..][.. فريقنا فريق الـ(ـحـ)ـالمية (( يــنــدك )) بخماسية ..][.. طلّع حرتك ..][.. - نادي الهلال السعودي - شبكة الزعيم

S U L A I M A N · #1 15/02/2008, 07:52 AM

أبو طلال يحق لك .. من يحصل له يفوز على العالميه خمسه

ايه ذب علينا ذب يالله

الكلاسيكي · #2 15/02/2008, 09:10 AM

<< جاي يتريق ترا

اولاً : بسم الله الرحمن الرحيم ..

وثانياً .. قم بس قم ..

الجد .. احب اقول لكم هاردلك .. والجايات اكثر .. وماقصرتوا بس الكوره كذا فوز وخساره . .
تقبلوها بروح رياضيه .. لا تهاوشون .. ترا كلها مباراه وديه والله وسعة صدري .. لو تبون
نباريكم كل يوم عادي المقصد الجمعه والوناسه وشوفة الوجيه السفره

المباراة يالغالين حبـيّـه .. يعني جايين نبغى نتعرف عليكم ونشوفكم .. واول مره اشوف
سليمان .. يقول من انت قلت وش دخلك

<< نصاب على طول قلت الكلاسيكي

وقبل مابدأ اهدي الفوز .. لرئيس الفريق ابو طلال .. ولعضو الشرف الداعم الهاوي ..
ولي انا المدرب

انبح حلقي من كثر الصراخ والتوجيه

والحمد لله
توجيهاتي جنت ثمارها .. طبعاً انا من شفت اسير ورده وانا اقول شكلهم قويين

بس شفت اكسافي قلت شكلهم مهايطيه .. بس شفت حارسكم قلت شكلهم العالميه

قصدي الحالمي ..

المهم .. اولاً اقول لهلالي الجنوب بلا بكش يالبكاش .. الليزر جاي بعيني حسبي الله عليهم

هذا واحد من جمهوركم . صحيح جهورنا غفير .. بس كلهم مؤدبين ويشجعون بذمه وادب

لكن جد يااسير انك مجرم .. اجل تدخل 13 لاعب بداية الشوط الثاني .. على مين تلعبها

اما احنا نلعب بـ 12 هذي نصبة ابريل .. بالقوه تلاقون عذر يالـ نثراويه

اما الحكم انا برفع عليه دعوه قضائيه .. !!

خبرتوا وقت بدل ضائع 17 دقيقه !! جد فيه متى صارت ..لو يوم الشريده بالع خشمه ماحطوا هالوقت

عموماً فريقكم كويس بس يبي له تنظيم .. اما فريقنا والله اول مره نشوف بعض .. اللي لاعبين
هذاك اليوم احنا بثابنا الاداريين .. وكلنا 5 الى 6 اعضاء بس وصاروا احتياط

عموماً هذا الفريق رديف الرديف الرديف

عموماً فارس عرض علي عرض
وانا من غير مادرسته رديت عليه

شوفو نص العرض

إقتباس

الرسالة الأصلية كتبت بواسطة فـارس الـزعـيـم !!


	السلام عليكم .. هلا عادل كيف حالك .. وش اخبارك .. المهم ع البركه الفوز .. وعشان هالمناسبه وعشان مدربنا اسير داج ودي تجي تدرب فريقنا .. لان اسير ماوراه الا الدجه ومساعده سليمان دجه ثانيه وانا شفت توزيعك وتنظيمك للاعبين .. ماشاء الله حتى تغيراتك نجحت فيها .. ودي تدربنا .. وانا متحدي شباب المجلس اننا نتعاقد معك المباراه الجايه .. وترى عشاك علي بس تعال انتظر ردك .. عشان نعلن اقالة اسير الزعيم .. وترا تصير مشرف العالميه .. وش قلت .. انتظر ردك ؟ اخوك / خالد

وانا غير موافق .. بتاتاً البته ..

كم علشانش

يامجلسي تكلم حاقدين

المهم .. نسيت اقول ان اكسافي يتعذر بالاصابه بطل حركاتك يامحمد لطف

وابو سعود الهلالي عرفته وبدع وماقصر ..

ابعرف من هو اللي يهاوشني لاصكه انذار .. اللي لابس ميلان وطويل وجالس بجنبك ياسليمان!!
مو اكسافي غيره !! ياويله مني جايه انذار

عموماً شباب ترا اللي فوق مزح لاتاخذون بخاطركم .. والدعوه كلها للوناسه ..
واحنا راح نباريكم 10 مرات عشان نتيح الفرصه لكم تفوزون مره

بعدين انتوا من الاثنين اللي جو الشوط الثاني .. ماحد يعرفهم !! محترفين

ومع هذا فزنا .. اقول .. ركود ركود المجلس العام موجود

واستروا ع ماواجهتو .. ونتمنى لقاء افضل واجمل معكم .. ورده

تقبلوا فائق احترامي وتقديري ..
دمتم بخير ..

مدرب المجلس العام / كلاسيكو ورده

فـارس الـزعـيـم !! · #3 15/02/2008, 09:57 AM

إقتباس


	الكــلاسيكي

لالا مش ممكن مش ممكن

الإشاعات بدت تحتويني من كل صوب

اثناء المفاوضات والاتصالات المكثفه مع اسـيـ الزعيم ــر ونائبه سليمان ماتوقعت ان الملاعب السعودية فيها اشاعات قد كذا

لكن واقولها بشكل رسمي وبعد التوقيع الرسمي مع العالمية سـ أرد وأثبت على المنتقدين والنصابين في المستطيل الأخضر والميدان ياحميدان

من هنا ومن هذا المنبر الشامخ بـ أعضائه العالميين

ومواضيعهم العالمية ..

وأخلاقهم الشامخه ..

أعلن تبرأي من المجلس العام ولاأمت لهم بأي صله من اليوم ورايح

انصحكم تقفلون المجلس

دوروا واحد يمسك تغطية شاعر المليون وسالم ومحمد يلعبون كورة

شوفوا دليل النصب والتزوير

إقتباس


	انتظر ردك .. عشان نعلن اقالة اسير والزعيم ..

مشكله لاجاك واحد يبي يفقش ولايعرف

لكن يبدو بأن الفرحه بالفوز ( وهو حلم وامنيه لهم طبعاً ) ضيعت علومهم

ماتمشي ع العالمية

اكتفي بمقوله مشهوره

" صبرك يالمجلس صبرك .. العالمية بتحفر قبرك "

الكلاسيكي · #4 15/02/2008, 10:13 AM

فارس الزعيم !! ورده

اولاً : ماكنت اتوقع انك تخاف كذا والعرض حقيقي بالاثباتات والبراهين ..

ثانياً : عرضك هذا جاني عرض افضل منه من الجمهور ورفضته من اجل المجلساويه ..

ثالثاً : انت انكرت خوفاً من ان العالميين يقضبونك الباب .. وتجلس تايه بين الاقسام

رابعاً : رجع الوسام اللي سرقته

دمت بود

::: ترى مزح ياالغلا لا تاخذ بخاطرك ::

فـارس الـزعـيـم !! · #5 15/02/2008, 10:24 AM

إقتباس

الرسالة الأصلية كتبت بواسطة الكــلاسيكي


	فارس الزعيم !! ورده اولاً : ماكنت اتوقع انك تخاف كذا والعرض حقيقي بالاثباتات والبراهين .. ثانياً : عرضك هذا جاني عرض افضل منه من الجمهور ورفضته من اجل المجلساويه .. ثالثاً : انت انكرت خوفاً من ان العالميين يقضبونك الباب .. وتجلس تايه بين الاقسام رابعاً : رجع الوسام اللي سرقته دمت بود ::: ترى مزح ياالغلا لا تاخذ بخاطرك ::

لاياحبي

موب انا اللي ياخذ بخاطره

اولاً : وين اثباتاتك وبراهينك تراك بتفضح نفسك اكثر كفايه الفضيحه اللي قبل

ثانياً : مايهمني الكلام الإعلامي بقدر مايهمني الكلام على المستطيل الأخضر وان شاء الله بنجيب اخويانا حقين التغطيات عشان تجي الفضيحه والهزيمه شنيعه

ثالثاً : لاماعليك انا مسوي علاقات مع مشرفين الاقسام الثانيه ، متحري للأمر ومدبر وضعي

، ياحبني لك مازن

تبون نغطي لقسمكم صح

رابعاً : انا مـ أخذ الشي الا بإستحقاق وجدارة موب من اللعب تحت الطاولة مثل مارشيتوا الحكم

خامساً : زين رديت علينا ، العالم كلها هجدت عقب الطهبله