@@ من داخل مصنع (adidas) ... طريقة تصنيع الكورة (صور) @@ - نادي الهلال السعودي - شبكة الزعيم

الهلالي 11 · #1 29/03/2008, 02:45 PM

السلام عليكم ورحمة الله وبركاته

وش اخباركم عساكم بخير وكويسين ومبسوطين

اليوم بنشبلكم بموضوع جديد ...

هو كيف شركة اديداس المعروفة عالميا ... تصنع الكور حقتها

القصة وما فيها ...

اني كنت بروح اجيب خبز ...
وبالغلط دخلت مصنع اديداس ...
الفرع اللي بجنب بقالة راعي المغسلة ..
وصدفة كان فيه سحب جوائز ... وطلع لي جائزة كاميرا

يوم دخلت وشفت الوضع ولقيت انه فعلا طريقة التصنيع غريبة ...

قلت يا ولد صور لك كم صورة ونزلها للاعضاء ...

خلهم يتعرفون على معالم الدنيا

<<<<< ما يعرف يكذب ابد

المهم للي ما فهم من الكلام الللي فوق اني كذاب ...

ترى الدعوى وما فيها اني لقيت الصور على النت ...

وحبيت اسدحها هنا ... للفائدة لانه فعلا انا انصدمت يوم شفت خطوات التصنيع

بس والله اني شريت خبز

تفضلو ... اترك الصورة تتحدث ... وان شاء الله تنبسطون بشوفتها

ايتها الصور ... اليك المايك

تحت بتلقون كروكي حق مكان مصنع اديداس

سوري ... قصدي المصدر اللي جبت منه الصور

طبعا فيه عدة مواقع لكن انا جبتها من هنا ...

المصدر

اخيرا ما يستفاد من الموضوع

1/ كل شيء يبدأ صغيرا ... الى ان يصبح ليس صغيرا

2/ في حال انفقعت الكورة حقتك ... شف الرقم اللي جوا ...
ورح لهم عطهم الرقم يطلعونلك بدل فاقد

<<<< ذكي مرة

3/ الكورة الاصلية هي التي تصنع مثل اللي فوق

4/ لا تحاولو عمل هذا في منازلكم

تحياتي لكم ... اخوكم الهلالي 11

ماشستراوي للـ أبـد · #2 29/03/2008, 02:51 PM

اول شي تسلم على الموضوع و الصور الززينه

بس يا خي مشوووره

يا زين كور بلاستك أم ريالين أنفخ و بع هههههههههههه

بس ما أكنه الكورة قديمه 2004 و حنى آلحين 2008 سلك كآنك ما شفتها هههههههه

بويوسف الهلالي · #3 29/03/2008, 02:55 PM

سلامات اسويها في المنزل رح اقرب بقاله أم 10 تؤدي الغرض الي تخلي الرجل حمره

والله ذيب يا سامي · #4 29/03/2008, 03:58 PM

فن والله

هذا وأنت ما جبت الأجهزة اللي يقلك تخلي الكرة متناسقة مع قدم اللاعب وخرابيط فاضية

يعطيك العافية

azoze996 · #5 29/03/2008, 03:58 PM

إقتباس


	سلامات اسويها في المنزل رح اقرب بقاله أم 10 تؤدي الغرض الي تخلي الرجل حمره

هههههههههههههههههههههه
والله معك حق
.............................

H A R R Y · #6 29/03/2008, 04:10 PM

والله شغل معقد ! هذي النآس اللي تخترع أشيآء جديده ! موب مثلنآ الله يخلف

كل الشكر .. ورده

MILAN STARS · #7 29/03/2008, 04:12 PM

والله اديداس ابدااع
و احلى كوره هاذي و بعدها حقت دوري الابطال
مشكور اخوي على الخبز قصدي على الصور
هه

Madrid Magic · #8 29/03/2008, 04:18 PM

مشـكـور عـ [ الصـور " الشـرح ] ..!!

يـآخـي سهـلـة مـرره ..

.. شكـلي بسـوي لـي وحـده ..

../

ALJMAAN · #9 29/03/2008, 04:26 PM

مثل هذه المواضيع المفروض تكون مثبته
ويعطيك الف عافية
وكثر من هذي المواضيع الرائعة

J o S e · #10 29/03/2008, 05:08 PM

بس تدري طريقة معقدة نوعا ما وواضح من الصور أن هالكور صنعت بــ2004 بس حنا الحين بــ2008 يعني الكورة يدخلون

هالقماشة اللي فوق وتطلع كورة على طوووول

ملاحظة : متأكد أن اشتريت خبز

<<< معليش ظلل

بصراحة مشكور أخوي على أسلوب سدحك الجميل وواصل إبداعك

محب الذئب9 · #11 29/03/2008, 05:31 PM

مـوضـوع حلـو .. والكور ـآحلـى ..

تشكـرآت خيـو ..

ياليت بيكهام هلالي · #12 29/03/2008, 07:53 PM

موضوع مسدوح بخبره عاليه

يخوك باتسر وانت رايح تشتري خبز

أسالهم اذا يقدرون يفتحون فرع جنب استراحتنا عندنا نخلة تاكل الكور اكل يوميا اربع كور

skroo · #13 29/03/2008, 08:09 PM

السلام عليكم

عوافي يا بطل على الصور الغريبة ! اول مرة اشوف هالصور !!

شوفو وشلون الناس تتفنن لين تجيب لنا كور زي الناس

مهوب كور امهات 5 ريال واول ما تمزعها في الجدار تورّم ويطلع فيها صعرور

( صعرور = نتوء يظهر بشكل مفاجئ وغير طبيعي

)

بس شركات الرياضة العالمية هذي انواع المخمخه والروقان بالتصنيع ! يجيبون لاعبين ويسألونهم ويشاورونهم

اذكر ان اديداس غثتنا بكورة كأس العالم 2002 وما فيه لاعب الا وجابوه يشوتها عندهم ويمزع فيها لين طلعوها لنا بعد ما طلعت روحنا !

وبرضة كأس العالم 2002 كان نقلة نوعية في الملابس والاحذية وانتم كرامة : صارو يحطون فيها فتحات تهوية ومدري ويش وزحمه تحس وانت تقرا تقاريرهم بعد انتاج الملابس انها سيارات من كثر الاوصاف !

بس الاهم والمهم اننا نستمتع بالمنافسة اللي بينهم والمستفيد اولا واخيرا نحن

لكن بالاخير يظل بوفون افضل من كاسياس <==== توه قاري موضوع عنهم وماسك خط

عوافي اخوي وشكرا لك ورده

ابوســ ع ــود · #14 29/03/2008, 11:13 PM

8
8
8
يالبيييييييييييييييه لو ذا الكرتون في غرفتي جنب مخدتي يوووه بصير اسعد واحد انواع الفله بصراحه كور اصليه

انواااع الفللللللللله ياصدييييييييييقييييييييييي

Abu 3jLaN · #15 29/03/2008, 11:38 PM

إقتباس

الرسالة الأصلية كتبت بواسطة ابوســ ع ــود


	8 8 8 يالبيييييييييييييييه لو ذا الكرتون في غرفتي جنب مخدتي يوووه بصير اسعد واحد انواع الفله بصراحه كور اصليه انواااع الفللللللللله ياصدييييييييييقييييييييييي

من جد اخووووووي

بس كن الكورة قديمة؟
2004