سرقة ,, مشاعر مؤلمة ,, دوريات ,, مهازل ==> البقيه بالداخل - صفحة رقم 2 - نادي الهلال السعودي - شبكة الزعيم

عميدالحراس · #1 22/02/2008, 01:50 PM

والله حقيرين هل الحراميه ما يخافون من ربهم

والله ودي اشوف حرامي والله مايجيه الى البقس وابدأ اشوته بس وينهم

وش الشرطة قسم بالله مايستحون كل هذه السرقات ولا يتفاعلون معها

ونسبة 78% كثيرة مرة بس ما نقول الا حسبنا الله ونعم الوكيل

واللي يتكلم عن اللون ممتاز جدا يفتح النفس

عدد خوالك 4 واحد نايم وهو المسروقة سيارته والثاني توه جاي والثالث جالس بالغرفة والرابع بعد بالغرفة يعني 3 و4على اللاب توب

هاه وش الجائزة

وشكرا على الموضوع المميز

هلااالي وأفتخر · #2 22/02/2008, 01:51 PM

هلا والله فرصة ضايعة .. من زمان عنك يا قديمة

والله إنك صادزه .. السرقة منتشرة مرة ,,

حنا قبل أمس (الأربعاء الظهر ) ..
جاء ثلاثة وحاولوا يسرقون سيارتنا اللي واقفة برى البيت ,,
والظاهر إنهم كانوا يهزونها وعشان كذا ولع الانذار..
ومن حسن الحظ سواقنا كان بالحوش بيشغل سيارة ,,
ويطلع لهم وأول ما شافوه هجوا .. وهم ينحاشون صدموا راعي كورولا وكملوا طريقهم

الله يفكنا من شرهم بس ,,

إقتباس


	وصار الكفر الرابع مب جنط أصلي ( حديد ) عشان كذا مايبونه

خخخخخخخخخ
شين وقوي عين

وختاما ..
نوجه نصيحة لكل من يقرأ الموضوع أن يظلل النص كله عشان ما ينعمي

باسكن روبنز · #3 22/02/2008, 02:16 PM

! ! ! !

الله يعيـن خالـك

<< ماعنـدها شي تقولـه

<< ماتعرف شي في السيـارات غيـر البـورش

والله دخلـت اعجابـا باسلوبـك الفكاهـي الرائـع

يارب الشرطه يقبضون علـى هؤلاء المجرميـن الاشـرار

<< دعاء بزارين

وماعليك منهـم ترى تنسيقك عجبنـي مرررررررررة

فرصة ضايعــة ..

على المـوضـــ Thanks ــوع ..

البرنسيسه الزرقاء · #4 22/02/2008, 03:58 PM

فرصه ضايعه ورده

حرام عليك وش هذي القصه

دوختيني

يارب ماعاد تصير لكم سرقه مره ثانيه عشان ماتدوخيني بس

والسرقات شكلها بس بالرياض مااذكر ان عمره انسرق شي مثل الي تقولين

الله يعينكم والله يحمينا منهم

برنسس

ورده

الكلاسيكي · #5 24/02/2008, 04:53 AM

وعليكم السلام ورحمة الله وبركاته ..

هلا وسهلا فيكـ اختي فرصووووه

عوداً حميداً .. والحمد لله ع السلامه ..

اما عن التطورات احنا نتطور كل يوم .. بس ماتحسين لانك معنا ..

عقبال مايكون التطور ن نصيبك ولك

اما عن سالفة خالك والسرقه .. للأسف كثرة في هالوقت الحالي ..
سواء السيارات او الكفرات او المنازل او الجوالات او حتى المحلات

وهناك قصص كثيره كنا نحكي عنها قبل امس والكل يذكر قصص تعرض لها ..
لكن افضل المواقف انه تطلع ويطيح اللي يسرق بيديك

اتوقع انه بيندم ع اللحظه اللي طلع فيها ع الحياة

وماقصرتي . ذكرتي اهم الاسباب والحلول .. ولكن الاحصائيات تكدر الخاطر

والسبب الاول الوازع الديني ثم التربيه ثم البطاله ثم العقوبه ..
ومن امن العقوبه اساء الادب ..

فرصه ديسلفا ..

شكراً لطرحك ولاسلوبك في السرد ..

وننتظر جديد مواضيعك ..

تقبلي فائق احترامي وتقديري ..
دمتي بخير

hilalemooot · #6 25/02/2008, 09:57 AM

السلام عليكم

يعطيك العافية .. والحمدلله على السلامة ورده

على هالسوالف اللي اسمعها من سرقة سيارات وعمليات سطو حسيّت أننا بـ لوس أنجلوس وإلا لا فيغاس

.. السرقات منتشرة بشكل رهيب .. ولو انها ما وصلت عندنا بالجوف للحين ولله الحمد

اشوف أن أكبر الأسباب البطالة .. وارتفاع الاسعار وغلاء المعيشة زاد الطيّن بلّة بكل آسف .. وفيه عينات كبيرة منهم السرقة عندهم متعة .. مدري شلون الواحد منهم يجيه نوم والا يرتاح وهو حرامي

بعد فيه نقطة مهمة .. التهاون مع السارقين هذي تجلط

.. خصوصاً إذا كان كلام ابو مقبل

صحيح .. لازم يقع الحدّ على السارقين .. اما يطلع بكفالة مصيبة قسماً بالله

يعطيك العافية فرصة .. والله يخلي لك خالوينك

ورده

فـ مان الله ,.,.,

صدى الامس · #7 25/02/2008, 04:59 PM

هلا بتس فرصه ضايعه ..

قلتها بموضوعي

<< شغل بزارين بيتنا احسن من بيتكم

من أمن العقوبة أساء الأدب ..!

أحداث السرقة اللي كثرت عندنا سببها ان مافيه رادع لهم وما فيه عقاب ..!
متى ما شفنا العقاب ينفذ على الكل وما يفرق بين هذا ولد فلان وولد فلان ..!
وقتها نبي نشوف الفرق ..!!

تحياتي لتس والله يعوضكم خير ..!

مَاهِينُورْ · #8 27/02/2008, 03:11 AM

..
هلآ وغلآ فرصة

..
عوداً حميداً ورده..
>> ولو اني ماعرفت انك غايبة الا من موضوعك لأني توي راجعه ومن مدة طويلة مادخلت

..
..

ماشاء الله كعادتك مواضيعك دائماً رائعه بأسلوبك الرائع

..
الله يعطيك العافية يالغلآ

..
..
الله يعوض خالك ان شاء الله

..
والله يكفينا شر كل من بوهـ شر

>> دعوة جدتي

..
..
بالنسبة لتنسيقك ماعليك منهم يهبِّل

.. بس مو مريح

..

إقتباس


	الحين يوم أن الواحد لاغاب قمتوا وقلبتوا المنتدى فوق تحت تعيينات جديدة ... ومباريات ... وتميز ... واستضافات ورده... وترقيات ... يعني ماتحلى لكم إلا بالعطل بس وباقي الأيام نايمين طيب وش ذنب الضعوف اللي مسافرين ومحد جاب لهم خبر طيب على الأقل بشويش مب كلهن مع بعض عشان يمدي الواحد يلحق على شي بس ماش قليلين خاتمه

شفتي كييف ؟؟

ماتجيهم الحركات الزينه والشغل العدل الا يوم غبنا

..
بس ماقصرتي الله يجزاك خير قلتي اللي بقلبي

..

×××××

فرصة ضايعة ..
شكراً لكِ ورده ..

..

في امان الله ..

...............

..

الفارس الحائر · #9 02/03/2008, 03:41 AM

ياهلا وسهلا بفرصه دي سيلفا

((غبار)) وهلا بك بعد العوده

أنا مثل قديم عن المنتدى وأول ردلي من بعد رجعتي للمنتدى

المهم
الصراحه السرقه الايام هذي موضه جديد لدى الشباب

سيارات ، جوالات ، استراحات .....الخ

اتوقع التمادي هذا بسبب المجتمع والعواقب التي تليها

يعني الواسطات مجرد مايدخل المجرم خلال ساعه بالكثير يطلع

وهنا تكمن المشكله ،، الله يستر من الي جاي

وبلغي خالك بانه لن يكون اخر واحد والضحايا اكثر ولعلها خيره

سلملم

f*y*d · #10 03/03/2008, 10:43 PM

مساء الخير

.
.
حاس اني جاي متأخر

كل يوم اقول برد اذا شالوا المسمار بس المشكلة ما شالوه

<< يا ويلك يافياض

.
لالا بس بصراحة موضوعك طويل ومميز ما يستحق الا رد يحاول يجاريه

.
.

إقتباس


	يعني ماتحلى لكم إلا بالعطل بس وباقي الأيام نايمين

وانتِ ما شاء الله كل اجازة يومين تسافرين ما اقول الا الله يعين الوالد عليكم

<<==حاقد عليها

.
.
.
السرقات وما ادراك ما السرقات .. الناس صارت تسرق أطفال ورضّع
يعني ناس فيهم الضمير مات ما أظن بتفرق معه اذا سرق جنط او جوال

بس المشكلة كما ذكرتِ انت وصدى فـ مواضيعكم اللي أطالب بدمجها فـ موضوع واحد

من أمن العقوبة أساء الأدب يعني من ناحية الضمير انسيه الحرامي بيخاف من سجن من شرطة....
لكن أغلبهم ما سرقوا الا ضامنين انفسهم ولا؟!

.
.

ما أنكر فيه عصابات تنمسك وكل شي مثل ما نقرا بجريدة الرياض
لكن مثلا 35 سرقة او خمسين فـ يوم يومين ما تنحل الا قضيتين ولا قضية
المعنى واضح فيه خلل

.
.

اعذريني ع الرد المتواضع بس من رجعت وانا لياقتي صفر

.
.

:: فتِّكـ بـ ع ـافيـة ::

فرصه ضايعه · #11 04/03/2008, 05:23 AM

الـمـشـاغـب

ياهلا والله ومسهلا

يالله حيه واسعده ورده

معليش سحبت عليك على أني بريح وخذت لي يومين

بس والله مشغولة اعذرني

إقتباس


	أسألك بالله يا فرصة .. وش تشربين أنتي قبل ما تنزلين الموضوع؟ لعن أبو غيرك وش هالروقان وهالتنسيق وهالوقت اللي تكتبين فيه كل ذا؟

أبد كلها لتر حليب خلفات مخلوط بورقتين حبق وقطعة فراولة

<< الله يديم النعمة

الجد
أني أكره نفسي لاجيت أنزل موضوع

تلقاني اكتبه على طول اليوم بس بشكل متقطع

ياما رايحه اتقهوى

ياما اطلع من البيت

ياما امل وافتح صفحات النت

وهكزا

إقتباس


	أكيد قرأت الموضوع الحلو كامل وأكيد أعجبني جداً جداً

تحلى أيامك ... من ذوقك ورده

إقتباس


	لو تنسرق سيارة أمير أو ولد وزير أو رجل أعمال .. في خلال ساعتين يلقون السيارة .. أما المواطن فينتظر لين يجيه الربيع

ولا فيه إمكانيه تنسرق سياراتهم

الله يكون بعوننا

إقتباس


	الله يعوضكم ويعوض كل من انسرق عليه شيء خيراً منه .. والله يشل يد كل من يسرق حلال غيره ..!!

اللهم آميييييييييييييين << من قلب طالعه

عافاك ربي مشاغبنا على مرورك اللي اسعدني

لا تحرمني تواصلك وردودك الحلوة ورده

هلاليه سنعه

ياهلا والله وغلا

يالله حيها واسعدها ورده

إقتباس


	يختي وش ذا الموضوع اللي يضيق الصدر اكشن ومطاردات وسرقات وين ويل سميث عنها

ههههههههههههههههههههه
ماعاد يستحي ويل سميث أجل ماشجع مواهبي

<< ماتدري منهو ولد سميث

إقتباس


	خالي مار بالليل ورا السياره مفتوحه الشنطه استغرب وماحولها احد ويوم دقق ورا الطيسان مسروقه وكفرين شكل مامعه محل يشيل الباقي

الطيسان = طاسة حقت الكفر

اخبرهم يسرقون جنوط مب طاسات الله يهديك

إقتباس


	يعني من جد هذولا عصابات مخططين الدور خلص من حارة خوالتس والدور ماشي على البقيه

الله يعين

بس الظاهر كل حارة لها عصابة لحالها من كثر ماينسرقن السيارات

إقتباس


	والدوريات تغط في سبات عميق يعني لو فيه دوريه في كل حاره تدور بالليل كان ماشفنا سرقات .. واستهتار ..

حارة أخوالي مافيها دوريات إلا فيها مباحث بكبرهم ولا فاد

إقتباس


	والله حركات فرفوره نيولوك رووعه وانيق .. لايهمتس كلام العذال ..

وهـ وهـ يازين هالكلام

تسلمين يالغلا

تعلموا تكفون ياللي تسفلون بالتنسيق

يعطيك العافيه على مرورك اللي اسعدني

وكلامك الحلو بحقي

الله لا يحرمني إياك ورده

abu_riman

هلا فيك استاذي من جديد

المتصفح متصفحك خذ راحتك

والحمد لله أنك اكتشفت كلمة رضى

ولا الواو ماجبت خبرها أنا

حلوة هالحركة تطور من أخطاءنا الإملائية

ماودكم نسويها موضوع

شاكرة لك هالتواجد استاذي الكريم ورده

الكــلاسيكي

ياهلا والله ومسهلا بمشرفنا ورده
نور متصفحي

إقتباس


	اما عن التطورات احنا نتطور كل يوم .. بس ماتحسين لانك معنا .. عقبال مايكون التطور ن نصيبك ولك

صح فيه تطورات

بس مب بهالقد مرة وحدة

إقتباس


	لكن افضل المواقف انه تطلع ويطيح اللي يسرق بيديك اتوقع انه بيندم ع اللحظه اللي طلع فيها ع الحياة

والله ماظنتي

لأنه بيرفسك بأقرب شي معه

لو كان يسرق كفرات مثلاً أقلها بيضربك برافعه ولا بعجرا وتكون بخبر كان

إقتباس


	فرصه ديسلفا .. شكراً لطرحك ولاسلوبك في السرد .. وننتظر جديد مواضيعك ..

هههههههههههههههههههههههههههههههه
للحين مانسيتوا ديسلفا

الله يسلمك ويخليك لمجلسنا ورده
شاكرة لك تواصلك مع الجميع الله يوفقك ويسعدك

الهلالي الثقفي

ياهلا والله ومسهلا

يالله حي أخوي ياسر من زمان عنك

إقتباس


	موضوع مميز و مشكورة على هذا الطرح الرائع لمشاهد إجتماعية مؤسفة ما أتوقع عندي إضافة بقدر ما أحب أشيد بالموضوع الجميل

الله يسلمك بعض مما عندكم

أحرجتاني

إقتباس


	من إسلوبك أحس إنك كثيرة كلام

ههههههههههههههههههههههههههه
لا مب واجد

... بس أحب اشرح بإسهاب

<< أوخس

إقتباس


	لكن كلامك حلو و ذوق و نقدك هادف و ملاحظاتك في محلها و كلماتك صريحة و عفوية و بريئة متميزة فرصة في وقت يندر فيه من يمتلك ثقافة النقد

يؤ يؤ يؤ
الحين كل ذا الكلام لي

وهـ بس

الله يسلمك ويخليك لعين ترجيك أعطيتني أكثر من حقي
الله يجزاك خير ورده

>> بتغتر عقب كل هالكلام

عافاك ربي أخوي ياسر على هالإطلالة اللي شرفتني

ومشكورة على كلامك الذوق ورده
لا تحرمني تواصلك

القاضي

حي الله قاضينا مرة ثانية

يالله حيه واسعده ورده

طيب لو ماقبلت عذرك

!!! وين بتصرف ردك

يوم كتبت الرد توك تعتذر

<< تحارش الحكومة

نمزح وقسم

إقتباس


	الواو ابتلعتُها و أنا عجل فتوقفت في حلقي ، و الصواب هو كما تفضلت : رضى و ليس رضا.

حصل خير هالمرة بس لاعاد تعودها استاذي

مايحتاج تعتذر ولو - أنت ومالك لأبيك - وأنت أبونا

<< مدري لها دخل أو لا بس مشوها

بس أن شاء الله تحمّل مصالتنا معك

hilali-arsenali

ياهلا فيك أخوي

يالله حيه واسعده ورده

إقتباس


	سيارة خالك مسروقه و صار مطاردات بوليسيه و انتي ماخذتها تريقه

حرام عليك

وين التريقة على قولتك

إقتباس


	المفروض تنزلين تفتحين باب القراش عشان خالك يدخل سيارته و بعدها يلا انتي و خواتك قسل قسل صديق

هههههههههههههههههههههههههههههههه
وش قالوا لك اشتغل عنده سواق

إقتباس


	لو دلعتي خالك كل يوم تفتحين له باب القراش و تغسلين سيارته والله مايرتكها برا ابد و بكذا تكسبين خالك اكثر و يكسب خالك الكفرات

هههههههههههههههههههههههههههه
الحين طلع العتب علي

أخ بس

طيب أنا مب دايمة له

كلها كم يوم وأسافر وش السواة لا رحت

شاكرة لك مرورك خفيف الظل

ياعساي ماانحرم ورده

ماجد مقبل

هلا هلا بأديبنا

يالله أن تحييه ورده

إقتباس


	ما شاء الله تبارك الله الله يحفظ لك خوالك الصدق حبيتهم من سواليفك عنهم

هههههههههههههههههههههه
الله يسلمك أجل لو جلست معهم كان وش تسوي

>> برى

إقتباس


	الا لا يكون خالك اللي انسرقت سيارته هو اللي راح معكم سيرلانكا

لا لا واحد ثاني

إقتباس


	والمشكلة ما في عقوبات احد زملائي ضابط يقول ان الحرامية يطلعون ثاني يوم بكفالة !! ولو تكررت فعلتهم !!

هذي المصيبة

من المسئول عن إخراجهم !!!

إقتباس


	شكراً فرصة بس وش سيارة خالك

أخاف تعرفهم

هوندا أكورد 2008

عافاك ربي أخوي ماجد على هالرد الوسيع صدر

شاكرة لك هالتواصل ياعساي ماانحرم ورده

hilalemooot

ياهلا والله ومسهلا بمشرف العالميه

منورنا ياباشا ورده

إقتباس


	على هالسوالف اللي اسمعها من سرقة سيارات وعمليات سطو حسيّت أننا بـ لوس أنجلوس وإلا لا فيغاس

أخاف أننا غطينا عليهم

الله يصلح الحال بس

إقتباس


	السرقات منتشرة بشكل رهيب .. ولو انها ما وصلت عندنا بالجوف للحين ولله الحمد

ماشاء الله عليكم

أجل يمدينا نهاجر عندكم

إقتباس


	وفيه عينات كبيرة منهم السرقة عندهم متعة .. مدري شلون الواحد منهم يجيه نوم والا يرتاح وهو حرامي

هذا اللي ذابحني

الله يعافيهم ولا يبلانا

إقتباس


	يعطيك العافية فرصة .. والله يخلي لك خالوينك

الله يعافيك تسلم ورده
جازت لي خالوينك

شاكرة لك هالتواجد اللي اسعدني كثير

دايم سيروا علينا ورده

صدى الأمس

هلا هلا بالقلودي

يالله حيه عميدنا ورده

إقتباس


	قلتها بموضوعي << شغل بزارين بيتنا احسن من بيتكم

ههههههههههههههههههههههههههه
ههههههههههههههههههه
بس جد أنت تكلمت بشكل عام يعني غير موضوعك عني

أنا تكلمت عن سرقة السيارات بشكل خاص

إقتباس


	أحداث السرقة اللي كثرت عندنا سببها ان مافيه رادع لهم وما فيه عقاب ..! متى ما شفنا العقاب ينفذ على الكل وما يفرق بين هذا ولد فلان وولد فلان ..! وقتها نبي نشوف الفرق ..!!

درر درر

هذا الكلام اللي يجمد على الشارب

>> أي شارب فضحتينا

حياك ربي وبياك ... وللجنة وداك

لاعاد تعودها وتسرق أفكاري عاد

إنجاز عظيم اليوم

...
إلى هنا نتوقف

بعون الله جاية للباقين

سلاااااااااااااااااام ,,

abu_riman · #12 22/02/2008, 02:39 PM

لي عودة بإذن المولى حول الوضع الأمني في الرياض بالتحديد ، من خلال مقال الدكتور القويز و رد الأمير سلمان .

عالم الهلال · #13 22/02/2008, 03:02 PM

:

فرصـــة
حمدالله على السلامة
نوّر المـجلس

حتى السرقة تطوّرت قبل في الليل وحرص
اما الحين وقاحة و بعز النهار
قبل فترة انسرق اوراق ومبالغ للوالد
تخيلي الصباح وفي يوم خميس
يعني اكيد أهل البيت موجودين !!
لكن شكله مراقب الوضع
دخل وطلع بدون مايحس فيه أحد ,

ومثل ماقلتي نفس الاسباب والدوافع..

الله يعطيك العافية
اسلوبك كالعادة عفوي وجميل

الـساقي · #14 22/02/2008, 04:37 PM

وعليكم السلام ورحمة الله ,,

هلا وغلا بك يا فرصة ضايعة , وعوداً حميداً , وما شاء الله طرح وموضوع ممّيز جداً ,,

بالبداية الحمدلله على السلامة , وعودة الحورية للمنتدى من جديد بعد الغياب , وبالنسبة لما طرحتِ

بموضوعك عن السرقات وهو واقع كثير ما يحدث مع الجميع , السرقات خصوصاً في بعض أحياء الرياض ,

تكثر فيها السرقات حتى هذا الشيء يتكرر من قِبل أشخاص معروفين في مراكز الشرطة , أحداث متكررة

يمكن الجميع قد مر بها , سرقة السيارة وبعض من إيطارتها أحداث متكررة في بعض الأحياء وبعض المدن ,

مثل ما حصل مع خالك وهو ما يتحمل ذنب سرقة السيارة وحتى أنه أنصدم لأنه ماكان يوماً من الأيام تُسرق

سيارته , موب خالك الوحيد اللي تسرق سيارته حتى أخوتي سرقت بعض أجزاء من سياراتهم , والغالبية

صارت معهم مثل هـ السرقات , والغريب أن بعض السارقين والسرقة يسرقون في أحايين كثيرة بكل هدوء

وبكل روقان لأنهم تعودوا على هذا الحال ,,

بخصوص الدوريات والشرطة , يا فرصة الأمن بالسعودية للأسف ما وصل لمرحلة كبيرة من الوعي والإدراك

والقدرة على حل القضايا إذا ظاهرة السرقات من فترة طويلة منتشرة ومتفشية وإلى الآن موجودة فـ يعني هذا

أن الأمن لم يصل إلى نجاح بحيث يقلل من تفشي هذه الظاهرة موب السرقات وحدها منتشرة ويوجد كثير من

الأمور الغريبة تحدث في السعودية , وهذا دليل على أن الأمن حتى الآن لم يستطع أن يقلل ويوقف حد

ممارسي السرقة . لما تسرق سيارتك وسيارة أحد إخوانك ومثل خالك , الكل بـ يبلغ الشرطة عن سرقة

سيارته وأجزاء من السيارة , لكن هل بـ أيديهم كشف السارقين !!

للأسف أفراد الشرطة الدوريات في الرياض وغيرها , ضعيفين جداً وعقليات بسيطة ولا يعرفون كيف يتعاملون

مع مثل هالقضايا , معقولة ما يقدرون يحدون من ظاهرة السرقة , أين الدراسات اللي يناقشونها , وحدث ولا

حرج من الأمور , ومع ذلك ما فيه أي تغير واضح بالوضع الحاصل ّ!

فرصة , إذا كان بعض أفراد الشرطة يأخذوا عملهم من أجل المال فـ لا تستغربين من

هالسرقات الحاصلة الآن , إذا أحد الأفراد اللي يعمل بالشرطة , وهي قصة حقيقية و واقعة تجرأ إلى أن يستغل

وظيفته لأمور منحطة ولأمور سخيفة مثل ما حصل مع إمراءة وبينتها في أحد أحياء الرياض , وجريمة في

الشرع يجب أن يقتل فما بالك بأنظمة الشرطة , يستغل مهنة الشرطة ويفعل بإمراءة وبـ بنتها , وحتى عندما

رفعت المرأة تظلم لشرطة مدينة الرياض بدأو بتكذيب القصة وفوراً شرطة مدينة الرياض قامت تحويل هذه

القصة لإمارة الرياض , والمعروف أن أي قضية يريدون نسيانها يحولونها لإمارة الرياض , وهناك تنتهي

دون أثر يُلحظ !

مهزلة واقع أمننا , ولكن ( وش السواة ) !؟

..

إقتباس


	أنهم ناوين على كفرات سيارة خالي الأربعه كلهن بس شكلهم ماأمداهم وكشفناهم قبللأن البلك مولم جمب البيت

لا بد من ( البلك ) , حتى نسلم هالسَرقة والمحتالين ,,

..

فرصة ,,

الأسباب كثيرة ولا تقف عند حد معين , وذكرتِ أسباب منها ضعف الوازع الديني

وهو الجزء الأكبر من الأسباب اللي تجعل البعض يتهاون بـ السرقة إذا لم يكن هناك تطبيق شرعي بـ قطع

اليد مثل ما كان في السابق , والأمر الأخر واشدد عليه وهو ( الفقر ) ,

وهو سبب كبير يجعل البعض مجبر أن يسرق , إذا كان مثلاً شخص عائلة تقوم عليه

وهو لا يعمل ولا له وظيفة من أين يصرف عليهم , ما في حل إلا السرقة , وهذا ما جعل السرقة بالمملكة تزداد

, ما يجب أن نحمل السارقين كل القضية , أطراف أخرى تستحق أن تحمل بـ بعدم الالتفاف لبعض

أحوال الشعب والفقراء , إذا يريدون تقليل ظاهرة السرقات لـ يلتفتوا لحال بعض الفقراء , والسبب الثالث

التفكك الأسري له دور بالمسألة , وعدم تفاعل والتشديد بالظاهرة فتح باب كبير لبعض الضعفاء النفوس للسرقة ,,

/

\

فرصة ضايعة

عدتِ وعادت روائعك , موضوع يستحق القراءة والمتابعة

, وأحصائيات صحيحة جداً ومعلومات مفيدة ,,

كل الشكر لك فرصووه على الفكرة وعلى أسلوبك الممتع ,,

دمتِ بخير , ورده ,

..بقــ حرف ـايا.. · #15 22/02/2008, 04:06 PM

هلا وغلا بفرصه
وش ذا النور غطى ع الكهرباء
برب ياخلفهم بنصلي ونجي نكب العفش معتس >> فيس يغمز

,,

عدنا

هلا وغلا بفروصه

وش ذا الزين والالوان الفواقع لو اني مالبست نظاره شمسيه ولا كان علوم

أحس بدري على الربيع

من هذا المنبر احمد ربي اننا ماعندنا سيارات ولا كان نمنا بهن بالليل عشان مايسرقن

خوالك ماشاء الله اشوى انتس علمتينا مانسرقهم ياخيييه يحجرون للواحد ويلاحقونه

بس ولو شكلهم ماشاء الله غنيمه زينه نطب ونتخير

بس متى تروحين لهم

بس انتن يالنساء عفوا السيدات اللي هن فرصه وخالاتها مدري جداتها مابكن وحده سنعه ولا تبردن الكبد

اللحين يوم ان خوالك يلاحقونهم بالشوارع وراه مالبستي عباتك واخذتي عصى المكنسه وحديتوهم بأحد اللفات

ولا بس قاعدات تكركرن لا شغل ولا مشغله

كان مسكتي العصا ومع علبات اللص >> متعوب عليه

ايييييييييييييه مانقول الا ياحلالي ياحريم منول اقوى من تسعين رجل

عاد اللحين دور بالشكاوي >> ياوالله البزارين اللي حتى بالسرقه يتناغرون

<< مالتس دخل

الموهيم اخويا كان توه شاري سياره قديده وقلنا يلاه نروح للرياض نجربها

الموهيم ورحنا ونمنا ويوم قمنا لقيناها مكسر الزجاج ومسروقه الاستبنه >> مدري صح علي

وماخذين الله قدر الله عليهم واخذوه..ياعمري ياخوي طارت بوهته ويدق على الورطه عفوا نقصد الشرطه

قالوا هاه تعال وقدم واذا صار شئ علمناك

>> يمرونك بس ..المهم اخوي رد عليهم بـ طخ ..<<مو طلق ناري هذا يعني سكر السماعه

الموهيم ويسكرها منهم ويروح يدخلها الوكاله من هنا

والمصيبه العظمى اننا في رمضان يعني الظهر في رمضان نعنبو حيكم عيييييييب حراااااااام

ويبقى أن نقول :
مثل ماقلتي يافرصه وما ازيد ع كلامك لو كان فيه موقف يؤخذ بقوه بحق السارقين كان ماوصل الحال لهالدرجه من التسيب .. إهمال واضح جداً من قٍبل القائمين على الأمن ..هذا الشئ يقود بـ المتعرض للسرقه الى الابتعاد عن الابلاغ والاكتفاء بالصمت ومعالجة مايمكن إصلاحه ,ومن جهه أخرى يجد السارقون مرتعاً خصباً لهم في ظل غياب الأمن والعقاب ,

فرصه كل ابو دايم خلي خوالك ينسوقون عشان تجين هونا ..

<< فال الله ولا فالك

موضوع رآآآآيق يسلمو .

بقايا ..