 | إقتباس |  | | |  |
الرسالة الأصلية كتبت بواسطة 20 ياسر الجابر 9 |  | | | | | | |
جمهور الرياض فيه سلبيه غير قلة الحضور
جمهور الرياض يضغط على اللاعبين ضغط رهيب
واللي جالس في الواجهه أمس يعرف وش أقصد
للتذكير فقط : الهلال خسر 12 نقطه في الدوري من خمس مباريات جميعها في الرياض | |  | |  | |
ياخوي متى بدأ الجمهور ينفعل ويضغط على اللاعبين ؟؟
أنا كنت حاضر في الملعب مابدأ الجمهور يعصب ويوجه اللاعبين الا في آخر ربع ساعة
لأنهم حسوا باستهتار المدرب وببرود بعض اللاعبين وبضعف امكانات البعض الآخر
والله ماألوم الجمهور أبدا .. جايين في برد شديد مع ان كل واحد وراه دوام مدارس أو شغل
ومع ذلك يتفاجأ بتشكيلة غريبة .. و بدل مايفرحون بالفوز يتفاجأون بضياع الدوري
ومن السبب مدرب الفريق ؟؟ وأمام من ؟؟ .. صاحب المركز الأخير !!
ياناس قهر كل الجمهور يبغون يشوفون فريق منظم ويلعب كرة ممتعة وهجمات خطيرة
لكن طوال الشوط الأول ماشفنا الا هجمة واحدة فقط اللي سددها ليلو و أنقذها العتيبي
والله مفاجأة غريبة بدل مانشوف التايب وياسر نشوف لاعبين على حسب امكاناتهم !!
أما جمهور الرياض إذا قدم الفريق مستويات جيدة يحضرون
وفي النهائيات يحضرون وفي المباريات القوية ( مع النصر والإتحاد )
يعني مو عشان الدخول المجاني مثل مايقول البعض .. لكن نبي اللاعبين يقدرون حضورنا
وإذا استمر الفريق في تقديم عروض جيدة مع حماس اللاعبين بيكون الحضور جيد في كل المباريات
والله انقهر إذا شفت لاعبي الإتحاد وهم فايزين يأشرون على جمهورهم
ويقولون دخلنا المباراة بكل عزيمة وإصرار عشان مانخيب أمل هالجمهور الكبير !!
بينما لاعبي الهلال ملانا الملعب في نهائيي الدوري مع الشباب والإتحاد
ومع الوحدة الإماراتي والكويت الكويتي ومع ذلك طلعنا مهزومين ومقهورين
والله ماراح يحس بالصدمة والقهر الا الجمهور اللي حضر في الملعب !!
بكل صراحة لاعبي الهلال ( البعض منهم ) مايقدرون هالجمهور الكبير !!
البعض من اللاعبين مايكتفون بسوء المستوى .. يزيد على هالشيء برود غريب !!
و أي واحد من الجمهور الهلالي يلومني .. أقوله لو كنت معنا أمس كان قلت أكثر من اللي قلته !!
والله قهر .. مساكين الجمهور يوجهون اللاعبين ويحمسونهم لو بيدهم نزلوا وسجلوا الهدف !