أولاً ألف مبروك الفوز لجميع الهلاليين
وثانياًسمعت تصريح رئيس نادي الهلال الأمير محمد بن فيصل عن اللاعب مسفر القحطاني
وأثنى الأمير على مسفر ويبدوا أنه مانسى التتش اللي حصل بينهم بعد مباراة الهلال والاتحاد الموسم
الفائت أو اللي قبله ما اتذكر بالظبط ويبدو أن الأمير يحاول تلميع اللاعب مسفر على حساب نادينا الموقر حيث قال الاتحاد غلط وفرط في مسفر وحنا كسبناه وأتوقع أن مسفر غلطة فعلاً في تاريخ التعاقدات الهلالية مع احترامي الشديد له ولمستواه المتواضع
لعب مسفر ولم يقدم مايشفع له بالبقاء في الفريق وملينا من اسطوانته (( هذا مهوب مستواي وبتشوفون مستواي قريب)) في كل لقاء له ومدري متى بنشوف مستواه يمكن إذا ضيعنا كل البطولات أو إذا أنتهى الموسم!!
وعلى العموم هو لاعب عادي وأقولها بالفم المليان هو ليس طموح الزعيم لكن يبدو أن السبب في تسجيله ولعبه للهلال هو رد على انتقال الدوخي وياللأسف لو كان هذا تفكير الرئيس
أما لاعب المكاشيت ماجد المرشدي فوالله أن الله ستر علينا وكفانا تبعات غلطاته اللي ماتغتفر
لاعب دفاع لايمكن يمرر ويترك الكورة تمشي للوسط ولايسمح لبناء الهجمة أن يبدأ من وسط الملعب وكل لعبه طقها والحقها وصدقوني تعبنا من غلطاته اللي تذبح نادينا بتسريح المفرج وشكلنا طحنا بمفرج ثاني(( الله يذكره بالخير ويعافية))
فعلاً اللاعب ماجد المرشدي إمكانياته والله أقل بكثير من انه يمثل الهلال وياليت المدرب يعتمد على الله سبحانه ثم على الهليل ولو رجعنا للهليل أول ماجاء راح نشوف أنه كان مميز مع الفريق الألومبي سابقاً وحالياً.
عموماً اليوم ستر الله وتوفقنا بتوفيق ربي لكن إذا بغينا كسب البطولات لابد أن يكون عندنا لاعبين على شاكلة ياسر وتفاريز والتايب والشلهوب والا لننسى البطولات بوجود اللاعب الغلطة ولاعب المكاشيت.
تحياتي لكم
الوضع الشجري
