ادفع 100ريال لتشاهد هلال غير - نادي الهلال السعودي - شبكة الزعيم

طلال المحمدي · #1 12/03/2002, 11:49 PM

السالفه احبابي صغيره ومهمه
تخيل لو دفع كل هلالي مبلغ 100ريال كل سنه مقابل مشاهد هلال غير بنجوم
عالميين وحاجه ترفع الراس
تخيل كم مشجع هلالي نفترض 500000مشجع
نجي نحسبها:
100*500000=50000000
يعني خمسين مليون ريال سعودي اعتقد مبلغ مو بسيط يسوي شي
والمفروض مو نشجع وبس لازم نساهم ولو عملت المساهمه باسهم اسميه
بهذه المساهمه ندعم حبنا الزعيم ونشيل شي قليل عن كاهل اعضاء الشرف
ونصبح كلنا اعضاء في الهلال
نعم الهلال بحاجه للمال اكثر من الصراخ والزعيق في الملعب
لا تقول بحاجه لمسانده في الملعب الفلوس تجيب نجوم فوق العاده ونشوف
وبعدين التشجيع
واعتقد 100ريال مبلغ بسيط جدا في متناول الجميع

مارايكم نبد بالفكره نطورها بارائكم لتصبح فكرة الزعماء لزعامه

فضلا ضع رايك مهما يكون مولم او مشجع

أبـو هـيـا · #2 13/03/2002, 12:01 AM

يا طلال الله يهديك لا تنحش اعضاء الشرف اذا كان لهم يوزرات .. ترى 100 ريال واجدة !!!

طلال المحمدي · #3 13/03/2002, 12:13 AM

في السنه واجده والله تصرفها على شراء الجزيره شهر

أبـو هـيـا · #4 13/03/2002, 12:24 AM

هههههههه

انا امزح ياطلال

.. انا اقول اعضاء شرف الهلال اللي ما يدعمون راح ينحاشون من المنتدى

بعدين انا ما اشتري الجزيرة اقراها على النت

سور الصين · #5 13/03/2002, 12:31 AM

الغالي طلال
100 بس !!
بسيطة !!
ماعليش مستعدين ندفع !!!
لكن وش يظمن لنا إن الفلوس ماتروح للاعبين مزورين مثل مارتنيز وإلا لاعبين عجزة مثل أدميلسون وإلا للتجارب ودفع العمولات !!
لا والخوف إنها تروح لإحياء السهرات بالبرازيل وباريس !!
أول شيء عطنا إدارة صح وبعدين نفكر بالدفع !!
لكن صدقني يوم الإدارات مضبوطة وهم مشين أمورهم ولا أحتاجو للجمهور !!
تحياتي

طلال المحمدي · #6 13/03/2002, 12:44 AM

الاستاذ العزيز والغالي جدا سور الصين

فيه مثل قديم عندنا يقول( مد رجليك على قد لحافك)
وعند ما يكون في الخينه 50 مليون ريال حتتكلم الفلوس
والاعبون العالميون سعرهم معروف
عندك 50 مليون اطقها منها في ذاك الونيت قصدي ذاك الاعب من فئة A
وترتاح من الخمه والضحك علينا

اما عزيزي من ناحية الصرف على السياحه
فالامر يلزم اداره ناجحه تضع نظام محاسبي ما يخر الميه
وتشوف بعدين

بدران · #7 13/03/2002, 01:17 AM

شكرا اخ طلال
بس سبق وان طرح الموضوع كم مره ولكن مافيه استجابه من احد بس اذا كان عندك تنظيم معين يا ليت تطرحه ويتم النقاش فيه (بجديه)
والله انك صادق ياقاهرهم تصدق اني دفع للهلال اكثر من اعضاء الشرف لانه من ثلاثين سنه ما فات علىاي مباره غير منقوله.(وهم يدخلون بلاش)

السلطاني · #8 13/03/2002, 01:40 AM

والله فكرة ممتازه جدا

ولو طبقت بعد ثلاث سنين راح نشترى زيدان

اقتراح مهم جدا جدا

الزعيم الأبن · #9 13/03/2002, 06:06 AM

كلام حلو و لكن من يتبنى ذلك و ماهي الخطوات العملية لذلك

طلال المحمدي · #10 13/03/2002, 07:49 PM

يا الزعيم الابن
انا على استعداد ان اتبني ذلك على النت لاني بعيد شوي
من الرياض
اما حبيبي بدران
الموضوع بسيط
نعمل مكتب للزعيم في كل منطقه في المملكه وانا على استعداد التعاون
مع النادي في منطقة عسير
ويتم عمل بطاقات لكل مساهم ويمكن ان تكون بدرجات
يعني A>>>>B>>>>>>>C ..............الخ
ونشوف كيف النتيجه

هلا هلالي · #11 13/03/2002, 08:04 PM

انا مستعد ادفع الف ريال بس((تكون رئيس الزعيم ))بالانتخاب
او على الاقل شخصيه موثوق فيها
وسلامي.....

زين الوصايف · #12 13/03/2002, 08:51 PM

والله هالفكره روووعه ( دايم نقولها )

بس وين التنفيذ

شرشبيل · #13 13/03/2002, 09:32 PM

والله فكرة أكثر من رائعة لكن أنت الآن ياطلال بدأتها بشكل مقالة ليه ماننتقل لحاجة اسمها التطبيق الفعلي للاقتراح
بس فكرة مسكتة والله يصير نادينا يلعب بالفلوس لعب

شمروخ 202 · #14 13/03/2002, 10:27 PM

الفكره حلوه خاصتنا انه رايح يستفيد منها جميع العاب النادي وخصوصا كرةالقدم لكن يبغالها تنظيم في طريقة صرف المبالغ وشراء لاعبين مفيدين سواء محليين او عالميين

شبح15 · #15 13/03/2002, 11:31 PM

شكرا لك طلال وانا مع سور الصين وش الضمان على انها تصرف على

لاعبين مميزين وماتصرف على القحطاني والمسعري وشلتهم

حرام الراتب فيهم والجمهور ليش يدفع ومافيه احد ياخذ رايه

عن السلبيات زوالايجابيات في النادي مااحد يعطيه وجه