والله يا خوك انا قصتي غير عجيبه انا من ويوم يومي وانا هلالي بس متى تاكدت من هلاليتي


ياشباب عندي واحد من اخواني اقولك هلالي متعصب قليله مجنون هلال قليله من حبه للهلال كان له كثير من الضحايا

وانا واحد من هذه الضحايا عموما كان عندنا في البيت تلفزيونين واحد صافي واحد غثيث ما يشتغل الا بالطق

التلفزيون حق المسرح الي كان يجي تهريب من مصر خخخخخخخخخخخخخ

ماكان يرضاء اخوي احد يشوف عنده المباره وانا اتحسر من القهر كنت صغير وقتها من زمان هالكلام

كنت اقعد عند الباب واسمع المعلق تجي امي تقولي ليش قاعد هنا وتجيني العبره

في يوم من الايام سافرنا للقصيم وتعرف اول الاجازه بالقصيم ثلاث شهور ماكنا نعرف شي اسمه سياحه

كان فيه مباره بين الهلال والنصر وكانت العصر وكنت انا وقتها نايم احسبها بالليل قمت من النوم وتجي اختي بكل

برودت اعصاب ليش ماصحيت من اليوم امي تتصحيك مباره الهلال والنصر انتهت

اقسم بالله لان انسى ذالك الموقف

جن جنوني ليس الكروي ولكن الرياضي جمعت بين الجمباز والكارتيه والمصارعه والملاكمه وانا ابكي ليش ما صحيتوني

؟؟؟؟؟ (من الذكريات السيئه لي ) والحمد لله بعد مرور ساعه احضرو لي شريط فيديو كامل للمباره

امي كلمت اخوي المتعصب وجلس يضحك من بعدها صار يدخلني معه الغرفه بس ليتني مادخلت

عنده طقوس غريبه الصمت قبل كل شي لا يريد نفس مخلوق اذا حركت ايدي يقول اجلس لا يجيك كف

زمزميات تمشي طبلون من فوق راسي ضرب الجدران والله ياناس ما اكذب عليكم ( لا موهب خبل )

بس سبحان الله حبه للهلال وعشقه لهذا الكيان عجيب وغريب من بعدها لم اشاهد ولا مباره معه

الى يومك لم اشاهد معه ولا مباره للهلال


حب الهلال يجمعنا


مشكور على الموضوع الي يذكرك بالماضي


تقبل مروري