|
مديرة مدرسه ذكـــيه جـــداا هذي قصه ويقول ناقلها انها حقيقيه تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟ قالت لهن باركولي تزوجت .. قالن مبروك يامديرة ولكن منهو زوجك ؟. قالت لهن بصراحة زوجي هو زوج إحداكن . المدرسات تكفين علميننا أي وحدة منا ؟ قالت المديرة والله ما أعلمكن . المهم لزمن عليها فقالت لهن أنا مني متكلمة اللي تبي تعرف هل هو زوجها وإلا لا تجيب بكرا معها خمسمية ريال وإذا جات تحط الخمسمية على الطاوله واللي آخذ خمسميتها فهي مهو زوجها واللي أخلي خمسميتها على الطاولة ولا آخذها فهو زوجها عيب علي اتزوج زوجها وآخذ بعد منها خمسمية ريال . وافقن المدرسات على الطريقة . ويوم جاء بكرا وكل وحدة مزهبه معها الدراهم . جات الأوله والثانية والثالثة والرابعة حتى العاشرة والمديرة تاخذ الدراهم .. يوم جت المدرسة ال 11 وبدت المديره توقف عندها المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه اسفه أثاريك أنتي جواهر والله اني آسفه غلطت يوم أتنفست المدرسة وقالت الحمد لله يعني بتاخذين الفلوس المهم اخذتها المديرة . ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية .. المهم بقي مدرسة وحدة فقط ماجات يوم اتصلن عليها المدرسات هاه وينك يا استاذه قالت والله اني تعبانه وماني جايه . قالت المدرسة الغايبة : هاه من صار زوجها اللي متزوج المديرة ؟ قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .. المهم جت تسحب رجليها بالقوة ويوم جت تدخل المدرسات كل وحده مبسوطة انها مهي هي وبدن يسمن على المدرسة ال 24 عشان ماتنصدم . دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة . يوم طلعت لقيناها عادية وماصار شي وفلوسها أخذتها المديرة . قالن يابنات فيه وحده منكن ماخذت المديرة دراهمها ؟ قالن لا والله كلنا اخذت دراهمنا . ودخلن المدرسات على المديرة وقالن اخذتي الفلوس من كل المدرسات تلعبين علينا منهو زوجك ؟ قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبكن قبل شهر تدفعن لي مئة ريال عشان نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .. قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا . |
هههههههههههههههههههههههههه سبحان الله يا الحريم لو تبي 10 ريال قالوا و الله ما معنا و ذا الشهر نمر بظروف لكن شي إسمه زواج و لا مسيار و من الخرابيط هذي طلعت الدراهم من تحت الأرض موضوع رائع و أنتي حكمتي على أنفسكم خخخخخخخخخخخ دمتم بود ... |
أشكرك على القصة الحلوة الممتعة (( ونستيني على الصبحية )) |
إقتباس:
دوم ها الضحكه اي والله صدقت شفت كيف طلعو الدراهم ههههههههههه |
إقتباس:
سرني مرورك ............................... |
ههههههههه بجد قصة رائعه حبي اتمنى لك التوفيق حياتي الوحده لما تسمع بزواج زوجها تقوم الدنيا وما تقعد |
مشكلتنا نرفض الصدقهـ, مهما كانت قليلهـ, وهذي المديره عرفت كيف تخرج الفلوس منهم, عوافي مزنهـ, |
الف شكر على مروركم ..................... |
ههههههههههههههههههههههههههههههه اجل بغيب يومين وبروح للمدرسين بسويلهم نفس الحركه:d بس بقولهم اخذت بنت واحد من المدرسين بس اخاف يذبحني المصري يبي الخمسميه:d هذا اذا عطاني والله لو اني متزوج قبيلته والله ما اشد 100موب 500:d |
إقتباس:
هههههههههههههههههههههههه والله صدقت يسلمو على المرور |
مشكووووورة على هالقصة الرائعة ومن ناحية الذكاء فهي ذكية والمدرسات كل وحدة يدها على قلبها .. هههههههههه |
يسلمو على مرورك ...................... |
| الوقت المعتمد في المنتدى بتوقيت جرينتش +3.
الوقت الان » 01:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd