السلام عليكم ....

تخيل لو معك لافته ومعلقها بسيارتك والا على جدار بيتكم وكاتب عليها ابو جهل

تقدر تسوي كذا طبعا لا فابو جهل لعنة الله عليه رأس الكفر

طيب وش رايك بأبو لهب ... نفس الحكاية ماردى من ذا الا ذا ...

طيب خلونا بالجدد .. بوش وكونداليزا رايس والا الرسام الدنماركي ملاعين الجدف
تقدرون تعلقونهم على صدوركم ؟؟
كني اسمعكم تقولون اعوذبالله

طيب لو عندك فانيلة ومكتوب على ظهرها بيكهام رقم 7 ومانشستر وش حلوها حمراء تلق

طبعا ولا واحد يبي يقولك شيء ... بالعكس تفاخر فيها ومن زود التشخيص انت وجهك تروح تصلي فيها
وانت لابس فانيلة واحد نجس صليبي ...طاق الصليب برقبته ..

هذا الواقع ياشباب ياحلوين ياطيبين بنحبكم

اتحداك تدخل مسجد ..ما تلقى واحد من الشبيبه الصغار ما لبس فانيلة لاعب اجنبي كافر بالله ورسوله

ابو جهل وابو لهب وبقية دشير قريش هم نفس بوش وبيكهام وراؤول وموريانتس وروني ورونالدينهو وطقة السلنتح

الكفر ملة واحدة ..

مثل ماكان ابو جهل يكره الاسلام نفس الشيء اللاعبين يكرهون الاسلام
لاتقولي لا ماقالوا انهم يكرهون الاسلام ...قلوبهم تخفي الكره لكم وللاسلام
لان القرآن الكريم فاضحهم .


تلقاك وانت تصلي بالمسجد تشوف اللي قدامك بالصف الأول لابس ميسي واللي لابس كاكا

بدال ماتشوف كلمة سبحان الله والا الحمدلله شيء تكسب فيه أجر
لا تشوف اسامي هالكفرة ..شيء يقهر

وش يضرك عزيزي لابس الفنايل بالمساجد مع انه لبس مهوب مرغوب فيه اصلا بالمسجد
خذوا زينتكم عند كل مسجد

وش يضرك دامك لابس لابس فانيلة لو تحط اسامي على الاقل مسلمين لو يحصل هلالين ازين ==> لالا امزح

الزبدة ياشباب الاسلام انكم تفتخرون بدينكم ليه نحب الذل لانفسنا
ليه نعلق اسامي اعداء الله ورسوله ...لا وين؟؟؟ بالمسجد !!!


ودي اسأل حدا المشايخ اللي بالمنتدى والا خارج المنتدى ؟

وش رايك لو احط اسم ابو بكر الصديق رضي الله عنه على فانيله واحط رقمه اثنين بما انه الرجل الثاني بالاسلام
بعد الرسول صلى الله عليه وسلم .
اوعمر بن الخطاب رضي الله عنه رقم 3 ؟؟ بدون ترقيه ياشباب تراي صاز

أكثركم يحس انها فكرة غلط .. طيب هل صح اني احط اسم كافر ؟؟
يازينها الفانيله وانا اصلي فيها وعليها اسم واحد من الصحابة .... ارجو افادتي

إقتباس (حكم لبس الملابس الرياضية التي تحمل شعار الكفار) السلام عليكم ورحمة الله السؤال الأول من الفتوى رقم ( 16585 ) س1 : ما حكم لبس الملابس الرياضية التي تحمل شعارات خاصة بالكفار ، مثل الفنايل الرياضية التي عليها شعارات إيطاليا أو ألمانيا أو أمريكا ، أو التي مكتوب عليها أسماء بعض اللاعبين الكفار ؟ ج1 : الملابس التي تحمل شعارات الكفار فيها تفصيل كما يلي : 1 - إن كانت هذه الشعارات ترمز إلى ديانات الكفار كالصليب ، ونحوه ، ففي هذه الحالة لا يجوز استيراد هذه الملابس ولا بيعها ولا لبسها . 2 - إن كانت هذه الشعارات ترمز إلى تعظيم أحد من الكفار بوضع صورته أو كتابة اسمه ونحو ذلك فهي أيضا حرام كمـا سبق . 3 - إذا كانت هـذه الشـعارات لا ترمـز إلى عبـادة ولا تعظيم شخص ، وإنما هي علامات تجارية مباحة ، وهي ما يسمى بالماركات فلا بأس بها . وبالله التوفيق ، وصلى الله على نبينا محمد وآله وصحبه وسلم . اللجنة الدائمة للبحوث العلمية والإفتاء . عضو بكر أبو زيد _ عضوعبد العزيز آل الشيخ _ عضو صالح الفوزان عضوعبد الله بن غديان _ الرئيس عبد العزيز بن عبد الله بن باز

والله كلامك عين الصواب
وارجوا انهم يتركون هالعادات الباطله

إقتباس اوعمر بن الخطاب رضي الله عنه رقم 3 ؟؟ بدون ترقيه ياشباب تراي صاز

ياخي انا خايف الي يردون راح يظحكون والمشكله امور دين واكثر شي يخوف الاستهزاء بالدين
ياليت اخوي تحذف الموضوع لايروح احد يستهبل والا شي من الجهل
جزاك الله خير

والله عشان اكون صريح معك
انك ماتعرف تنصح شكلك توك ( ملتزم )
لعان وسب وشتم الدعوه وانا اخوك
بالكلام المتزن والطيب موب بالعصبيه والملعنه

لو كلامك كان بعبارات الطف سوف تجدها تدخل قلب الشخص الذي تود ان تحدثه

واشكرك على حرصك بالنصح
تحياتي

والله انك صادق ، الي تلقاه الي لابس لبس برشلونه وفيه صليب ، وداخل يصلي ،!!

الله يرحمنا برحمته ان شاء الله ويحسن خاتمتنا

كلامك والله كله صصح المشكله المسلمين ينظرون لانفسهم نظره دونيه ويمجدون الغرب بكل شي ويفتخر انه يعرف اسماء ومعلموات وصور اللاعبين الاجانب زي واحد الله يستر عليه متذكر معلومه قديمه بالدوري الاوربي ولما قلت انا المعلومه بشكل غلط جلس يستهزي فيني ويقول وش عرفكم للدوري الاوربي انتم ومشمئز مني وينظر لي بدونيه عشاني ماني حافظ معلومات مثله ويحس بالفخر بنفسه عشانه يشجع ويتابع الدوري الاوربي من زمان , ما اقول غير الله يهديهم بس والرسول اخبرنا اذا تركنا ديننا ورضينا بالزرع سلط الله علينا ذلا لا ينزعه عنا حتى نعود لديننا الله يصلحنا جميع ويهدينا قولو امين .

و الله إني حبيتك يا وليد .. طبعا في الله .. ! هع


كلامك عين الصواب و إن دل فهو يدل على طهارة و نقاوة قلبك ..


الله يجزاك خير .. و يا ليت يفهم هالكلام الجهال ..


ما قصرت .. أحر سلامي ..

والله كلامك هذا يأخر مايقدم قدام ...

اقولك ليش لانك ماقدمت الى الحين نصيحه وحده غير انهم مايلبسون الفنايل في الصلاه...

والا ماخليت احد الا وسبيته وكفرته ودخلته النار وهذه نضرة اهل الجاهليه الجهله

والزمن تغير على هالكلام والرجو مراعاة طرح مثل هالمواضيع...

جزاك الله خير وصدقني نبهت الكثير عن امور مهمه كان الاغلب يجهلها انا اولهم

ارجو من الشباب الي عنده اخوان صغار يمنعهم واذا يحب اخوة يروح يشتريله طقم

جديد لو نفس اللاعب بس بدون اسم او يطقله طقم الزعيم احسن له ..

تحياتي..

اقول تعررف تنصح ماشاء الله عليك قرارت احرق ملابس اي لاعب غربي ابلبس سامي وياسر والدعيع والشباب لاعبينا

إقتباس الرسالة الأصلية كتبت بواسطة داايم هلاالي ياخي من قال ان حرام نلبس اساميهم ؟؟ وهم ما قالو شي عن الاســلام ؟؟ هذا تايوتا اسم مخترع يهودي وهوندا وغيرها الكثير الي نستعملهااااا ماقلت عنها شي

السيارات شي ضروري وما نقدر نسوي شي لها وبعدين هي ماهي مسالة مقاطعه مسالة الانسان يكون عنده شخصيه يعتز فيها ماهي مسألة حرام وحلال بس ليش الواحد ما يكون عنده شخصيه وذوق تلبس برشلونه ومكتوب رونالدينو وانت رايح تخطب من ناس مثلا؟؟ يعني مسألبة ادب مع الله ومحبه هذا الهدف من الموضوع

انت صادق

لو يحطون مسلمين ازين


بس لا يحطون عمر الخطاب ولا اسم فيه اسم الله

لا الفانيله يمكن تطيح ويمكن يهان اسم الله بعدين


وجزاك الله خير