07/05/2008, 02:27 AM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم
ياليت اخترت عنوان افضل من هالعنوان
لان فيه ناس تفكر بالعنوان قبل المضمون !!
عموما الرياضي زودتها شوي بقلة الحياء والبجاحه
كلنا نعرف ميول الصحف السعودية , والجزيره هلاليه بالاجماع , ورئيس تحريرها العبدي اعترف انه وزير الاعلام الهلالي
لكن تعطي كل الفرق قدرها
تسمي الاتحاد بالمونديالي ( ولا تسميه الاتي شاد )
وتسمي النصر العالمي ( ولا تسميه الحالمي او الهالمي او الفقر )
لكن للاسف الرياضي تكتب الزعيق والهلام .... الخ !!
وبرضة تسب في الكتاب الثانيين بطريقة بجيحه مثل الهويريني وصالح السليمان ... الخ
بالاضافة الى توريدها الدائم للاشاعات وبالذات عن طريق عبدالعزيز المريسيل ( الله لا يبلانا ونصير مثله ) لانه مصدر اشاعات وقلق ودائما اخباره كذب ( تغريم الهلال 28 مليون بسبب عقد موبايلي , كوزمين فسخ عقده مع الهلال , تفاريس مسوي حركة لا اخلاقية في الطيارة , عزيز وقع للنصر ..... الخ ) وبالاخير اغلب اخباره كذب × كذب
وفيها كتاب ما ادري من اللي عطاهم الصلاحية بالكتابة مثل محمد ابوهداية اللي ما يعرف يكتب باللغة العربية وكلامه كأنه جالس في استراحه
والا محمد الدويش الله لا يبلانا اللي ودع الرياضة قبل 6 سنوات بايات قرآنية ويطلب الناس انهم يحللونه ويسامحونه والان راجع للكتابة وغزل وفلانه كلمتني وفيه وحده تغزلت فيني ومدري ويش !!
عموما مساويء هالصحيفة كثيره وصعب احصائها لكن ننتظر قرار جريء من وزارة الاعلام 
شكرا لك واسف على الاطالة ورده |
الوضع الشجري
