مسارات غير واصحة , الكل يموج ويدخل في بعض , حالة من الفوضى العارمة تحيط بالمكان
النساء مع الرجال , تدافع غير مبرر !! , وتسمع صوت الهندي من بعيد ينادي : هنا تفتيش السيدات !!
خلصنا الجوازات والتفتيش الشخصي , وأبي أدخل صالة الدرجة الأولى , ما فيها تكييف !!
وفيها مصلى واحد , جيت أصلي العصر وإلا ألاقي فتاتين تصليان , قلت أنتظرهم يخلصون وأدخل بعدهم
الشرهة على اللي ما عرفوا يجيبون باكستاني يكتب لهم مصلى نساء ومصلى رجال
انتهت الفتاتان وجلست إحداهما على الجدار والأخرى تتحدث معها
قلت أنتظرهم شوي ما خرجوا , أضطريت إني أطلب منهما الخروج لأداء الصلاة
جزاهم الله خير خرجوا
نادوا على الرحلة ومشينا
الوالد قالي خذ أخوانك وأمك وودهم للبواوبة 23
أخذتهم وقعدت أدور على بوابة 23 ضعت , تخيلوا فيه 3 بوابات تحمل رقم بوابة 23 !!
يالله ما علينا , عدينا مرحلة تشييك البوردينغ , ونزلنا لركوب الباص , طبعًا هذا الباص خاص بركاب جدة , في الرياض من الصالة على الطائرة مباشرة , لكن في جدة كل شي غير !!
المهم أول ما عدينا البوردينغ وألاقي صالة مكيفة باردة , فين هالصالة من زمان مدري ؟!
ركبت الطائرة , المشكلة كانت بإننا ما لقينا حجز لجدتي في الدرجة الأولى وحجزنا لها أفق
فاضطريت لأني آخذ محلها في الأفق وهي تركب في الدرجة الأولى
ذهبت لمقعدي في الأفق , وإذا بي أفاجأ بأن مقعدي بجانب إمرأة خمسينية متبرجة وفاردة شعرها !!
جلست بجانبها ولم أتمتم بأي كلمة , سمعت صوتها وهي تتحدث مع أحد معارفها بالجوال في القاهرة وتطلب منه الحضور لاستقبالها في المطار.
اللهجة مصرية , فقلت بأن هناك العدد من المصريين لا يتحجبون إذا ليست مشكلة
تناولت قليلاً من القهوة وتناولت هي أيضًا , فوجئت بأن أطراف الفنجان فيه بقع " روج "
حتى الآن أنا لم أتعجب لكونها مصرية
ولكن هذه قتلتني , جاء المضيف ليعطينا استمارات تسجيل البيانات للدخول للأراضي المصرية
فسألني عما إذا كنت أجنبي أو مصري , فقلت لا أنا سعودي
وسألها بجانبي وقالت أنا سعودية !!
لا حول ولا قوة إلا بالله
في تلك اللحظة حزنت كثيرًا على ما آل بنساء بلادنا , ولا سيما أنها في مرحلة متقدمة في العمر , فعمرها لا يقل عن 45 سنة إطلاقًا , حتى أن التجاعيد بدأت تظهر عليها
نزلنا في مطار القاهرة , وكان مكيف تكييف جيد عكس مطارنا
عند نزولي إلى المطار رأيت أشكال وأصناف عجيبة من الناس
قتاة كاشفة شعرها وتلبس العباية , وأخرى متحجبة حجاب عادي وملابسها ضيقة عليها حتى أن رقبتها كانت ظاهرة !!
سلمت جوازي لموظف الجوازات وانتظرت دقيقة ليسلمني إياه , وعندما سلمني إياه نادى علي وقال يا مِحْمَد تفضل
ركزوا في الحركات , لم يعرف ينطق إسمي جيدًا !! يا للعجب
خرجنا من المطار , وبدأت الشحاذة
معي سائق يبي ينقل شنطنا ويبي يدخلها في المصعد قاله واحد عند المصعد ممنوع بس الشنط تدخل وإنت تمشي , قعد دقيقة في جدال وقال تفضل بس بسرعة لحد يشوفكم , ركبت المصعد , وإذا به يقابلني بالأسلوب الكريه : (الحمد لله على السلامة يا أفندم , نورت مصر , كل سنة وإنت طيب , الحمد لله على السلامة , طيب مش هتدينا الحلاوة , أنا ما رضيتش أنزلك إلا لأنك راجل طيب)
يعلم الله أني لم أكن أملك فلسًا لأعطيه ولكن قهرني أسلوبه , حتى أنه تذمر وتمنى أنه لم ينزلنا في مصعد أبوه المتهالك !!
ذهبنا إلى أحدث الفنادق في مصر , سوفيتيل الجزيرة , حجزنا أربعة غرف , ونفاجأ بأنه يغير غرفنا الأربعة إلى جناحين !!
بحجة أن " اللوكندا " ممتلئ على آخره , وإذا بي أتذكر النمشان يقول من سبق لبق في مباراة الاتحاد والهلال على نهائي الدوري !!
ما اقول الا الحمدلله وصلت بالسلامة وما دامك طلعت من المملكة حاول تتأقلم لأنك لو ما تأقلمت صدقني بتتعب إلا صح قصدي من قصيت البوردنغ وركبت الطيارة : وبكرا ننشوف كيف بتدفع البقشيش عشان تمشي امورك
أما بالنسبة للمطار ان شاء الله يتعدل قبل العمرة والحج !!
بما انه معك امرأة لابسه عبايه فاذا انت خليجي و بما انك خليجي يعني اكيد انك مطخطخ فبالتالي ستربح جائرة في اي مكان تروح له واللي سبق و راح لمصر بيعرف ايش هي الجائرة.
بختصار الجائزة اهي لما تروح لاي مكان سوا مول او ملاهي او اي منتجع تشوف مكتب صغير فيه موظفين ثلاثة و اول ما يشوفون معك وحدة لابسه عبايه ينقض عليك( كالصقر حصله فريسه ) و يقول (يا باشا انتا كسبت معانا قيزة ) ويبدا بعدها الضحك على العقول على اساس ان الخليجي معاه فلوس بس غبي, بعد ما يخلص من النصب يقول اديني خمسين جنيه عشان اضمن حضورك لحفلة بكره وتسلم القيزة بتعتك.
سبحان الله الواحد في ديرتنا تلقها ما ترك مسابقة الا واشترك فيها و النهاية ما فيش حاقه بس لما يروح لمصر سبحان الله كل يوم جوائز.
فيه موقف حصل معي انا و اهلي يوم كنا في سيرك و تقريبا كان الحضور 10 الاف جانا واحد قال انتوا ربحتو قيزة و على طول مشيته بس السؤال لييييييييه احنا اللي بالذات ربحنا القيزة؟ اللي يجواب له مني قيزة كبيرة اوي
وحده عمرها 45 ناضجه ومثقفه وطالعين لمصر يعني الجو عسل يا عسل بعدين بقولك شئ خل الحكمة هذي دايما ببالك ( لا توفر شئ ) ترا الدعوه قطعه - أيه شئ قدامك لا توفره ( صغير - كبير ) كله ينفع
___________________________________
أما عن الشحاذه فأقولها لك من الآن
يبي لك أنت وأهلك ميزانيه ثانيه غير ميزانيه السفر بعطيك مثال للتوضيح :
20 ألف جنيه مصري ميزانيه السفر شامله ( التمشي - السكن - مواصلات - أكل - شرب والذي منه ) 20 ألف جنيه مصري ( بقشيش - ونصب وأحتيال ودجل )
بقولك على شحاذه جديده ( خل عنك اللي بالمطار )
وش رايك بشخص يمشي بالشارع ويجيه مصري يمشي قدامه ويصوت للعالم ( وسع وسع وسع ) ( يبي يفضي الطريق ) وبعد ما تتعدى مسافه عشره متر يجيك المصري يقولك ( عطني فلوس علشاني وسعت لك الطريق )
اجل رايح مصر يالتعبان .. يامالك من الشحاذه .. تصدق واحد خويي يقول صحى من النوم وهو فالسرير شاف واحد مصري منسح جنبه يقول له اهلاً بيك في مصر يباشا <== قويه شوي
لا والحين طايحين في كلمة شيخ
كل ما اروح مكان شيخ وشيخ فاهمين الشيخه غلط الاخوان
اللي كاشفة شعرها الاستشوار اشتغل عندها أما المتحجبة الاستشوار احترق ركبته بـ 220 و خرب
لا يا ثامر حرام عليك
لا تعمم مو شرط كل البنات كذا
لصاحب الموضوع:
كل شي يمشي بالواسطة
اللي عنده يشمي واللي ما عنده ينطق
والبنات زي ما قلت لأول العنقود ترى
هذي حالات فردية
الله يستر عليهم بس
تحياتي أختك:
بني حارث