كل واحد يقول وش صار فية بعد هدف مالك - صفحة رقم 15 - نادي الهلال السعودي - شبكة الزعيم

ملك سانسيرو · #1 19/02/2008, 01:03 AM

والله اني مرررررررررة قلبي قعد يدق بقوة

قلت خلاص الدوري طار ... بس الحمد لله هدف ياسر طيرني من الفرحة

رحت عانقت ولد خالتي اللي ماله خص بالكوره وعطيته هديه بعد هههههههه

النمر@الهلالي · #2 19/02/2008, 12:15 PM

يوم جاء هدف مالك ضاقت نفسيتي وزقت الأخلاق

بس يوم جاء هدف ياسر وش أقول ماأقدر أوصف لك فرحتي

سامي 9 أموت وأحيابه · #3 19/02/2008, 01:03 AM

انا شفت المباراة الى هدف مالك وبعدين خذيت شنطتي وطلعت من الشقه ابروح الجامعه عندي محاضره والدنيا فوق راسي ...............

شوي الا اسمع صيحات الشباب من الدريشه قبل ما اركب السياره واصيح انا معهم وانا متوقع والله ان الهلال راح يجيب هدف..... ويبشرني خويي الحمد لله وياسر ما خيب املنا ......

الشاهد في الموضوع اني وصلت متأخر شوي وتسألني المدرسة ليش متأخر ترى غيبتك .....طبعا صدمتني
قلت لها كنت اشوف مباراة الهلال الله يعافيك... والله العظيم بعدها قال اوكي وحضرتني ....

يا لبى قلبك ياهلال

اسطوره سامي · #4 19/02/2008, 01:06 AM

والله يا جتني صدمه << كن واحد كاب عليك مويه بارده وانت نايم

وطبعنا اخواني نفس احساسي
ما غير انا ادعي واخواني يدعوون
بســ كان عندي احساس اننا نبي نجيب الهدف الثاني

بســ لا تقوولي وش صار بعد هدف ياسر<< فرحه هستريه .. ولد اختي الصغير قام مفزووع من المخبل الي عنده

a l g n a s · #5 19/02/2008, 01:10 AM

ورب الكعبه اني حاس ان ياسر يبي يرد على اللي عندي ((ينتقدونه)) وانا ادافع لين هدف مالك وبعدها سكت قلت بيني وبين نفسي ان شاء الله يبي يجيب ياسر هدف ويسكتهم ويكمل عدم خسارة الهلال خارج ارضه والحمدلله صدق احساسي ((مع اني ماانتبهت للوقت الا بعد الهدف))

ebda3club · #6 19/02/2008, 01:13 AM

انا موااااااااااصل من الليل والصبح كله لعيون المباراة يوم جاء المغرب طحت مثل الميت ونمممممت نومه عميقه

واقوم متوووووووووووتر وافتح الكمبيوتر اشوف النت خربان تعذبت وانهبلت لين عرفت النتيجه

دمي أزرق&أبيض · #7 19/02/2008, 01:17 AM

الدمعه في المقلتين <<< ؟؟

ههههههههههههههههههه
على العموم مبرووووووووووك الفوز

@هلالي ومريح بالي@ · #8 19/02/2008, 01:20 AM

والله أنا وإخواني الستة كلنا هلاليين

يوم جاء الهدف قعدنا نطالع في بعض

كل واحد يدور واحد عشان يصفقه

بس أبو قحط خلانا نفرح مرة وحدة

حتى الوالدة خافت من الصراخ

القناص طارق هنري · #9 19/02/2008, 01:20 AM

اه بس انا قلت الدوري للاتحاد والهلال لايفك بالدوري بس مسكت الجوال وعضيته ومفكيته الا يوم جاب ياسر قوووووووووووول الشكر لك يارب

alz3eem 2008 · #10 19/02/2008, 01:21 AM

اقسم باالله انا وربعي نناضر بعض وحنا ميتين من الضحك
من اللللللللحس وش السالفه
كل شوي نقول خلاص الدوري ضااااااااع والعقبال ولي العهد
الا ويجي ابو سعيد وياليته ماجا اااااااااااااااااااااه يابو سعيد قسم بلله اول مره دمع عيني ب3 نقاط من جد
المباراه تقهر حظ في حظ

كاريرا · #11 19/02/2008, 01:24 AM

والله كنت جالس لحالي بالغرفه لما جا الهدف بلمت شوي مني مصدق لما ايدي تلقائيا قعدت تصفق

تأكدت ان الهلال جاب هدف وشكرت الله

s0saka · #12 19/02/2008, 01:29 AM

أنا بغيت اصفق نفسي لاني قبل الهدف كنت اقول لأهلي تخييلوا يجيبون التعادل ما أمداني اخلص الا وقوووووووووووووول <<<قلت ياليتني ما تكلمت
بس أشوووى الحمد لله عدلها أبو سعيد الله لا يخلينا ...

بـدر الـهـلالـي · #13 19/02/2008, 01:29 AM

أنا قلت خلااااااااااااص الدوري إتحادي

لكن القناص خيب ظني

هلالي غير !! · #14 19/02/2008, 01:33 AM

انا ولعت طرت من مكاني ماني مصدق خلاص مابقى شي على النهايه ..

وطرت اكثر بهدف ياسر تخربطت نسيت النتيجه بس تذكرت اننا تقدمنا عليهم

عاد الي معي كلهم نصراويين طبعاً انواع الحزن كن الهدف عليهم تقلبت وجيههم

ابو الهنوووف · #15 19/02/2008, 01:43 AM

ابد والله اذكر ان كان بيدي بياله نعناع بعدين مدرين وين راحت
لقيتها منكسرره بس الحمدلله ابو سعيد دايم يسعدنا......