|
قسم بالله غثيتونااا..!!جمهور الرياض ما جمهور الرياض..!!ادخل الله يهديك انت وياه السلام عليكم ورحمة الله وبركاته.. شباب من جد رفعتوا ضغطي..وش النبره حقتكم هذي جمهور الرياض ما جمهور الرياض..الشغله صارت عنصرية..!! مع احترامي لك انت وياه((كلامي موجه للسكان خارج الرياض)) لا تتفلسف وتظلم العالم وانت ماتدري وين الله حاطك فيه..يا اخي بدل ما تتكلم على الجمهور يا بابا..تكلم اول شي عن الاتحاد السعودي حقك..ليه يخلي مباراه مثل هذي يوم الثلاثاء..يا اخي ترى عندنا دوامات وجامعة.. بالنسبة للي ما يدري عن مسافة الملعب ويحسبه قريب..والله ان المسافة من بيتنا حتى الاستاد((لو قلنا ماشي بسرعة 100 الى 110 كيلو متر) تاخذ ما يقل عن ساعة ياخي تخيل..!! يا جماعة ترى احنا ناس مرتبطين..اهم ماعندي مستقبلي ترى مو الهلال..ثاني شي اصلا اللعيبه هالموسم والله ما يستاهلون انك تضحي عشانهم.. النقطة الثانيه الي ابيك تتكلم فيها بدل ماتظلم جمهور الرياض..ياخي لعيبتك الموسم هذا فاشلين..مايستاهلون حتى انك تضحي عشانهم..يا اخي ارخص لاعب موقعين معه ب5 مليون..في الاخير وش حصلنا هذا الموسم.. تقريبا ما لا يقل عن 20 رمية تماس خاطئة:bigeek::bigeek:((فقط هذا الموسم)) وييييييين بالله هذا فريق محترف..!! الباصات حدث ولا حرج..والله تقول كأنهم مبزرة باصات بالمئات خاطئة او بالاحرى يمكن ولا باص صح..والكلام هذا مو مباراة وحده بس ..لا على طوووووووووول الموسم.. يعني الموضوع ماله اي دخل في المدرب..اللعيبة متهاونين مالعبوا بروح..وش دخل الباصات في المدرب..!! لاعب محترف مايعرف يلعب باص صح..يمين بالله شي يقهر.. يعني الاسباب الحقيقية بدون فلسفة انت وياه.. اول شي وقت المباراة سيء جدا+ملعب بعيد جدا ثاني شي ان لعيبة الفريق الموسم هذا ما يستاهلون انك تضحي عشانهم..موقعين معهم بالملااااااااااايين في الاخير حتى بااااااااص مايلعبونه صح..عيب عليهم والله |
ياخي حراام عليك هالفاشلين ماقد خلوك تناقز من الفرحه المشكله تجرحون اذا انهزموا اما اذا فازوا تقولون انواع المدح واوكي اللي مرتبط الله يستر عليه بس معقوله كلهم مرتبطين ... !!! الصراحه الجمهور النصراوي ازين منا بالحضور فقط يعني لا تتعلثون ومرتبطين ومدري وشو وكأن المباراه 6 ونص الصبح انا يوم شفتكم تدافعون قبل المباراه عن انفسكم قلت يبي يملون الملعب ... ولاحولك احد بس الظاهر ناصر الفراعنه صار ازين الهلال بعد |
بالرغم من المبررات الي ذكرتها ولكنها غير مبرر لعدم حضور مباراه مصيريه للفريق يعني اذا اللاعبين خذلونا احنا برضو نخذلهم بعدم الحضور !!!!!!!!!!!!!!!!! وش تقول على النصر الي من عشر سنين يعذبوا جماهيرهم ولكن الاشياء الي ذكرتها صحيحه وترفع ضغط الجماهير تحياتي |
يا أخي تبريرك غير منطقي تونا أول أسبوع في الجامعه يعني أتحدى إذا أخذت أكثر من درس وتقول مستقبلك أهم من الهلال حنا مانقول شيء لكن فيه شيء أسمه تنظيم وقت يعني إذا كنت مجتهد مره (دافووور) ذاكر بعد صلاة العصر وتحرك بعد صلاة المغرب وأضمن لك تجيب الأول مع مرتبة الشرف وتحصل مقعد مع جمهور الهلال |
مع احترامي لك الا ان مبرراتك واهيه جدا قال ايش قال عندنا دوامات واعتزال الجابر ماكان فيه دوامات واختبارات بعد ؟؟؟ |
قال ايش قال جامعه ودوامات طول عمر الكوره عندنا بأوقات جامعه ودوامات وبعدين انا من الرياض وقبل لا اسافر ما تركت مباراه وحده للهلال بالرياض ماحضرتها ولكني اقول زي الي يقولون الي خارج الرياض جمهور الرياض جمهور مباريات كبيره فقط حتى لو مباراه بتحدد مصير الدوري وبالرياض مع فريق صغير ماحضر ليه .؟ ياربي برد يآربي امتحانات .؟ عذر أقبح من ذنب يعني ماتقدر تضبط لك جدول يومي وتخصص ساعتين للملعب .؟ سلم لي على جماهير الهلال خارج الرياض بس أنتم حتى مبارياتنا مع الأتحاد بالرياض ما تحضرونها |
مع احترامي لك الا ان مبرراتك واهيه جدا قال ايش قال عندنا دوامات واعتزال الجابر ماكان فيه دوامات واختبارات بعد ؟؟؟ 888888888888888888888888 ردك منطقى وحنا مانعرف هالمبررات نعرف جيت او ماجيت |
طيب انا برد عليكم يالي تقول اسبابي ما اقنعتك..اخوي في شي ترى انتم غافلين عنه..ترى اغلب جماهير نادي الهلال من الطلاب والكل يعرف هالشي.. مثلا خذني انا.. انا طالب في كلية الهندسة..عندي اليوم 6 محاضرات في الجامعة من الساعة 8 الصبح..!! ومثل ما قلت لك ان الملعب بعيد جدا وارهاق جدا علي اني احضر الملعب.. وطلاب المدارس اهلهم يفرضون انهم يطلعونهم..بعدين في شغله بقولها لكم..خصوصا حقين الحجاز..شباب ترى احنا وضعنا يختلف عنكم..ترى انتم ماعندكم مشكلة مع السهر كذا اسلوب حياتكم,, لكن احنا اهل الرياض دجاج نظامنا يعني ننوم بدري..((اتكلم عن الطلاب والموظفين الاغلبيه فيهم)) اما بالنسبة للعيبة الي تقول ياما فرحونا..والله انت صادق ماقلت لا..لكن اخوي احنا ما وقعنا معهم بالملايين هذي عشان يلعب معي مووووسم كاااااااامل بمستوى اقل من متواضع..خصوصا انك تعرف ان اللاعب هذا عنده اكثر من كذا..يعني بالعربي اللاعب يلعب بدون نفس شكله..!! لو مباراه واحده او ثنتين مو مشكله..لكن موووسم كامل باصات والله تفشل والله اني انحرج اني اقول اشجع الهلال لما اشوف الباصات هذا الموسم.. بعدين لما تتكلم عن جمهور النصر..ترى اغلب جمهور النصر مو طلاب والله هذي حقيقة..لأن تعرف هم انقرض فريقهم مابقى احد يشجعهم الا جمهورهم القديم..يعني ماعندهم مثلنا جمهور فريش جديد..يعني هم اغلبهم ارتباطاتهم اقل مننا..واغلبهم عساكر افراد..!! |
<< يسلموووووووووووووووووو والله كلامك صحيــح.. 100 بالميــه لاااااااا تعليــــــــــــــــــــــــــــــق.. |
يعطيك الف عافية على الكلام الرائع الاخوان اللي في جدة يحسبون الملعب مثل ملعبهم جنب البيت وبعدين الاعبين ما يستاهلووون الحضور اذا بنحضر عشان الهلال كا كيان وبس واما الاعبين وربي ما يستاهلوووون والادارة ما تستاهل اليوم طالع لنا الرئيس ونائبه كنهم يقلووون غصب عنكم ياجماهيرنا المدرب باقي يعني الدعوة قهر المدرب مضيع الفريق والاخوان ما عندهم الا تجديد الثقة وهذا وجهي ان جابو بطوله الاعبين ما عاد عندهم روح وربي كل يلعب بس عشان الفلووووووووووووووووووووووووووووووووووووووس الله يرحم ايام يا صالح ويا يوسف ويا سامي ويا خالد التيماوي (( هم اللي كانوايلعبون من قلب )) والدليل شف ايام زمان لاضيع الاعب هجمه وش يصير فيه والحين يتبسم ويضحك ولا من زين المستوى بعد المبارة ما يخلي قناه يصرح والله قهر الله يصبرنا وبعد هذا تبي نحضر الادارة (( فاااااااااااااااااااااااااااااااااااشلة )) |
تبغى نجي أي مبـــاراه واذا حضرنــا تنتهي 0_0 لا ياشيــخ .. وبعدين اللعب مايفتح النفس .. كلن يتمتطط ومدري وش يسوي ويتفنن .. ولا واحد يتبرع ويسجل هدف .. مبارتيــن وراء بعض انتهت 0_0 وتبغــانا نحضــر.. ويــن.. |
إقتباس:
صدقت والله شي يطفش للاسف الفريق اول ما ندري وش فيهم والله يستر من يوم السبت وما عليكم جمهورنا العزيز ما يخذلكمــ... |
والله تفشل والله اني انحرج اني اقول اشجع الهلال لما اشوف الباصات هذا الموسم 8888 شجع غير الهلال وش هالكلام الهلال فريق اسود وشف الضغط عليهم قبل بالمباريات وتكلم لا والله هذى محسوبه عليك اخوي لو انك نصراوي مالومك لكن الهلالي راسه عالي |
إقتباس:
بعدين ترى انا مو في كلية ادبية..انا في هندسة..مو دروس حتى مشاريع والله عطونا.. |
والله أخوي مدري وش ارد عليك لكن بتوفيق للهلال في كل مكان |
شباب انتم معصبين وتقولون اعذاري واهية..طيب اتركوني على جنب شوي.. طيب في شي اهم من الجمهور الي انتم معصبين منه..يا اخي فريقكم مستواه سيء..ليه ماتنتقدون اللعيبة..ليه ماتشبون عليهم..يا اخي والله لو نعبي الاستاد كله على مستوى اللعيبه هذا الموسم ماراح نسوي شي الا اذا الله كاتب لنا شي..!! يا شباب شوفوا فيرقسون مدرب مانشستر قبل اسبوعين عاقب كرستيان رونالدو غرمه 8 الاف جنيه استرليني وخساه في الاحتياط..ليييييه..!! لأنه فقط ارسل مسج في التدريب والله.. شوفوا كيف التدريب.. هذا لاعب محترف..موقعين معه بملايين..يجيني مستواه زفت طول الموسم..لو عنده اعذار ما قلنا شي..لكن خلاص يوم قبض الملايين نسى الهلال..!! تكلموا على لعيبتكم اذا تفهمون كورة من جد..مو واحد يطلع لي يقول ياما فرحنا..يا عمي ترى معطين اقل شي كل واحد خمسه مليون غير المكافات الي توصل لمليون للاعب.. اصحوا وشوفوا فريقكم يا شباب |
إقتباس:
عز الله ما فزنا ولا بطوله هـ الموسم اذا هذي عقليات الجماهير .. يابوي صاحي انت ؟؟ احضر بعدين احكم ع المستوى .. مو جالس متسدح في بيتك وتقول والله اللاعبين ما قدموا مستوى .. طبيعي ما يسوون شي والملعب فااضي ف يمباراه نصف نهائي استحوا يا عااالم |
طيب هدئ أعصابك ووسع صدرك أيش فيك معصب مايهمك يالغالي راح أقترح عليهم ينقلون المعلب بجوار بيتك ترى الهلال يشرف أي شخص يشجعه خلاص ماتقدر تحضر تكلم عن نفسك فقط ,, غيرك الوف يقدرون يحضرون بالتوفيق وعقبال الدكتوراره يامجتهد ,, |
اذا هذي اعذآآآركم لاتتكلمون اذا الفريق طلع هالموسم لاقدر الله ولابطوله ,, وتجرحون في الاعبين وتتكلمون ,, لاتحضرون بس لاتنتقدون بعد ,, بالتوفيق للزعيم ,, |
مسألة الظروف فأنا معاك فيها فعلا لكل إنسان ظروفه الخاصه سواء كان طالبا أو موضفا ولا يستطيع أحد أن يحاسبه على عدم حضوره أما قولك أن اللاعبين لا يستحقون منا الحضور فهذا شيء خاطئ اللاعبين عليهم ضغط كبير من المباريات نتيجة تتابعها ولاحظ أن كل الفرق هذا الموسم لم تقدم الأداء المرضي لجماهيرها فالأوضاع متشابهه سواء في الهلال أو الإتحاد أو الشباب والسبب في ذلك هو الإرهاق وكثر المشاركات خاصة الهلال كونه أصبح مطالب بالفوز في جميع المباريات القادمه لتصدر الدوري وتقديم أداء جيد أمام الشباب للوصول للمباراه النهائية على كأس ولي العهد وتقبل مروري |
ياخوووووي انا مليت وانا احضــر بس.. طفش اقعد ثلاث ساعات معي كيلو باجه يقضي واخذ من اللي بجنبي ......... عندي اقتراااح .. نجيــب مسجل ونشغله تقل فيه جماهيــر واجد ونصبغ الملعب ازرق وابيض ونشوووف وش يسووون اللاعبيـــن.. لاكن عاللعمووووم انا متفااائل بالمبــاراه الجاييـــهـ.. |
إقتباس:
إقتباس:
إقتباس:
|
إقتباس:
|
تراكـــم دبلتووو أسبودنــا.. .. السلام عليكم .. نخش في الموضووع على طووول.. ياعيــال لحد يقووول احضرو المبــاراه .. اللي بيحضــر بيحضـر بدون محد يقـــولهـ .. وإن شاء الله الزعيــم المبــاراه الجايـيه .. مهب هامه الجماهيــر بيلعب بدوون جمهــور << لأنه تعووود على الهدوء في الملعب.. وان شاء الله الفووز للهــلال في المبــاراه الجاييــهـ...:clap::clap::clap::clap:s13s |
إقتباس:
الله يشفيـك وترى يمدحون نادي النصـر .. شـجعه اصرف لك !! ولا رح نـام وفكنـا .. قال تعود على الهدوء قال !! http://vb.eqla3.com/images/smilies/biggrin.gif |
ان شاء الله وترجع الروح الهلاليه المعروفه وبأذن الله الفوز للزعيم |
إقتباس:
من يووم طلعت على هالدنيــا وأنــا هــلالي..:smilie47::smilie47::smilie47: وأهنيــكـ على هالأسلــوب..:razz::razz::razz::razz: :) |
الأخ أبو سعـود قريت ردك وقلت وشلون يتوفق الهلال وهذي عقليات جماهيره مو بس الهلال كل الأنديه أجل مليت لأنك حضرت مباراتين ورى بعض وكلها انتهت صفر صفر طيب ليه ماتسوي زي حليمه بولند وتقول ابي ابوي ابي امي ابي هـدف .؟ أسف على هالرد لكن هذا رد على جمله واحد من الفريقين يتبرع ويجيب هـدف طيب لو حضرت مباراه الهلال والقادسيه بكأس الأمير فيصل كان شبعت أهداف وماقلت هالكلام |
تصدقون ماطلعنا بأي نتيجه من نقاشكم هذا مع احترامي للكل فيه طاولة الحوار فضفضوا هناااك |
كلامك غير منطقي وبالعكس لا توجد عنصرية جمهور الهلال على عاني وراسي وأهل الرياض بعد " لكن أبسألك هل جماهير النصر كلهم عاطلين ماعندهم دوامات .. شوف كيف يساندون ويحضرون لمؤازرة فريقهم المتهالك ويأتون بكثافة أكثر مرتين من جماهير الهلال " مع إن جمهور الهلال الأكثر .. وفي جميع المناطق خاصة الرياض .." ياخي والله أنكم غريبين حتى في إعتزال الأسطورة سامي ما بغيتوا تحضرون لولا شراء الأمير عبدالله بن مساعد نص التذاكر وعذركم بااااااايخ للأسف تعذرتوا بالبرد هذا ولاء بالله " |
أخوي انا قبلت عذرك و اقتنعت فيه لكن ابغاك تقول لي كم عدد سكان الرياض ؟؟ و كم تتوقع عدد نسبة جمهور الهلال فيه ؟؟ ثانيا المباراة الجاية مسموح لا تحضر المباراة , ابغاك تروح المقاهي متأخر شوي و اتحداك تلقى مكان عزيزي نحن نتحدث عن شعب كامل و ليس فئات معينة او حالات فردية !!! اللي مشغول الله يستر عليه لكن ملعب فاااااضي لا و بالرياض هذي ما تنبلع |
ياسايلنت ايفيل مااكن أحد دخل كلية الهندسة الا انت يخوي انا بكلية الطب واللحين السنة السادسة ودايما أحضر المباريات وترا دوامي من الساعة سبعة الى اربعة ودايما أحضر مباريات اما عن تقصير اللاعبين اتحفظ عن الاجابة... |
والله إنك صادق انا إذا بغيت أحضر مباراة أحرك من البيت الساعة 4:30 وأوصل وقت صلاة المغرب بس الناس الله يهديها ماتقدر بالعربي بيني وبين الأستاد أكثر من 85 كيلو والكثير من جماهير الرياض نفس الطريقة وبعدين إذا طلعت من الملعب متى توصل للبيت من الزحمة ووراك دوام وبعدين زي ماقلت الفريق مايستاهل إنك تتعب عمرك عشانة |
كلامك سليم لاكن وين اللي يفهم ياخي المفروض انهم هم اللي يجون مهما كانو في جده الدمام مكه المهم نتفق على حب الهلال |
شف ياخوي والله ما عندكم أعذار يا أهل الرياض والله لو تقول ما جيت مزاجي ما كان رايق ابرك من انك تقول اختبارات أول شئ هذا الاسبوعـ الأول ,, !!؟ يعنيـ ما خذينا للحين شئ ,, !! ثانيـ شئ ياخي اذا ما عندك تضحية على قولتك والجمهور كلهم ما عندهم تضحيات وكل واحد على كل صغيرة وكبيرة يقول عذر كان قفلوا الملاعب وجلس كل واحد في بيته ولعبوا اللاعبين لحالهم ومباراة مثل الشباب والهلال مباراة مصيرية ومباراة ديربي من الرياض من الدرجة الأولى ,, !!؟ سامي الجابر حفله جاء في اسبوع اختبارات الجامعات وتملأ الملعب ؟؟ وإلا حفل سامي أهم من مستقبلك ,, ؟؟ وانت أبغا اعرف وش حارقـ رزك على الفلوس اللي تنصرف عليهم ,, !!؟ يعني هالحين انت تبيهم يا ما ياخذون فلوس يا يلعبون زين ,, !!؟ الفلوس انت تدفعها والا على الااقل تشارك فيها ,, !!؟ ياخي اذا اللاعبين ماهوب عاجبينك هذا رآيك اما انك تحسدهم حتى في مصدر رزقهم وتتمنا لو ما ياخذون 5 ملايين على قولتك ,, لا ياخوي ,, والله يستحقونها وزيادة على العموم مافيه أعذار ,, وفيه تنظيم وقت ,, ومستعد احلف واقسم بالله العظيم ,, شف انا اقسم بالله العظيم ان في هالوقت حق المباراة انك ما استفدت في دروسك وجامعتك ولا نمت بدري ولا سويت شئ ,, شف انا اقسم لك وانا ما اعرفك ,, ياخي الوقت اللي بتصرفه في المباراة في التلفزيون اصرفه في الملعب نفس ماهو ,, ما يزيد في الملعب لمعلوميتك واذا خايف على مسافة الطريق تحرك من بدري وخلص امورك من بدري ,, مع اني والله توني ادري ان ساعة للملعب ,, !!؟ واذا انت ساعة غيرك 5 دقايق للملعب ولا راح ,, لكن اذا انت تقول لاعبين هالزمن ما يستحقون هالفلوس وهالتضحية ,, فجمهور الرياض او ( بعض جمهور الرياض ) الغير الوفي ما يستحقون ان اللاعبين يفرحونهم ولو مباراة وحدة ,, ما يستحقون يشيلون اسم الهلالـ ,, !! وش الفرق بينك وبين الجمهور القديم اللي كان يعبي الملعب ,, !!؟ عالعموم مانيب مطول عليكـ ,, وما أقولـ إلا آآآآهـ يا جمهور النصر ,, وفي والله مع ناديكـ ,, !! والهلال زعيم كل الأندية ما تحملوه الجمهور موسم واحد |
مباراه المنتخب السعوديه ضد منتخب الكويت في تصفيات كاس العالم 2006 ماكانت يوم جمعه وليله اختبارات؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماكان الحضور يفوق ال75000 الف متفرج في الملعب؟؟؟؟ ياخي حرام والله حرام مباراه نص نهائي والجمهور ينعدون على الاصابع ليه ؟ ليه؟ ليه؟؟؟ لااحد يتعذر باعذار مدري وش تبي واللي يقول لاعبين الهلال سيئئيين ياخي المملكه في ستين الف نادي رح شجع اي نادي ثاني او انتوا من النوع اللي وقت الفوز تفرحون ووقت الهزيمه تسبون وتذمون والله سمحوا لي جمهوووووور الرياض السنه هذي مو عاجبني نهائيا ومثل ماقالوا الشباب جمهور الهلال صار عنده شاعر المليون اهم من الهلال بس اتمنى اذا فاز الهلال في المباراه الجايه مانبي احد يهايط ويسوي نفسه انه فرحان انا حفظت جميع الردود في جميع المواضيع وجميع الاعضاء للي سبوا وقالوا وقالوا في الفريق واتمنى من الله انه يوفق الزعيم يوم السبت وخل واحد منم يجي يهايط عندنا والله كل واحد انزل عنه موضوع عى شان يعرف هل هوا مشجع هلالي صمييييييييييييييييييييم ام مشجع لاعب واحد فقط او مشجع مبارايات نهائيه فقط او مشجع محسوب علينا عضو في المنتدى وعلى النادي اتمنى كلامي مايزعل احد ولكن هذي الحقيقه |
الي بيحضر يحضر موتمننون علينا بحضوركم !! حتى اذا حضرتم ساكتين !! يعني حضوركم مثل عدمه !! |
استح على وجهك نصف نهائي الجمهور كذا ولك وجه تتكلم !!!!! |
إقتباس:
|
أقول اللي يحب الهلال بجنون يحضر سواء المباراة باردة أو نايمة قسم بالله أعذاركم غريبة كأنكنم تقولون نفوز وإلا مانجي ياأخي أنت وياه الفوز بيد الله سبحانه أنت أفعل السبب واحضر والباقي على الله يــــا الهلال معـــــــــــــــــك في كـــــــــــــــــــــــــــــــــــــــــــــــل الأحـــــــــــــــــــــــــــــــــــــــــوال |
آنـآ والله بالرياض بس الصرآحـه ما احضر للمبآريآتـ الى ايآمـ الاجـآزآتـ .. والسبب / والله انـي آخذ وقت من سآعهـ الا ربـع الى ساعتين للوصول للأستاد وترا يا شبآبـ الاستآد بآخر الريـاض .. |
حبك لمستقبلك ماخلاك تنسى الدوام ولا الجامعه ولا حتى اكلك بس تسجل هنا ليه مادمت ماتحضر لمباريات الزعيم بس الله يوفق الزعيم |
اعذارك غير مقنعه وبعدين المباراه وقتها بعد العشاء وهذا الوقت اغلب الناس فاضين فيه لكن فعلا جمهور الرياض مقصر مع الزعيم |
الله يرحم ايام يا صالح ويا يوسف ويا سامي ويا خالد التيماوي (( هم اللي كانوايلعبون من قلب )) والدليل شف ايام زمان لاضيع الاعب هجمه وش يصير فيه والحين يتبسم ويضحك ولا من زين المستوى بعد المبارة ما يخلي قناه يصرح والله قهر الله يصبرنا وبعد هذا تبي نحضر الادارة (( فااااااااااااااااااااااااشله |
الهلال راح يفوز يوم الجمعه وراح تشوفون ياحلوين ولا قولي ماقالها بندر وصدقوني ترى مثل ماتتغلو على حضوركم مو محتاج منكم الزعيم تحضروله لأنكم ماتستاهلون تشجعون الزعيم والله ياليت النادي في جده ورب الكعبه لأحضرله شوف انا قنفدي يعني جده تبعد عننا مو 100 ولا 200 إلا 380 كيلو لكن لجل الزعيم وربي يهون كل شي ترى حرام يكون النادي مقره في الرياض لأن جمهور الرياض مايحضر إلا إذا في مبارة للنصر ولا على كاس بس هذا الي فالحين فيه ياهوو اخجلو على دمكم ترو الإتحاد والله العظيم إذا حضر جمهوره يتمتع ومنها يكافئونهم بالفوز ممكن هزائمهم قليله او تعادلهم لجل إيش بعد الله اكيد لجل حضور جمهوره معاه ومعا كل هجمه صياح وتشجيع ... والله من جد نادي الهلال ياليته بجده ولا الغربيه بصفه عامه وربي محد يخليه بالذات جماهير الغربيه بصفه عامه مكه وجده والطايف والليث والقنفده والله كلهم ودهم يحضرون لكن بعيد علينا لما الرياض آآآآآآآآآآآآآآآآآآآآه بس ياجمهور الرياض والفوز يوم السبت للهلال ومو مجتاج حضورك خيو خليك بدراستك اصرفلك وباي |
والله ماالفاشل الا انت ياخي تكذب تقول لو امشي 120 كيلو انت كذاااب مافي مكان في الرياض يبعد 120 كيلو عن الاستاد جمهور الرياااض استعراااضي يعني مانشستر يمتلي الملعب لا كن الهلال مايستاااهل والله ماانت كفوا يابو لعيبه فاااشلين انا ماالوم اللعيبه اذا ماادوا مافي جمهور قال ايش قال 70 في الميه من السعوديين هلالييين يمكن صدق بس كلهم برا الرياااض انتوا ياجمهور الراااض تسكتون ولا تنتقدون النااادي لانكم ماانتوا كفوا للهلال انا ببكي اليوم يوم شفت جمهور الراقي يانااااس حرااام جمهور الهلال في جده دناديين يعجبونك والله اني احبكم ياااهل الرياااض لاكنكم مغروريين وما تستاااهلون انكم تكونون زعمااااء |
انت تحظر علشان الاعبين او علشان الهلال؟ حرام عليك ياخي انا من القصيم وجامعي وكثير احظر مباريات والله ما عندكم اعذار قلتها اكثر من مره الجمهور الي يمتلي في النهائيات او المباريات الحماسيه مثل الديربي وغيرها 70 % منهم من خارج الرياض ............................................................................................ |
مع احترامك لى مو اعذار ياخوي مو طموحك تفرح شلون تقول هالاعذار ثاني شئ مو كل اهل الرياض عندهم اشغال حرام عليكم انصفونا وانا من اهل الرياض و كان عندي دوام وحضرت ولا ازيدك من الشغل بيت كان من اللي معى عنده دوام الساعه 11 ونصف لازم يكون في الصفه لنه في الدوريات رغم كذا حضر وانت تقول كذا |
كلام سليم 100% اشكرك على صراااااااااحتك.......................! |
السلام عليكم الصراحه كلن له وجهت نظر يعني انت قلت كلام انا اتحفظ عليه مثل : الهلال ذي السنه مايستاهل << مب عاجبك الهلال لاتشجعه مثل :الاداره فاشله ......!<< انت وش دراك وش تسوي الاداره من ورانا مثل : الجمهور عندهم دوامات وجامعات .....<< حتى لو عندهم المفروض يحضرون ,, هذا الهلال مثل :الملعب بعيد 100 كيلو ونطول لين نوصله << سلامات يعني كل جماهير الهلال ساكنين بجنبكم ....! .... وبعدين بلا تصريف مره ثانيه حتى لو وشو انت مشجع مخلص ولازم تحظر على فكره مباراه الهلال والاتفاق بنصف النهائي مع الاتفاق الي بالدمام اداره الملعب عطوا جماهير الهلال 40% من الملعب ودخلنا عند جماهير الاتفاق يعني تقريبا ملينا 65% وفي مباراه جايه مع الاتفاق بالدمام شف الحضور كـــــــــيـــــــــــــف..... انا اتفق مع الي قالوا جماهير الرياض حقين نهائيات << ياخوي انتم تشجعون الهلال والا النهائيات ....! مع احتــــــــــــــــــــــــــــــــــــــــرامي لوجهت نظرك ومشكور على الموضوع الي كان تصريفه بس حجرولك جماهير المناطق الثانيه كلمه توحدنا >>>>>>>>>> الجميع يتفق على حب الهلال <<<<<<<<<< |
يارجال ماراح يرضون حتى تفصل من دوامك والسبه الحضووور المستقبل ولقمه العيش ابرك من الحضووور وبعدين يحسبون ملعب الملك فهد مثل ملاعبهم ماتجي كم الف |
ان شاء الله نخلي الاياب في الصيفيه عشان تقدر تجي ونحط الملعب في حارتهم عشان المشوار قال ايش قال ساعه ساعه مسافه طريق الملعب حلوووووو ه |
أترك التعليق لأخوي طيار هلالي. . . والله انك جبتها . |
يا أخي تبريرك غير منطقي تونا أول أسبوع في الجامعه يعني أتحدى إذا أخذت أكثر من درس وتقول مستقبلك أهم من الهلال حنا مانقول شيء لكن فيه شيء أسمه تنظيم وقت يعني إذا كنت مجتهد مره (دافووور) ذاكر بعد صلاة العصر وتحرك بعد صلاة المغرب وأضمن لك تجيب الأول مع مرتبة الشرف وتحصل مقعد مع جمهور الهلال |
الله يخليك لهلك . . تسمع بالدراسه . . والله يا أنت دافور(ماشاءالله عليك) . . والمراجعه اليوميه تاخذ على الاقل ساعه هذا إذا كنتوا أخذين شي أول أسبوع . . ولا تزعل أنخليهم يقربون الملعب عند بيتكم |
انا ما احب اجرح احد ولا ارد رد مو حلو بس معليش اخوي انت احس انك بثر مرره واخوياك يصرفونك دااايم وواضح انك بثر لانك مصر على خطاك واعذارك البايخه انا كنت بالرياض وبالجامعه ووضعي مرره صعب وكنت جميع المباريات احضرها واذكر مره دخلت سيارتي الصيانه ورحت للمباراه مع تكسي وعااانيت الين مارجعت للبيت واذا لاعبيننا ماعيرفون يلعبون اوت وكيف يمررون يمين ويسار بالله قلي من يعرف. ؟ .؟؟؟ والله ان عقلك صغير مررره وتفكيرك عقيييم وتشوهون سمعة النادي الي يسمعكم يقول نص الدوري خساير ولا ظامنين اي بطوله والله انك مثال للمشجع الفاشل والمتخاذل تكفى طلبتك لا عاد تكتب مواضيع من هالنوعيه بالمنتدى من جددددددددد قهرتني |
والله مااظن ان ساعتين او قل ثلااثه ؛ بتخررب مستقبلك ؛ يعني بتقوولي انك جاالس تذااكر بوقت المباراه لو بحلف انك تتمشى او طالع مقهي ؛ تبرير .. مو منطقي .. مع احتراامي لك .. |
ياليت مقر الهلال في المجمعه :) ,,,,,,,,,,,,,,,,,,,,, |
يرجال وسع صدرك اقسى شي انك تحضر وتملى الملعب وتطلع منكس الرأس ولنا في مباراة الوحدة الاماراتي اكبر دليل اللاعبين لايقدرون جماهيرهم ولايلعبون بروح للأسف |
ماقصرو الي برا الرياض بس حنا مقصرين اهل الرياض جمهورنا مقـــــــــــــــــــــــــــــــــــــــــــــــــــــــصريــــــــــــــــــــــــــــــــــــــــ ـــــــــــــــــــــن,,,,,,,,,,,,,,,,,,,, |
| الوقت المعتمد في المنتدى بتوقيت جرينتش +3.
الوقت الان » 11:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd