شكرا رئيس النادي للتطنيش الدائم وكثر الاشغال وليتنا بدون رئيس

شكرا اعضاء الشرف يامن ازدحم بكم نادي الهلال دوما (حتى الجماهير مالهم ماطا رجل)

شكرا حسين المسعري ومن اعماق القلب يامن اطربتنا دلاخة (ورا ماتستحي على وجهك وتذلف عن النادي ترا ما احد يبيك)

شكرا تركي القحطاني ايها النسخه الكربونيه من هاني انور حتى بشين الوجه

شكرا بندر حنتوش على البرود الزائد وعلى القدم الفولاذية (اللي نشبت الكوره بالساعة)

شكرا فهد المصيبيح على فرض الثلاثة مسبوقين الذكر علينا وعلى طردة خميس العويران (رغم انها من غير قصد)

شكرا حسن العتيبي (مالقيت الا بارتيز قدوة؟؟؟؟)

شكرا ادميلسون على الدلاخه فل امام النصر (ترا بس مباراة النصر والا انا مقتنع فيه)

شكرا تركي الصويلح عشانك محلق صلعا (كذا مسكت على الصلعا)

شكرا يا اتحادنا الرياضي على فرض الاربعة الكبار اللي ماجاب الكورة السعودية ورا الا هو

شكرا ناصر الجوهر على مطاريسك الزايدة وصدقني ان كره احد المنتخب انت السبب

شكرا نادي النصر وتستاهلون الكورة تبي من يركض ويتعب اكثر ماتبي من ياخذ فلوس اكثر

شكرا يامن تدير الهلال ونفسي اسالك سؤالين ارثر ليه جا من الاساس وليه يروح؟
ليه نجيب عشره اجانب وكلهم هجوم والنادي ناقص ظهير ايسر؟؟؟؟؟؟؟؟؟
المولد سجلتوه ولا عاد شفناه عسا المانع خير؟؟؟؟؟؟؟؟؟؟؟؟؟
حسين المسعري تركي القحطاني ليه يلعبون وما احد يبيهم؟؟؟؟؟؟
اعضاء الشرف يسبونهم الجماهير تبي تاكلهم فهد المصيبيح يقول مالعبتهم !!!!
من جايبهم لنا؟؟؟؟؟؟؟


اذا ما اخذنا دوري هالسنة خوذو شوري وتابعوا ديبورتيفولاكرونيا الاسباني
صدقوني ماعندهم احد معروف ولا هو ذاك النادي بس الصراحة يوسعون الصدر
لاني من زمان ماشفت فريق يلعب للفنيلة اللي هو لابس زيهم
وما عندهم لامسعري ولا قحطاني يعني على كيفك

واخيرا شكرا جماهير الهلال على حضوركم للملعب الصراحة مالقيت مكان من كثركم