حتى السرقة تطوّرت قبل في الليل وحرص اما الحين وقاحة و بعز النهار قبل فترة انسرق اوراق ومبالغ للوالد تخيلي الصباح وفي يوم خميس يعني اكيد أهل البيت موجودين !! لكن شكله مراقب الوضع دخل وطلع بدون مايحس فيه أحد , ومثل ماقلتي نفس الاسباب والدوافع..
هلا وغلا بفرصه وش ذا النور غطى ع الكهرباء برب ياخلفهم بنصلي ونجي نكب العفش معتس >> فيس يغمز
,,
عدنا
هلا وغلا بفروصه
وش ذا الزين والالوان الفواقع لو اني مالبست نظاره شمسيه ولا كان علوم أحس بدري على الربيع من هذا المنبر احمد ربي اننا ماعندنا سيارات ولا كان نمنا بهن بالليل عشان مايسرقن خوالك ماشاء الله اشوى انتس علمتينا مانسرقهم ياخيييه يحجرون للواحد ويلاحقونه بس ولو شكلهم ماشاء الله غنيمه زينه نطب ونتخير بس متى تروحين لهم بس انتن يالنساء عفوا السيدات اللي هن فرصه وخالاتها مدري جداتها مابكن وحده سنعه ولا تبردن الكبد اللحين يوم ان خوالك يلاحقونهم بالشوارع وراه مالبستي عباتك واخذتي عصى المكنسه وحديتوهم بأحد اللفات ولا بس قاعدات تكركرن لا شغل ولا مشغله كان مسكتي العصا ومع علبات اللص >> متعوب عليه ايييييييييييييه مانقول الا ياحلالي ياحريم منول اقوى من تسعين رجل عاد اللحين دور بالشكاوي >> ياوالله البزارين اللي حتى بالسرقه يتناغرون<< مالتس دخل الموهيم اخويا كان توه شاري سياره قديده وقلنا يلاه نروح للرياض نجربها الموهيم ورحنا ونمنا ويوم قمنا لقيناها مكسر الزجاج ومسروقه الاستبنه >> مدري صح علي وماخذين الله قدر الله عليهم واخذوه..ياعمري ياخوي طارت بوهته ويدق على الورطه عفوا نقصد الشرطه قالوا هاه تعال وقدم واذا صار شئ علمناك >> يمرونك بس ..المهم اخوي رد عليهم بـ طخ ..<<مو طلق ناري هذا يعني سكر السماعه الموهيم ويسكرها منهم ويروح يدخلها الوكاله من هنا والمصيبه العظمى اننا في رمضان يعني الظهر في رمضان نعنبو حيكم عيييييييب حراااااااام
ويبقى أن نقول : مثل ماقلتي يافرصه وما ازيد ع كلامك لو كان فيه موقف يؤخذ بقوه بحق السارقين كان ماوصل الحال لهالدرجه من التسيب .. إهمال واضح جداً من قٍبل القائمين على الأمن ..هذا الشئ يقود بـ المتعرض للسرقه الى الابتعاد عن الابلاغ والاكتفاء بالصمت ومعالجة مايمكن إصلاحه ,ومن جهه أخرى يجد السارقون مرتعاً خصباً لهم في ظل غياب الأمن والعقاب ,
فرصه كل ابو دايم خلي خوالك ينسوقون عشان تجين هونا ..<< فال الله ولا فالك
كأن لديكـِ دراية بما حصل ليلة البارحه لـ سيارة العائله .. من طريق الملك عبدالله الرئيس ومن امام احدى المحلات التجاريه كسرت زجاجة السياره وسرقت بعض الممتلكات كان من اهمها جهاز ( لاب توب ) كان في المقعد الخلفي للسياره المشكله انَه وعلى بعد امتار من مكان السرقه كانت هناك نقطة تفتيش مروريه كانت تقف على نفس الطريق الرئيس ...!! والادهى من ذلكـ كان بفارق دقائق من دخول السائق للمحل التجاري وخروجه والتي لم تتعدى العشر دقائق ...!! ربما للصورة حكاية اخرى ...!!
/ \ /
اسال الله ان يعوض الجميع , وان يعم الامن في بلادنا ,, شيء محزن , فـ للاسف مركز الشرطة يقول لي .. انهم يستقبلون في اليوم عشرات البلاغات وهذا مركز واحد , فماذا عن باقي الاحصائيات ...!! لكِـ التحية الصادقه والامنية بـ دوام التوفيق ,,
الحمد لله على السلامة فرصة
افتقدناك كثيراً .. وسعدت أكثر برجعتك ..
أما ما حصل في مجلسنا فاعتبري أنه يعوّض غيابك بمضاعفة أنشطته
الله يعوض خالك خير !
ويعوض كل من طاله هذا الأذى ..
ما يقلق هو أن الأمر وصل بهم إلى جرأة الواثق من أن شيئاً لن يطوله !
أذكر أني سمعت قبل أشهر أن لجاناً ستُشكل لمواجهة ظاهرة سرقة السيارات تقوم بتمرير البلاغات للدوريات بشكل أسرع وتكثف من تواجدها و و و !!!!
شكراً على التفكير !
بساطة القضية في نظرهم مقارنةً بما يردهم ، لا تعني أنها بسيطة في أعين أصحابها !
شكراً فرصة ،،
جميل سردك وما تلاه من تشخيص ..
بكل ألوان تنسيقك رائعة ..
هلا باخيتي فــرصه .. قولي لخالتس يحمد ربه بس ماسرقوه معه اللحين اذا كل من سرقلهم وصارلهم شئ نزل موضوع تسان ازعجكم بالمواضيع والمواقف >>> امزح والله ورده [السرقه ] والله يالقصص ماتعدى ولا تحصى عن السرقات وخاصه الكفرات عندنا في القصيم طافين الشباب ينطلون ( جنوط المرسيدس ) . مره والله راجع للبيت الساع 2 بالليل واعيال خالاتي بنفس الحي وكلهم هايلوكسات وجنوط مرسيدس مضبطينهن ياحليلهم علشان الدوران الله يهديهم > طلع منها هالولد ايقاله ماهب راعي دوران المهم نايمين والله اشوف من بعيد ناس يتحركون عند السياره قلت وش مصيحهم العيال بالوقت هذا وبكرى عندهم دراسه يوم قربت وشافوني اشوفهم دزوا للشارع الثاني رجليه . يوم قربت واشوف سيارة ولد خالي على بلك الا كفرين . وبعده بيت خالتي بعد مضفوفه كفراته كله . ويوم رجعت اشوف جيب وشباب جالسين عنده يحسبونن ماشفتهم يحترونن امشي علشان يكملون الكفرات الباقيه . وارجع يمهم والحقهم ويدوسون ابي اصدم ابوابوهم > ماعنده الا قوه وهياط بس موترهم جيب وعلى طول دز وهج واللوحه مغطينها . بلغت على طول وجت الدوريات بس مامنه فائده المشكله الكبيره .. قسم بالله معروف اللي يسرق ببريده شاب لعاب سراق بايع الدنياء ب.... يسجن ويطلع ويعود لاجرامه المشكله وش يقول .. يقول دام مافيه قص والله لابتل واللي من القصيم وبالتحديد بريده يعرفه المشكله من عائله معروفه بالتقوى والصلاح الله يهديه . الاسباب واضحه ياتي في مقدمتها عدم الخوف من الله . يعني والله لو اي واحد يسرق ويفكر بعقوبته بالدنياء قبل الاخره ما أظن يبي يقبل عليه . لانه لو سرق كفرات واستعملها قد يحدث له حادث ويصاب بسببها وايضاً لو استعمل المال العائد منها قد يحدث له مالا بحمد عقباه . ايضاً الفراغ والعطاله واسباب كثيره .
الله يهدي شباب المسلمين الى الخير والصلاح . مشكوره يافروصه
و عليكم السلام ورحمه الله وبركاته ..
هلا وغلا يالله حيء فرصوووه وينك غايبه اشتقنا لتس
إقتباس
الحين يوم أن الواحد لاغاب قمتوا وقلبتوا المنتدى فوق تحت
تعيينات جديدة ... ومباريات ... وتميز ... واستضافات ... وترقيات ...
ايه والله معك حق على الاقل انتِ غايبه اسبوعين مدري اكثر مدري اقل
و انا اللي غايبه ثلاث ايام وجيت ولقيت الدنيا مقلوبه
حسيت اني غايبه عن المنتدى 3 شهور موب 3 ايام ..
إقتباس
طيب وش ذنب الضعوف اللي مسافرين ومحد جاب لهم خبر
ههههههههههه ذنبهم انهم سافروا و ما قالوا لحد علشان كذا محد درى عنهم
إقتباس
الحمد لله خلصنا المقدمة << امحق مقدمة
مقدمه كلها هوشه شكل احد هاوشك وجايه تحطين الحره فينا < برا
في بيت أخوالي الكائن في حي طووووووووط شرق الرياض<< بتجيب العيد
ههههههه رهيب هالحي كأني اعرفه
مسيكين والله توه جاي و تنسرق سيارته ومن قدام الفله بعد
من جد قويين عين و يعوووه ما يخافون من ربهم ولا يستحون
صايره موضه عندهم سرقه السيارات كل اشوي نسمع عن
سياراه مسروقه ويبلغون ولا يصيدون الحرامي ..
و للحين ما ندري وش السالفه يا الحرامي ذكي و يعرف شلون ينحاش والشرطه ما نايمه
و لا تراقب زين يا الحرامي ذا وراه عصابه
يعرفون شلون يسرقون ومخططين لكل شي والشرطه بعد نايمه
انا اشوف ان التقصير من الشرطه يعني لو شددوا اشوي راح
يعرفون منهم الحراميه اللي كل اشوي يسرقون سياراه
اللي قاهرني انهم يختارون بعد السياراه اللي يبون يسرقونها
يعني لازم تكون اخر مديل و يقهرون اللي تو اشتراها وما تهنى فيها
اذكر قبل فتره انسرقت سياراه عمي و توه شاريه و انقهر وارتفع
عنده السكر وطاح بالمستشفى راح للشرطه بعدين وبلغ
الشرطه قالوا الله يعوضك << انواع البرود ولا همهم شي
عمي انقهر اكثر وقال اشلون مو انتم اللي المفروض تعرفون
منهو الحرامي و ترجعون لي السياراه قالوله ما فيه دليل شلون نجيبهم << يا صبر عمي عليهم ..
المهم بعد فتره راح عمي لـ ساحر من ورانا طبعاً الله يغفر له بس
و قاله وين يلقاها وفعلاً راح عمي للمكان ولقاها هناك محروقه
يعني ما استفاد شي لا من السياراه و لا من روحته للساحر
بس زياده ذنوب الله يغفر له ويصلح قلبه ..
إقتباس
قاعدين يدخنون ومابقوا ولا شي من زقارتهم ممزمزينها كلها ياجعلهم السل
وجع وجع والله يقهرون ما فيه حيا لا من الله ولا خلقه
إقتباس
وتجمهروا عليه شله شباب وحدوه الين خلوه يوقف وهجموا عليهم
وهو مقفل بيبان سيارته كسروا القزاز وطلبوا جوالاتهم واللي معهم
وينا فيه احنا حشا صايرين مثل الاجانب يسرقون عيني عينك
ولا يهمهم احد حرام عليهم والله حرام
صدقتي كل الاسباب المذكوره هي اللي خلت السرقات في ازدياد
و شبابنا العاطلين بعد لا وظائف ولا دراسه من وين يجيبوون
فلوس يصرفون على حالهم احيان احزن عليهم واحيان اقول هم السبب
الله يهديهم ويصلح حالهم ويبعدهم عن السرقات ..
و الاحصائيات تخووف و للاسف انها تزيد ما تقل ..
فرصه اظن عدد اخوالك 4 او 6 خمنت من راسي
يا رب دائماً تنغبنين علشان كل اشوي تنزلين موضوع
و بعدين النيو لك موب حلو انا من الله ما اشوف زين وتحطين هاللون
دخلت راسي بالشاشه علشان اقرأ صح شكل عيوني بتنحول والسبه لونك
اللي حاطته والا كبر الخط عجبني والفيسات بعد
فرصه صح طويل بس حلو وتكلمتِ عن قضيه شائكه بمجتمعنا
ربي يسعد قلبك ويعطيك العافيه ولا عاد تغيبين ورده ورده
حيّ الله حورية المجلس ,, قلوووب من هنا إلى حيث تقطن فرووصه
الله يعين على سرقة السيارات , الوضع مزري جداً . وكان الله في عون المواطنين ,,
أما المرور !! .. , فيبدو أن مسألة الإرهاب قد أخذت كل الجهود !! , وتُرك الحبل على الغارب في المواضيع الأخرى ,, كما أن بعض من ينتسبون " للشرطة " للأسف الشديد قد يقبضون على المجرمين ولكن يتم الإفراج عنهم وتجاهلهم مقابل أن يسلم المجرم نفسه لهم ليقوموا معهم بتصرفات لا أخلاقية منحرفة !!
إقتباس
في نفس المكالمه ذكر له الشرطي سالفه رجال شايل أهله بالسيارة
وتجمهروا عليه شله شباب وحدوه الين خلوه يوقف وهجموا عليهم
وهو مقفل بيبان سيارته كسروا القزاز وطلبوا جوالاتهم واللي معهم
حسبنا الله ونعم الوكيل
لا ألوم والدتي عندما قالت يجب أن نشتري صاعق كهربائي ( اظن هكذا اسمه) ونحصل على تصريح له يرافقنا أينما ذهبنا
أخذنا نضحك عليها ونقول .. لو أنك تشاهدين الأفلام لقلنا بأنك متأثرة بما يدور فيها ,
ولكنها قالت : بأن البلد لم يعد بها آمان .. ونحن نقضي أغلب أمورنا مع السائق !!
وحينما يأتي من يوقفنا في منتصف الطريق !! , ماذا سيفعل هذا السائق !! .. سنجده قد ولّ هارباً , وقد تركنا نلاقي مصيرنا مع المجرمين نجاهدهم بلا سلاح , يجد أن نعد العدة قبل أن نقع كما وقع الآخرون ونلاقي مصيرهم . فما أكثر القصص التي أصبحنا نسمع عنها في رياضنا الحبيب حول هذه الأمور ,
فروصة موضوع شيق جداً وبأسلوب لا يتقنه إلا انتِ .. وحفظ الله لنا سياراتنا وسيارات الجميع من السرق والنهب ,
ماشاء الله فلم اكشن صاير ببيت جدتك الله يكفينا شر السرقاااااااات هالاياام امي تقول واحد نعرفه شاب بثالث ثانوي مسكووه شله وهددوه بـ سلاح (ساطوره ) واخذو الجوال والمحفظه حقته عسى ماشرررر وين احنا فيه وش هالعصاباااات البلد مافيها امان والله اول نخاف على الصغااار الحين حتى الكبارر صاروو يهددونهم باسلحه وعصاباااات
الله يكفينا شرهم
والله صررت اخاف من ظلي بسبب هالحراميه والعصابه والخطف والسرقه مشكله بلد مسلم وهالسرقه من عيالنا منا وفينا شي يحز بالنفس والله ياليت من وظفهم وفكنا من غثاهم
وسالفه ثانيه مدري من قالهاا يمكن احد البنات الي هنا رجال بعياله وقفوووه وكسروووا زجاج السياره واخذوووا جولاتهم ياعميري الرجال مقفل عليه هو وعياله كسرووا السياره
الحال عندنا صعب والله هالايااام الاماااااااااااااان انعدم والله صرنا نخاف من عيال ديرتنا
الحين مستغربه من سرقه سيارااات مدري وش يسمونها الله يصلحتس سرقووا اوادم مثلنا ماتبينهم يسرقون سياراااات وجوالاات
الى هنااا وراسي صدع مانمـــت من امس
الى ذلك الحين تقبلي محبتي وتقديري >>>>النوووم جايب عمايله
اذا فيه اخطا املائيه او كلام غبي اتمنى من المشرف التحرير لاني مدري كيف كتبت هالرد تراني نايمه
تنسيقك ورده يعطيك العافيه على هالمووضوووع المتكامل وعودا حميداا
..!
..!
<< ماعنـدها شي تقولـه 
خوالك ماشاء الله اشوى انتس علمتينا مانسرقهم ياخيييه يحجرون للواحد ويلاحقونه 
مهزلة واقع أمننا , ولكن ( وش السواة ) !؟ 
وفلك المليون
عندنا في القصيم طافين الشباب ينطلون ( جنوط المرسيدس ) 
> ماعنده الا قوه وهياط 
هلا وغلا والله 
موب 3 ايام 
ومن قدام الفله بعد
الوضع العادي
