ابقترح الاقتراح هذا واللي يقدر يوصله للرئاسة العامة والله اننا بنستفيد ادخلوا واقروا - نادي الهلال السعودي - شبكة الزعيم

صاحب الغلا · #1 18/03/2008, 11:09 PM

تكوين لجنة من اللاعبين السعوديين المعتزلين:
مثل سامي الجابر-يوسف الثنيان - صالح النعيمة- فيصل ابوثنين-محمد شلية-ماجد عبدالله -فهد الهريفي -الرومي-محمد عبدالجواد

وباقي كثيييييييير
بس لابد من ان تكون اللجنة منوعة في المراكز(هجوم-دفاع-وسط)
ويمنحون مدة مثلا مقدارها اسبوع
يعدون قائمة بافضل اللاعبين الموجودين في الدوري
مع مراكزهم
وبعد ذلك يحضرون اجتماع مع نواف بن فيصل وبحضور انجوس
والمناقشة بهذا الموضوع
وراح نلقى خير
وان شاء الله يعتمدون اللاعبين اللي راح يرفعون اسم المنتخب
ياناس مشتهي اتعدى التاهل بكثير

صاحب الغلا · #2 18/03/2008, 11:34 PM

الحين 13 سعودي شافوا الموضوع
ولاواحد منكم كلف نفسه يرد
لييييييييه
تبون المنتخب يتاهل؟؟؟؟؟؟؟؟؟

للي يقول انا اخالفك بالموضوع
يكتب رايه
الاختلاف في الراي لايفسد للود قضية

لكن اتمنى تكون ملاحظة تفيد المنتخب

خليجي2006 · #3 19/03/2008, 02:01 PM

هذا الموضوع بيصير فيه الكثير من الواسطات والمجاملات
علشان كذا ما يصلح
لازم المدرب يشوف افضل تشكيلة بالنسبة

ملك ايطاليا · #4 19/03/2008, 04:15 PM

والمدرب وش شغله ؟؟؟؟

اخالفك ,,,,,,

شكرا لك ...

صاحب الغلا · #5 22/03/2008, 03:51 AM

صح بيكون فيه واسطات مجاملات
وهذه مشكلة

اوكي المدرب هذي شغلته
بس هذولا من لاعبين احلى جيل مر على المملكة
يعني اقل شيء يحطون رايهم اذا نفع حلو
مانفع لاتجربون الطريقة مرة ثانية
ومثل ماقلت من قبل
مشتهي بكاس العالم اتعدى التاهل بكثيييير
هي أمنية والاماني تتحقق
شكرا على مروركم

زعيمية · #6 22/03/2008, 05:39 PM

حلوه الفكره

واحس انها راح تساهم في تطوير المنتخب...

والي يقول وش شغل المدرب
اهم يشاورون معه والمدرب اعلم منهم في هذي الامور..

ومشكووووووووووووووور اخوي على الاقتراح واتمنى انه يوصل ..

حليلاوي · #7 22/03/2008, 07:25 PM

هي فكرة حلوة بس كذا المدرب بيقول انا وشلي شغل خلهم بحالهم اجل

وَهَــــًٌٍٍـــًِـَم · #8 22/03/2008, 07:35 PM

لها ايجابياتها ولها سلبياتها ...

لكن اشوف راح يجي منها مشاكل لعدم وعي كثير من اداريين المنتخب ( مع احترامي ) ...

فكره تشكر عليها يالغالي ...

موقفي محايد ...

تحيه طيبه ...

يا(20)سر · #9 22/03/2008, 09:28 PM

لحــياء لمــن تنــادي ,,,,,
:::::::::::::::::
::::::::::::::
:::::::::
:::

أمير الأساطير · #10 23/03/2008, 12:58 AM

لا حــياء لمــن تنــادي ,,,,,
:::::::::::::::::
::::::::::::::
:::::::::
:::

صاحب الغلا · #11 24/03/2008, 11:10 PM

شكرا على مروركم
ويعطيكم العافية على ارائكم

انا ابقول المهتوي يقطع المستوي

صراحة بالنسبة للايجابيات والسلبيات
هي في كل موضوع يشغل رقي المنتخب السعودي

اتمنى الرئاسة العامة تدرس الموضوع
اذا كان فيه خير يسوونه
واذا ماكان لايناظرونه

نفسي اتعدى التاهل بكثيييير

السفير3 · #12 26/03/2008, 02:20 AM

فكره حلوه

بس راح يكون أختيار العناصر

في تعصب واضح

ولاكن المدرب أعرف من الاعبين كلهم في خططه

وبعدين ويش نستفيد من الاعبين القدام
إذا كان القرار الاول والخير المدرب؟

الاختلاف في الراي لايفسد للود قضية

بدر2020 · #13 26/03/2008, 02:27 AM

اتفق معك واخالفك بنفس الوقت يعني
لو تكون اللجنه لتقييم المنتخب بعد كل مباراه
او بطوله وترفع ملاحظاتها لرئاسه افضل من انها تختار الاعبين
لان المدرب يختار لا عبين لتطبيق خطه او دور معين