03/03/2008, 12:39 AM
|
| زعيــم مميــز | | تاريخ التسجيل: 23/03/2005 المكان: ..
مشاركات: 2,640
| |
|
الرياض ..
هلا و الغلا
المملكة
هذي قصيدة كتبتها لعيون الرياض
ما قلت أحب الرياض إلا و أنا واثق
إن الرياض و هواها صدق يعشقني
كلام شاعر مجرب في الهوى صادق
لعيونها اللي من الباقين تسرقني
ما قلتها لأجل أجامل حد و أنافق
أقولها و الشعر و الغيم يصدُقني
أزف للنفس فرحة تنعش الخافق
أمشي لها بالقدم و الشوق يسبقني
ما كنها الا السحاب / الخالق الناطق
تقول للبدر حدّك لا تضايقني
و ان شع من غيمها للعاصمة بارق
تاخذني أنفاسها حتى تطوّقني
تركت جدة وراي بجوّها الحارق
وبحرها اللي بليل الهم يغرقني
و جيتها ملتحف بالطيب / و مفارق
أهلي و ناسي و نار الحب تخنقني
أحبها و الهوى ما يجرح العاشق
و طيفها في عيوني ما يفارقني
ما قلت أحب الرياض الا و أنا صادق
و من لامني في هواها لا يرافقني
ملاحظة :
أتمنى من الأعضاء تقديم قصائد شعرية من محاولاتهم
أو من شعر أقاربهم حتى يأخذ الموضوع وجه التميز و الخصوصية
و عدم نشر قصيدة مشهورة إلا أن تكون نادرة و تقدم أحد الأعضاء بطلبها
لأن القصائد الجميلة كثيرة و منتشرة و من السهولة الحصول عليها
و شكراً |
الوضع الشجري
