موضوعك رائع .. وحتى المقاطع اللي حطيتها اروع .. بصراحه اندهشت من جمهور فنربخشه .. شي خوووووورافي
بجد مجانين .. مدرج كامل ينفذ نفس الحركه بنفس اللحظه .. اتوقع انهم هم السبب في وصول فريقهم لدور الثمانيه بالشامبيونز ليق

بالنسبه لجمهورنا .. صحيح باردين شوي .. لكن اتوقع لو كان فيه رابطه كبيره وعندها امكانيات راح تقدر تحركهم وتخليهم يشجعون بنفس الحماس ..
عشان مانصير سلبيين انا اشوف ان جمهورنا تحسن كثييييير عن اول .. شف شريط مبارة الهلال مع ناقويا او جابيلو بتلقى الملعب صمت رهيب !
استثني من كلامي هذا مبارة الهلال والترجي .. ذيك المباره جمهورنا جته حالة جنوووون .. اللي سووه بذيك المباره شي مايصدق بصراحه !

لكن لو نرجع لمباريتنا اخر سنتين بتلقى التفاعل من الجمهور زاد وصار فعلا مؤثر .. وهذا مع قلة امكانيات الرابطه ..
مبارتنا مع مانشستر كان معلق قناة مانشستر معجب كثير بالجمهور وطريقة تشجيعه .. وفعلا ذيك المبارة المدرج كان رووووعه

حاليا محتاجين امكانيات اكبر للرابطه + توجيه للجمهور قبل المبارة ( بالمنتديات , موبايل الهلال ) .. وبتلقى شي يسرك ويسر كل هلالي ..
جمهورنا الحمد لله جمهور راقي ومضرب المثل بطريقة التشجيع الجماعي .. كل الجماهير الثانيه مايتحركون الا بـ رابطه ..
عكس جمهورنا اللي كان يتفاعل حتى بدون اي رابطه وأي توجيه .. وهذا قمة الرقي بالتشجيع .. كل اللي محتاجينه زيادة التفاعل طول المباره

مشكور مره ثانيه ع الموضوع الرائع واتمنى يكون له صدى عند الرابطه والجمهور