|
أحـبـه حـيـل ليت ربَّي ماكتب لحظة وداع ولافراق ولادموع ولاضياع وليت كل النَّاس خلٍّ مع خليل وكل ماقيل النهايه بين الأحباب الرَّحيل قلت أحبَّه حيل * * * * * * كلِّ ما أدفن خيالك ياعنيد تمطر الدمعه وينبت من جديد شفت وش سوى بي حبَّك يابخيل * * * * * * لو نويت أعاتبك القى الكلام يعتذر لي منك ويلوم الملام والقى حتى كِلمة أحبَّك قليل |
مـاجـتـه يحتريها موعد آمال كبار ناجته يحتريها حافظ بعض الكلام اللي يبلغ حاجته يتأمل بالوجيه يتحراها تجيه والثواني يأس يرجي وترتجيه لا تأمل بالوجيه موعدك لا ما تجيه وما جته الناطر الموعود اشبهه بالعود اللي وقفت يوم على متنه حمامه راحت وناطرها تعود طويل النفس ليله ويرجي صبر حيله ويله كم تأمل بالوجيه وكم تحراها تجيه وما جته لو قيل لي ان القمر ياطا على متون النجوم والشمس لا جا الليل ترخى جوانحها و تنوم وان الغيوم قلب على الصحرا حنون اصدق وما اصدق تجيه اللي على خده يده واللي الامل باسمه نده قم تأمل بالوجيه موعدك يمكن تجيه وما جته |
مـشـتـاق مشتاق ومضنيني الفراق يا عيونها خذي من عيوني تعب واعطيني من جفنك فتور وابكي علي لو بالكذب مليت بك طبع الغرور يا عيونها مشتاق وللدمع مع جفني عناق مشتاق ومضنيني الفراق يا اجمل الخود كنت الامل وانتي الوعود وهجرني من هجرتيني دفا بيتي وانا فبرد الشتا موعود ايا مسكين يا قلبي انا ماشي وهو يلتقت لك عود ايا مسكينه يا روحي تحب اللي يعذبها و يزيد صدود وحشتيني كثر ما خانني هذا الزمن واكثر وحشتيني احبك حب اكبر حيل من كلمة احبك واسألي عيني يا اقرب من نظر عيني لعيني يا ابعد من حنانك عن حنيني امانه كيف تنسيني وانا من ليلة التوديع الين الحين احس ايديك بايديني |
يعطك الف عافية على هيك موضوع s37s طلال الرشيد من أروع الشعراء - الله يرحمه - ما شاء الله عليه له ذوق خاص في القصيد :) |
الـعـواذل حبيبتـي كـل الـعـواذل تشـابـه قلبٍ ظلام ووجه يشبـه للأصحـاب ولا ما غدى لك صاحبٍ ينحكى بـه لا تسمعي أن كان لك قلب وأحبـاب إلى مشيت الـدرب يلهـث سرابـه وإلى سكنت الـدار نادانـي البـاب وشلون أنـام وهـم قلبـي صوابـه والشوق ينبت بين جفنيـن وأهـداب تعبت امنـي .. الأسئلـة بالاجابـة وانطر شروق الشمس والشمس بغياب وتعبـت أناظـر والمعنـى عذابـه أنك بعيده والمـلا دونـك حجـاب اجمع كلام ومـا أعـرف الإجابـه وعندي شعور صدق والوقت كـذاب كل النجوم اللي امطرت من سحابـه حبيبتي دمعك جرح قلـب واتـراب واللي وقف ما بيـن بابـي وبابـه قلبٍ ظلام .. ولابس ثوب الأصحاب |
حـكـوا فـيـهــا حكوْ فيها خذَوْ في طاري الحلوه و جابوا مسيكينه بسيرتها تنابوا و ذي صدق لشفاهي أبد ماهو قريب بشر يا مصعب ارضاهم و انا ماني حسيب أنا سايق عليك الله لجل الله يا شامت خلي الشوك من يدّك و لا تطرف عيوني كحلت بالزين لانام .. انا افداها اذا ودّك يا هل ترى انتي وين يا بنت الشفاة؟ انا ادوّر عليك بصورتك وينك ؟؟ أنا كني لمست رداك و ايدينك ما شفتك بكلّ الكلام شفتك على سجادتك كنك تصلين القيام و ليلك سرى بعبادتك ما اصدقه .. و الهرج ابد ما هو دليل ما اصدقه .. يعلّ يفداك الذليل الله يستر خوافيها اللي حكو فيها |
قـالـت نـصـيـب قالت نصيب وقلت يومـك تبينـي غصب على الدنيا ... يدك في يديني لا تظلمين الوقت وش ذنب الايـام لو اقبـل اعـذارك يعيـي حنينـي غديت ما بين الرجا .. فيك والياس هذا .. يبي منـي وهـذا .. يبينـي ان قلت شنت وخاطري طاب كذاب وان قلت ابيك ارخصت نفسي بعيني خيرني امري بين اصعب خياريـن موتي انا او موت الاحساس فينـي |
بـاريـس واحد خايب..حظه تعيس سافر تقسيط لـ باريس كذب على ام العيال رايح ادور عمال جمع الورث حصاد الحرث وقبل يسافر ياساده سجل في نادي كالعاده يسوي برنامج تخسيس قام يدور شنطه تكفي وكل هدومه قبل يصفي عشره فنايل علاقي وشورت وشراب ماقيس قالت ام عياله تكفى خذ لك لبس شوي يدفي قال فـ باله مسكينه والله قدامي اللي يدفي قام يودعها وقالت له خذ بالك يانور عيوني وتعوذ دوم من ابليس قال فـ باله يامسكينه ومن عازمني غيره! ناطرني ابليس فـ باريس |
أمــــوت أموت من فرقاك وأمـوت بلقـاك وأموت من جورك وأموت بحنانك كل قضاه يمـوت مـره ويفـداك وأنا أموت ألفيـن مـره عشانـك أذكرك لا من نسيت إنـي أنسـاك وأنساك لامنـي ذكـرت نسانـك رضيت أنا بالهم لرضاك مرضاك وأرخصت لك قلب جرحته وصانك أجيك في صدري عتاب و أبجفاك وأرجع ألوم الوقت وأقـول خانـك أحب فيك إحساسي إني بل بلا ماك في عز خوفي منك أحس بأمانـك عجزت أفرق بين وصلك وفرقاك ياللي عطيت الناس بإيدك حنانـك مرة تجيني لين أقول إنـي إيـاك ومرة تروح بعيد وأنسـى أوانـك أقبل وتقفي وأعتذر عـن خطـاك وأقول مـا عيـت عيـى زمانـك وإن خانتك دنياك أو خنت دنيـاك إرجع وتلقا بـي مكانـك مكانـك |
أخوي ملك الغربه .. كلك ذووووق أشكرك من كل قلبي على الإضافات المميزه .. ومجهود تشكر عليه من الأعمــااااق .. ورده أسعدني مرورك وطلتك .. ومشاركتك الرائعه يعطيك ألف عافيه ** تحيآتي |
إقتباس:
وش جآيبك من المجلس العام :d نورت الموضوع يالغالي .. وأسعدني مرورك وإطراءك .. ورده وفعلا طلال الرشيد من أروع الشعراء وقصائده لها ذوق خاص ومختلف عن بقية الشعراء .. الله يرحمه ويغفرله ** تحيآتي |
إقتباس:
ويشرفني اني أكون من ضمن المشاركين في موضوعك الأكثر من رائع ... خصوصاً... وهو يحمل اسم الراحل : طلال الرشيد - رحمه الله - |
ألف شكر لمرورك وتفاعلك اخوي اولاريو نورت الموضوع |
| الوقت المعتمد في المنتدى بتوقيت جرينتش +3.
الوقت الان » 03:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd