مساء الخير لجميع أعضاء المجلس و مشرفيه ومستشاريه فرداً فرداً

كما تعلمون .. أقل من شهر وتبدأ العطلة الصيفية " الطويلة " .. وهذه السنة أطول من سابقاتها .

لو حسبنا عدد العطل الصيفية التي تمر على الشخص من دخوله المرحلة الثانوية حتى قبيل تخرجه من الجامعة , لوجدناها سبعة عطل تقريباً , وتتراوح هذه العطل من شهرين ونصف إلى ثلاث شهور ونصف .

لو إفترضنا التالي :

( أ ) من الناس . في كل عطلة صيفية يلتحق بدورة واحدة . لمدة شهر أو شهر ونصف . وفي أخر هذه الدورة يُسلم شهادة ومبلغ مالي .وتكون هذه الدورات في الحاسب أو اللغة الإنجليزية أو في أي مجال ..

سيستفيد منها في حياته العامة من حيث المهارات التي يكتسبها , وسيستفيد منها في مستقبله الوظيفي .

( ب ) من الناس . بمجرد بدء العطلة الصيفية يكون برنامجه التالي : النوم الساعة الـ 8 صباحاً . يستيقظ الساعة الـ 5 مساءً . يتسمر عند التلفاز أو الإنترنت أو البلاي ستيشن حتى الـ 10 مساءً ثم يخرج من المنزل ولا يعود إلا بعد إشراق الشمس .


لاحظوا الفرق بين أ و ب . وكيف إستغل الأول وقته وعطلته بما يفيده . وكيف إستغل الثاني عطلته بـ ( كلام فاضي ) .

للأسف أن نسبة عظيمة من الشباب من الفئة الثانية - وأنا واحد منهم - فكل عطلة صيفية إما يكون عندي دور ثاني أو طلعات و روحات وجيات وخربطة .... وهكذا .

حتى الأطفال .. قليلون هم من يلتحقوا بالمراكز الصيفية . وكثير من الأطفال لا يرغب بها . يريد أن تكون عطلته مثل الشخصية ( ب ) في الأعلى .

إذاً هل الخلل يكون من تنشئة الصبي على إستغلال وقته ؟ أي أن المشكلة من والديه ؟

لكن لا أعتقد أن الوالدين لا يريدان تطوير أبنائهم و الإستفادة من وقتهم بعطلة أو بغير عطلة .

أم أن الشخص نفسه لا يرغب في إستغلال وقته ؟

أم اللوم على المدارس أو وزارة التربية ... !!

أم نقول لماذا لا يكون هناك نادي لتبني المواهب و الإبتكارات من الأطفال و الشبان , ويحتوي النادي على ندوات علمية وثقافية وتوعوية ... وتكون طوال السنة بعطلة أم بغيرها .



لكن السؤال / من المسؤول عن ضياع العطل الصيفية هباءً منثورا على الشباب ؟؟

وهـ بس يا العطلــه


اشتقنا إليكـ فعليمينا ألا نشتــــــاق

شف طال عمركـ أبو عزهـ

عندنا في الخليج يندر نموذج ( أ )

وبالتالي يكثر جدا نموذج ( ب ) <<<لا يكثر بس

آنا أقول إن الشاب يتحمل جزءا لكنه ليس الاكبر من ضياع الاجازهـ

يقول أنا أبغى ارتاح من عناء الدراسه
وأبغى أفلها ومنيب فاضي لدورات وخرابيط

أتوقع الجزء الاكبر يتحمله الاهل والمدرسه

حيث أنهم لا يهتمون بالمهارات الاخرى
ويقولون خله بدراسته ازين له

وبس طال عمركـ هذي كل الحكايه

إقتباس الرسالة الأصلية كتبت بواسطة MR.DL5 هلا والله ابو سعود انا والله من فئة ( ب ) .. ياخي الله لا يلومهم اصحاب هـ الفئة .. يدرسون 16 اسبوع + اسبوعين اختبارات = 18 اسبوع فـ اكيد الواحد عقب هـ المشوار الدراسي يبي ينبسط عن نفسي ما قد دخلت نادي صيفي .. ولا فكرت ادخل اصلن و ما حطوا الإجازه الا عشان الطلاب ينبسطون وينسون شئ اسمه مدرسه ومخططي خلال الأجازه القادمه .. يا اما اخذ ترم صيفي .. ولا بافلها في هـ الإجازة بلا دورات بلا نادي صيفي خخخ والله يعطيك العافيه يابعدهم

بصراحة انا اعتبرك قدوة .. لأن الحال واحد ..

يعني ندرس وندرس وندرس .. احنا ايش الي مخلينا نتحمل الدراسة ..؟؟
أكيد الصيفية << العن ابو ذكائك يا شيخ

يعني اذا درينا انا الصيفية فيها دراسة زيادة عن المدرسة يعني ايش تتوقع شعورنا راح يكون ..؟؟

بس هاذا الي ابغى اقوله ..

تحياتي ..

هلا والله أخوي اول شي لو تكرمت غير نوع الخط والله جد

انا ماني عاارف اقراء والسبه نوع الخط لكن ابشرك طقطقت

يأخي انا وااحد العام اخذت ترم صيفي وكنت بالبيت لحالي واخوياي

قالبين بيتنا استراحه لعب ورقه وسهر ونت وفله والله اني انوم 6 واقولهم

قوموني 9 عشان اروح الجامعه واقوم 9 واروح الجامعه ولين صارت الساعه

12 ارجع البيت اتردد انوم مانوم عندي جامعه الساعه 3 ولازم اطلع الساعه 2

ومايمديني انوووم واقعد ع النت والله لا يوريك هم قسم بالله ويوم جت الاختبارات

تخيل انت قاعد تدرس وتسمع صوت اخوياك برا يضحكوون والله اني مادري اشلون

كنت اذااكر بس تبي الصرااحه لما طلعت النتاج وشفت النتاج قسم بالله نسيت التعب

كله الحين مفكر اخذ بس تدري المشكله وين اني مليت من شي اسمه درااسه تعبت

وصرت ماذااكر مثل اول والحين متردد اخذ او ماخذ والله يعين بس انا معك انه

حرام 3 شهور مدري 4 شهور ترووح وماتستغلها بترم صيفي شهرين يعني بيبقى

معك شهرين عكس العام الي مابقى معك الا اسبوع وساافرت فيها ممداني استانس الا

وانا راجع ( دمووع ) عشان كذا مفكر اخذ والله يعين

وعليكم السلام ورحمة الله وبركاته ..

اهلاً و سهلاً فيك اخو ابو سعود ..
نورت المجلس العام بطلتك الرائعه.. وموضوعك الاروع .

بالفعل اخي ابوسعود للأسف الاجازه عاده تذهب سدى ..بلا فائده ..
اما ما المسببات .. اعتقد ان امور كثيره تتقاسم الاسباب ..

اولاً / الأهل , وعدم تشجيع الشاب لاستغلال وقته ..
ثانياً / الشخص نفسه .. لعدم تفكيره في وقته الذي يضع هباء ..
ثالثأ البيئه/ لا احد يوعي او يشجع على استغلال الاجازه الاستغلال الامثل. .

عني باذن الله راح يكون جزء كبير من اجازتي كيومي الدراسي ..
لأنه راح يكون عندي صيفي ..

تقبل احترامي ابو سعود وألف شكرلك ..
دمت بخير

الله انا بصراحه تمر علي اجازات ولا استغلها ولا شئ كله من هالدراسه اقول تعبت وانا من جمبها
لكن الاجازه ذي بخش ومعهد ونادي وبانضم وقتي ان شاء الله
دعواتكم بس
ومشكورين على الطرح
لاعدمناكم

وعليكم السلام ورحمة الله وبركاته

بالنسبة للعطل للطلاب أما الموظفين مساكين خصوصاً االي في الشركات

أيام الدراسه ما كنا نحس بطعم الإجازه زين مره

أما الحين علشانها بعد عناء طويل لها طعم ومذاق خاص ...

أنا مسكينه اجازتي تقريبا اقل من شهر

واذا جت يادووب اقضيها في صلاله و اتونس اسبوعين وارجع

مامداني اخذ دوره ولا شي ولاعمري فكرت اخذها ابدا ابي اتونس شوي

هلا والله اخوي ابو سعود

<<بدت عندها العطله الصيفيه

والله ودنا انا نستفيد من الاجازه الصيفيه وخاصه هالسنه ان ماعندنا شي

حتى ماراح نسافر لمكان فكرت اني ادرس صيفي بس فيه ناس حطموني وهم

يذكرون لي الاغراءات اللي بالعطله الصيفيه من السهر والنت والطلعات

بصراحه مانقدر نقاوم

وبعدين العطله الصيفيه راحه وتنفس الصعداء

احس لو اني درست بالعطله واجهدت نفسي وجات السنه الجديده

بكون متعبه نفسيا من الدراسه ماراح اقدر اني اعطي واجتهد بالدراسه

وشي حلو بعد أن الواحد يدخل نادي بس مانبي فيه دراسه

كان فيه نادي كورة انا اول وحده بدخل

غير ان فيه تسليه واضاعة وقت وتنظيم للنوم لان بالصيف تكثر الاوقات اللي يحس

فيها الشخص بالطفش يعني مو الكل كل يوم طلعات


الله يعطيك العافيه خيو ابو سعود

هلا فيكـ أخوي حياكـ



بالنسبة للإجازة الصيفية اعتبرها استجمام وراحة وخاصة هالسنة بيكون ان شاء الله رمضان فيها

وغير كذا ماننسى يورو 2008

فكرت آخذ صيفي بعدين تذكرت الي حولي كلهم معطلين وبجلس أذاكر تحطيم بصراحة وبعدين لما تبدأ السنة الجديدة بيكون مالي خلق دراسة لأني مارتحت أبد

لازم ما نقسو على النظام ( ب) لأنه له إيجابيات


يعني أنا بالنسبة لي اتسدح واتبطح وأنام واطلع براحة لمدة ثلاث شهور وإذا بدت الدراسة أرجع لها نشيط


يمكن أنا ما أحس بفايدة هالنظام لكن سألت واحد أخذ له ترم صيفي وتعب بالصيفي والترم اللي بعده لأنه مل من الدراسة


ممكن بهالصيفية أسجل بنادي رياضي عشان أعدل اللياقة بس أهم شي إني أروح له متى ما بغيت وأرتاح من شي اسمه نظام


زبدة الكلام إنه النظام ( ب ) له فوائد لكنها ما تكون ظاهرة



//