السلام عليكم ورحمة الله وبركاته
ومن وجهة نظري المتواضعه ان في زمن الإحتراف مافي مكان للزعل والشرهات بصراحه وبكل امانه الزعيم محتاج اكثر من لاعب لأكثر من مركز فيها نقاط ضعف واضحه جدا او نقدر نقول فاضحة جدا وهذي المراكز هي اللي قربت تضيع الدوري علينا مع احقيتنا الكامله بالدوري وعبدالمطلب الطريدي ظهير ايمن مهاجم ممتاز من خلال متابعتي الدقيقه له.
نادي الهلال الزعيم الآسيوي محتاج لاعبين يرجعونه لمكان الطبيعي والعظيم بين الاندية الآسيويه والطبيعي انه يكون في نادي الهلال في كل مركز فيه لاعبين يرعبون الخصوم سواء كان دفاع او وسط او هجوم بدل مانجلب لاعبين واقسم بالله العظيم انهم مايستحقون ان يلعبوا في الدوري الممتاز كامل مو في نادي عظيم كالزعيم بغض النظر عن الأسماء وانتم تعرفونها.
اين انتم من تعاقدات الهلال المخيفه والمرعبة جدا لكل الانديه وصداها للآن كالدعيع وعبدالله الشريده واحمد خليل وجلبت بطولات بتكاتف الجميع طبعا وكان وقتها مايقف في وجه الزعيم الا الفرق الكبار وبضع دقايق وتنهار هذه الفرق.اما المهازل اللي نشوفها هذا الموسم والموسم الفائت فوالله العظيم اشياء تفشل ونتمنى النظر في درودنا ويكون لنا كلمه او رد علينا فنحن جمهور لانحب بل نعشق الهلال فأرحمونا.