إقتباس الرسالة الأصلية كتبت بواسطة الهلال465 لو تعامل الامن معنا زين كان صح مافيه عذر في البيت تناظرالمباراة احسن لك هذي وجهة نظري

اتفق معاك بهذي النقطة اخوي
بس( احيانا) يكون العيب منا احنا يقولك هذا الشي ممنوع واحنا نطالب ونقول ليش ممنوع وهو عبد مأمور..
وانا اعترف بهذا الشي احنا نخطي وهم يخطون
بس الكلام الهين يغلب على الحق البين والمعاملة الطيبة موصي فيها الرسول تعال لرجل الأمن بالطيب والله راح يتساهل معاك واسأل مجرب

واسمحلي اضيف حاجة عليها انه ما فيه شي يشفع للجيه الا الخساير والإزعاج
اجي واطالع فريق لا يقدم ولا يبدع
بالله عليك الهلال بالرياض قدم شي يجذب الجمهور بالآداء ؟؟؟
وش سوا مع الأهلي بالرياض ؟؟
وش سوا مع الحزم بالرياض ؟؟
وش سوا مع القادسية بالرياض ؟؟
(( وانا اتكلم معك كوني مشجع هلالي ساكن بالرياض ))
الهلال حضورة خارج الرياض والدليل مباراتة مع الأهلي ومع.. ومع..
انت خل الوضع بالملعب يرتب من ناحية الدخول والتنظيم الداخلي وترقيم الكراسي وفبل هذا كله الا يهون كل هذا قدام الهلال اذا قدم لنا شي يمتعنا ويجذبنا للملعب
شوفوا الشباب جمهور ما يقارن بالهلال ومع ذلك يقدم اداء راااااااااااقي
عكس الهلال اللي يتعلث بالجمهور !!!
جمهور الهلال فيه الخير والبركة وعلشانك خذها وعد مني المباريات المتبقية للهلال راح احضرها بالملعب
وعد ووعد الحر دين عليه والله يعنني على هذا الشي
وبالتوفيق للهلال وين ما راح
ولهالعيون كل شي يهون اخوي