#1  
قديم 21/06/2008, 10:18 AM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
مديرة مدرسه ذكـــيه جـــداا

هذي قصه ويقول ناقلها انها حقيقيه


تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟


قالت لهن باركولي تزوجت ..


قالن مبروك يامديرة ولكن منهو زوجك ؟.


قالت لهن بصراحة زوجي هو زوج إحداكن .


المدرسات تكفين علميننا أي وحدة منا ؟


قالت المديرة والله ما أعلمكن .


المهم لزمن عليها فقالت لهن أنا مني متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جات تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال .


وافقن المدرسات على الطريقة .


ويوم جاء بكرا وكل وحدة مزهبه معها الدراهم .


جات الأوله والثانية والثالثة والرابعة حتى العاشرة والمديرة تاخذ الدراهم ..


يوم جت المدرسة ال 11 وبدت المديره توقف عندها المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه اسفه أثاريك أنتي جواهر والله اني آسفه غلطت يوم أتنفست المدرسة وقالت الحمد لله يعني بتاخذين الفلوس المهم اخذتها المديرة .


ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية ..


المهم بقي مدرسة وحدة فقط ماجات يوم اتصلن عليها المدرسات هاه وينك يا استاذه قالت والله اني تعبانه وماني جايه .


قالت المدرسة الغايبة : هاه من صار زوجها اللي متزوج المديرة ؟


قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين ..


المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم .


دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .


يوم طلعت لقيناها عادية وماصار شي وفلوسها أخذتها المديرة .


قالن يابنات فيه وحده منكن ماخذت المديرة دراهمها ؟


قالن لا والله كلنا اخذت دراهمنا .


ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟




قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبكن قبل شهر تدفعن لي مئة ريال عشان نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد ..


قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا .
اضافة رد مع اقتباس
  #2  
قديم 21/06/2008, 10:25 AM
موقوف
تاريخ التسجيل: 12/04/2007
المكان: المجلس العام
مشاركات: 11,440
هههههههههههههههههههههههههه

سبحان الله يا الحريم

لو تبي 10 ريال قالوا و الله ما معنا و ذا الشهر نمر بظروف

لكن شي إسمه زواج و لا مسيار و من الخرابيط هذي طلعت الدراهم من تحت الأرض

موضوع رائع و أنتي حكمتي على أنفسكم خخخخخخخخخخخ

دمتم بود ...
اضافة رد مع اقتباس
  #3  
قديم 21/06/2008, 10:25 AM
الصورة الرمزية الخاصة بـ MaRoUaNe
زعيــم متألــق
تاريخ التسجيل: 06/02/2008
المكان: بريده
مشاركات: 1,439
أشكرك على القصة الحلوة الممتعة


(( ونستيني على الصبحية ))
اضافة رد مع اقتباس
  #4  
قديم 21/06/2008, 10:29 AM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
إقتباس
الرسالة الأصلية كتبت بواسطة راكان _20_
هههههههههههههههههههههههههه

سبحان الله يا الحريم

لو تبي 10 ريال قالوا و الله ما معنا و ذا الشهر نمر بظروف

لكن شي إسمه زواج و لا مسيار و من الخرابيط هذي طلعت الدراهم من تحت الأرض

موضوع رائع و أنتي حكمتي على أنفسكم خخخخخخخخخخخ

دمتم بود ...




دوم ها الضحكه
اي والله صدقت شفت كيف طلعو الدراهم ههههههههههه
اضافة رد مع اقتباس
  #5  
قديم 21/06/2008, 10:31 AM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
إقتباس
الرسالة الأصلية كتبت بواسطة Mr.Marwan
أشكرك على القصة الحلوة الممتعة


(( ونستيني على الصبحية ))




سرني مرورك
...............................
اضافة رد مع اقتباس
  #6  
قديم 21/06/2008, 11:26 AM
زعيــم فعــال
تاريخ التسجيل: 10/02/2008
مشاركات: 388
ههههههههه بجد قصة رائعه حبي
اتمنى لك التوفيق حياتي
الوحده لما تسمع بزواج زوجها تقوم الدنيا وما تقعد
اضافة رد مع اقتباس
  #7  
قديم 21/06/2008, 11:33 AM
زعيــم مميــز
تاريخ التسجيل: 01/09/2005
المكان: نبض إنسان
مشاركات: 8,997
مشكلتنا نرفض الصدقهـ, مهما كانت قليلهـ,

وهذي المديره عرفت كيف تخرج الفلوس منهم,


عوافي مزنهـ,
اضافة رد مع اقتباس
  #8  
قديم 21/06/2008, 12:00 PM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
الف شكر على مروركم
.....................
اضافة رد مع اقتباس
  #9  
قديم 21/06/2008, 12:22 PM
زعيــم مميــز
تاريخ التسجيل: 22/05/2007
المكان: LONDON
مشاركات: 1,585
ههههههههههههههههههههههههههههههه

اجل بغيب يومين وبروح للمدرسين بسويلهم نفس الحركه
بس بقولهم اخذت بنت واحد من المدرسين
بس اخاف يذبحني المصري يبي الخمسميه
هذا اذا عطاني والله لو اني متزوج قبيلته والله ما اشد 100موب 500
اضافة رد مع اقتباس
  #10  
قديم 21/06/2008, 12:27 PM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
إقتباس
الرسالة الأصلية كتبت بواسطة az3eem-4-ever
ههههههههههههههههههههههههههههههه

اجل بغيب يومين وبروح للمدرسين بسويلهم نفس الحركه
بس بقولهم اخذت بنت واحد من المدرسين
بس اخاف يذبحني المصري يبي الخمسميه
هذا اذا عطاني والله لو اني متزوج قبيلته والله ما اشد 100موب 500



هههههههههههههههههههههههه والله صدقت

يسلمو على المرور
اضافة رد مع اقتباس
  #11  
قديم 21/06/2008, 12:36 PM
زعيــم متواصــل
تاريخ التسجيل: 22/04/2008
المكان: بارض ابو متعب
مشاركات: 135
مشكووووورة على هالقصة الرائعة ومن ناحية الذكاء فهي ذكية

والمدرسات كل وحدة يدها على قلبها .. هههههههههه
اضافة رد مع اقتباس
  #12  
قديم 21/06/2008, 12:39 PM
زعيــم متواصــل
تاريخ التسجيل: 28/05/2008
المكان: هاه؟
مشاركات: 132
يسلمو على مرورك

......................
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:37 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2021, Jelsoft Enterprises Ltd

Google Plus   Facebook  twitter  youtube