تورام محط أنظار سالزبورغ النمساوي - نادي الهلال السعودي - شبكة الزعيم

B52* · #1 05/04/2008, 09:56 AM

ذكرت الإذاعة النمساوية أن نادي سالزبورغ بطل الدوري النمساوي لكرة القدم يرغب في التعاقد لمدة عام مع المدافع الفرنسي ليليان تورام لاعب خط وسط برشلونة الإسباني.

وأفاد موقع الإذاعة على الانترنت أن النادي يرغب في استغلال انتهاء عقد تورام مع ناديه بنهاية الموسم الحالي لضمه إلى صفوف النادي استعداداً للموسم المقبل.

وانضم تورام (36 عاماً) لبرشلونة في حزيران/يونيو 2006 قادماً من يوفنتوس الإيطالي

المصدر

the wolf 2008 · #2 05/04/2008, 01:01 PM

تورام في اخر سنواته في الملاعب الان وخروجة من برشلونة بات وشيكا..

لكن اشك انه ينتقل للنمسا ممكن انه يفضل الاعتزال والابتعاد عن الملاعب.

skroo · #3 05/04/2008, 01:19 PM

السلام عليكم ورحمة الله وبركاته

قلعتك يا خاين يا عاض اليد اللي ساعدتك !!

تورام كان خايف يتورط ويجي لازيو لان جماهيرهم عنصريين ضد السود , وانقذته السيدة العجوز واخذته باحضانها الدافئه

وعاش معها من 2001 ولكن يوم بانت علوم الرجال تركها باحلك الظروف , والنتيجة ؟

تورام في البرشا صاير high way اذا لقى فرصة يلعب من اساسه
ولا استفاد حاجة من خروجه من السيدة العجوز الا انه اندمر زيادة

لو انه جلس سنتين او ثلاث واعتزل كان تخلد في متحف جوفنتوس وانضم لرموزه
لكن الى مزبلة التاريخ يا تورام

عوافي اخوي

هلااالي وأفتخر · #4 05/04/2008, 08:39 PM

تورام مدافع كبيير كبيير ..

لكنه لـلأسف مستواه الحين ناااازل

وللسن أحكام

إقتباس


	وعاش معها من 2001 ولكن يوم بانت علوم الرجال تركها باحلك الظروف , والنتيجة ؟

ياخي هذا الاحتراف ..
أما الوفاء للنادي وعلوم الرجال هذي عندنا بس ..

اللاعب وش ذنبه إذا هبط فريقه ... ليش يورط نفسه معهم مع إن مستواه أكبر من السيريا b
اللاعب ما بقالها من عمره الكروي إلا كم سنة ويبي في السنين الباقية يحقق أغلى البطولات ..
ما يبي يقظيها في السيريا b

أما بالنسبة لخائن وما خائن فهذي الصراحة سخافة .. هو دورعن مصلحته وهذا من حقه ,,
بعدين إذا لعب 5 سنين في اليوفي .. قهو لعب 15 سنة -تقريبا- خارجه

إقتباس


	قلعتك يا خاين يا عاض اليد اللي ساعدتك !!

إقتباس


	تورام كان خايف يتورط ويجي لازيو لان جماهيرهم عنصريين ضد السود , وانقذته السيدة العجوز واخذته باحضانها الدافئه

الله يهديك بس ..
يعني اليوفي أخذه من باب المساعدات الانسانية ..

اليوفي أخذته لأنه أقنع الكل بمستواه

J o S e · #5 05/04/2008, 09:35 PM

تورام كبير وأتوقع سبب نزول مستواه هو كبر السن ممكن وعدم إشراكه أساسيا في بعض المباريات

أجل بيلعب بسويسرا يعني بيلحق الحضري <<< أمزح

مشكور أخوي على الخبر

برآيفت للعضو هلااالي وأفتخر : يا حبيبي ما أنصحك تعقب على مستشار منتدى العالمية أزينلك

شيطون بس حبوب · #6 05/04/2008, 09:50 PM

تورام في اخر سنواته في الملاعب الان وخروجة من برشلونة بات وشيكا..

لكن اشك انه ينتقل للنمسا ممكن انه يفضل الاعتزال والابتعاد عن الملاعب.

as totti · #7 05/04/2008, 10:16 PM

تورام مدافع ممتاز

العمر 36

اشوف الاعتزال افضل

وينهي المسيره مع فريق كبير مثل البرشا

يعطيك العافية B52*

skroo · #8 06/04/2008, 02:07 AM

السلام عليكم ورحمة الله وبركاته

هلااالي وأفتخر

هلا فيك اخوي وحياك الله واشكرك على التعقيب على ردي ورده

إقتباس


	اللاعب وش ذنبه إذا هبط فريقه ... ليش يورط نفسه معهم مع إن مستواه أكبر من السيريا b اللاعب ما بقالها من عمره الكروي إلا كم سنة ويبي في السنين الباقية يحقق أغلى البطولات .. ما يبي يقظيها في السيريا b

هو ماله ذنب ورأيه وهو حر فيه وحر بتصرفاته بيجلس والا يروح

لكن يفرق لما يترك الفريق واحد زي فييرا وكنفارو وايمرسون وابراهيمفوتش لانهم ما طولو في النادي
والا واحد زي تورام وزامبروتا !! اقلهم له 5 سنين

كنفارو وايمرسون راحو والناس ماهي شايله عليهم

ابرا وفييرا ما كرهوههم جماهير اليوفي الا علشانهم راحو للانتر الغريم لليوفي

زامبروتا موضوع الحاله

تورام يطلع اوكي , لكن يطلع وهو يسب في النادي ويشرشح فيه ؟ هنا المشكلة !

انا ارى من وجهة نظري انه لو جلس واعتزل الحين كان صار رمز في يوفنتوس

لكنه قرر الخروج في اصعب الظروف وياليته ترك النادي وبس الا قام يسب فيه

إقتباس


	أما بالنسبة لخائن وما خائن فهذي الصراحة سخافة .. هو دورعن مصلحته وهذا من حقه ,, بعدين إذا لعب 5 سنين في اليوفي .. قهو لعب 15 سنة -تقريبا- خارجه

لا ماهي سخافة , الا كلام كل الجماهير
ويدور عن مصلحته بكيفه بس مو بالطريقة هذي ,

إقتباس


	الله يهديك بس .. يعني اليوفي أخذه من باب المساعدات الانسانية .. اليوفي أخذته لأنه أقنع الكل بمستواه

آمين ان شاء الله , والله يهدي الجميع

اليوفي اخذه لانه اقتنع بمستواه هذا شي اكيد
لكن لازيو كان قوي في ذيك الفترة وعرضهم قريب لعرض اليوفي لكنه اختار اليوفي لانه غير متعنصر
وبالاخير يجحد

هذا القصد والخلاصة انه ماطلع بسمعه زينه , طلع وهو يسب ويشتم

القناص2009

إقتباس


	برآيفت للعضو هلااالي وأفتخر : يا حبيبي ما أنصحك تعقب على مستشار منتدى العالمية أزينلك

انا ما ادري هل هالكلام مزح والا جد فلذلك راح اتجاهله
وانتبه لا اعضك اهم شي

Tнe LeaDeя MiLaи · #9 06/04/2008, 02:51 AM

هالصخل من عقب طلعته من اليوفي

وهو كل يوم من جرف لدحديره

هاذي نهاية كل خائن

واصبح مذلة بالبرشا

SNEIJDER10 · #10 06/04/2008, 03:29 PM

يستاهل اللي جاهـ واللي بيجيهـ ..

على فكرهـ ..

سالزبورغ هو النادي اللي فاوضوا أحمد الصويلح ولا ؟

..

Fo0oRzA JuVe · #11 06/04/2008, 03:44 PM

يعطيك العافية اخوي ..!!

تورام جعلي اشوف يومك

!!

إقتباس


	ياخي هذا الاحتراف .. أما الوفاء للنادي وعلوم الرجال هذي عندنا بس ..

علوم الرجال طلعت في ديل بييرو و بوفون و نيدفيد و كامورانيزي و تريزيقيه ..!!

للحين مقتنع ان الوفا والمرجلة عندنا بس ؟؟!!

إقتباس


	انا ما ادري هل هالكلام مزح والا جد فلذلك راح اتجاهله وانتبه لا اعضك اهم شي

هلالي بريده2 · #12 06/04/2008, 07:29 PM

نهـــــــــــــــــــــــايـــــــــــــــــــــــــه موئلمه اذا تمت لتورام

LOVE JUVE · #13 06/04/2008, 07:44 PM

إقتباس

الرسالة الأصلية كتبت بواسطة B52*


	مع المدافع الفرنسي ليليان تورام لاعب خط وسط برشلونة الإسباني.

اجل مدافع ولاعب وسط

تورام من اخر موسم له مع اليوفي ومستواه مدحدر

ولاننسى عامل السن

B52* · #14 07/04/2008, 03:54 AM

إقتباس

الرسالة الأصلية كتبت بواسطة the wolf 2008


	تورام في اخر سنواته في الملاعب الان وخروجة من برشلونة بات وشيكا.. لكن اشك انه ينتقل للنمسا ممكن انه يفضل الاعتزال والابتعاد عن الملاعب.

يمكن مايروح هناك على قولتك

لكن الفلوس تغير النفوس

B52* · #15 07/04/2008, 03:57 AM

إقتباس

الرسالة الأصلية كتبت بواسطة skroo


	السلام عليكم ورحمة الله وبركاته قلعتك يا خاين يا عاض اليد اللي ساعدتك !! تورام كان خايف يتورط ويجي لازيو لان جماهيرهم عنصريين ضد السود , وانقذته السيدة العجوز واخذته باحضانها الدافئه وعاش معها من 2001 ولكن يوم بانت علوم الرجال تركها باحلك الظروف , والنتيجة ؟ تورام في البرشا صاير high way اذا لقى فرصة يلعب من اساسه ولا استفاد حاجة من خروجه من السيدة العجوز الا انه اندمر زيادة لو انه جلس سنتين او ثلاث واعتزل كان تخلد في متحف جوفنتوس وانضم لرموزه لكن الى مزبلة التاريخ يا تورام عوافي اخوي

الله يعافيك يالغلا

حقيقه تورام راح واكلها في البرشا

.. مثل ماقلت لو جلس كان حطوه مع رموز اليوفي