يحييها عدد من الشعراء الهلاليون من ابرزهم الشاعر يوسف العصيمي والشاعر عيضة السفياني والشاعر فيصل اليامي وسيدير الأمسية شاعر الهلال الأول راشد بن جعيثن


خطوه رائعه

شكراً لابو راشد منتظرين الامسيه بفارغ الصبر ،،

صح لسانهم مقدماً ,,

شعراء مميزين ونفتخر فيهم ,,


موفقين ان شاء الله

الله يقويهم بس وش المناسبة؟

دعاية للشعراء والا إحتفالاً بالزعيم وبنوهلااااااااااااال

خطوة رائعه من الشاعر السامر
وان شاء الله عبد الله البكر وخالد العتيبي
يكونون من الشعراء المدعويين
الشاعر عبدالله البكر اهدى القصيده التاليه للهلال وجماهيره


][ إنــت الـــزعـــيـــم ][

بإسم الجماهير وبإسم الإحسـاس
مبـروك لأغلـى كـاس ببـلادك
جيت المنصة وإستلمـت الكـاس
وجمهورك إستلموا حدا أمجـادك
إنت الزعيـم بعيـن كـل النـاس
وإنـت الكبيـر بعيـن حسـادك
يا بحر منت ببحر إنـت ألمـاس
يا موج كل المـوج فـي عنـادك
يا أبيض من الصفحة على الكراس
يا أزرق محيط إن حـان تعـدادك
حققـت أمجـاد بـلا مقـيـاس
ومـا راح زاد النـاس مـا زادك
كسرت باب الفـوز كنـك فـاس
ووقفـت وقفـة سـد لأضـدادك
وأعضاء الشرف تستاهل النوماس
جـادوا عليـك وخيرهـم فـادك
عيالهـم جـو رافعيـن الـراس
صدت البطولة وإنت مـن صـادك
فاز الهلال وبإسـم كـل النـاس
مبـروك والله يكثـر أمـجـادك

والشاعر خالد العتيبي اهدى القصيده التاليه
الزعامة ما تعرف إلا الزعيم
والعظيمة في النهاية للعظام
والهلال أعمق من البحر الطميم
والهلال أكبر من حروف الكلام
والقصايد عنه معناها كريم
والقصايد في مشابهته حرام
يا هلال(ن) في سما أحبابه مقيم
والبطولة لك قبل تبدأ وسام
واحتفاك الدرع والنصر الجسيم
لوها عادة معك في كل عام
والملايين اهتفت لك يا عظيم
ورهم جن الكرة فاكبر ختام
وانت ملك لا شبيه ولا غريم
يا هلال المجد بحساب المقام
يكفي انك وانت تنهيها رحيم
بالهدف قفلت بيبان الملام
الفريدي وابتداها بالسليم
والتفت ياسر وقلنا والسلام
عادتك ياللي اليا طال العتيم
مطلعك بدر(ن) يجانبه الظلام
وين ماتكسب ولك مجد(ن) قديم
وانت فالحاضر تجاوزت الغمام
الف لام وزين عين وياء ميم
ستة حروف وعجز عنها الكلام

يعطيكم العافيه وان شاء الله تكون لليله شعريه

يستمتع فيها الحضور

كفوا والله من زمان أنتضر هذي الخطوة



بأذن الله نكون من أول الحاضرين

هؤولاء الشعراء إذا ماحضرنا لهم متى نحضر


مشكووووووووووورين على التنبية

يعطيك العافية بس عسى الجعيثن يشارك بالأمسية لا ن اللي ماله اول ماله ثاني

شعراء مبدعين في حضرة ( كل الشعر ) عبدالعزيز بن سعود ، تكريم للشعراء من ناديهم ووفاء منهم تجاهه ، هنا يتميز الزعيم وهنا تتجسد جملة نادي الهلال منشأه رياضيه إجتماعيه ثقافية .

لاهنتم ..!!

الله يوفقهم انشـآْلله ويوفق الزعيـم .. ورده !! وين مآكــآن ..

إن شاء الله نشوف هالأمسية

وفاااااااااااااااااااالهم البيرق

يعطيكم العافيـــــــه وين ما يروح الازرق انا وياااااااه

مشكور على الخبر
اتمنى ان يزودنا منتدانا الحبيب
بهذه الأمسية
لأن من الصعب علينا الحضور