علمت (( الرياضي )) الصادره اليوم الخميس ان ادارة الكره بنادي الهلال قد رفعت تقريرا شاملا لرئيس مجلس ادارة النادي الامير سعود بن تركي عن حادثة اللاعب الدولي سامي الجابر ابان مشاركته مع فريق الهلال امام السد القطري في البطوله الاسيويه للانديه ابطال الكؤوس الثانيه عشره وان التقرير تضمن التوصيه بايقاف سامي الجابر خلال مباراتي الانصار والطائي كعقاب له لما بدر منه نظرا لان الخطأ هو بحق نادي الهلال كقائد للفريق .
يشار الى ان الامير سعود بن تركي رئيس نادي الهلال سيناقش الامر في اول اجتماع له بالاطراف المعنيه لاتخاذ القرار المناسب بحق اللاعب . وذلك بعد عودته الى النادي من خارج المملكه .

عساه يجي من الخارج ويلتفت للنادي شوي ؟

اقول والله سعود بن تركي ماهو يم الهلال،الرجال توه جاي من سفر فاضي هو لسامي ولا لغيره عساه سالم بس.

ما يهم الهلال يحقق بطولات بدون رئيس
وسلامي .........

من جد يوقفونه ؟!!!!!!!!!!!!!

وها الرئيس له وجه يوقف لاعبينابعد هو المفروض انه يوقف عن رئاسه الهلال وخليه مدير مكتب طويل العمر

كل دي إشاعات
رئيس الهلال (وليد الحكير ) نفى هالكلام
وشكرا

فكونا من الاشاعات اللي ما لها داعي

ياخواني والله سعود بن تركي ما يستاهل كل الهجوم
يكفي أنه حضر عندما هرب الجميع من مسؤولية الرئاسة
ولا نسيتوا يوم أن الهلال مابقي الا يسلمونه للرئاسة
يعني وين كل هالاسماء اللي طالبون فيها
بندر وخالد ونواف بن محمد وين كانوا ذيك الايام
والا مانشوفهم الا وقت البطولات وقبل وبعد مباريات النصر
قبل أن تطالبوا باستقالته أحضروا من يسد بمكانه
///////////////////////////////////////////////////////////////////////////
ألف شكر لك يا سعود ولا همونك
********************************
مع كل احترامي وتقديري لأبو الهلاليين الامير هذال
اذا انهزم الهلال طاح حش في الريس وفي ادارة الفريق (المصيبيح والاحمد )
واذا فاز الفريق طاح فيهم مدح وقال فهد ابن من أبنائي
ياسيدي استلم رئاسة الهلال وريحنا
/////////////////////////////////////////////////////////////////////////////
مع احترامي للكابتن سامي الجابر وكا محبيه وأنا أحدهم الا أن تصرفه كان خاطئا وغير مقبول من لاعب بحجم لاعب كبير وقدير مثلك ياسامي
ولو كان هناك عقاب بسيط مثل الخصم أعتقد أنه شي طبيعي وما فيها شي بس أهم شي ما يوقف
ولأرجو ألا تفهموا كلام غلط

هذا ثاني موضوع عن وقف سامي يا شمرووووووووووووخ ايش قصتك .... خلاص ترى بعدين ...؟؟؟؟

اقول شمروخ عسى ماشر موسوس اقول اقرا على نفسك تراك من جد مسوس وين الايقاف عند الرئيس لا يصير تقصد رئيسكم رئيس النصر كذا يمكن

ياويـــــــلهم ان سووا شي لسامي..ومهوب عشان شي..لكن الوقت الوقت الوقت غير غير غيـــــــــــــــر مناسب يانااااااس لمثل هالقرارات..

وش بهم ذولا؟؟ مايفكروون؟؟؟


الحين حنا ماصدقنا ان الاتحاد الاسيوي خلاه.يجون ذولا بعد..الله لا يوفقهم ان كان وقفوه باهم مبارتين للهلال بالموسم!!!!!!!!!!

عجيب..شي عجيب فعلاااااا..!!!!!

الاخوان ...
الفارس الازرق ... الذيب سامي
تراني ماجبت شيء من عندي لأني كاتب لكم المصدر بين قوسين وبعدين ترى تشكيكم مهوب في محله ولا ابي أقعد أحلف لكم علشان تصدقوني تراه شي راجع لكم انتم ؟ تدرون لا تطيرون بالعجه .

والله ان بك بلا ياشمروخخخخخخخخ و(خل حبيب وفهم الي انت تفهم بس...؟؟؟) افهم

سلامات
===

أصلاً ما يقدر أحد يوقف الذيب ... و أذكركم ؟؟!

ومتشكر ...