عشان كذا الناس اللي يروحوا برا لبريطانيا وامريكا وطقتها ما يرجعو خاصة
الدكاتره واصحاب المؤهلات القويه
يعني مثلا انا دكتور < يقول مثلا
يجيني جندي ينفخ علي ويهينني -

وهذا الشيء انا اعتبره طبيعي لان العسكري عندنا ينهان في عمله من يوم يدخل
الدوره لين يتقاعد فطبيعي يحط حرته فيك وفي غيرك !

مرحبا وليد القحطاني وفي رواية ماجد النعيمي

إقتباس الرسالة الأصلية كتبت بواسطة أبو فيصل الرحيمي ملاحظة : بعد 4 شهور إن الله أحيانا وأحياك وتخرجت من الثانوي ورحت تقدم تعال قلي كيف موظفين الجامعات

أعوذ بالله من سلوكهم الشين
أنا عانيت من موظفين الكلية وتهاوشت معاهم مرتين
حسبي الله عليهم لا أخلاق ولا احترام للطلاب

بالنسبة للمرور تراهم شايفين نفسهم على الفاضي
ونفس الحال مع موظفين الدوائر الحكومية
إلا من رحم ربي

والله حالهـــ . . . .

يوزر موقفـــ...

ومخالفـــهــ....

اتوقعــ احسن لك تموتـ

لاكنــ احمد ربكــــ انت عارفــ انـ الرخصهــ عليهااا توقيفــ 24

لاكنـــــــــ من الواضحــــــــــــــــ ان عندك واو

انا بأحكيلكم موقف حصل معاي مع عسكري في جده الله لايوفقه
انا كنت في يوم في شارع معروف في جده اسمه كيلو 2 ومليان محلات زينة سيارات المهم كنت رايح اظلل قزاز السيارة
المهم والرجال شغال يركب التظليل وكان التظليل ثقيل شوي يعني كاتم مايبين شيء
الا والعسكري جاي يقول لي ليش تظلل القزاز هذا ممنوع ومخالف الانظمه لازم تشيله ولا اعطيك مخالفه
قلت حاضر خلاص اشيله الا شوي واشوفه قاعد يكتب مخالفه قلت له خلاص انا بشيله زي ماقلت
ما رد علي ولا كأني اكلمه وكتب المخالفه وعطاني المخالفه واشوفها الا الرجال كاتب ثلاث مخالفات (وقوف خاطئ -تظليل - عدم حمل رخصه ) في ورقه وحده حقدت عليه وناظرت فيه وقلت له انت ماتستحي على وجهك قام ينافخ
ويقول انت مخالف ولازم تأخذ مخالفه
انا عدت نفس الكلام انت ماتستحي على وجهك تبي تخلص الدفتر علينا يالضعوف شوف اللي حولي اللي جالسين يركبون الزينون الممنوع ماقدر يرد وتجمعوا الناس علينا وانا اصارخ
قال لي انا الحين ابي اشيلك للتوقيف لكن واحد من اللي كان موجودين سحبني على جنب وهدئ الموضوع ومشيت وانا ادعي عليه الى اليوم

لاهنتوا ع المرور . . .

المخالفة إذا كان اسمها وقوف مزدوج فإنه بـ 500 ريال الظاهر
اللي يقول ان النظام يحجز اللي ما معه رخصه غلطان يا بابا أنا لي 3 سنين أسوق بدون رخصه ولا عمري شرطي قالي أبحجزك ولا المفروض أحجزك
شوفوا يا شباب أي واحد تلحقه سيارة مرور (مو شرطه) أو مرور سري حط رجلك و لا عليك لأنه لو وقفك يدور عليك أي شي عشان يحجز الموتر

هلا اخوي وليد والله في ناس ماتسوى التالية من الغنم مثل في واحد ساكن عندنا بالحارة كانو بالرياض وابوه قطع الاشارة المهم وقفه العسكر وتكلم على ابوه قاله انت غبي والا اعمى ماتشوف الاشارة الولد سار معه دانه 1 بالتاكوندو وفقع وجه العسكري لين قال خالتي العنز والعسكري شالوه بالاسعاف والولد حكمو عليه 5 سنوات والله حرام والعسكري ماحكمو عليه بشي

لاتذكرني بالمخالفاات تكفى
توني مسدد 4900 ريال .. والله راتب مدير

كله لعيون الرخصه بس .. بس الحمد لله طلعتها ( اي تفتيش اروحله على طول ) صرت ادور التفاتيش .. ابن امهم يلقون علي شيء غلط

حزام رابطه
سرعه مااتعدى 100 حتى على طريق ديراب ( الفواز )
رخصه موجوده والحمد لله
استماره موجوده
تضليله ( مافي تضليله ) مع ان الشمس على الضهر حاره
حتى الشمعات والاشاراة حقت السياره كلها ميه ميه
اثبات موجود ( لا ومطلعلي من الجديد لرابع مره على التوالــي ) انواع التحقيق لاكن طلعنااه
المساحات شغاالـــه ( مع ان المطر مايجينا الى مره وحده بالسنه ) لاكن المساحات على شان نمسح التراااب الي يجي على القزااز ( العالم مطر واحنا ترااب ) الله يرزقنا

شكرا على الموضووع .. وترى المخالفه 100 رياال << خبرة مخالفااات

شباب نصيحه لكم ..

حتى لو غلط عليك الشرطي ..

لا ترد عليه وكلمـه بآحترام لأن اذا رديت عليه بـ يمسك بتهمـة الاعتداء على رجل آمن ..

فـ هذي نصيحه مني لكم ..

وأنا والله صارت لي مواقف كثيره مع رجال الأمن ..

فيه بعضهم آبداً غير محترمين وكأنهم مادرسوا ولا تعلموا الاحترام .. ولا تربوا ..

مااتوقع انك قلت للعسكري لاتنفخ .. يامهايطي

شوف بعض العساكر تجيهم بأبتسامه يجونك بأبتسامه ويمشون أمورك..

مثلاً قبل أمس كنت رايح لمقهى فجأه طحت تفتيش وانا ماربطت الحزام ..

يقالي ذيب ربطت الحزام وانا واقف عند النقطه وجاني العسكري قال ماشاء الله نظامي يقولها وهو يضحك

رديت عليه قلت والله توني رابط الحزام ومشاني ..

لكن فيه بعض العساكر قليله فيه كلمة نذل ومعروفين ( ) يدور عليك المخالفه من تحت الارض..

واذا تبي نصيحتي مثل هالنوعيه خلك ذيب عليهم تمسكن عندهم يعني خلك مسكين .. بس أهم شي لايعطيك مخالفه

والله فيه مواقف كثيره مع العساكر وفيه مواقف مااقدر اقولها اخاف تضحكون علي

^
^
مااصدق اني كتبت كل هذا

يارجال ذولي محشورين
عادتصدق امس في نقطة تفتيش في الطائف وانا طالع من الدوام ( واحد ناوي يفضحهم )
قال لي رخصة واستمارة اعطيته المطلوب الرخصة منتهيه
ناقشته المخالفة ماتستاهل وانا ناوي اجدد منتهيه لها 18 يوم تدرون وش قال لي
قمة السخافة والسذاجة حنا ماتغدينا !!!!!!
قلت له طيب وش المطلوب التزم الصمت
الحمدلله على نعمة العقل وفن التعامل فعلاً لايوجد لديهم اساسيات التعامل مع الاخرين

الله يهديك يا ماجد المفروض تحترم العسكري



والله يعينك يا ماجد .. والله العسكر فيه محترمين وفيه لا

إقتباس الرسالة الأصلية كتبت بواسطة الزيرابوعزيز وش ذا الدلع والدلال <<<قصدي من العسكري ياخوك لو انا مكانه ضفيتك بخلاقينك للحجز وما تطلع الا بتسديد جميع المخالفات وتجلس 18 ساعة <<<<محجوز على شان رخصة نظاما يحجزك على شان الرخصة بس هالعسكري الصراحة باله طويل شكلك ماجربت العسكر زين <<<<< متلوووع منهم 13 سنة قيادة سيارات حول المملكة اجل تقوله ما احترمتك الا عشان البدلة <<<ياكثر ما تنقال هالكلمة <<يعني العسكر يرتفع ضغطهم منها <<<يعني انتبه لا تعودها وتقولها لواحد ثاني <<<اسئل خبير حجز الناصرية ابو عزيز جعلك ما تجرب عسكر مكة <<<منتهى الاخلاق والاريحية <<<يحطونك بالحجز وهم بالطريق يوقفون عند باسكن روبنز ويشترون لك ايس كريم <<يعني حجز بارد <<ماله دخل

صـــــــــــــــــــــــــــــــــــــــــــــــــــــدقــــــــــــــــــــــــــــــت

يارجال اقسم بالله مااعطيه وجه ابد احرك له راسي ولا ارد عليه اخذ المخالفة ومع السلامة لانه هذولي مايعرفون يتعاملون مع الناس

هذا الموقف صار لي قبل شهرين جاه بلاغ على لومينا وانا سيارتي بعيدة كل البعد عن الومينا والامريكي كله المهم قالي وقف ياراعي الومينا نزلت له وقلت اي لومينا قالي سيارتك قلت له مهيب لومينا قالي والله ماعرفهاااا فقالي اشتباه اشتباه
فلا تهتم وانا اخوك.