كالديرون يعلن المفاجأة المدوية : راؤول وروبينهو الى برشلونة ... !! - نادي الهلال السعودي - شبكة الزعيم

الهلالي 11 · #1 28/03/2008, 07:44 PM

اعلن رئيس النادي الملكي ريال مدريد السيد رامون كالديرون عن مفاجأة من العيار الثقيل

حيث ذكر في تصريح له مساء أمس انه تم الاتفاق بين مدريد و برشلونه ...

في صفقة تعتبر من اقوى واغرب صفقات الكرة في العالم ...

حيث ذكر رامون كالديرون ان فتى مدريد المدلل وابن النادي راؤول

سيلعب مع النادي الكتالوني ابتداء من الموسم القادم ...

وذكر ايضا ان النجم البرازيلي روبينهو في طريقه الى هناك ايضا ...

وقال الصفقة لن تكون مادية ...

ولكن انا معجب بلاعبين هناك سياتون الى مدريد بدلا عنهما ...

والمح الى انه من الممكن ان يكون هنري وميسي هما الاعبان المقصودان ...

وقال : كريسيانو رونالدو بالطريق ايضا ....

مانشستر قبل بعرضنا ...

سندفع لهم مبلغ 40 مليون بالاضافة الى كاسياس ....

انتهى الخبر ...

المصدر : انا
الترجمة : انا
المخرج : انا

بتقولون وين المصدر بقولكم لا يكثر

قبل كل شي بالله لا احد ينفخ واتمنى من المشرفين ما يحذفون الموضوع

هذا الموضوع من تاليفي ...

بس الهدف من الموضوع هو ...

اكيد اكثركم يسمع بكذبة ابريل والبعض يسميها كذبة نيسان ...

شهر ابريل هو شهر (4) بالميلادي وهو نفسه نيسان عند بعض الناس ...

انا كتبت هالخبر الكاذب ويا كبرها من كذبة

لهدف واحد وهو تنبيهكم من الاخبار اللي بتقرونها على النت الايام القادمة ...

انا شخصيا صارت معي قبل كذا وانلعب علي اكثر من مرة ...

اخر شي بكل برود يقولون لك ... وهذا الخبر لا يعدو كونه اكثر من كذبة ابريل

يعني ... الله يصلحكم انتبهوأ لاخباركم اللي تجيبونها الايام الجاية ...

وبذكركم ... صدقوني انواع الكذب بتلقونه على النت في شهر ابريل ...

البعض بنفس الخبر يقولك انه كذبة ابريل ...

والبعض الاخر يعلن انها كذبة بعد كم يوم ...

الموضوع بس حبيت اسوي جرة وقلق بالمنتدى ....

طبعا عندي احساس ان الموضوع بينحذف وبيصكوني ايقاف

بس برضو عندي احساس انه ما ينحذف والاعضاء بيجلدوني على الجرة

وعندي احساس بعد ان فيه بعض الاعضاء بيقرون العنوان بس ...

بعدين يجي يقولك ... والله خسارة
راؤول وروبينهم احد الاسماء المهمة في الريال

تحياتي للجميع ...

ويقول الشاعر ...

ابريل يا شهر الكذب وش خليت ... الهلالي 11 كشفنا وهو متسدح بالبيت

كلمات: انا

الحان : انا

غناء: انا

zammamwek · #2 28/03/2008, 07:52 PM

كان نبّهت بدون كذب
لأن الكذب حرااام والناس استسهلت الكذب
ويحسبونه هيّن عند الله

الهلالي 11 · #3 28/03/2008, 07:55 PM

8
88
88888
888888888

سلامات ...

الحين انت فهمت كذا يعني اني كذاب ...

انا طلعت كلام من راسي ...
وقلت لكم اني كذاب ... ونبهتكم من الكذابين ...

بالله علمني شلون ضبطت معك اني كذاب!!

تحياتي لك ولمرورك الكريم

محبوب الجماهير سامي · #4 28/03/2008, 08:16 PM

جزاك الله خير على انك نبهتنا

وبصراحه انا قلت بيجي ذا الشايب راؤول وروبينهو لبرشلونه والله قهر

ههههههههههههههههه

الهلال دايم زعيم · #5 28/03/2008, 08:31 PM

هههههههههههههههههههههه اشوا روعتني اجل راوول يجي و هنري او ميسي يروحون!!!!!!!!!!!!!!!!!!!

سليمان الناصر · #6 28/03/2008, 08:34 PM

طيب مشكوور اي والله صادق انواع الكذب بيصير ... ماراح يصدق اي خبر ههههههههههه

وشككرن مره ثانيه

S U L A I M A N · #7 28/03/2008, 08:45 PM

أقول ياكثرك

.. بس خل عنك والله لو يفكرون من أول شهر 3 لين نهايته يفكرون وش يجيبون كذبه ماتخش المخ .. ماوصلوا للي وصلته

يقطع بليسك روبينهو وراؤول لبرشلونة بدال هنري وميسي .. وكاسياس وزيادة 40 مليون بدال رونالدو

أجل الشهر الجاي أنواع الأخبار الي مادري وش تبي

الموسم الي راح قالوا ان روني خلاص انتقل لمادري مين .. بس شكله والله العالم بينتقل فعلا

الهلالي 11 · #8 28/03/2008, 08:55 PM

الف شكر لكم على المرور ...

وزين دام الحكومة ممثلة بمشرفنا الغالي سليمان ...

ردت وما تقفل الموضوع معناته احنا ماشين بالسليم يا بيه

سليمان ... احس كنك عطيتني شهادة احتراف الكذب والاشاعات بمرتبة الشرف

بس صدقني بتشوفون بلاوي اكثر من كذا الشهر الجاي واذكركم ....!!

تحياتي للجميع ... وبالله لا تاخذون عني فكرة اني كذاب من ورى هالموضوع

انا والله كويس وصادق

skroo · #9 28/03/2008, 09:06 PM

السلام عليكم ورحمة الله وبركاته

<====== داخل ومطفي النور بيشب على المصدر

يالله انا ما عندي تعليق على الخبر لكن خلونا ننتظر اخبار ابريل ونشوف اخر كذباته البيضاء

خوفي ينتقل دل بييرو لضمك

ومحمد النزهان يصير ظهير يمين في الانتر بدل زانتتي

عوافي اخوي وشكرا على السحبه اللي اطلق من سحبات الثنيان

N ALRASH · #10 28/03/2008, 09:08 PM

و ياسر للنصر و سعد للهلال و توتي للاتسيو و زانيتي لميلان .

الهلالي 11 · #11 28/03/2008, 09:44 PM

والله اشوف اكثر الاعضاء مستعدين لكذبات كبيرة

اخوي skroo

اول شي الصورة المتحركة اللي بتوقيعك تلحس المخ

يعني لو واحد عنده اختبار بكرة ...

بينسى الدراسة وهو مفهي قدام الصورة

ثاني شي ما ادري بس كأن فيه واحد يشبه سعد الحارثي ...

من ضمن اللي مترززين قدام الكاميرا

تحيواتي للجميع

skroo · #12 29/03/2008, 01:50 AM

هذي وانا اخوك صورة لجماهير جوفنتوس في الديلي البي وهم منهبلين يوم شافوني امشي على المضمار وطلعت جوالي وقعدت اصورهم وهم مو مصدقين <======= الدعوه أبريل

لحظة تفكير · #13 29/03/2008, 02:11 AM

عنبو .. شيطانك وش بقيت لا بو شلاخ ..

.
.

عز الله اني دخلت مدرعم اقول ياليتهم يروحون ويجي ميسي ..

اخرتها عبط ..

عاشق الأمير الأسيوي · #14 29/03/2008, 05:52 AM

كلامك 100%

وياكثرها هاذي عند الميرنقي واللبلوز

هههههههههههههههههههه

عوافي يالغالي وبنتظار جديدك في أبريل

mr. zaeem · #15 29/03/2008, 06:35 AM

لا تنسى .. لامبارد وجيرارد لـ مانشستر ..
مقابل روني لـ تشلسي .. و جيجز وسكولز لليفر ..