استفسار للادارة والزعماء عن موقع نادي الهلال بالعريجا والامسيه المزمع اقامتها - نادي الهلال السعودي - شبكة الزعيم

رهيف الحس · #1 19/05/2008, 06:54 AM

السلام عليكم ورحمة الله

صبحكم الله بالخير ياجماعه

باذن الله بحضر الامسيه واحتفال موبايلي

اولا: ودي لو احد يقول وين موقع النادي بالضبط ،، بصراحه ولا مره رحت له

واللي بينزل صوره عن طريق موقع ويكيمابيا www.wikimapia.com يكون اسهل وافضل

مع العلم ان جاي من حي النهضه طريق خريص ولا اعرف اي شي في العريجا

ثانيا: الساعه كم تبدا امسية الشعراء يوم الاربعاء القادم؟ وايضا احتفال موبايلي يبدا الساعه كم؟

الله يعطيكم الف عافيه وبانتظار ردودكم

aboody29 · #2 19/05/2008, 09:39 AM

شف ياطويل العمر

تمسك الدائري و تخلي مسجد الراجحي على يسارك لين يجيك مفرق يقولك مكه يمين و الخرج قدام

انت رح يمين من عند طريق مكه ( طريق حراج بن قاسم )

حـط رجلك يا حبيبي لين يجيك مفرق 3 خطوط

اللي يسار يوديك لديراب و اللي بالنص يوديك لـ مكه . .انت امسك اللي بالنص

و امسك هالطريق لين يجيك كبري يقولك شارع بلال بن رباح ادخل معه

اذا دخلت معه بتجيك اشاره لف يمين معها بعدين بتجيك اشاره ثلاثيه ( حرف تي ) خذ يسار بعدين اول اشاره لف يمين

امش لين تجيك الإشاره الأولى تعدها

الإشاره الثانيه تلقى النادي على يمينك

انت لف يمين مع الإشاره الثانيه تلقى النادي على يسارك . . ديور عند اول اشاره تجيك بعدين يجيك النادي على اليمين . وقف عند بوابة النادي و خشششش

الأمسيه يقولون تبدأ الساعه 8:30 يوم الإربعاء الجاي ( بعد بكرا )

و الحفل يوم الخميس إن شاء الله عقب صلاة العشآء

إن شاء الله إني افدتك

أميرٍ · #3 19/05/2008, 10:29 AM

الامسيه الشعريه يوم الاربعاء ع ما اعتقد .!!

زي ماقالو الاداره

رهيف الحس · #4 19/05/2008, 11:29 AM

إقتباس

الرسالة الأصلية كتبت بواسطة aboody29


	شف ياطويل العمر

إقتباس

الرسالة الأصلية كتبت بواسطة aboody29


	تمسك الدائري و تخلي مسجد الراجحي على يسارك لين يجيك مفرق يقولك مكه يمين و الخرج قدام انت رح يمين من عند طريق مكه ( طريق حراج بن قاسم ) حـط رجلك يا حبيبي لين يجيك مفرق 3 خطوط اللي يسار يوديك لديراب و اللي بالنص يوديك لـ مكه . .انت امسك اللي بالنص و امسك هالطريق لين يجيك كبري يقولك شارع بلال بن رباح ادخل معه اذا دخلت معه بتجيك اشاره لف يمين معها بعدين بتجيك اشاره ثلاثيه ( حرف تي ) خذ يسار بعدين اول اشاره لف يمين امش لين تجيك الإشاره الأولى تعدها الإشاره الثانيه تلقى النادي على يمينك انت لف يمين مع الإشاره الثانيه تلقى النادي على يسارك . . ديور عند اول اشاره تجيك بعدين يجيك النادي على اليمين . وقف عند بوابة النادي و خشششش الأمسيه يقولون تبدأ الساعه 8:30 يوم الإربعاء الجاي ( بعد بكرا ) و الحفل يوم الخميس إن شاء الله عقب صلاة العشآء إن شاء الله إني افدتك

قسم قسمات انك شنب

بعطيك الف عافيه حبيبي

باقي بس اطبع الورقه واعلقها على طبلون السياره

ماتقصر يابعدي

aboody29 · #5 19/05/2008, 07:05 PM

هههههههههههههههههههههههه

الله يعافيك حبيّبي

______________

ابو رنيم99999 · #6 19/05/2008, 09:58 PM

طيب متى موعد الأمسية بالساعة

ومتى احتفاليت موبايلي برضو باساعه

والله ما ابي اجي وانلطع عند البوابه

اتمنى الرد