رماح الزعيم

حبيب ألبي

يليت تاخذ كلامي على انه نصيحه وليس انتقاد

بالبدايه انت فتحت الموضوع وبينت وجهة نظرك وتبي تسمع وجهة نظر الاعضاء صح والا انا غلطان؟؟

خلاص يا حبيبي موب لازم اي واحد يرد تجي تناقضه اذا كان رايه يخالف رايك واذا كان معاك تؤيده
كل شخص مقتنع بالكلام اللي يقوله ما اعتقد انك بكلامك بتخليهم يغيرون رايهم فيه

يليت انك تعطي فرصه لمواضيع ثانيه تاخذ حقها بالمنتدى

اللي بيعجبه الموضوع بيرد وبيبقى موضوعك بالصفحه الاولى مايحتاج ترفيع
----

بالنسبه للعنبر ما ادري وش اقولك بس يكفي كلام المنتشري العام الماضي يوم فازوا علينا بالنهائي يوم طلع ياسر ودخل العنبر

يقول المنتشري لو كان ياسر يلعب وهو مصاب مافكرت اتقدم خطوة وحده بس عشان ما حولك احد تقدم

وبالنسبه للي يقولون العنبر راس ومدري ايش يعني ابيكم تعدون لي الاهداف اللي جابها بالراس والاهداف اللي جابها ياسر بالراس وشوفوا وش اكثر خلوكم من ياسر لاعب دولي ومشاركاته اكثر بكثير من العنبر

احسبوا الكور اللي ضيعها العنبر براسه واللي جابها تلقون الاهداف اللي جت براسه تنعد على الاصابع لكن لأنها دخلت بمباريات مهمه صار هداف بالراس

بالنسبه لي انا هذاني احلف لكم لو دخل العنبر بالمباراة انا بطلع من الملعب لاعب بطيء ويضيع مجهود الفريق ولا يقاتل

وبالنسبه للموري مايستحق يلعب حتى بالفريق الاولمبي

وبالنسبه للمبارك ممكن ممكن ممكن يلعب سريع وشوي مهاري بس يرفع الضغط بأنانيته وعدم مناولاته للاعبين فاضين ومتمركزين افضل منه

بالنسبه للي يقولون ليلو بيكون مراقب من كم لاعب وياسر مراقب من اكثر من لاعب والتايب مراقب من اكثر من لاعب وش بقى من فريق الاتفاق اذا 9 لاعبين بيراقبون ثلاث لاعبين هذا الشي بيفتح مساحات كبيره بالملعب الكرات الطوليه الساقطه فوق المدافعين اسهل طريقه لفك هذي الخطه خاصة بوجود ليلو وياسر لاعبين سراع

وجود العنبر بصراحه عالة على الفريق

اختلاف الرأي لا يفسد للود قضيه

تقبلوا تحياتي