::..:: فضاوة إختبارات ::..:: غرائب + حوادث + ضحك ::..:: - نادي الهلال السعودي - شبكة الزعيم

أسيــ الزعيم ــر · #1 08/06/2008, 06:42 PM

طق طق طق .. يا أهل البيت

مساكم الله بالخير .. مساكم الله بالنور والسرور

فياض يقول العالمية حقين قلوب .. واليوم جاي انشر هالعادة عندكم .. لفيت كذا موضوع مافيه ولا قلب

شباب ترى حدها ايقونة

لكن بصراحة ما تطلع مني ألا من غلا اللي اوجهها له .. وكثييييير يستاهلون هالغلا .. وأنتم يا اهل المجلس اللي اعرفهم بس

لكم غلا في قلبي لذلك خذوا لكم قلب من هالبشكة اللي تحت

واللي مهوب لاقي شي يكفيه الإحترام :$

هاليومين يا الربع طايح في اليوتيوب بشكل فظيع .. مدري ليه يمكن عشانها حزة إختبارات

بكرة عندي اختبار واللحين اكتب موضوع .. لا واخر دراستي بعد

ما أبي الا دعواتكم بالتوفيق لي ولجميع الطلاب

فـ مسكت معي أكتب موضوع عن بعض المقاطع من اليوتيوب لكن بطريقة مختلفة .. بحاول أجيب على كل مقطع سالفة عنه وإن شاءالله يعجبكم .. وطبعا ً بتكون المقاطع عن غرائب العالم واللي أيضا ً هاليومين صاير أميل لها وادورها .. فـ بحط لكم المقطع مع تعليق أو خبر عنه إن شاءالله

ونتمنى لكم مشاهدة ممتعة مع برامجنا

المقطع الأول يتكلم عن طفلة هندية وُلدت بأربعة أرجل و أربعة أيدي [ سبحان الله ] .. وهي حالة نادرة في العالم و قد تكون الأولى من نوعها .. الكلام هذا في 2007 م و كانوا وقتها قد قرروا إجراء عملية لها ويتكون الفريق الطبي من 30 طبيبا ً وستستغرق العملية 40 ساعة .. ولا ادري وش صار عليها

اضغط هنا لمشاهدة المقطع وفيه توضيح بالأشعة لجسم الطفلة

أما المقطع الثاني فـ هو في البرازيل وبالتحديد في غابات الأمازون .. هناك تم إكتشاف قبيلة من السكان الأصليين للبرازيل [ البدائيين ] .. القبيلة هي مجهولة ولا تعرف هذه القبيلة أي شيء عما يجري في العالم من حولها

تم إكتشاف القبيلة من خلال مروحية كانت تحلق فوق الغابة .. وكان هذا الإكتشاف في شهر يونيو 2008 م !

إضغط هنا لمشاهدة المقطع من قناة روسيا اليوم

إضغط هنا لمشاهدة المقطع من قناة MBC

هنا نوقف عن الغرائب .. فيه كثير في اليوتيوب لكن هذا اللي شدني بصراحة وأفضل الموجود .. الفقرة الثانية بتكون ضحك و فلة

تخبرون البرنامج اللي يجي على القناة الثانية بعد صلاة المغرب في رمضان .. والله مدري يجيبونه الى اللحين والا لا

لكن بتكون الفقرة من نفس النمونة .. بس بالعربي

المقطع الأول خمس دقايق بس ضحك مهوب طبيعي

بالنسبة لي أستمتع بهاللقطات بشكل كبير .. بس ما قهرني في المقطع ألا الكلب اللي راكب له الزلاجة .. الزلاجة ذي هي اللعة الوحيدة اللي مدري وشلون يركبونها العالم

لا و الكلب

مستمتع ويمشي مع اللفات بشكل طبيعي .. هذا لو يدخل مسابقة مع بعض التدريب محد واقف قدامه من البشر

اوه نسيت القلوب

المـــقطع هنا

خلاص مافيه مقطع ثاني هالمقطع خذا كل اللقطات الزينة

نطلع اللحين على الحوادث .. سبحان الله .. تخيلوا شاحنة توزن بالطن .. تطيح على سيارتك .. ما عنك وعن الموت .. لكن فعلا ً لن تموت أبدا ً قبل أجلك .. المقطع ما يحتاج تعليق كثير .. هو أمامكم وشوفوه

إضغط هنا لمشاهدة المقطع

عاد لازم نحط لكم مقطع كورة نختم فيه الموضوع

.. المقطع يحكي أن فريقا ً اخرج الكرة بسبب اصابة لاعب من الفريق الآخر .. الفريق الثاني يبي يرجع الكورة دخلت هدف .. والباقي كملوه في المقطع

المقطع هنــــا

هذا اللي عندي والموضوع قابل للزيادة من خلالكم

Al-7ooot · #2 08/06/2008, 06:49 PM

انا اخذت القلبين الي على اليسار بلحالهم

مشكور على هالمنوعات . . اكثر شي شدني هالهنود الي مايدرون عن العالم

والله انهم مريحين ومرتاحين لا بوش يعلن ولا عباس يستنكر

لاهنت وذاكر زين

راكان _20_ · #3 08/06/2008, 07:28 PM

إلى الحين فيه عالم عايشين في الغابات ولا يعرفون العالم

و سبحان الله وشي الطفل هذا .

الله يعطيك العافيه على المنوعات

تحياتي ...

سيد الملوك · #4 08/06/2008, 08:05 PM

والله اللي عايشين في الغابات حركة قسما ودي اعيش يوم واحد عندهم

>> يقدر الامو ذي ذابحتة الافلام

يعطيك العافية على مقاطع الفديو قسما انك ذوق

**
تقبل مروري وسلامي لك
سيد الملوك

**

عذبة الصفات · #5 08/06/2008, 08:09 PM

.
.

والله مقآطع عجيبه !

خصوصا الطفل .. ><

لكن وانا احووس بالموقع .. عن طريق احد المقآطع اللي جبتهم

شفت مقطع مب صآحي خخـ

.
.

هوونـ

.

.

.

.

مشكور خيو ^_^

.
.

تيـــــــ26ـــري · #6 08/06/2008, 09:17 PM

أسيـغ هنـآ ( فيس مستغرب )

<< دخـل صدفـة

أجل الدعوهـ في يوتيوب

<< ترآ والله مـآآسوي شيء هنـآكـ

مشكور آسير على المقآطـع ,‘ جآري المشآهدهـ ( فيس شرير )

وبالتوفيق لـ بآلاكـ

والله يعين الجميـع

..

هامور البورصه · #7 08/06/2008, 09:22 PM

هلا والله بـ اسير لقد ان المجلس منور بـ وجودك

والله وصارو مشرفين العالميه كلهم يكتبون مواضيع بالمجلس

عندك بكره اختبار وتدخل على اليوتوب

نااوي تضيع المعلومات انت

هالموقع كل مادخله اتجه للمقاطع الكوميديه <== ايه كوميديه

لا وبعد منزل موضوع واخر سنه بعد يااخي ذااكر وادرس وبيمديك على المجلس

<= الي يشوفه يقول بكره ماعنده شي

عااد انا بكره عندي اختبار وشوفني

قاعد ع النت وقاعد انقل مباراة النمسا وكرواتيا

على العموم يا عبدالله حنا بالمجلس

نااس متفهمين يعني اشلون اقولك أكتب اسم العضو واحط جمبه قلب

واكتب اسم العضوه واحط جمبها قلبين

بس الظاهره هذي بدت تختفي ( دموع )

الظاهر صرنا رجعين

نرجع للموضوع ،،

الحمدالله رب العالمين

الله لا يبلانا ياارب استغفر الله كانها اخطبوط

وامها ذي بعد منسدحه وهم يصورونها على الاقل ارتكزي ولبسي مثل الناس

ولبسي بنتك ، بس بيني وبينك وش يلبسوونها استغفر الله ( ودي احط فيس يضحك بس خايف من العقوبه )

يجيبونها عندنا بالسعوديه عااد السعودين فنانين في التفصيل والتقطيع

لا ومجاني بعد

عبدالله ياليت تصغر الصور شووي على العموم انا ( صغرتها لك ياليت تعدل موضوعك )

القبيلة هذي قريت عنها يقولون البرازيل عازلتهم ولا تبيهم يعرفون عن العالم الجديد

ومدري صراحه وش الغرض من ان البرازيل تسوي كذا والي اعرفه انه تم اكتشافهم

عن طريق الاقمار الصناعيه بس تبي الصدق الموضوع كله مادخل رااسي شكلها فبركة

صحاافه انت عاارف اجازه وفااضين ومافيه دوريات <== بدأ يشطح

اما الكلب يااخي انا ودي اربي كليب صغير

ابو شعر هذاك

احس انه فله بس

رخمه يعني انا ودي بكلب شكله حلو ويكون وفي وفي نفس الوقت يكون شجاع

لا تكفى فكنا من الحواادث

اما على طاري الكوره يااخي هذي تهون كلها روح رياضيه انا مره اتابع برنامج

يتكلم عن الكرة في افريقيا المهم مباراة وحاضرها جمهور خوال طبعاً

المهم حماس

وينطلق هاك الخال ويسحب بنص الفريق ولا فيه امل يمرر الكرة المهم انه سحب

بالحاارس ويحطها بكل ثقه والكرة متجه للمرمى لتعانقه وليعلن الحكم عن هدف جميل

والله ويجيك هاك الخال الصغير

طبعاً هو وش شغلته لحاق كور قسم بالله يا عبدالله

طب وشات ام الكورة

وحط رجله للجمهور

الي قاهرني انهم ماحسبو الهدف

وكملو عاادي

والله سباايك

على العموم يا عبدالله استمتعنا بـ قراءة موضوعك الزريف

قلووب من المجلس العام لـ منتدى حواء

قصدي العالميه بعد ماصبغتوه

موفي صاار كنه منتدى حواء

f*y*d · #8 08/06/2008, 10:47 PM

يا هلا وغلا والله بصاحب الحلا

هلا وسهلا ومرحبتين هلا باللي يسر العين

منوورنا يا ابوعابد وش عندك فمجلسنا

لا يكون مرقّين صلاحياتك جاي تجرب الايقافات في عيالنا

ترا هنا يا كثر اليوزرات الانتحارية أصلا كلنا فينا نخوة انتحار انتبه

أمس كنت أكلم المشاغب على الفجرية وقلتله ودك تتوقف اسبوع
وتكون راحة من النت كم يوم

قال قللي وش خطتك الجهنمية

قلت افتح هالرابط ونزل موضوع

!

إقتباس


	فياض يقول العالمية حقين قلوب .. واليوم جاي انشر هالعادة عندكم .. لفيت كذا موضوع مافيه ولا قلب شباب ترى حدها ايقونة

قبل فترة قامت ثورة قلوب بالمجلس من المشاغب

في دعوة للانفتاحية وزيادة الود والوئام والمشاعر الجياشة

معاً لقلوب لا تتوقف

المهم هالرد تسجيل حضور

وشكله مالي رجعة تذكر يوم تحجز فـ موضوع غانا
وما رجعت

!

برب أكمل الشوط الثاني

هلالي جامعه البترول · #9 09/06/2008, 12:14 AM

أبوعابد

منور المجلس يالغلا ..!!

شفت يوزرك وقلت لازم أشقر ع موضوعك .. واتفق معك في نقطه اليوتيوب وعلاقته الطرديه بالاختبارات .. وللعلم فان حالتي مشابهه لحالتك تماماً .. ومازاد الطين بله هو نهائي الرولان جاروس ومباريات اليورو .. !!

الاختبارات بكل صراحه تنفرد بهذه الميزه .. والطلاب ياغافلين لكم الله .. معطين الجامعه جوها ومو مخلين ع نفسهم قاصر .. وفي الأخير الاختبارات صعبه << بلاها من متابعه اليورو والجلسه ع النت وادمان اليوتيوب ..!!

الله يوفقك باختباراتك وحنا الله يوفقنا ويوفق جميع الطلاب والطالبات .. شد حيلك أبو عابد وبركه فوز الألمان وفوز البرتغال (( وتألق فيريرا بخانه الظهير الأيسر )) .. !!

باسكن روبنز · #10 09/06/2008, 12:35 AM

صباح النور والسرور

اهلا بك اخي اسيــــ الزعيم ــر

نبدأ بالصورة الاولى

صورة تضيق الصدر

الله يشفيها يارب

.. اللهم لا تبلانا ..لك الحمد والشكر

فعلا لما نشوف هالاشياء تهون علينا مصايبنا ونحمد الله على النعمة الي حنا فيها

الصورة الثانية

يعني معقووله طول هالفترة من اكتشفت البرازيل من عام طعش

وتطورت الاقمار الصناعية

توهم يكتشوفون هالقبيلة ...

اشعر انها زوبعة اعلاميـة للفت نظر او شي آخـر

إقتباس


	تخبرون البرنامج اللي يجي على القناة الثانية بعد صلاة المغرب في رمضان .. والله مدري يجيبونه الى اللحين والا لا لكن بتكون الفقرة من نفس النمونة .. بس بالعربي

ايه نذكرة الي يقدمـه ابطال مسلسل ( Full Hous )

اسيــ الزعيــم ــر

الله يعطيك العافيـة على هالصور والفيديوهات

والله يوفقك ويوفق من يختبر من الطلاب ورده والطالبات

روح ذاكر ترى مابقى شي ويجي الصباح

أحساس هلاليه · #11 09/06/2008, 01:01 AM

[IMG]

[/IMG]

أسيــ الزعيم ــر · #12 09/06/2008, 01:32 AM

بسم الله نبدا الردود .. يقولون في المجلس اللي مايرد على الردود اللي في موضوعه تسمونه المغرور

دعونا نبدأ

إقتباس


	انا اخذت القلبين الي على اليسار بلحالهم مشكور على هالمنوعات . . اكثر شي شدني هالهنود الي مايدرون عن العالم والله انهم مريحين ومرتاحين لا بوش يعلن ولا عباس يستنكر لاهنت وذاكر زين

أقرب إيقاف يا مشرفي المجلس

تعدي على حقوق الأعضاء .. المسموح قلب واحد بس

يا اخي قسم كنك تقرا اللي في بالي بس ما ابي ادخل في السياسة << قديم

وبذاكر إن شاءالله << لاحظوا توه بيبدأ

بس دعواتكم تكفون

إقتباس


	إلى الحين فيه عالم عايشين في الغابات ولا يعرفون العالم و سبحان الله وشي الطفل هذا . الله يعطيك العافيه على المنوعات تحياتي ...

الله يعافيك يا الغلا .. وهاللي في الغابة زي الشباب ما دخلت مزاجي بس تستحق المتابعة وماتدرون يمكن صحيحة

إقتباس


	والله اللي عايشين في الغابات حركة قسما ودي اعيش يوم واحد عندهم >> يقدر الامو ذي ذابحتة الافلا يعطيك العافية على مقاطع الفديو قسما انك ذوق تقبل مروري وسلامي لك سيد الملوك

تعيش عندهم

عشان يقولون كان فيه واحد اسمه سيد الملوك

إقتباس


	والله مقآطع عجيبه ! خصوصا الطفل .. >< لكن وانا احووس بالموقع .. عن طريق احد المقآطع اللي جبتهم شفت مقطع مب صآحي خخـ

إقتباس


	هوونـ مشكور خيو ^_^

أثاري ان هالقناة زينة .. دايم امر عليها واقلعها

بس كونوا معي في الخيال .. هامور و ماجد مقبل هالاثنين اللي ينطنطون

وابوطلال و المشاغب والمشاكس اللي انهزموا في مسابقة رمضان اللي فزنا فيها << بيذلهم فيها

و ليو ميسي معهم بعد

هاللي متبطحين

ودي أكمل بس مستحي .. بخلي النهاية مفتوحة للمشاهدين

فياض عاد ينطنط على هالصفر و يتكرفس

إقتباس


	أسيـغ هنـآ ( فيس مستغرب ) << دخـل صدفـة أجل الدعوهـ في يوتيوب << ترآ والله مـآآسوي شيء هنـآكـ مشكور آسير على المقآطـع ,‘ جآري المشآهدهـ ( فيس شرير ) وبالتوفيق لـ بآلاكـ والله يعين الجميـع

إقتباس

ذبحونا هاللي ثقافتهم فغنسية

ترى كلنا نتكلم فغنسي وبطلاقة

ما أقول الا الله يصلحك وشك تسوي هناك

و العياذ بالله

أهم شي تراني ارفع يدي من هاللفلفة في اليوتيوب فاضي لك تروح تشوف اشياء فغنسية

إقتباس


	هلا والله بـ اسير لقد ان المجلس منور بـ وجودك والله وصارو مشرفين العالميه كلهم يكتبون مواضيع بالمجلس

من غلا اللي فيه

والمنتدى منور بأهله

إقتباس


	عندك بكره اختبار وتدخل على اليوتوب نااوي تضيع المعلومات انت

إقتباس


	هالموقع كل مادخله اتجه للمقاطع الكوميديه <== ايه كوميديه

وين المعلومات .. مافيه ولا معلومة براسي

اروح متوكل على الله مشت مشت .. ما مشت الصيف ينتظرني

إقتباس


	لا وبعد منزل موضوع واخر سنه بعد يااخي ذااكر وادرس وبيمديك على المجلس

آآخ بس لو تدري وش مبدأي في المذاكر تضحك و تقول وشلون وصلت أخر سنة .. جامعاتنا ضايعة

إقتباس


	<= الي يشوفه يقول بكره ماعنده شي عااد انا بكره عندي اختبار وشوفني قاعد ع النت وقاعد انقل مباراة النمسا وكرواتيا

يارجال مهوب انا وياك لحالنا

توني جاي من مكان لتجمع الشباب ويا كثرها في الرياض والحمدلله

لقيت اخوياي اختبارهم معي بكرة

يقطع ام الدجة

إقتباس


	على العموم يا عبدالله حنا بالمجلس نااس متفهمين يعني اشلون اقولك أكتب اسم العضو واحط جمبه قلب واكتب اسم العضوه واحط جمبها قلبين بس الظاهره هذي بدت تختفي ( دموع )

شف هي ما جتكم ألا بعد الاحتكاك معنا يا العالميين المتفتحين

لا واتوقع ان هالرد اللي رادته احساس هلالية اول مرة يمر عليكم

إقتباس


	الظاهر صرنا رجعين

أسأل الله أن يوفقكم للتقدم وترك الرجعية

إقتباس


	الحمدالله رب العالمين الله لا يبلانا ياارب استغفر الله كانها اخطبوط وامها ذي بعد منسدحه وهم يصورونها على الاقل ارتكزي ولبسي مثل الناس ولبسي بنتك ، بس بيني وبينك وش يلبسوونها استغفر الله ( ودي احط فيس يضحك بس خايف من العقوبه )

كل هاللي كتبته وانت خايف من العقوبة

أجل لو انك منتب خايف وش بتسوي

إقتباس


	يجيبونها عندنا بالسعوديه عااد السعودين فنانين في التفصيل والتقطيع لا ومجاني بعد

هههههههههههههههههههههههههههههههههه

إقتباس


	عبدالله ياليت تصغر الصور شووي على العموم انا ( صغرتها لك ياليت تعدل موضوعك )

من عيوني

إقتباس


	القبيلة هذي قريت عنها يقولون البرازيل عازلتهم ولا تبيهم يعرفون عن العالم الجديد

الإحتمال هذا هو أقرب شي والا غير كذا زي زيك أحسها فبركة

إقتباس


	اما الكلب يااخي انا ودي اربي كليب صغير ابو شعر هذاك احس انه فله بس رخمه يعني انا ودي بكلب شكله حلو ويكون وفي وفي نفس الوقت يكون شجاع

الله يجيرنا من هالتسلاب .. يا ولد أمس واحد من الشباب لاقين عنده كلب واجلس المسه شوي الا وهو طاب علي يلحسني [ وجه متقرف ] جته ذيك التطييرة و من عقبها وانا اتحكحك [ وجه متقرف نفس اللي من شوي

]

إقتباس


	لا تكفى فكنا من الحواادث

يا مرهف الاحساس

إقتباس


	اما على طاري الكوره يااخي هذي تهون كلها روح رياضيه انا مره اتابع برنامج يتكلم عن الكرة في افريقيا المهم مباراة وحاضرها جمهور خوال طبعاً المهم حماس وينطلق هاك الخال ويسحب بنص الفريق ولا فيه امل يمرر الكرة المهم انه سحب بالحاارس ويحطها بكل ثقه والكرة متجه للمرمى لتعانقه وليعلن الحكم عن هدف جميل والله ويجيك هاك الخال الصغير طبعاً هو وش شغلته لحاق كور قسم بالله يا عبدالله طب وشات ام الكورة وحط رجله للجمهور الي قاهرني انهم ماحسبو الهدف وكملو عاادي والله سباايك

ما يحتاج تحلف .. هذي والله اني شايفها

بس رايق لحاق الكور

إقتباس


	على العموم يا عبدالله استمتعنا بـ قراءة موضوعك الزريف قلووب من المجلس العام لـ منتدى حواء قصدي العالميه بعد ماصبغتوه موفي صاار كنه منتدى حواء

هنا تتضح الإنفتاحية

مهوب كلش أزرق .. لازم نغير فترة إرضاءا ً لأخواتنا من الجنس اللطيف .. و بعد عشان مانشستر

منور الموضوع يا الغلا

قسم تعبت

شوي وأرجع لباقي الردود .. فياض شغلك عندي

لي باك بعد شوي :$

أسيــ الزعيم ــر · #13 09/06/2008, 01:52 AM

إقتباس


	يا هلا وغلا والله بصاحب الحلا هلا وسهلا ومرحبتين هلا باللي يسر العين

إقتباس


	منوورنا يا ابوعابد وش عندك فمجلسنا لا يكون مرقّين صلاحياتك جاي تجرب الايقافات في عيالنا ترا هنا يا كثر اليوزرات الانتحارية أصلا كلنا فينا نخوة انتحار انتبه

أجل عندكم شغل طيب

ما اقول الا ياحظكم يا مشرفي المجلس [ إيقافات ممتعة أتمناها لكم

] ما أقول الا الله يعينهم

فياض أحسن النية

إقتباس


	أمس كنت أكلم المشاغب على الفجرية وقلتله ودك تتوقف اسبوع وتكون راحة من النت كم يوم قال قللي وش خطتك الجهنمية قلت افتح هال

إقتباس


	رابط ونزل موضوع !

خله يجي ندوره

والله يبعدنا عن مكالمات الفجرية

إقتباس


	قبل فترة قامت ثورة قلوب بالمجلس من المشاغب في دعوة للانفتاحية وزيادة الود والوئام والمشاعر الجياشة معاً لقلوب لا تتوقف

عساها زادت بس

عاد عندكم القلوب يا زينها

إقتباس


	المهم هالرد تسجيل حضور وشكله مالي رجعة تذكر يوم تحجز فـ موضوع غانا وما رجعت !

لا تلومني والله اني ناسيه

بلا والله من كثر الشغل وقتها لا وكانت وقت اختبارات وكان ودي أرد بس راح

إقتباس


	برب أكمل الشوط الثاني

الظاهر الفيس اللي ماشي عندكم هذا [

]

تيت

إقتباس


	أبوعابد منور المجلس يالغلا ..!!

يا لبى يا ابوعبدالله

<< فيه عرق من العالمية

إقتباس


	شفت يوزرك وقلت لازم أشقر ع موضوعك .. واتفق معك في نقطه اليوتيوب وعلاقته الطرديه بالاختبارات .. وللعلم فان حالتي مشابهه لحالتك تماماً .. ومازاد الطين بله هو نهائي الرولان جاروس ومباريات اليورو .. !!

أما نهائي الرولان والله يا انا ناسيه ولا ادري من اللي فاز الى اللحين

بس عساه فيدرر

أما اليوتيوب سبحان الله من جد ما يصير ممتع الا وقت الاختبارات مع ان المقاطع ما تتغير لكن النفسية تتغير

إقتباس


	الاختبارات بكل صراحه تنفرد بهذه الميزه .. والطلاب ياغافلين لكم الله .. معطين الجامعه جوها ومو مخلين ع نفسهم قاصر .. وفي الأخير الاختبارات صعبه << بلاها من متابعه اليورو والجلسه ع النت وادمان اليوتيوب ..!!

تصدق ودي احس باحساس الاختبارات الصعبة

<< مهوب سهل يفهم من المحاضر مايحتاج يذاكر

إقتباس


	الله يوفقك باختباراتك وحنا الله يوفقنا ويوفق جميع الطلاب والطالبات .. شد حيلك أبو عابد وبركه فوز الألمان وفوز البرتغال (( وتألق فيريرا بخانه الظهير الأيسر )) .. !!

يالبى يا شيخ

اول واحد يدعي .. الله يقبل دعاك

والله يبارك فيك .. وهذي ميزة فيريرا حطه باي مكان يبدع .. مصري بتاع كولوه

إقتباس


	اشعر انها زوبعة اعلاميـة للفت نظر او شي آخـر

بس زوبعة حلوة

من جد توهم يتطورون .. و تو الطيارات تدور هناك

المصيبة في الخبر يقولون انها محمية .. و تشوف اكواخهم وااااضحة

إقتباس


	ايه نذكرة الي يقدمـه ابطال مسلسل ( Full Hous )

مدري بطل وش

بس اهم شي يجي المغربية على القناة الثانية

إقتباس


	اسيــ الزعيــم ــر الله يعطيك العافيـة على هالصور والفيديوهات والله يوفقك ويوفق من يختبر من الطلاب ورده والطالبات