إقتباس الرسالة الأصلية كتبت بواسطة heron76 كل اللي ذكرته امور عادية وراح تتعدل مع كثرة المشاركات , 70% من مهارات اللاعب تكتسب داخل الملعب من خلال المباريات الحقيقية مع الفريقا لاول , اللاعب توه جاي من درجة الشباب , طبيعي اللي نشوفه منه حتى لو عمره 21 سنة مادامه مالعب مع الفريق الاول اكيد راح تكون عنده اخطاء , مشكلة بعض الجماهير (صغار في السن ) وانا افصد اسائة فصغر العمر ليس عيبا هي مرحلة يمر بها كل انسان, ولكن اللي اقصده ان الصغار يشوفون الفريدي والخثران واحد , ما يفرقون بين لاعب له في الملاعب 14 سنة وبين لاعب ماله الا عدد قليل من المباريات بالنسبة لهم كل اللاعبين كبار , وهذا اللي يجعلهم يدققون على الفريدي كثير , انا بالنسبة لي استمتع بلعبا لفريدي والككلثم وعبد العزيز الدوسري وبدر الدعيع وخيرات (مع هفواتهم ) لاني اتذكر بدايات سامي ويوسف الثنيان والتيماوي ونواف التمياط وغيرهم من المبدعين مع الهلال واعرف ان الفريدي سيكون احد اهم اللاعبين الهلاليين مستقبلا , وسيتجاوز عيوبه بمساعدة المدربين واعضاء الشرف ولاعبي الخبرة في النادي (يعني لا تخاف عليه) ...

وخالد عزيز في بداياته كان يرفع الضغط والآن هو من اهم المحاور في قارة آسيا

إقتباس الرسالة الأصلية كتبت بواسطة $$$ ســهــم $$$ وخالد عزيز في بداياته كان يرفع الضغط والآن هو من اهم المحاور في قارة آسيا

مع الفارق , لان الفريدي موهبة مهارية , بينما عزيز لاعب تكتيكي

وذكي داخل الملعب ويشتغل على نفسه ويطورها ,

خالد عزيز كان اكبر نكبة مرت على الهلال , واتذكر الجماهير تطالب بتنسيقه

وتدعي على (الواسطة اللي خلفه)

جربوه في الظهير وكان فاشل بكل المقاييس , اتذكر مباراتنا مع العين الاماراتي

كان المعلق يطالب المدرب بالضغط على الجهة اليمنى (خانة خالد عزيز)

لانها نقطة ضعف , وفعلا اي لاعب حتى قلوب الدفاع كانو قادرين على تجاوز خالد

عزيز , ولكن عندما لعب في المحور اكتشف نفسه , واصبح احد اهم نجوم الفريق

والمنتخب (واللي حصل شي يستاهله) خالد عزيز اشتغل على نفسه وتحمل اساءات

الجماهير حتى وجد فرصته ومسك عليها بكل قوة , ياليت باقي اللاعبين يتعلمون

منه ....

العيوب باختصار شديد :
1- عدم القتاليه على الكره بمعنى اخر برود غير مبرر خصوصا انه لاعب صغير.
2- البطء الشديد في اتخاذ القرار اما بالانطلاق في حالة استلامه للكره أو بالارتداد في حالة فقدانه للكره.
3- حالات الغرور اللتي رأيناها اثناء نهائي الدوري و مابعدها من مباريات واضرب مثل امام الاتحاد في النهائي عندما تجاوز الصقري و تعرض للشد على حدود منطقة الجزاء المفروض يستمر وينفرد بالمرمى ولكن تملكته حالة الأنا و الغرور واتخذ موقف التوقف عن الاستمرار بالكره واستسلم لعاطفة الغرور.
4- الاستعجال غير المبرر و التسرع غير المستحب امام المرمى .
5- الميل للاستعراض و البعد عن الجماعيه عندما يتقدم الفريق بالنتيجه وهذه ناتجه عن قلة الخبره و الغرور.


لن اتحدث عن الايجابيات لانه يعرفها لكن انا وغيري من الزعماء ننتقد لنصحح ويعلم الله اننا نحب اي لاعب يرتدي شعار الهلال خصوصن اذا كان يملك موهبه كالفريدي

بالتوفيق يبو حميد ربي يوفقك شد حيلك ترا المشوار توه بأوله ولا يغرك اختيارك للمنتخب تذكر ان كذا لاعب انحرقو مع اول اختيار لهم بالمنتخب

فديييييييييييت الهلال و الهلالييين تووونه