سر من اسراري ((الي موب سنعااات)) - نادي الهلال السعودي - شبكة الزعيم

مزنه بنت مايكل · #1 10/06/2008, 03:37 AM

بسم الله الرحمن الرحيم

السلام عليكم ورحمة الله وبركاته

ترى الماضوع مايسوى .. يعني الي وراه شغل .. خله يروح عاتي .. موب مهم ..

عندما تضيق بك الدنيا .. وتبحث عن السعادة .. ولا تجد مايسعدك ويفرح قلبك إلا الجبن السايل

فهي بسيطة

لكن أن شفت الجبن خالص .. وزارطين اوم اومه العائيلة .. وش بتسوي؟

بهالحالة ... مالك الأ أنك تحط ذا القزازهـ كاسات للشاهي ..

========================

هذا حل لكل وحدة مثل عايلتنا .. حرام يضيع القزاز
مالها داعي تحطون الأكواب الزينه كلن يشرب فيها : الي يسوى والي مايسوى

========================

المهم

أنا وانا تفشانه قبل شوي .. جتني اختي
وقعدت تصيح عندي .. وتقول ..خلص الجبن السايل.. سوي لي اندومي

قلت لها جعلتس العله .. الحين الناس لاعيرو حريمهم يقولون انتي ماتعرفين الا اندومي
...
وتجين أنتي ماتعرفين حتى الأندومي ..

قالت علمينن ... عشان ماعاد اطلب منتس ..

قلت طيب

بما اني قلت طيب .. وهالكلمة ماقد قلتها قبل كذا لأحد <<<تسلبه

قرقرت اني اعلم اللي موب سنعاات مثل اختي سر طبختي

أمثال بلسووومه وشموووسه <<<بتتصفق ..

.........

أول شي .. اندزلعي للمطبخ .. وشمري كمومتس .. وربطي شعرتس عشان مايغثتس ..
أو بالأصح عشان ماتطيح شعرة على الأكل

ثاني شي : غسلي يدينتس .. ولو أضافرتس طوال قصيهن . واخزياة ..
وععععععع تبين ناكل من وحده اظافرها طوال؟

ثالث شي : أستعدي نفسيا للطبخ .. عشان مايقولون الأكل مافيه نفس <<<مافهمتها بس اسمعها دايم

رابع شي : طلعي البزارين عن المطبخ ..

ولعي النار .. وأنتهبهي ليدينتس ..
وحطي في ربع القدر مويه ..

جيبي حبتين اندومي ..

همن فكيهم .. وحطيهن في وسط القدر .. الله لايهينتس ..

وحطي عليهم البهارات الي معهم موب حارة ..

همن .. حركيه بالملعقة .. وخلية ..

الين يبدأ يبين عوده .. موب تخلينه ينتفخ مره .. موب زين يطلع

طلعين بعد تسذا وحطيه بالصحن .. وحطي البهارات الحاره عليه ..
وأزرطيه بالعافية

باللهي موب موضوع خطير ؟؟ باللهي موب موضوع يخرع . ومحد يعرف ابد ؟؟

..........

عاد بمناسبة أني بينت لكم أني سنعه بالحيل .. قررت أني اقوولكم طريقه اوخرى

<<<<لها ثلاث دقايق محد شوتها

........

ينعن ابو جد المواضيع الي تسذا .. بس والله اذا لاحظتو فيها نصايح بقوة ..
وكثير ناس تجهلها .. مثل الشعر .. بالطبخ .. والأظافر ..

وش رايكم بالاندوومي هل انتو معه او ضده