اقتراح:الثلاثي المرعب يحترف بديلا لنواف - نادي الهلال السعودي - شبكة الزعيم

الادفوكاتو · #1 13/04/2002, 01:48 PM

هم لو يسوونها بس‍‍‍..!
ياليت اداره الهلال ماتوافق على انتقال لاعبنا الكبير والمحبوب نواف التمياط لهولندا.. وعشان مايزعل الوفد الهولندي الي جاي الرياض... اقترح على اداره الهلال انها تتنازل لهم عن الثلاثي المرعب روبرتو المسعري+كارلوس النزهان+دونقا القحطاني...( بس على شرط النزهان يربي سكسوكه والمسعري يصبغ شعره اشقر)-بزعهم محترفين- وبعد تتكفل اداره الهلال براوتبهم طيلة فتره احترافهم بالدوري البنغلاديشي اقصد الهولندي... ويادار مادخلك شر

================================
لو فكرنا شوي بجد!!
نواف اذا احترف وراح من الهلال مافيه امل يرجع لين يعتزل والسبب طبعا ان النادي الهولندي بيشتري بطاقته وبيوقع معه عقد4 سنوات وبعدها اكيد بيبعه بسعر غالي والعلم عند الله ..الخلاصه ان اداره الهلال ماراح تقدر تشتري عقده وترجعه ياناااااااااس..كلنا نحب الخير لنواف ونقول الله يوفقه لكن احتراف 4 سنوات صعععععععبه ياناس صعبه لو سنه او ست شهور ماهي مشكله

نداء الى الادارة:... ارجوكم لاتفرطون بنواف وخلوه للزعيم واذا كان الاحتراف فينا فينا دوروا عقد سنه او سنتين على طريق الاعارة موب بيع البطاقه....

او اسمعو اقتراحي وعطوهم الثلاثي المرعب بلاش + بندر المطيري ياخذونه لاعب سله عندهم(عشانه طويل)

والله اعلم وصلى الله على محمد واله وسلم

السلطانة · #2 13/04/2002, 01:50 PM

اقتراح رائع

الادفوكاتو · #3 13/04/2002, 02:04 PM

مشكوره يالسلطانه...
والباقين وش رايكم بالاقتراح؟

الهلال الخصيب · #4 13/04/2002, 02:18 PM

نواف حرام يروح من عندنا هو مكسب لاي فريق يلعب له مهارات ذكاء اخلاق لايوجد من يغطي مكانه ابد...

ولكن من مصلحة نواف والكره السعوديه والهلال فيما لوكان العرض مغري احترافه

وبمبلغ نواف ناتي بصانع لعب عالمي يعوض غيابه ..

هذا رايي

اما الرباعي فأرحمهم كافي ماهم فيه .. اعتقد بأنهم سيعتزلون نهاية الموسم او بعد كاس السوبر الاسوي ..لانهم سيساهمون بأحرازه ..

هلالي حتى النهايه · #5 13/04/2002, 02:22 PM

احلى اقتراح والله فنانين خصوصا في الدوري الهولندي اتوقع يبدعون

لاتصدقـــــــــــــــــــــــــــــــــــــــــون

كـادي · #6 13/04/2002, 02:27 PM

بندر المطيري ليه والله حلو لعبه

اما البقيه بكيفهم يشرون عقودهم طول الحياة

الزعيم الأبن · #7 13/04/2002, 05:48 PM

ترى هولاء خدموا الهلال و ياما اسعدونا بأنتصاراتهم.اقول لهم شكرا لما قدمتموه و ننتظر منكم اكثر

الفارس الأزرق · #8 13/04/2002, 05:55 PM

الله يوفقاالتمياط والهلال

الفارس الأزرق · #9 13/04/2002, 05:56 PM

The Danger · #10 13/04/2002, 08:20 PM

ههههههههههههه

رامي الهلالي · #11 13/04/2002, 08:28 PM

بصراحه هو اقتراح رائع بس....

احتراف نواف راح يعود على المنتخب بالفائده وسمعه الوطن هي المهمة .... بعدين راح يبرهن الى العالم ان المملكه قادره على انتاج لاعبين كبار مثل نواف... ونراويهم الى اي مدى تقدم وصل المنتخب .... والهلال بمن حضر..

الادفوكاتو · #12 13/04/2002, 09:59 PM

عزيزي الزعيم الآبن....... رأيك على عيني وراسي
بس ماتشوف ان هاالثلاثه الي تقول انهم خدموا الهلال... ان ظررهم اكثر من نفعهم؟؟
وماتوافقني الرأي ان(الواسطه) ولا غيرها هي من ابقت عليهم ونسقت الكثير والكثير من الصاعدين؟؟؟
وبصراحه بالله عليكم تركي القحطاني مستواه يؤهله ان يلعب حتى بضمك مو الهلال ؟؟؟

Za3eem Al Fun · #13 13/04/2002, 11:36 PM

[gl]عــــــرض خـــــــاص .. اشــتـري 3 ... وأحــصـــل علي 2 مجـانــا[/gl]

فقط للراغبين وبجديه في شراء عقود:

كارلوس النزهان -ربورتوالمسعري -ودونقا القحطاني

أحصل مجانا علي خبصات(خدمات) بكنباور المفرج & وشوماخر العتيبي

العرض ساري فقط علي الثلاثي المرعب وعلي الراغبين مراسله سمسار الشبكه الادفاتكو

:p :p

senani55 · #14 14/04/2002, 12:24 AM

كلام حلو

شذى الهلال · #15 14/04/2002, 11:42 AM

والله اذا راحوا لاعبين المنتخب مالنا غيرهم هاللي تتهزون فيهم .