مستوى الانتر امس ,, جعلني استغرررب انه متصدر الدوري الايطالي ,,

يعطيك العآآآآفيه يالغلا ,,

إقتباس للأسف انتظرنا المباراة بفارغ الصبر ....ولكن النهاية !!؟؟ أنا ما أمانع انهزم بـ 2 لكن بشجاعه !! مدرب داخل بيدافع 90 دقيقة !! هل هذا يعقل؟ نعم أنت في الـ آنفليد رود ... لكن لديك هجوم ناري ... يا مانشيني أنت و فريقك أكبر من إنك تتدافع والله !! أنا ما أقول مستحيل إنك تعدل النتيجة في الإياب ... لكنك ستلعب مع مدرب و فريق لديه الخبرة لكي يحافظ على النتيجة .. أنا أعتقد إن مهمة الإياب أشبه بالمستحيله !! .. ولكن أملنا لن يأتي إلا بالروح العاليه و التكتيك المطلوب للتأهل .. - خافيير زانتي ... كبير كبير كبير .. - فييرا ... حرام عليه يورو واحد على هالروح الميته المشكلة إنه دائما كذا مع الانتر ... خيب ظن الجميع فيه للأسف... - إبرا ... لاتلام و أنت تلعب وسط ومهاجم و في بعض الأحيان مدافع ... و 90 دقيقه ناشب فيك لاعب اسمه كاريقر ... - ماترازي ... حسبي الله على اللي كان السبب ... يسمعون باللعب الرجولي ... والله إنك رجل ... و اللي اسمه توريس صحيح إنه "نينو" ... نار في صدري أتمنى إنها تخمد في الإياب ... المشكلة إننا بنستنى لمدة ثلاث أسابيع ... الله يعين وقفة احترام وتقدير مع هدف جيرارد !! رائع يا ستيفي .. لك تحياتي ،، أبومحمد - سديراوي

سديراوي يكفي إنك إنتراوي ..
ردك جميل جدا وصفت المباراهـ بـ كم سطـر ..

جميل جــداً ..ورده

إقتباس الانتر فريق قوي وبطل وجدير بالاحترام لكن لسوء حظه انه يقابل فريق يسمى ليفربول وفي قلعة الانفيلد لا تتوقع اخي اكثر من اللي حدث بالامس ولنا مع لقاء الاياب حكايه اخرى .. دمت بـود

نقول إن شاء الله يتغير شيء بالاياب
وبالامس ماهي إلا ظروف مباراه ..

تحيتي لك ورده

إقتباس معليش يافهد ، مانشيني هو المسؤول الاول عن هذه الخسـارهـ .. امس الانتر مثل اسكولي وليفورنو ، دفاع بحت ، ليش يامانشيني ليش .. صدقني هالدرج هو البلى ،وهو سبب الخسارهـ اضافـه الى الطـرد .. ولكن فيه فرصه بالاياب ،،

سعد لا والله لايلام مانشيو ..
يآآخي تسمي ستانكو لاعب والا إبرا اللي كان يتمشى بالملعب والا طرد ماتيرازي
والا خروج كوردوبا مصاب وخلاكم تعتمدون على اللاعب الكمخه " بورديسو "
كمبياسو كان غايب بعد عن جو المباراهـ ..
ومن ناحية الدفاع صدقني لابد إنه يسوي كذا أجل تبيه يلعب مهاجم وهو ناقص لاعب على أرض الليفر .؟؟!!!

سعـد .. هين إن خليتك في الرابطه

إقتباس الله يكون في عونكم مشكلتكم هي وحدة انكم قابلتو الليفر لا تتكلم عن لاعبين عن نجوم عن ارض عن مدرب دع هذا جانباً وتذكر ان الليفر هو من كان خصمكم احترم الانتر فريق كبير ونجووم وله عشاقه بس الليفر في ابطال اوروبا ما يرحم

في عون الجميع إن شاء الله ..
والليفر أمس هذا مستواهـ ..؟!
إذا كان هذا مستواهـ أجل لازم يخاف من إشلبيليه ..

يعطيك العافيه ..

إقتباس الـchampoins له اهله وله ناسه . هالبطوله تعتمد ع الحظ و حكنه مدرب . شفنا ميلآن الموسم اللي راح كان زيرو ع الشمال في الدوري لكن في الـchampions فريق اخر ..والدليل مع المان . مانشيني // آنت افضل ربـآن لسفينه النيرو زوري لكن بهاللعيبه ماتقدر تبدع الا بالدوري ابرا كل يوم يأكد انه لآعب مفلس يعني ما عنده الا كم تسحيبه على دقه كعب ومن هالقبيل ننتظر عوده ادريانو وقدوم صانع العاب بحجم ريكيلمي عووووووووووووووووووووووووافي

حلوه نظريتك ..
وفعلا مانشيو امس خذلوهـ كثيييير .
وسوا اللي عليه بس السيئه الوحيده الإبقاء على ستانكوو يقلب سيقانه بالملعب ..

الله يعافيك يالغالي ..

هالبطوله تعتمد ع الحظ و حكنه مدرب
.
شفنا ميلآن الموسم اللي راح كان زيرو ع الشمال في الدوري
لكن في الـchampions فريق اخر ..والدليل مع المان
.
مانشيني
//
آنت افضل ربـآن لسفينه النيرو زوري

لكن بهاللعيبه ماتقدر تبدع الا بالدوري

عشان كذى انا ميلاني وقت الشده يكونون قدهاااااااااااااا

الانتر دايما في المباريات الحاسمه يضيع

بالتوفيق لهم جميعاااااااااااااااااااا في السانسيروو

إقتباس الرسالة الأصلية كتبت بواسطة ولد الزعيم البار فيه فرق بين فريق دوري ومتصدر وفرق بين فريق لعبته التشامبيونز ليق الانتر البارح هو الانتر وش تغير فيه لكن في الدوري قوي وفي الابطال بان مستواه الحقيقي امام الريدز فريق خائف متراجع حتى في الكورنر 10 لاعبين من النتر داخل الـــ18 والشوط الثاني ولاهجمه مرتده صح انا اشوف ان الانتر كسب انه خسر بهذي النتيجه والا ان كان بتصير علوم لو جت نص الفرص اللي ضاعت على الريدز والبلنتي اللي على فييرا الاعمى يدري انه بلنتي شكرا لك

الله و اكبر نسينا ما كلينا ... فريقك زعيم اوربا كم جاب 2 ...مثل الانتر

و اخر من يتكلم عن الليفر انتم نسيت في سنة الكالشيو بولي او الي قبلها لعبوا فيكم و طلعوكم

و التشكيلة كانت خرافية و الادهى من كذا المدرب كان كابيلو موب مانشيني

على العموم الطرد اثر و لنا لقاء في الاياب

إقتباس انتر +دوري الابطال= 0 معادلة معروفة العام الماضي فلنسيا والحين ليفربول بدل ما تحرق اعصابك كنت تشجع حتى اشبيلية كان ممكن يسوي شي

أنا من اليوم ورايح فريقي سدوس ..
عشان اريح راسي من المباريات وغثاها
تحيتي لك ..

إقتباس سحقاً لبعض المشاركات الهابطه ..!! فهد موضوعك جميل جدا . ونقاطك رائعه ولو اني ختلف معك اختلاف بسيط في بعضها خذلنا كثيرا في الذهاب والوعد في الاياب واذا لم نتحصل على الفوز فيكفينا الدوري تحياتي

ردكـ جميل ولاتشغل بالك بالردود التي تمثل صاحبها فقط ..
سعود ضع نفسك في مكاني ستكتب أعظم مما كتبت أنا حال الفريق البارحه محير ..

سعود

إقتباس انا لا ارى ان الانتر ضعيف اوروبيا بالعكس هو يتصدر اقوى دوري, لكن حاله مثل ارسنال ويونايتد وغيرهم, يريدون ان يكسبوا جميع البطولات في الموسم وهذا خطأ فادح. الميلان يركز على بطولة واحدة فقط لذلك يحرص عليها اكثر وبالتالي مجهوده يكون في القمة ويترك السباق في باقي البطولات. وكذلك ليفربول. بطولة دوري الابطال لم تعد كما كانت سهلة من قبل ولكن اصبحت بطولة مستقلة ومعقدة لا بد لاحرازها التضحية بالبطولات المحلية اولا. لنتخيل ان الانتر هو رابع الكالتشيو ويركز هذا الموسم على التشامبيونز ويلعب في الكالتشيو بنصف طاقته. حتما سيكون قريبا من اللقب مثل ميلان والليفر.

مافيه فريق يلعب لـ أجل بطوله واحده فقط ..
كل الفرق تلعب على جميع الجبهات وتريد حصد جميع بطولاتها البعض يخفق من البدايه فيركز على غيرها ..
الإنتر أثق فيه وفي لاعبيه لكن ماحدث بالامس محير لـ كل إنتراوي ..

شاكر لك مرورك ورده

إقتباس هااااردلك الهــــزيمة اخــوي والليفر بطل اليوم وانتر تعباااان ومثل ماقلت ضيــف شرف ويعيطك الف عاافيه

فعلا الإنتر لم يقدم شيء يشفع له
يعطيك العافيه على مرورك

تحيتي

إقتباس الانتر وضعة في دوري الابطال محير جداً؟؟؟؟؟ فريق ليس له شخصية على المستوى الأوربي عكس الدوري الايطالي مع العلم أن الفريق يعتبار من حيث العناصر من أقوى الفرق في العالم وفريق متكامل بمعنى الحراسة ممتاز والدفاع والوسط والهجوم أيضا ممتاز ولديه دكة بدلاء لا توجد في أي فريق, ومع ذلك لم يتسطع حتى الآن أن يفرض شخصيتها الأوربية. أسباب الهزيمة ربما تكون من وجهة نظري : 1- المدرب مانشيني , ليس لديه الخبرة الكافية لتعامل مع مثل هذه المباريات والضغوط المصاحبة لها ...يخاف كثيرا ولا يجازف. 2- الاعب على أكثر من جهة فالانتر يلعب على الدوري والكأس ودوري الأبطال وهذا يؤدي إلى تشتت الاعبين وعدم التركيز بالإضافة إلى الإرهاق لدى الاعبين خاصة فلي مراحل الحسم. 3- مقابلة الليفر, فريق لليفربول فريقب عريق جداً وله خبرة طويلة جداً في دوري الأبطال, ويتملك مدرب تعود على أجواء مباريات خروج المغلوب واللعب تحت الضغط.

لااتفق معك في النقطه الأخيرهـ ..
ليس بقوة ليفربول خسر الإنتر قلتها مسبقا ظروف المباراه غيرت الكثير من مجراها
ليفربول لم يكن خارق في المباراه حتى إستحق الفوز الا لـ سوء الإنتر ,,

شراً لـ طلتك