مجلس المملكة الشــعـري >> أنتـم نجــومه !! - نادي الهلال السعودي - شبكة الزعيم

روح الإمارات · #1 24/02/2008, 10:29 AM

إقتباس


	يا خوي زايد .. صورة الشيخ زايد * تهيّضَتْ منها المشاعر وقيده الحــب لا جا من خــفوقٍ مْحـايد * تصْدقْ معانيه بحروف القصيده تحت الثرىطيبه مع الناس سايد * رجْلٍ وشيخ وقايد اريا سديده تاريــخ مجــده ســطّرتْهْ المدايد * مدارسٍ فيها المناهج مفـيده أوصــيك يا زايــد تراها فوايـــد *** سمّوك باسمه والهقاوي اكيده ======== مع تحيات أختك ( المملكة ) 29/1/1429هـ

*
*

كلماتك رائعه
وعسى الله يوفقني واكون شرات يدي زايد الله يرحمه

*
*

واشكرج ع الكلمات اللي دخلت قلبي من دون سابق انذار
ويكفيني فخر انها منج انتي

*
*
*

فكرة رائعه اخيتي ... وفقك الله وسدد خطاك
وعلى طريق الخير والمحبة نلتقي

*

تبقى وجهة نظر ... لا تقدم ولا تأخر

الكلاسيكي · #2 24/02/2008, 10:58 AM

أهــلاً وسهــلاً بــكـ اختي المملكـــه ..

فكـــره أكثــــر من رائعه .. فلـكـ ِ ألف شكــر على التواجد والحضور المميز ..
سأضيف مالدي اليــوم .. وقد يكون لي عوده في وقتٍ آخـــر ..

][ البيت الحـــرام ][

لا تقيس الدين بالعقل يا عقلي ..ونام
فيه غيبيات أأمن بها ..بلا مقوت

لأن إيمانك بها يعني انك في ســــــلام
من غضب ربي وسخطه وتخريب البيوت

لا تفكر في مسائل نتايجها اثـــــــــــام
يكفي ان الوقت ملبسني من الاثم كوت

آثم بس اعرف ويش تالية الغـــرام
بين شيخان العقيدة وشيخان البشوت

تالية حب الطرفين ضيعه وانقسام
تنعكس على من يدور لمضناه قوت

السكوت يزين لا صار من حـولك كلام
بس ماهو زين لا صار من حولك سكوت

ويش اقول؟ اقول يالله جعلهم للعدام
لا.. بقول انا اتمنى قبل عمري يفوت

ودي اني ماتعداك يالبيت الــــــــحرام
وودي ان اعيش فيك العمر كله واموت

الله اكبر لا اذن المذن وكبـــــر الامـــام
واصبحوا زاكين الانفاس من خلفه صنوت

وابتدأ يرتل ونظـــــم بترتيله زحـام
وانتهى من ركعته وابتدأ يدعو قنوت

الله الله الله الله علــــــى شعور الوئام
جعل صوت ابن سبيل بعد مليون صوت

يجعل بيوت الشياطين في عقلي حطام
كن صوته ينتشلني معه من بطن حوت

لاسمعته..يصغر الكون فعيوني .وأنام
وأمن إني مؤمن ابما يقول بلا مقوت

للشاعر / سعد علــوش ورده

: :

::

:

المملكه ..شكراً لحضورك وابداعك بيننا ..
وتقبلي فائق احترامي وتقديري ..
دمتي بخير

{النمر15} · #3 24/02/2008, 11:26 AM

السلام عليكم ورحمة الله وبركاته

المملكة .. فكرة موفقة وجميلة .. لطرح قصائد تستحق القراءة ..

قصيدة للشاعر صالح السكيبي .. غزلية .. طرحها في شاعر المليون الموسم الأول .. ولاقت رواجا كبيرا ..

لدى اللجنة أولا والجمهور .. وقال عنها الدكتور غسان إنها ( من أروع ماسمع في الشعر النبطي ) !!

استمتعوا جميعا .

هذا ثمر قلبي تدلى قبل يآتي .. موسمه
....................................... .مدي يدينك واجمعي فرقاك .. من عذق العتب

أنا ثملت من الفراق .. اللي خذا وجهي سمه
.............................................. شوفي ملامح غيبتك تقرا قبل .. لاتنكتب

في وجهي الشاحب .. وفي آهات صدري ونسمه
......................................... في ناظر عيون ٍ هميل الوجد منها .. ينسكب

يا نور لحظات ٍ غدت من دون وجهك .. معتمه
...................................... وينك ؟ بدا هذا الحنين .. بجوف صدري يحتطب

ياحب ٍ اجتاح الضلوع وفج قلبي وقسمه
.................................. نصفين .. وأزريت اجمع النصفين وغيابك .. سبب

حب ٍ بقى لو واقعه مره بحاليه صدمه
................................ عشق ٍ حيا رغم العطش في روض روحي .. معتشب

ليت الغلا ذنب ٍ تجناه الخفوق .. ويندمه
........................................ وليت الصبر جرم ٍ اليا طاولت همي .. يرتكب!

إلى متى ؟ وأنا أهين الوقت وارجع .. واحشمه
........................................ وأنا على رجم الوصال اشرف وانادي وارتقب

يـ ام العيون الفاترات الناجلات .. المغرمه
.................................... يا من رموش عيونها تشكي سبب .. عكش الهدب

يامبسم ٍ له ضحكة ٍ تنطق بشي ٍ تبهمه
................................................. يانبرة ٍ لامن حكت كل المعاني تنقلب

ياللي خذيتي خافقي .. قبل اعرفك .. واقدمه
.............................................. ياللي غيابك لحن ٍ تغنيبه أعواد القصب

عودي على قلب ٍ طواه الهم .. والشوق هزمه
.................................... قلب ٍ معك غنايمه ضاعت ولا ادري .. وش كسب؟

أنا انتهيت .. وشوقي بصدري بدت له همهمه
....................................... جمر انتظاري سَمدت ناره .. وانا صرت الحطب

حتى ثمر قلبي تدلى قبل ياتي موسمه
...................................... هزي طرف جذعه تساقط لك من عذوقه عتب

وللحب شجنٌ !!

{النمر15}