدعيس

والزحف للياقة أفضل

إجازة

+نت

+منتدى الزعيم

+تنكس على قلبي

= ياهلا باللي ينور دنيتي صوته

.. كيف لو جيتني وش حالها الدنيا

يمديكم علي

رابع جبهة :
عاد ساركوزي دق علي قال متى صرتي إجازة يالدوبه

قلت أبد يالكمخه

يوم الأحد 18/6 .. ياحليله

يقول فيه منتدى فرنسي

طالبينك تشاركين فيه

.. أنا فدا ذا الوجه

إن تقولين تم

قلت: معصي ماتنفع

خامس جبهة :
ركزوا معي في هالمشاهير< هناك

بنشوف مين المثقف ويذكر لنا أكبر عدد ممكن من أسماء مشاهير العالم في هذه الصورة

(الرابط فوق في كلمة مشاهير)

سادس جبهة :
ياهلال تحكي عنك أجيال وأجيال .. عشق تنامى من سنين الطفولة
هذي قصتي أنا يالنصراوية

حبيت أعترف في منتدى الجميع إنوو

أنا هلالية إلى حد الثمالة ..
أعشق الهلال ..
أعشق فنه ..
أعشق إبداعه ..
أعشق الأبيض والأزرق ..
أعشق لعبه ..
أعشق روح التعاون لدى النادي ..
أعشق كل ماينتمي للهلال وكل ماينتمي الهلال إليه ..
أنا بإختصار (قلبي تولع بالهلال)
عشقت الهلال من عمر 15 سنة وكنت ما أخبي هلاليتي

وحبي للهلال عن أي شخص طبعا فيه المؤيد وفيه المعارض

كملت سن 19 وأنا هلالية بحت
بداية قصتي المأساوية

إنوو

لي ثلاث سنين وأنا جايتني ردة فعل عكسية ؟؟؟!!!!
ردة فعلي العكسية لعشقي للهلال !!!!
إني صرت نصراوية !!!

تدرون ليش لأن كل من قلتله أنا هلالية قال (أصلا مايشجع الهلال ألا البنات) يعني تبون تقنعوني إن الجماهير اللي تحضر في الملعب وتشجع الهلال كلهم مغصوبين على الحضور ؟؟؟
بصراحه

ما أخبي عليكم

السبب الرئيسي

إني مالقيت أحد يشجع معي الهلال

كلهم نصراويين

ويوم دخلت الجامعة لقيت لي نصراوية تحب الكورة وأخبارها

عاد قلت خلني أصير نصراويه

أصرف

على الأقل ألقى أحد يبادلني الآراء والأخبار وعشان مايصير طقاق

بعدين
المشكلة ألحين مو هنا

المشكلة إني احترت بين النصر والهلال

وصرت ما أسميهم إلا عيالي التوأم

سابع جبهة :
(هذه الجبهة للناطقين باللهجة النجدية البحتة فقط

نعتذر للبقية الذين لم يحالفهم الحظ

)
فيه شايب ويا حرمته العجوز ماسكين خط المدينة .. وذا الشايب مايناظر زين الشوف عنده لكم عليه .. المهم إنه ماشي 200 مارفق بمريته اللي جنبه ردي النصيب

عاد ذا العجوز أزعجته كل شوي وهي ناطتله

يااااااااااا فلااان السيااااااااره

ياااااااا فلااان الطريق

روووعته (أي أخافته

) أقلقته بشكل غير طبيعي .. طفح كيل هالشايب وقال لها ياااا مره إن تكلمتي بكلمة والله مايردني غير الطلاق

وياقلبي عليها من بعد هواشه وهي ساكته

كل ما مرت سيارة قامت تطالع فيه

وتطلع تمتمة وتأتأة وشوي وهي ناطه قدام وجهه

تعرفون اللي وده يتكلم وهو حاط يده على فمه وكاتم أنفاسه ويطلع كلام غير مفهوم

تجيكم السالفة

وهم في يمشون بالسيارة .. ألا تشوف العجوز إبل وش كثرها تخطر الطريق
العجوز إنهبلت تقول في نفسها إن تكلمت وقلتله إنتبه للطريق تطلقت ياعميري على شبابي واسفابه

وإن سكت مت

يوم قربوا من الإبل بدت العجوز بحيلتها وقالت ..
لاااااااااااااااا إله إلا الله يافلان تشوف ذا النياق مااطول رقابها

قام إلتفت عليها بطرف عينه وهو معصب وقال .. شااااااايفها شايفها

(يعني إني داري بحركاتك

) .. بعدها قالت العجوز في نفسها الحمدلله لانيب اللي تطلقت ولانيب اللي مت .
(ذا الجبهة بالذات ودي إني مسجلتها لكم صوتيا

عشان تفطسون ضحك من قلب

)
..
..
(القصة باللغة العربية الفصحى لعيون الذين لم يحالفهم الحظ

)
<عشان مايقول لها فياض مثل ما قال لفيروسة

هناك رجل كبير في السن يقود سيارته بسرعة جنونية تصل الـ 200 وزوجته في الجانب الآخر منها وبحوزتها كيسا معدنيا يوجد به (إقط وماغير تقضم فيه

) أووه .. لديها نقود

إن زوجها مشاغب جدا لا يعير الطريق إهتماما البتة

وهو رديء النظر أي لديه ضعف في البصر أي لا ينظر جيدا (لازم يصر عيونه

) ولا يوجد بحوزته نظارات للسبب المذكور آنفا

وزوجته كل دقيقه بل كل ثانيه يتعالى صوتها تدريجيا إلى أن فقد زوجها سيطرته

وإذا به يهم برمي يمين الطلاق عليها (ردية النصيب

) فهددها بذلك إن إسترسلت في كلامها

فإذا بإبل جمعاء تعبر الطريق فجن جنون السيدة العجوز وقالت في نفسها إن تكلمت خُلِعتْ

وإن سكت تُرُحِمَ علي

ولما إقتربوا من الإبل بدأت الزوجة بحيلتها فقالت بنبرة صوتٌ يعلوه الإنبهار والتعجب

ياهذا أتنظر إلى النياق ما أطول رقابها .. فألتفت الزوج بنظرة خبير بحيلها المعهودة

فقال .. رأيتها رأيتها

حينها قالت الزوجة لنفسها الحمدلله لا أنا تطلقت ولا أنا مت

سؤالي هنا للشباب العنجهي

س/ يمديكم على لكاعتنا يالحريم ؟

مايحتاج تتعبون أنفسكم وتجاوبون لأنه مايمديكم

شوي بروح أتعشى وأجي

ــــــــــــــــــــــــــــــــــــــــــــــــــــــــــــــــــــــــــــــــ
عدنــــا

وبــاك لـ حقين برب < ياكرهي لهالكلمة لحد يقولي إختصار ياشيخ تجيب لي المرض

جبهه إعلانيه

:
سيدتي لا بد أن تحوي كوميدينة (التسريحة) غرفتك هذه العطورات /
ستيلا_كوكو شانيل_نينا ريتشي ..

عاد تعطري فيها يامال العافية

موب تصورين معها عشان ماتخلص

ثامن جبهة :
القصيدة اللي أحب أسمعها دايما (

شاصي التصميم لاند كروز جيب

) <

س/ وش القصيدة المغناة اللي يحبها قلبك ؟ شريط تنصحنا بإقتناءة ؟ (ياليت القصيدة تكون بدون موسيقى )

< صارت تسمع أغاني الله يصلحها ولا ياخذ روحها

تاسع جبهة :
لمحبي قصص أجاثا كريستي

تحصلون في المرفقات قصة ( الطائرة المفقودة

) ..

جبهة لكل شخص دووب يحمل مشاعر

:
يا كرهي لإليزابيث خذت قلبي ولا ردته

ليز

: (ترى ما أحبك يالدوووبه

ياشينك بس

)
..
رسالة ودك توصلها لعضو ؟؟

عاشر جبهة :
أبارك لمحبي الكورة بكأس أوروبا

< قمة التناحه

فرنسا أحب منتخبهم وأرحمهم والله إن زيدان يستاهل كل الكؤوس

< ياخسارتك يافرنسا بدونه

أمووووووت في لعب هولندا

والبرتغال مع تسحيبات كريستيانو شي ثاني

وإيطاليا تقول لنفسها(علينا تكسير الخصم بكل ما أوتينا من قوة

ويا أرض تهدي ماعليك أدي

)
بس مع ذلك ياحلو ديرتهم

< ما عرفت ترقع صح

وأسبانيا راؤول معطيها نكهة ثانية

والسويد قبلتها إبراهيموفيتش

وأحس النصراويين فرنساويين

والهلاليين طليان

وأنا أحب الهلال وهولندا

(نظرتها وتحليلها للكورة على معلوماتها اللي من سنة ونصف السنة

)
< بعد كأس العالم 2006 إحترمت أنوثتها وتركت إهتمامها بها

والله ياناس أحلى ترويقه عندي إني أتابع مباراة في غرفه أو صاله بااااااااااااااارده

مع بيبسي بااااااااااااارد

في كاس قزاز (يلمع

) و ليز بالجبن مع شوية شطة .. ومطولة على صوت المباراة ومابقى ألا أطب في الملعب من شدة الحماس

ولا سجلوا هدف شوي وأبشر أبوي

بعد هالخيال خلاااص ماعاد أبي أعرس

ياحلو العزوبية ولياليها الملاح

كنهر النيل العذب

و حد مثلي بات مشجنة

والله إني وش حليلي لحد الآن وأنا محترمه نفسي ومارجعت للكورة بس أحن لها

ولأخبارها ياحبنيلها

سالفة على الطاير}:~
أخوي الصغير عمره ثاني متوسط< 14

جالس يوصفلي هدف كريستيانو رونالدو أنا من سمعت الطاري وانا أقول بأعلى الصوت يالبييييييييييييه ياكريستيانو

قام أخوي وسوا نفسه معصب وقال لا رحتي عند "رجلك" قولي ذا الكلام قلت الحمدلله والشكر بس

أصلا هو بيصير زوجي مستقبلا

وجاء يستهبل وضربني ضربة مزح وبعدها حط رجله برا الغارفه (حافظ أخته ماشاء الله عليه

)
لا تخافون

سامحته ينرحم المسيكين

مايستفاد للجميع: لا تعصبون بسرعه وأرحموا اللي أصغر منكم موب تستقوون عليهم

مايستفاد لحواء لبى عينها

: أنتوا يالبنات ترى مايمنع إنك تروحين لأبوك وتقولين له: يبه بــأعرس تكفى

خذيها مني "نصيحة اخت صادقه"

:لا صار اللي تبينه مثل كريستيانو والله مافيها شي

بالعكس أبوك بيأيدك دامه بيفتك من هبالك

حادي عشر جبهة :
الجبهة الحادي عشر< للي يتعبون نفسيا

هذي أغنية السوري لبنت هكتور (السوري=سارة) موب مصري تأتي نيابة عن ذكر إسمي الغير مصرح به رسميا من ذات نفسي الكريمة بس بلهجة سورية موب سارة اللي تغني فوق
<إفقلوني إذا فهمتوا شي

ريري يالبيييييييه بس يا أنتي

يالله ريما تنام
يالله يجيها النوم
يالله تحب الصلاة
يالله تحب الصوم
يالله تجيها العوافي
كل يوم بيوم
يالله تنام
يالله تنام
وأدبحلا طير الحمام
روح يا حمام لا تسدأ
بضحك

ع ريما تتنام
ريما ريما الحندائه
شعرك أشئر ومنئا
ياللي حبك بيبوسك
ياللي باضك شو بيتلاءا
ودي شتشه
ودي شتشه
والخموخ تحت المشمشه
كل ماهب الهوا
لأطف لريما مشمشه
هيي هيي هي لينا
بستك لكنك عيرينا
تنغسل تياب ريما
وننشرهن ع الياسمينا
..

س/ وش أناشيدكم اللي تغنونها للحلوين الصغار ولا بهونون الكبار الدلوعين ؟

ثاني عشر جبهة :
ياللي تتعبون نفسيا

لا هنتوا على التعب النفسي اللي سببه لكم موضوعي

ولا تهون نفسياتكم التعبانه

..
أنت إيه أنت

إذا بغيت ترد على النقاط كلها خير وبركة أما إذا مابغيت عندك طريقين يا إنك ترد على النقاط اللي تعجبك يا إنك تكتفي بالشكر لصاحبة الموضوع .. إذا بترد على النقاط اللي تعجبك خير وبركة أما إذا بتكتفي بالشكر لصاحبة الموضوع عندك طريقين يا إنك بتكتب كلمات عسل مثلك يا إنك بتكتب كلام زي وجهك .. إذا بتكتب كلمات عسل مثلك خير وبركة أما إذا بتكتب كلام زي وجهك عندك طريقين يا إنك تحذف مشاركتك يا إنك تخليها .. إذا حذفت مشاركتك خير وبركة أما إذا خليتها عندك طريقين يا إنك تستهبل يا إنك تستهبل .. إذا كنت تستهبل الأولى خير وبركة أما إذا كنت تستهبل الثانية عندك طريقين يا إنك تعتذر أنت ووجهك يا إنك تصمم على موقفك البايخ .. إذا إعتذرت أنت ووجهك خير وبركة أما إذا صممت على موقفك البايخ عندك طريقين يا إنك تثبت لنا وجهة نظرك من صحتها يا إنك تعند معك .. إذا اثبت لنا وجهة نظرك من صحتها خير وبركة أما إذا عندت معك عندك طريقين يا إنك تنصك على جبهتك بموقوف يا إنك يستقبلونك بشهار .. إذا إنصكيت على جبهتك بموقوف خير وبركة أما إذا إستقبلوك بشهار عندك طريقين يا إنك تقول لهم أنا عضو جديد أبي ترحيب يا إنك تقول أنا ذابحها ذابحها الله لا يعوقني بشر .. إذا قلتلهم أنا عضو جديد أبي ترحيب خير وبركة أما إذا قلت أنا ذابحها ذابحها الله لا يعوقني بشر عندك طريقين يا إنك تتعوذ من إبليس وترجع لما تبقى من عقلك يا إنك تصمم على هبالك .. إذا تعوذت من إبليس ورجعت لما تبقى من عقلك خير وبركة أما إذا صممت على هبالك عندك طريقين يا إنك تنعطى أبر مهدئة من المستشفى يا إنك تشرد من شهار .. إذا إنعطيت أبر مهدئة من المستشفى خير وبركة أما إذا شردت من شهار عندك طريقين يا إنك تدعسك سيارة وتفك الناس من شرك وتموت يا إنك تمسك خط الطايف-الرياض .. إذا دعستك سيارة وفكيت الناس من شرك ومت خير وبركة أما إذا مسكت خط الطايف-الرياض الله يوصلك لأهلك بالسلامه

.. خيوو جتك بقعا

<على رجليها ولا على ليموزين

<شفتوا إني حبيبة ولا فيه أحلى مني ياقلبوووش علي ياناس ماحلاني
يالبى روحي .. ياقلبي علي بس .. ياحبنيلي<تسمع بالترفيع الذاتي

برايفت حتى ظلالي هلالي ..
تذكرين موضوع أخوك محمد العيدين

الرمضانيين

تعالي لا تكونون عايلة شيعية

وإحنا ياقلبي علينا جالسين ندور حل لمشاكلكم العقدية

حسبي الله على بليسكم

<تذكرت طارق العلي

نهاية الكلام أقول لكم/
(كثر الله خيركم

وطول الله عميركم

وكبر الله غميركم