لا يدخل إلا الجادين فقط ....رجاءاً - نادي الهلال السعودي - شبكة الزعيم

أبو ري · #1 11/06/2008, 06:36 PM

السلام عليكم ورحمة الله وبركاته

يا جماعة الخير تراكم أزعجتونا بـ محمد نور و حسين عبدالغني و محمد الدعيع وغيرهم وغيرهم .......
وكأن اللي يختار المنتخب ما يفهم وتبغون الصراحة أنا ما افضل ان محمد نور أو حسين عبدالغني يرجعون المنتخب ...لأسباب عديدة ....أهمها ..."الإنـــــضـــــــبـــــــــــــــاط" في الملعب أو خارج الملعب ....
وكلكم يعرف ان محمد نور الله يعطيه العافيه مزاجي وكذلك حسين ، يعني في اي وقت ممكن تلعب بتسعة لاعبين
وما أحد ينكر الشي هذا ..وبصراحة التدريب ما هو بس انك تختار لاعبين وتحطهم بالملعب يا جماعة الشغلة على حسب .
اذكر قبل بداية كأس العالم بامريكا عام 94م لما جا المدرب الداهية (سولاري ) اللي اتمناه الآن اختار لاعب من
نادي الرياض "طلال الجبريل" وكان في البطولة صممام أمان للمحور السعودي واللي قبله كان ملعبينه ظهير ايسر .
ونفسي الآن اعرف لماذا استبعد اللاعب عبدالرحمن القحطاني ... ما اقول إلا الله يعين اللاعبين والجمهور على القادم
اللي كل يوم يجي واحد ويقول نجهز المنتخب للسنوات القادمة كيف وهو كل شهرين مدرب !!!!!!

ارجو وضع اراءكم بخصوص انضباط اللاعبين متى كان مع باكيتا أو مع أنجوس .

آسف على هذا الحشو والكلام اللي ماله داعي لكن ياليت بس نتكلم بواقعية تفيد المنتخب في الحاضر والمستقبل.

الشمري 999 · #2 12/06/2008, 12:44 AM

الأخضر ماعليه من الاسماء

ليا جاء وقت الجد

الأخضر ماله ند

شفشنكو الزعيم · #3 12/06/2008, 12:56 AM

اما محمد نور ؟؟ حبيبي انت اخترت لاعبين لايختلف عليهم

اثنين .. انا ضدك ارجوووووووووو الاسراع بضم محمد نور.

وحسين عبدالغني. شوف كيف تصفيات كاس العالم 2006

كيف كان المنتخب والحين كيف الحين ماشي بالبركه بس.

اختلاف الرأي لايفسد بالود قضيه؟

هلالي9 & ميلاني22 · #4 12/06/2008, 01:13 AM

والله يالغالي أتحدى واحد يبي مصلحة المنتخب ولايبي نور والمنتشري الدعيع وعبدالغني و...

لكن من ناحية الإنضباط أول غير والحين غير .. الحين حسينا بالفراغ الموجود بعد ماراحوا .. وبتكون المسؤولية أكبر بالنسبة لهم ..

لذلك يالغالي أنا من وجهة نظري أتمنى أن يتم إستدعاء كل من يحتاج لهم المنتخب .. مثل المذكورة أسمائهم وآخرين لم يذكروا ........

إختلاف الرأي لايفسد للود قضية .. بالتوفيق لك وللمنتخب .. دمت بألف خير ..

هلالي نص كم · #5 12/06/2008, 02:13 AM

صرآحه و أنا أخوك اللآعبين مع بآكيتا كانوا أفضل

بس تبي الصرآحه أحنا يبي لنا مدرب عالمي

تدري ليش ؟ علشآن يضبط المنتخب و يختآر اللآعبين على

حسب ما يرى هو وليس المنآصب هي اللتي تختار الأسماء

وحتى ترى المنتخب بشكله الرآئع و الأنضبآطي

تعلمت على حب الهلال · #6 12/06/2008, 02:30 AM

اما محمد نور ؟؟ حبيبي انت اخترت لاعبين لايختلف عليهم

اثنين .. انا ضدك ارجوووووووووو الاسراع بضم محمد نور.

وحسين عبدالغني. شوف كيف تصفيات كاس العالم 2006

كيف كان المنتخب والحين كيف الحين ماشي بالبركه بس.

اختلاف الرأي لايفسد بالود قضيه؟

أبو ري · #7 12/06/2008, 10:12 AM

بارك الله فيكم ....

ستبدي لك الأيام ماكنت جاهلا
ويأتيك بالأخبار من لم تزود

بالتوفيق للمنتخب السعودي

teva4ever · #8 12/06/2008, 10:29 AM

إقتباس


	وكلكم يعرف ان محمد نور الله يعطيه العافيه مزاجي وكذلك حسين ، يعني في اي وقت ممكن تلعب بتسعة لاعبين

حبيبي ... انا افضّل اننا نلعب بتسع لعيبه

لاننا اساسا نلعب بـ 5 حاليا بس !

ان اشتغل لاعب في مباراه

طفى في الثانيه

الشمراني وش سوى ؟؟ مالك وش سوى ؟؟

مهو عيب فيهم

بس من بيوصل لهم كور زي الناس ؟؟

وان كان على قولتك ازعجناك !!!

ترى مدرب السويد مدري اسكتلندا .... كان مدرب عندنا للمنتخب

ويوم الغوا عقده كالعاده ... راح درب منتخب بلده

وبالصدفه ... كانت بين منتخبهم ومنتخبنا مباراه .. رسميه طبعا

فـ لما شاف اللعيبه ... ونور مو معهم .... خاف !!

قال انا يوم كنت ادرب السعوديه .... كان افضل لاعب عندهم هو محمد نور ... الحين نور موموجود في التشكيله .... يعني اللاعبين اللي في المنتخب السعودي افضل مستوى من نور ... علشان كذا ماضموه ؟؟

هذا مدرب اجنبي .... واستغرب

تبينا ندق اصبع ونجامل بعض ؟؟ الشلهوب يقول ياعالم فكوني مابي العب .. وهم ناشبين له

والمشكله انه مايقدم مستوى .. وبرضو ناشبين له !!

على الله ان شالله

الابنوي · #9 12/06/2008, 10:44 AM

المنتخب ما راح يفوز بكاس العالم الا اذا احترف الاعبين خارج الوطن ويتعلمون ..."الإنـــــضـــــــبـــــــــــــــاط"

the goldenl falcon20 · #10 12/06/2008, 11:26 AM

أنا ضد جلب حسين عبد الغني لأنه مع احتراماتي له كأن ناديه الاهلي يلعب بعشر لاعبين (((( ماله اي تأثير ... وسريع الانفعااال... اما ابو نور انسان مزااااجي

بس ((( على بلاطه لعيبة المنتخب كلهم مزاجيين ..... و من جد أحلا تحيه للمدريبين الي في سنتين او ثلاث جلبوا اكثر من 50 اسم للمنتخب !!!!!!! ولا منتخب البرازيل سواها كل فتره وفتره يغير اللاعبين ... ما أقول الا الله يستر من الجاي

تحياتي لك اخوي

أبو ري · #11 12/06/2008, 02:00 PM

إقتباس

الرسالة الأصلية كتبت بواسطة الابنوي


	المنتخب ما راح يفوز بكاس العالم الا اذا احترف الاعبين خارج الوطن ويتعلمون ..."الإنـــــضـــــــبـــــــــــــــاط"

بارك الله فيك ... جبتها ...

*وايضا ما أحد ينكر المجاملات اللي تصير عندنا ، يعني ما فيه حزم ، على ما أظن أنه في الدوريات الأوروبية يطبقون الأنظمة أحسن منا مع انهم (كفار) وما عندهم مجاملات . . . . .

* النادي ما يستقر على مدرب واحد ، من بداية الموسم تلقى النادي مغير ثلاثة مدربين

كيف راح تمشي على خطة معينة

.

* اللاعب عندنا مدلل مكافات فوز ( حلالهم) بس شوف الدول محدودة الدخل (اندونيسيا ، نيجيريا ، الكاميرون ، وغيرهم ) اندونيسيا شفناهم في الكأس الأخيرة
ونيجيريا والسنغال كيف وصلا للعالمية .

* ممكن واحد يذكر لنا ايش التطورات الحاصلة في الدوري أو حتى في اللاعب السعودي من بعد كأس العالم 1994م .

*الاحتراف الخارجي دائما يثار وبصراحة اللاعب السعودي

يفكر ما يحترف إلا في برشلونة

أوريال مدريد

يعني كباتن مايحتاج

، وبصراحة ظروف اللاعب السعودي ما تؤهله للاحتراف الحقيقي بنظامه الصحيح .

بانتظار ردودكم

دحم · #12 12/06/2008, 03:14 PM

انا بصراحه معاك ما اؤيد انضمام محمد نور وحسين عبدالغني لان محمد نور في بعض الاوقات مزاجي وغير اخلاقي

اما حسين عبدالغني الان اهلي بيغى ينسقه من كشوفاته يعني وش تتوقعون منهم ؟؟

نبي ناس يلعبون مو على كيفهم شوف محمد الدعيع لاعب منضبط في كل مباريات وياليت الكل مثله

دحم