مداخلة جميلة اختي الكريمه
جميل جدا ان تتعرضي لحكمتي بخصوص نقاش السلبيات فقط انا ارى ان المجتمع فيه ايجابيات اذا هو بخير ولا يحتاج لإصلاح التذكير فقط يكفي ولكن النقاش والأخذ والعطا والوصول للحلول يجب أن لايكون إلا مع السلبيات وحسب .. عموما ليس شرطا ان اكون صحيح بهذا المنطق ...
بالنسبه لإسم الأم انا معك تماما بكل اللي قلتيه بمعنى مايكون مثلا على الطالعه والنازله وللمعلوميه يمكن كونك بنت مابتعرفي بعض الحركات الشبابيه
بعض الشباب الله يهديهم مثال بسيط بوصلحلك فيه مايتداولونه
مثلا لو طلبو قطه حقت عشا وواحد قال ماعندي اليوم اعذروني واحد يقط بدالي تحصلي واحد قام ونقز فوقة ليه فلانه ( فلانه = اسم امه ) ماهبتلك فلوس
هنا انا ضد المساخه والفري الموجود بهذا اللنمط ولكن ماقصدته من الموضوع وهو عند الحاجات والضروريات مثال
جواز سفر اللي انا ذكرته ليش انحرج
تعداد سكاني زي ماذكر احد الأخوان ليش انحرج برضك
هذا المقصود اختي ...
بالنسبة لوالد الفتاه نعم هناك اشخاص يتخذون قرارات حمقاء ولا ادري مالحكمه من ذلك شخصيا غير مستوعب هذا القرار لأنني رجل اقدر عمل المرأة طالما انها تعمل داخل وسط نسائي ...
نحن لم نقل خلها تشتغل بمكتب وجالس جنبها رجل على مكتب ثاني لأني وعلى الصعيد الشخصي اقول الله لايجيب ذاك اليوم .. في السعوديه
الصراحة نحن لسنا في الجاهلية بل ان الجاهلية في كثير من وقائعنا الحالية يعتبرون أكثر تقدما منا !!!
أولا : هل تؤيد عدم احقية المرأة في الحصول على وظيفه ؟
لا اؤيد - من حق المرأة في حال رغبتها بالعمل ان تعمل ،،،
ثانيا : ماهي الحلول الممكنه لإقناع اب يحرم ابنته من اكمال الدراسه ؟
ان يتم القضاء على الأب
تخيل عندك بالعمل مدير من محدودي العقل !!! تقول له اثبت العلم ان الأرض كروية فيرد عليك : لا بل الارض مثلثة !!!
كيف تستطيع اقناعه خاصة اذا أتى اليك بشخص يشهد معه ان الارض مثلثة
ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب ؟
لا
اخشى ان يأتي يوم ويذكر الواحد اسم أمه ويلحقه بعبارة " أكرمكم الله " ... لأن مثل هذه العقليات قد تتوقع منها هذا السلوك ،،،
رابعا : مساحه حرة للتعليق على اي جزئية بالموضوع ؟
المرأة " كائن " انساني - معصوم الدم والمال - حر - ومكلف شرعا
المرأة مثلها مثل الرجل لها كرامة ولها شخصية ولها حق ان تحترم
لا يحضرني فرق بين الرجل والمرأة اذا ما استثنينا الأختلاف الفسيولوجي سوى ما يلي :
1 - القوامة للرجل والتي اسيئ فهما بشكل كبير متناسيين قول رسول الله " خيركم خيركم لأهله "
2 - انها معفاة من العبادة في ظروف واوقات محددة
3 - ان شهادة الرجل تعادل شهادة أمرأتين
4 - ان للرجل نصيب أمرأتين في الميراث
وكل ذلك ليس لأن للرجل ميزة عن المرأة ولكن لن الله اراد ذلك " وكفى "وبهذا الخصوص يمكن للمهتم ان يبحث فيها ليعلم حكمة الله وعظمة التشريع الاسلامي في هذا الخصوص ،،،
للإسف مازالت ثقافة الأعراف القبلية تكبل مجتمعاتنا حتى أصبح إسم الأم كالعار الذي يلحق بأبنائها إن علم أحد بإسمها !! فإسم الأم أو الأخت في نظرهم حدود حمراء يجب عدم تجاوزها وعند تجاوزها تكون هناك ردود أفعال قد تنتهي عند مالا يحمد عقباه ,, وهذا التصرف فيه إنقياد واضح للأعراف القبلية والغريب في الأمر بإن كل ماله علاقه بالعادات والتقاليد يطبق دون مساومة فيما لو كان الأمر واجباً دينياً لا اعتقد بإن الامور ستصل الى هذا الحد ,, فكثير من الواجبات الدينية تراها مهملة للإسف الشديد وحين يصل الأمر للعادات والتقاليد فالأمر مختلف !! والسؤال هنا لمن تثور ثائرة الغيرة لديه عند ذكر إسم احد محارمه هل الرسول عليه افضل الصلاة وأتم التسليم لم تكن لديه الغيرة على محارمه ؟ ولو كان ذلك يمس عرض المحارم ألم يكن الرسول صلى الله علية وسلم حريصاً على عرض محارمه ؟ ولو كان ذكر أسماء المحارم محرم شرعاً هل الرسول علية الصلاة والسلام اتى بما يخالف شرع الله ؟ وفيما يخص موضوع حرمان الفتاة من إكمال تعليمها فهذا فيه ظلم وإجحاف ويدل على عدم إستيعاب الأهل بإهمية تعليم الفتيات خصوصاً في الوقت الحاضر حيث أصبح الرجل والمرأة شريكان في تسيير أمور الحياة ,,
لو ملف قيادة المرأة في يد هالرجال تتوقعون وش بيصير ؟
اتوقع ان ذا وهو جالس بمجلس الشورى يقطع الأوراق ويرميها بالساحه ويقول بصوت عالي بلا سواقه بلاهم ... عربجي ذا مو وزير
!!!!!!
إقتباس
على العموم لاحد يفهمني غلط انا ضد قيادة المرأة للسيارات ..حالات بجنوب المملكة واعجبتني السالفه
أحس أخوي في هالأقتبسين تناقض نفسك بنفسك
إقتباس
أولا : هل تؤيد عدم احقية المرأة في الحصول على وظيفه
مع أتوقع في أحد يعارض الوظيفه إلا اتذكر واحد من أخواني ما يؤيد لزوجته يقول خلاص خذتي البكالوريوس يكفي وجهه نظره أنه مو مقصر عليها في شيء يبغاها ملكه في بيتها
وحاليا ما أتوقع في وظااااااائف ما يحتاج نتاقش
ومافيش ألا بفتامين واو وبالنسبه لي أذ تخرجت أذ الله أحياني ما راح أتوظف بأخذ شهادتي وحط رأسي على الوساده << ما فيش طموح ولو جتني وظيفه جب البيت ماراح أوافق << أوخس يا بنت الوليد
إقتباس
ثانيا : ماهي الحلول الممكنه لإقناع اب يحرم ابنته من اكمال الدراسه
بالتفاهم تنحل المشاكل
بالأقتاع تتغير الآراء
وفي ناااااااس من النوع إلي مايغير رأيه نهائيا ولا يقتنع
أتذكر واحده تقول خالاتها يتخرجون من الثانوي وبعدها جدها مايدخلهم الجامعه ومنها لعش الزوجيه
غريب جدا فكره !!!
يقول يأثر على تفكير بناتي الصرح الجامعي
إقتباس
ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب
أنا أشوف أخواني عادي وحتى اشوفهم ذكر اسمي ما عندهم اشكال نهائيا
أولا ا: هل تؤيد عدم احقية المرأة في الحصول على وظيفه نعم والمرأة لها الاحقية والله كرم المرأة ثانيا : ماهي الحلول الممكنه لإقناع اب يحرم ابنته من اكمال الدراسه لاتعليق .. الثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب
لا ابدا ولكت هناك نوعية وللأسف في هذا المجتمع متخلف يجد اسم الام مهزلة
رابعا : مساحه حرة للتعليق على اي جزئية بالموضوع الله يعطيك العافية على الموضوع وش اسم امك<<ماقرا الموضوع وفهمة
حي الله شاعر المجلس ( ابو عبدالله ) في البدايه أسمح لي ياشاعرنا الكبير بهالأبيات ابيك تقيمها لي بشوف لي مستقبل بالشعر والا من جنبها
لا تحزنـي يمــه لا لا يهمـونـك .. ماعابني أسمك ولا صرت قاسـي يازين هرج الناس يوم يطرونك .. اعيش المحبه وأنتشي بإحـساسـي ما ينزل الراس لو هم يسمّونـك .. والله لو ينفصل عن المتـن راسـي
لي ساعتين أتعصر لين طلعت هالكلمتين اذا صرت شاعر اللقب حقي ( راعي طويله ) < واثق
إقتباس
ليلة البارح قال لي صديق أن ابي اجبر اختي على ان تترك الدراسة بحجة أنها اخذت الأساسيات
أساسيات الماضي هي الكتابه والقراءه .. ولكن اليـوم لا تكفي الكتابه والقراءه فحسب ولكن الحياة أصبحت واسعه النطاق تحتاج إلى علم وثقافه حتى يصبح الشخص مدرك للأمور وسهل التعامل معه
إقتباس
قال والله هو يقول أن البنت مكانها بالبيت والتعليم للبنت ليس اساسي وكفايه انها تعلمت عشان تقراوتكتب وش تبغى زياده
حتى وإن كانت لا تتعدى أسوار المنزل .. تحتاج إلى علم وثقافه لتحسن التعامل مع زوجها وتربي أبنائها التربيه المثاليه
أولا : هل تؤيد عدم احقية المرأة في الحصول على وظيفه أرفض وبشده كون المرأه محرم عليها الوظيفه بشرط أن لايكون في وضيفتها إختلاط صريح وفاضح
ثانيا : ماهي الحلول الممكنه لإقناع اب يحرم ابنته من اكمال الدراسه من وجهه نظري .. الأقناع بالحسنى واللين في الحديث ومحاوله تحذيره من العواقب بأن هذه ضروره العصر وأن الجيل والمفاهيم والحياة أختلفت عن السابق ويجب على الشخص الكسب العلمي حتى تتماشى عقليته مع عقليات أقرانه من جيله ولا يصبح جاهل منبوذ
ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب أبدا .. كل من أعرفه يعرف أسم أمي والعكس ولا أجد في ذلك أي ضرر أو مشكله أسم أمي ليس حصري ولا سري حتى أخاف أن ينتشر
موضوع رائع وراقي ولا أجد في ذلك غرابه لأن صاحبه مصدر خاص وحصري للذوق والروعه .. نتعطش لحرفه ونرتقي بفكره دائماً لو أجمع من المعاني أجزلها .. ولو انتقي من الكلمات أعذبها لن أصل إلى روعه حرفك والذي يحمل مع كل فاصله فيض من معاني ندرّسها في كتب
إسمح لي بهذه المشاركه وتقبل مروري ورده
برايفت
وين القصيده اللي طلبتها منك قبل نحقق كأس الدوري بمناسبه تحقيق كأس للدوري
ولاتهونون جميع اسمحولي بقدم هالشاعر ولازم تتعدون معاي لو فيه طابور وناس واقفين بالدور وجا واحد معاه بيتين شعر اقدمه ....
اعذروني ياجماعه ولاحد ياخذ بخاطره مني تكفون ما ابي ازعل احد بس الرجال متواجد الحين ...
S K Y
ابيات جميلة ويعاب عليها الخيال الواسع <<<< وش عنده الدكتور غسان
نتنظر تصويت الجمهور في شاطيء الراحه .... تريم تريم الجمهور عطاك 80 % ممتاز 10 % متوسط 10 % جيد
خل عنك كل الكلام اللي فوق وابدا معاي من جديد ثلاث ابيات تنم عن شاعر مميز ليس مجامله لشخصك الكريم ولكن واقع فرض نفسة اسجل اعجابي الشديد وان كنت احرجتني بوضعك لي مقيم لأبيات بهذا المستوى رائعه جدا واشكرك على التفاعل مع الموضوع وهل هذا دليل ان مووضوعي حرك مشاعرك هههههههه بدينا نمدح مواضيعنا ...
كل الشكر والتقدير لك على هالأبيات وسلمت يداك وبيض الله وجهك وفالك البيرق <<<< وش عنده حمد السعيد
نجي للموضوع نعم في عصرنا الحالي لم تعد تكفي القراءة والكتابة بل يجب ان تتسلح المرأة بأكثر من ذلك لتكون قويه تقاوم صراعات المجتمع من حولها ورغباته المتوحشه ...
شاكر لك اخي الكريم على المداخله واعذرني وراي شغله مهمه بالجمهور قطعت علي ....
بالنسبة للبرايفت لاتفضحنا وبعيدن انا ماوعدتك اذا وعدتك جيب الإقتباس .....ههههههههه مو تصدق استر ماواجهت وفي القريب العاجل بنكتب في الزعيم قصيدة وسوف ارسل لك رابط القصيده على الخاص شكرا على اهتمامك اخي الكريم
هلا والله وغلا باخوي algohmani مشاء الله عليك مبدع بكل الوان الحياة على قولة احد قنوات المجد
اما عن سؤالك الاول اللي تقول فيه
أولا : هل تؤيد عدم احقية المرأة في الحصول على وظيفه ؟
نعم للمراءة الحق في الحصول على الوظيفة ولكن المناسبة لها ولعادات اهلها
لو صارت ضروف وش بتسوي لابنائها
ثانيا : ماهي الحلول الممكنه لإقناع اب يحرم ابنته من اكمال الدراسه؟
هذا ان مشى معك بالهون والا خله نحاول نعلمه ويش ممكن يصير بالمستقبل من تطورات له تاثير على ابنته او من ظروف لايستبعد حصولها او من شرف سيلحقهم من خلف هذه البنت
ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب ؟
هنا بالمجتمع عندنا تعودنا من يوم كنا صغنطوطين ان اللي يقول اسم امه تشوف العالم تعيرك ومن هذا القبيل
وانا لاارى مشكلة من قول اسمك للناس ولااصدقاك من لا يفتخر بامه ولا يحبه
هانحن نرى الكثير منا يفتخر بلاعبه المفضل وشخصيته المفضلة
ولكن اذا سالته عن اسم امه يروح في خرايطها
مجتمعنا مجتمع لايساعد الواحد ان يقول اسم امه لان عندك عالم لو قلت اسم امك كانك مسوي مسوي عمل ارهاب وهانحن نرى هذه الايام اناس بدات تنبذ هذه التخلفات
لان رسولنا الكريم صلوات ربي وسلامي عليه اشهروافتخر باسماء زوجاته وبناته
أولا : هل تؤيد عدم احقية المرأة في الحصول على وظيفه ؟! اكيد المرأه لها حقوق مثل ما الرجل له حقوق
ثانيا : ماهي الحلول الممكنه لإقناع اب يحرم ابنته من اكمال الدراسه؟ هذولا عالم متخلفه الحكي معهم ماينفع.
ثالثا : هل تجد خجلا في ذكر اسم امك مثلا أمام مجموعه من الشباب أو امام صديق مقرب ؟ والله هذا سؤال يمكن يكون موجه للشباب بس بتلقف وبرد عليه يعني ليش يخجل الرسول وهو الرسول اشرف خلق ربي كان يقول اسماء زوجاته . ومو انت ياللي مسويلي في امها وجاي تستحي تقول اسم امك ..وبعدين ليه والله لو انها عار عليك
رابعا : مساحه حرة للتعليق على اي جزئية بالموضوع. مشكوور اخوي ابو عبد الله على الموضوع .
][ الجواب الاول ][ .. اؤؤيد ان المراة انها تحصل على وظيفه لكن بحدود.. وبدون اختلاط...يعني تبي دكتوره ممرضه لا لا لا لن فيه اختلاط واما مدرسه مو مشكله لان المحيط الي تشتغل فيه كله بنات ...
][ الجواب الثاني ][... والله الحلول للاب على حسب الاب اذا كان.. وماعندي رد على السوال هذا ؟
][ الجواب الثالث ][..ذكر اسم الام نعم اخجل ومابي احد يدري تقولي ليه ..اقولك والله عاده وما اقدر اغيرها ويمكن هذا من الغيره .. واذا انت تشوف هذا عادي طيب اذكر اسم امك بالموضوع ؟
][ الجواب الرابع ][ .. ما عندي شي اقوله اسئلتك كفت ووفت..بس اذا انت تشوف هذا شي عاادي اذكر اسم امك..راح تخجل ولا راح تذكره لانها الغيره صح.. يعني لا تلومنا....!!
وبالنسبه لي أذ تخرجت أذ الله أحياني ما راح أتوظف بأخذ شهادتي وحط رأسي على الوساده 
ماراح أوافق << أوخس يا بنت الوليد 
ما عندهم اشكال نهائيا 
مرحبــــــــــــآ .. 
الوضع المتطور
