<TABLE class=tborder id=post112786 cellSpacing=0 cellPadding=6 width="100%" align=center border=0><TBODY><TR><TD class=alt2 vAlign=top width=180 bgColor=#ffffff></TD><TD class=alt1>

خّوية درب عمري ماخذاني دونها النسيان...وانا يا أهل الملامة مارغبت العيش وحداني
أبيها مهرة ماعسفت صغيرة وبنت حصان...أبوها اللي يفك المشكله ويزبن الجاني
واخوها لاتعزوى بأسمها فزوا له العربان...يحق لها الفخر في قولة ( آل فلان ) جداني
ابيها في بحر عشرين لازود ولانقصان...ابيها أقصر طويلة والوصوف أشكال وألواني
****
ابي الجبهة كما الصبح وكما القوس اسود الحجان..وابيها ناعسات ونرجسيه سود الأعياني
ابي رمش كما ريش يغطي الثلج والأوجان...وأبي جفن يشيل الرمش طربان وكسلاني
وابي خد مثل ورد تنمى في طرف بستان...وابي خشم صغير ومثل حد السيف شاماني
ابي البسمة كما البرق وثناياها كما المرجان...وشفاها جمرتين وفمها خاتم سليماني
****
ابي شعر مثل ذيل الفرس لاطبت الميدان...أو الشلال لامن بات من بين الأمتاني
أبي جيد سواة ابريق فضه ناتق مليان...وصدر كنه مرايا عليها طلع رماني
ابي ظهر كما الجدول وقد مثل غصن البان...وخصر مثل مجدول العنان وجسم رمياني
أبيها نابية ردف وبطن ضامر جوعان...أبيها مدمجة ساق وقدمها ساق ثعباني
****
ابيها بنت عز من رغدها ينعم الفستان...أبي الرقه وأبي الدقه لها باطرافها شاني
ابي المشيه كما اللي طالع من المعكره كسبان...وابيها ترش مع خطواتها مسك وريحاني
أبي صوت الى مني سمعته كن فيه الحان...يدغدغ مسمعي ويثير كل السحر ( فـ..اشجاني
ابيها حب واخلاص وهواجيس وفرح واحزان...ابيها مثل مادكتور اهالي العشق وصاني
****
ابيها لوحة ماصورتها ريشة الفنان...ابيها جوهرة ماجابها قاصر ولا داني
ابيها تنتصر لي من زمان حطني نيشان...وتبشر بالغلا اللي ما لفابه واحد ثاني
مهرها قلب وشعر يهز القلب والوجدان...والبسها القصيد وتصبح أوزاني وقيفاني
ابي اللي فات واللي فات صعب ومن لقى العنوان..يرد العلم والا افضل ابقى اعيش وحداني

00000

الموهوب الازرق
شكراً وتقيراً أدّ الدنيا


0000000000000

</TD></TR></TBODY></TABLE>